Davvisámegiel Biibbal 2019 (Biibbal)
20

Dorvogávpogat

201Hearrá celkkii Josuai:

2

20,2
2 Mos 21,13
4 Mos 35,9eč
5 Mos 19,1eč
Gohčo israellaččaid válljet dorvogávpogiid, nugo mun sárdnon didjiide Mosesa bokte. 3
20,3
4 Mos 35,22eč
Dakkár gávpogii olmmošgoddi sáhttá báhtarit, jos son lea goddán olbmo vahágis dahje dáhtokeahttá. Dat gávpogat leat dorvobáikkit maidda varramávssaheaddji ii beasa. 4
20,4
Rut 4,1č
20,4 gávpotportii sadji sii dolle ráđđádallamiid ja čovde diggeáššiid. Vrd. Rut 4,1eč.Dat gii báhtara dakkár gávpogii, galgá bisánit gávpotportii ja čilget vuos iežas ášši gávpoga vuorrasiidda. Sii galget luoitit su gávpogii ja addit sutnje ássanbáikki. 5Jos varramávssaheaddji doarrida olmmošgoddi, de vuorrasat eai oaččo addit su varramávssaheaddji gihtii, dainna go son lea goddán nuppi olbmo dáhtokeahttá iige lean vašuhan su ovdal. 6
20,6
4 Mos 35,1224č28
Olmmošgoddi galgá ássat dan gávpogis dassážii go searvegoddi dutká su ášši. Easkka go dat gii lea bajimusbáhppan dan áiggi, jápmá, de olmmošgoddi oažžu máhccat iežas gávpogii ja iežas vissui, dan gávpogii gos son lei vuolgán báhtui.

7De israellaččat válljejedje dorvogávpogin Kedeša gávpoga Naftali várreeatnamis Galileas, Sikema Efraima várreeatnamis ja Kirjat-Arba dahjege Hebrona Juda várreeatnamis. 8

20,8
5 Mos 4,41–43
Don bealde Jordana, Jerikos nuorttas, sii válljejedje dorvogávpogin Rubena čeardda guovllus Besera mii lea alážis meahcis, Gada čeardda guovllus Ramota Gileadis ja Manasse čeardda guovllus Golana mii lea Bašanis. 9Dát ledje dat gávpogat mat válljejuvvojedje dorvogávpogin buot israellaččaide ja vierrásiidda geat ásse sin gaskkas. Daidda sáhtii báhtarit juohkehaš gii lei goddán olbmo vahágis, amas gottáhallat varramávssaheaddjái ovdal go searvegoddi lei dutkan su ášši.

21

Levilaččaid gávpogat

211Levilaččaid bearašoaivámuččat bohte Kanaana Šiloi báhppa Elasara ja Josua, Nuna bártni, ja Israela eará čearddaid bearašoaivámuččaid ságaide 2

21,2
4 Mos 35,2eč
ja dadje sidjiide: “Hearrá gohčui Mosesa bokte ahte midjiide galget addojuvvot gávpogat ássanbáikin ja guohtuneatnamat min omiid várás.” 3Israellaččat adde iežaset guovlluin levilaččaide gávpogiid oktan daid guohtuneatnamiiguin, nugo Hearrá lei gohččon. 4Vuorbádeamis vuosttaš vuorbi gahčai kehatlaččaid sogaide. Daidda levilaččaide geat nállašuvve báhppa Aronis, vuorbáduvvojedje golbmanuppelohkái gávpoga Juda, Simeona ja Benjamina čearddaid guovlluin. 5
21,5
1 Muit 6,61–63
Eará kehatlaččaid sogaide vuorbáduvvojedje logi gávpoga Efraima ja Dana čearddaid ja Manasse čeardabeale guovlluin. 6Geršonlaččaid sogaide vuorbáduvvojedje golbmanuppelohkái gávpoga Isaskara, Ašera ja Naftali čearddaid guovlluin ja Manasse čeardabeale guovllus Bašanis. 7Merarilaččaid sogaide vuorbáduvvojedje guoktenuppelohkái gávpoga Rubena, Gada ja Sebulona čearddaid guovlluin. 8Daid gávpogiid ja guohtuneatnamiid daid birra israellaččat vuorbádedje levilaččaide, nugo Hearrá lei gohččon Mosesa bokte.

