Davvisámegiel Biibbal 2019 (Biibbal)
17

171

17,1
1 Mos 49,22eč
4 Mos 32,39č
5 Mos 33,13eč
Jos 13,29eč
Manasse čearda oaččui iežas oasi. Manasse lei Josefa vuosttašriegádeaddji. Makir, Manasse vuosttašriegádeaddji ja Gileada áhčči, lei jálus soahteolmmái, ja son oaččui Gileada ja Bašana. 2
17,2
4 Mos 26,29eč
5 Mos 3,14č
Maiddái eará Manasse čeardda sogat ožžo iežaset oasi. Dat sogat ledje Abiesera, Heleka, Asriela, Šekema, Hefera ja Šemida sogat. Dát ledje Manasse, Josefa bártni, olbmábeale mánáid sogat.

3

17,3
4 Mos 26,33
27,1eč
36,1eč
Muhto Selofhadis, Hefera bártnis, gean máttaráddjá Gilead lei Makira bárdni ja Manasse áddjut, eai lean bártnit, muhto duššefal nieiddat. Su nieiddaid namat ledje Mahla, Noa, Hogla, Milka ja Tirsa. 4Sii bohte báhppa Elasara ja Josua, Nuna bártni, ja oaivámuččaid ságaide ja dadje: “Hearrá gohčui Mosesa addit midjiide opmodaga seammá ládje go min olbmábeale fulkkiidege.” Dalle soai attiiga sidjiide opmodaga nugo sin áhči olbmábeale fulkkiidege, nugo Hearrá lei gohččon. 5Manasse oaččui logi oasi, earret Gileada ja Bašana mat leat Jordana nuorttabealde. 6Nu Manasse soga nieiddat ožžo opmodaga nugo sin olbmábeale fuolkkitge; eará manasselaččat ožžo Gileada.

7Manasse rádji ollá Ašera eatnamis Mikmetata lusa, mii lea Sikema buohta. Doppe rádji manná lulás Jašubii Tappuahádjagii. 8Manasse oaččui eatnama Tappuaha birra, muhto ieš Tappuah mii lea Manasse rádjeguoras, gárttai efraimlaččaide. 9Tappuahis rádji njiedjá Kanajogažii. Manasse gávpogiid gaskkas jogaža lulábealde leat gávpogat mat gullet Efraima čerdii. Manasse rádji manná jogaža davábeale gitta merrii. 10Jogaža lulábeale eatnamat gullet Efraimii ja davábeale eatnamatgis Manassei, ja oarjin daid rádjin lea mearra. Davvin dat leat rádjálagaid Ašeriin ja nuortingis Isaskariin. 11Isaskara ja Ašera čearddaid eatnamiin Manasse čearda oaččui Bet-Šeana ja dan birasgávpogiid, Jibleama ja dan birasgávpogiid, Dora ja dan birasgávpogiid oktan ássiideasetguin, En-Dora ja dan birasgávpogiid oktan ássiideasetguin, Taanaka ja dan birasgávpogiid oktan ássiideasetguin ja Megiddo ja dan birasgávpogiid oktan ássiideasetguin. 12

17,12
Duop 1,27č
Muhto manasselaččat eai nagodan ádjit eret dáid gávpogiid ássiid, ja kanaanlaččat nagodedje bissut dán guovllus. 13
17,13
16,10
Go israellaččat givro, de kanaanlaččat gárte bággobargui, muhto eai áddjojuvvon eret.

14Josefa náli olbmát dadje Josuai: “Manne don leat addán midjiide dušše ovtta oasi opmodahkan? Miihan leat stuorra álbmot, danin go Hearrá lea buressivdnidan min dássážii.” 15Josua vástidii: “Jos dii lehpet nu stuorra álbmot, de mannet vuovdái ja njásket alcceseattet ođđa eatnama perisselaččaid ja refalaččaid duovdagiin, go juo Efraima várreeanan lea didjiide ilá gárži.” 16

