Josua earrosáhka
231
11,23
13,1
14,15
Lei gollan guhkes áigi das go Hearrá lei diktán Israela oažžut juohke bealde ráfi vašálaččain, ja Josua lei dál hui boaris. 2Son rávkkai lusas oppa Israela, dan vuorrasiid, oaivámuččaid, duopmáriid ja hoavddaid, ja dajai sidjiide: Mun lean dál boares olmmoš. 3
Dii lehpet ieža oaidnán maid Hearrá, din Ipmil, dagai buot dán eatnama álbmogiidda. Hearrá, din Ipmil, soađai ieš din ovddas. 4Mun lean juogadan din čearddaide opmodahkan daid eatnamiid maid álbmogiid mun duššadin Jordana oarjjabealde gitta Stuorrameara rádjái, ja maiddái daid álbmogiid eatnamiid mat vel leat báhcán. 5
5 Mos 6,19
Hearrá, din Ipmil, ieš ádjá eret ja jávkada daid álbmogiid din ovddas, nu ahte dii sáhttibehtet váldit sin eatnamiid, nugo Hearrá, din Ipmil, lea lohpidan. 6
Jos 1,7
Lehket gievrrat! Dollet visot mii lea čállojuvvon Mosesa láhkagirjái, allet gáidda das olgeš alletge gurut beallái. 7
5 Mos 11,16
Allet seahkan daidda álbmogiidda mat ain ellet din gaskkas. Allet rávkka sin ipmiliid namaid alletge vuortno daid nammii, allet bálval daid alletge rohkadala daid, 8
Jos 22,5
muhto lehket oskkáldasat Hearrái, din Ipmilii, nugo lehpet leamaš gitta dán beaivvi rádjái. 9
9,1
Jos 1,5
Am 2,9
Hearrá lea ádján din ovddas eret stuorra ja gievrras álbmogiid, iige oktage leat bihtán dis. 10
Jos 23,1
Juohkehaš din olbmáin nagada vuojehit báhtui duháha, dasgo Hearrá, din Ipmil, ieš soahtá din ovddas, nugo lea lohpidan.
11
Muitet ráhkistit Hearrá, Ipmileattet. 12
5 Mos 7,3
Jos dii jorgalehpet sus eret ja čatnasehpet daidda álbmogiidda mat leat báhcán din gaskii, ja náitaladdabehtet singuin ja seahkanehpet singuin, 13
34,12
4 Mos 33,55
5 Mos 11,17
Duop 2,3
de oažžubehtet diehtit ahte Hearrá, din Ipmil, ii šat áje daid álbmogiid din ovddas, muhto dat šaddet didjiide giellan ja gillarin, spihčán din sealgái ja biikan din čalbmái, dassážii go lehpet jávkan dán buori eatnamis maid Hearrá, din Ipmil, lea addán didjiide. 14
1 Gon 2,2
Mun ieš manan dál dan geainnu maid buot mii eallá, ferte mannat. Dii lehpet vásihan oppa váimmus ja oppa sielus ahte ii mihkkege leat šaddan duššin buot dain buriin maid Hearrá, din Ipmil, lea lohpidan didjiide. Buot lea ollašuvvan, ii mihkkege leat šaddan duššin. 15
5 Mos 28,15eč
Muhto nugo leat ollašuvvan buot dat buorit áššit maid Hearrá, din Ipmil, lohpidii didjiide, nu maiddái Hearrá, din Ipmil, diktá ollašuvvat buot áitagiiddis, dassážii go lea jávkadan din dán buori eatnamis maid son lea addán didjiide. 16
8,19
1 Gon 9,6č
2 Muit 7,19č
Jos dii rihkkubehtet dan lihtu maid Hearrá, din Ipmil, lea gohččon din doallat, ja bálvališgoahtibehtet ja rohkadallagoahtibehtet eará ipmiliid, de Hearrá moaráhuvvá didjiide, ja dii jávkabehtet fargga dán buori eatnamis maid son lea addán didjiide.