9Juda ja Simeona čearddaid guovlluin addojuvvojedje čuovvovaš gávpogat. 10

21,10
1 Muit 6,54–60
Dat addojuvvojedje daidda levilaččaide geat leat Arona bártni Kehata nális, dasgo vuosttaš vuorbi gahčai sidjiide. 11Sidjiide addojuvvui Juda várreeatnamis anaklaččaid máttu Arba gávpot Kirjat-Arba dahjege Hebron oktan guohtuneatnamiinnis. 12
21,12
14,13č
Gávpoga bealddut ja birasbáikkit ledje addojuvvon opmodahkan Kalebii, Jefunne bárdnái. 1321,13 Hebron Levilaččat eai ožžon sierra oamastanvuoigatvuođa stuorra gávpogiidda nugo Hebronii ja Sikemii (v. 21), muhto sii ožžo dain orrunsaji ja vuoigatvuođaid ovttas eará ássiiguin.Báhppa Arona nállái addojuvvojedje Juda ja Simeona čearddaid guovlluin nappo Hebron, dorvogávpot, Libna, 14Jattir, Eštemoa, 15Holon, Debir, 16Ašan, Bet-Šemeš, ovcci gávpoga oktan guohtuneatnamiiddisetguin. 17Benjamina čeardda guovllus sidjiide addojuvvojedje Gibeon, Geba, 18Anatot ja Almon, njeallje gávpoga oktan guohtuneatnamiiddisetguin. 19Arona soga báhpain ledje buohkanassii golbmanuppelohkái gávpoga oktan guohtuneatnamiiddisetguin.

20

21,20
1 Muit 6,66–81
Eará kehatlaččaid sogaid levilaččat ožžo vuorbádemiin gávpogiid Efraima čeardda guovllus. 21Efraima várreeatnamis sidjiide addojuvvojedje Sikem, dorvogávpot, Geser, 22Kibsajim ja Bet-Horon, njeallje gávpoga oktan guohtuneatnamiiddisetguin. 23Dana čeardda guovllus sidjiide addojuvvojedje Elteke, Gibbeton, 24Ajalon ja Gat-Rimmon, njeallje gávpoga oktan guohtuneatnamiiddisetguin. 25Manasse čeardabeale guovllus sidjiide addojuvvojedje Taanak ja Jibleam, guokte gávpoga oktan guohtuneatnamiiddisetguin. 26Dát kehatlaččaid sogat ožžo oktiibuot logi gávpoga oktan guohtuneatnamiiddisetguin.

27Daidda levilaččaid sogaide mat nállašuvvet Geršonis, addojuvvojedje Manasse čeardabeale guovllus Bašanis Golan, dorvogávpot, ja Aštarot, guokte gávpoga oktan guohtuneatnamiiddisetguin. 28Isaskara čeardda guovllus sidjiide addojuvvojedje Kišon, Daberat, 29Jarmut ja En-Gannim, njeallje gávpoga oktan guohtuneatnamiiddisetguin. 30Ašera čeardda guovllus sidjiide addojuvvojedje Mišal, Abdon, 31Helkat ja Rehob, njeallje gávpoga oktan guohtuneatnamiiddisetguin. 32Naftali čeardda guovllus sidjiide addojuvvojedje Galileas Kedeš, dorvogávpot, Hammot-Dor ja Kartan, golbma gávpoga oktan guohtuneatnamiiddisetguin. 33Geršonlaččaid sogaide addojuvvojedje oktiibuot golbmanuppelohkái gávpoga oktan guohtuneatnamiiddisetguin.

34Daidda levilaččaide geat nállašuvvet Meraris, addojuvvojedje Sebulona čeardda guovllus Jokneam, Karta, 35Rimmona ja Nahalal, njeallje gávpoga oktan guohtuneatnamiiddisetguin. 36Jordana don bealde, Jeriko nuorttabealde, sidjiide addojuvvojedje Rubena čeardda guovllus Beser, dorvogávpot, mii lei alážis meahcis, Jahas, 37Kedemot ja Mefaat, njeallje gávpoga oktan guohtuneatnamiiddisetguin. 38Gada čeardda guovllus Gileadis sidjiide addojuvvojedje Ramot, dorvogávpot, Mahanajim, 39Hešbon ja Jaser, njeallje gávpoga oktan guohtuneatnamiiddisetguin. 40Oktiibuot merarilaččaid sogat ožžo vuorbádemiin guoktenuppelohkái gávpoga. 41

21,41
4 Mos 35,7
Buot levilaččat ožžo Israela čearddaid guovlluin oktiibuot njealljelogigávcci gávpoga oktan guohtuneatnamiiddisetguin. 42Guđege gávpogii gulle guohtuneatnamat mat ledje dan birra.