17,16
Duop 1,19
Josefa náli olbmát dadje: “Mii eat čága dán várreeatnamii, ja buot duolbadasa kanaanlaččain leat ruovdesoahtevovnnat, sihke dain geat ásset Bet-Šeanis ja dan birasgávpogiin ja dain geat ásset Jisreela duolbadasas.” 17Josua dajai Josefa nállái, Efraima ja Manasse čeardda olbmáide: “Dii lehpet stuorra ja gievrras álbmot. Dii oažžubehtet eambbo go ovtta oasi: 18Dii oažžubehtet oppa várreeatnama. Dat lea vuovdás eanan, muhto njásket dan, de oppa guovlu šaddá didjiide nu guhkás go dat ollá. Dii nagodehpet vel vuoitit kanaanlaččaidge, vaikko sis leat ruovdesoahtevovnnat ja vaikko sii leat gievrrat.”

18

Eará eatnamiid juohkin Šilos

18118,1 Šilo deaŧalaš gávpot Efraimis, ovdal gonagasaid áiggi Israela čearddaid oskkoldatlaš ja politihkalaš guovddáš. Vrd. 1 Sam 1,3; 4,3eč. almmustusgoađi almmustusgoahti.Oppa Israela searvegoddi čoahkkanii Šiloi ja ceggii dohko almmustusgoađi. Sii ledje dál váldán eatnama. 2Muhto de ledje vel čieža Israela čeardda mat eai lean ožžon opmodagaset. 3Josua dajai israellaččaide: “Man guhká dii áigubehtet ájahallat váldimis dan eatnama maid Hearrá, din áhčiid Ipmil, lea addán didjiide? 4Válljejehket juohke čearddas golbma olbmá, geaid mun sáhtán vuolggahit johtit miehtá eatnama ja válddahit čearddaide heivvolaš guovlluid. De sii galget máhccat mu lusa. 5Sii galget juogadit eatnama čiežan oassin. Juda čearddas lea juo iežas guovlu lullin ja Josefa sogas davvin. 6Dii galgabehtet dahkat čilgehusa eatnama čieža oasis ja buktit čilgehusa munnje, de mun vuorbádan osiid didjiide dáppe Hearrá, min Ipmila, muođuid ovddas. 7

18,7
13,1433
Levilaččat eai oaččo oasi nugo dii earát, Hearrá báhppavuohta lea sin opmodat. Gada ja Rubena čearddat ja Manasse čeardabealle leat juo ožžon opmodagaset Jordana nuorttabealde, dan oasi maid Moses, Hearrá bálvaleaddji, attii sidjiide.” 8Ovdal go olbmát vulge, de Josua gohčui sin válddahit eatnama: “Vádjolehket miehtá eatnama ja dahket das čilgehusa. Máhccet dasto mu lusa, de mun vuorbádan dan didjiide Hearrá muođuid ovddas dáppe Šilos.” 9De olbmát johtigohte miehtá eatnama ja čálle girjái čilgehusa eatnama čieža oasis, juohke gávpogis. Dasto sii máhcce Josua lusa Šilo siidii. 10Josua vuorbádalai osiid israellaččaide Hearrá muođuid ovddas Šilos ja juogadii eatnama israellaččaide, nu ahte juohke čearda oaččui iežas oasi.

11

18,11
1 Mos 49,27
5 Mos 33,12
Vuorbi gahčai vuos Benjamina čeardda sogaide. Dat eanan maid vuorbi attii daidda, lea Juda ja Josefa čearddaid gaskkas. 12Daid rádji davvin álgá Jordanis ja badjána Jeriko davábeale várrevieltái ja manná de oarjjás váriid mielde ja meahccái Bet-Avena gurrii. 13
18,13
1 Mos 28,19
Doppe rádji manná Lusii, Lusa dahjege Betela lulábeale várrevieltái ja dasto vuolás Atrot-Addarii dan vári vuolde mii lea lullelis Vuolit Bet-Horona. 14Dasto rádji manná gával ja gávvá oarjin lulás guvlui dan váris mii lea Bet-Horona lulábealde, ja de Kirjat-Baalii dahjege Kirjat-Jearimii, gávpogii mii gullá Juda čerdii. Dát lea oarjjabealli. 15Lulábealde rádji álgá Kirjat-Jearima ravddas ja manná Ijimii ja das ain Neftoahádjagii. 16
18,16
15,8
Doppe rádji manná dan vári vuollái mii lea Ben-Hinnoma leagi lahka, Refaimleagi davábealde, das vuolás Hinnomleahkeráigge dan várrevieltti lulábeale mii gullá jebuslaččaide, ja das ain Rogeládjagii. 17
18,17
15,6
Doppe rádji gávvá davás ja manná Šemešádjagii ja Gelilotii mii lea Adummimgorgŋehaga buohta, ja njiedjá de Bohana, Rubena bártni, geađggi lusa. 18Das rádji manná várrevieltái Bet-Haaraba davábeale ja njiedjá Jordanleahkái. 19Doppe rádji manná dan várrevieltái mii lea Bet-Hogla davábealde ja nohká Jápmameara davveluktii, Jordana njálbmái. Dát lea lullerádji. 20Nuortan eatnama rádjin lea Jordan. Dat lea Benjamina čeardda sogaid opmodat ja rájit dan birra.