43

21,43
1 Mos 12,7+
Ná Hearrá attii israellaččaide oppa dan eatnama maid son lei váliin lohpidan sin áhčiide áigut addit, ja sii válde eatnama ja ásse dohko. 44
21,44
5 Mos 11,25
Jos 6,2+
Hearrá divttii sin eallit ráfis juohke sajis, nugo son lei vurdnon sin áhčiide. Ii oktage sin vašálaččain bihtán sis, muhto Hearrá attii daid buohkaid sin gihtii. 45
21,45
23,14
Jes 55,10č
Ii mihkkege buot dain buriin maid Hearrá lei lohpidan Israela álbmogii, šaddan duššin. Buot lohpádusat ollašuvve.

22

Jordangátti áltár

221Josua rávkkai lusas Rubena ja Gada čearddaid ja Manasse čeardabeale 2

22,2
4 Mos 32,20eč
5 Mos 3,18eč
Jos 1,12eč
ja dajai: “Dii lehpet dahkan buot maid Moses, Hearrá bálvaleaddji, gohčui din dahkat, ja dii lehpet jeagadan buot maid mun lean gohččon. 3Oppa dán guhkes áiggi, gitta otná beaivvi rádjái, dii ehpet leat hilgon vieljaideattet, muhto lehpet doallan Hearrá, din Ipmila, gohččumiid. 4
22,4
5 Mos 3,12eč
Dál Hearrá, din Ipmil, lea addán din vieljaide mášu nugo son lohpidii, ja dál dii oažžubehtet máhccat ruovttuidasadet dan eatnamii maid Moses, Hearrá bálvaleaddji, attii didjiide opmodahkan Jordana nuorttabealde. 5
22,5
5 Mos 4,29
5,10
6,5č
8,6
10,1220
Muhto dollet fal dárkilit daid báhkkomiid ja dan lága maid Moses, Hearrá bálvaleaddji, attii didjiide. Ráhkistehket Hearrá, din Ipmila, vádjolehket su geainnuid ja dollet su báhkkomiid, lehket sutnje oskkáldasat ja bálvalehket su oppa váimmus ja oppa sielus.” 6Josua buressivdnidii sin ja luittii sin mannat, ja sii vulge ruovttuidasaset.

7Moses lei addán Manasse nuppi čeardabeallái eatnama Bašanis, ja Josua attii nuppi čeardabealláigis eatnama Jordana oarjjabealde dalle go son attii eatnama sin vieljaide. Go dal Josua luittii sin mannat ja buressivdnidii sin, 8de son dajai: “Dál dii beassabehtet máhccat ruovttuidasadet, ja dis leat divrras dávvirat ja stuorra oapmeealut, ollu silba ja golli, bronsa ja ruovdi ja eatnat biktasat. Dan sállaša maid lehpet váldán vašálaččain, dii galgabehtet juogadit vieljaideattetguin.” 9Dalle Rubena ja Gada čearddat ja Manasse čeardabealle earránedje iežá israellaččain Šilos, Kanaanis, ja vulge Gileadii, iežaset eatnamii, ja maid sii ledje váldán, nugo Hearrá lei gohččon Mosesa bokte.

10Go Rubena ja Gada čearddat ja Manasse čeardabealle bohte Gelilotii, mii lea Jordana lahka Kanaanis, de sii huksejedje dohko Jordangáddái hui stuorra áltára. 11Go eará israellaččat gulle ahte sii ledje huksen áltára Gelilotii Jordana lahka, Kanaana dahjege israellaččaid eatnamiid buohta, 12de oppa searvegoddi čoahkkanii Šiloi ja áiggui soahtat singuin.

13

22,13
2 Mos 6,25
4 Mos 25,7č
Israellaččat vuolggahedje Pinehasa, báhppa Elasara bártni, Rubena ja Gada čearddaid ja Manasse čeardabeale lusa Gileadii. 14Suinna vulge logi oaivámučča, okta guđege Israela čearddas. Iešguhtege sis lei iežas soga oaivámuš ja gulai Israela soahteveaga oaivámuččaide. 15Go sii ledje joavdán rubenlaččaid, gadlaččaid ja manasselaččaid lusa Gileadii, de sii dadje sidjiide: 16“Oppa Hearrá searvegoddi jearrá: Manin dii lehpet hilgon Israela Ipmila ja heaitán čuovvumis su? Diihan lehpet jorgalan eret Hearrás, go lehpet ráhkadan alcceseattet áltára ja nu vuostálastibehtet Hearrá. 17
22,17
4 Mos 25,3eč
5 Mos 4,3
Iigo midjiide leat galle dat suddu mii dahkkojuvvui Peoris ja mas mii eat leat buhtásmuvvan vel otná beaivvige? Danne Hearrá searvegoddi ráŋggáštuvvui, 18muhto dattetge dii lehpet dál jorgaleamen eret Hearrás. Jos dii odne vuostálastibehtet Hearrá, de ihttin son moaráhuvvá oppa Israela searvegoddái. 19Jos dat eanan mii lea din opmodat, lea buhtismeahttun, de bohtet dan eatnamii mii lea Hearrá opmodat ja gos Hearrá goahti lea, ja ásset min gaskii. Allet vuostálastte Hearrá alletge minge nu ahte huksebehtet alcceseattet áltára Hearrá, min Ipmila, áltára lassin. 20
22,20
7,1eč
Moarri deaividii oppa Israela searvegotti go Akan, Seraha bárdni, meannudii oskkáldasmeahttumit dainna mii lei vihahuvvon duššadeapmái. Iige son lean áidna gii fertii jápmit dan suttu dihte.”

21Dalle rubenlaččat, gadlaččat ja manasselaččat vástidedje Israela sohkaoaivámuččaide: 22

22,22
5 Mos 10,17
“Ipmil, Hearrá Ipmil! Ipmil, Hearrá Ipmil! Son diehtá manin mii dagaimet dán, ja maiddái Israel galgá oažžut diehtit. Jos mii leat huksen dán áltára dan nammii ahte livččiimet viggan vuostálastit du dahje livččiimet leamaš oskkáldasmeahttumat dutnje ja jorgalan dus eret, Hearrá, de ale beastte min odne! 23Jos mii huksiimet dán áltára vai beassat oaffaruššat boaldinoaffariid ja borramušoaffariid ja searvevuođaoaffariid, de ráŋggáš don min, Hearrá! 24Mii huksiimet dán áltára danne go balaimet din bártniid muhtumin dadjet min bártniide: ‘Mii dahkamušaid dis lea Hearráin, Israela Ipmiliin? 25Hearrá lea bidjan Jordana rádjin sirret min dis, rubenlaččat ja gadlaččat. Dis ii leat mihkkege osiid Hearrás.’ Dakkár sániiguin din bártnit vedjet oažžut min mánáid heaitit ballamis Hearrás. 26Danin mii dajaimet: Huksejehkot alcceseamet áltára, muhto ii fal boaldinoaffariid iige njuovvanoaffariid várás. 27
22,27
1 Mos 31,48+
Duođaštehkos dat midjiide ja didjiide ja daidda geat bohtet min maŋŋil, ahte mii maiddái oažžut bálvalit Hearrá su muođuid ovddas iežamet boaldinoaffariiguin, njuovvanoaffariiguin ja searvevuođaoaffariiguin. Dalle din bártnit eai sáhte boahtteáiggis dadjat min bártniide: ‘Ii dis leat mihkkege osiid Hearrás.’ 28Mii árvaleimmet: Jos sii muhtumin dadjet ná midjiide ja daidda geat bohtet min maŋŋil, de mii vástidit: Gehččet dán áltára maid min áhčit huksejedje Hearrá áltára láhkásažžan, ii boaldinoaffariid iige njuovvanoaffariid várás, muhto duođaštussan midjiide ja didjiide. 29Mii eat goassege sáhtáše vuostálastit Hearrá ja jorgalit sus eret nu ahte huksešeimmet áltára boaldinoaffariid, borramušoaffariid ja njuovvanoaffariid várás dan áltára lassin mii lea Hearrá, min Ipmila, goađi ovddas!”

30Go báhppa Pinehas ja searvegotti njunnošat ja Israela sohkaoaivámuččat geat ledje suinna, gulle maid rubenlaččat, gadlaččat ja manasselaččat dadje, de sii dohkkehedje čilgehusa. 31Ja Pinehas, báhppa Elasara bárdni, dajai rubenlaččaide, gadlaččaide ja manasselaččaide: “Dál mii diehtit ahte Hearrá lea min gaskkas. Dii ehpet leat leamaš oskkáldasmeahttumat ehpetge leat dahkan dakkára man dihte Hearrá ráŋggáštivččii israellaččaid.”

32Pinehas, báhppa Elasara bárdni, ja oaivámuččat máhcce rubenlaččaid ja gadlaččaid luhtte Gileadis israellaččaid lusa Kanaanii ja muitaledje maid ledje gullan, 33ja israellaččat dohkkehedje čilgehusa. Sii máidno Ipmila eaige šat áigon soahtat rubenlaččaiguin ja gadlaččaiguin eaige duššadit sin eatnama. 3422,34 Duođašteaddjin sátni váilu ▶ masorehtalaš teavsttas.Rubenlaččat ja gadlaččat gohčodedje áltára Duođašteaddjin, danin go sii dadje: “Dát áltár duođašta midjiide ahte Hearrá lea Ipmil.”