21Benjamina čeardda sogaide bohte dát gávpogat: Jeriko, Bet-Hogla, Emek-Kesis, 22Bet-Haaraba, Semarajim, Betel, 23Avvim, Para, Ofra, 24Kefar Haammoni, Ofni ja Geba, guoktenuppelohkái gávpoga oktan birasbáikkiideasetguin, 25Gibeon, Rama, Beerot, 26Mispe, Kefira, Mosa, 27Rekem, Jirpeel, Tarala, 28Sela, Elef, Jebus dahjege Jerusalem, Gibea ja Kirjat-Jearim, njealljenuppelohkái gávpoga oktan birasbáikkiideasetguin. Duot lea Benjamina čeardda sogaid opmodat.

19

191

19,1
1 Mos 49,5
1 Muit 4,28–33
Nubbi vuorbi gahčai Simeona čeardda sogaide. Dat ožžo eatnama Juda čeardda eatnama siskkobealde. 2Sin opmodahkii gulle dát gávpogat: Beer Šeba, Šema, Molada, 3Hasar-Šual, Bala, Esem, 4Eltolad, Betul, Horma, 5Siklag, Bet-Hammarkabot, Hasar-Susa, 6Bet-Lebaot ja Šaruhen, golbmanuppelohkái gávpoga oktan birasbáikkiideasetguin, 7ja Ajin, Rimmon, Eter ja Ašan, njeallje gávpoga oktan birasbáikkiideasetguin, 8ja vel buot báikkit mat ledje daid gávpogiid birra gitta Baalat-Beerii ja Ramatii Negevis. Dat guovlu šattai Simeona čeardda sogaid opmodahkan. 9Simeona čearda oaččui opmodaga Juda čeardda oasis, danin go Juda čeardda oassi lei stuorit go maid sii dárbbašedje. Danin Simeona čearda oaččui opmodaga Juda eatnama siskkobealde.

10

19,10
1 Mos 49,13
5 Mos 33,18č
Goalmmát vuorbi gahčai Sebulona čeardda sogaide. Dat eanan maid sii ožžo opmodahkan, olii gitta Sarida rádjái. 11Sin rádji manná das oarjjás Maralai ja das Dabbešetii ja dan jogažii mii lea Jokneama luhtte. 12Saridis nuorttas rádji manná Kislot-Tabora guovllu rádjái ja doppe Daberatii ja ain bajás Jafiai. 13Doppe rádji manná nuorttas Gat-Heferii ja Et-Kasinii ja das ain Rimmonii ja gávvá de Neai. 14Das davverádji manná Hannatonii ja boahtá dan leahkái gos lea Jiftah-El. 15Dasa lassin sebulonlaččaide bohte Kattat, Nahalal, Šimron, Jidala ja Betlehem, guoktenuppelohkái gávpoga oktan birasbáikkiideasetguin. 16Sebulona čeardda sogat ožžo opmodahkan dan guovllu ja daid gávpogiid oktan birasbáikkiideasetguin.

17

19,17
1 Mos 49,14č
5 Mos 33,18č
Njealját vuorbi gahčai Isaskara čeardda sogaide. 18Daid eatnamii gulle Jisreel, Kesulot, Šunem, 19Hafarajim, Šion, Anaharat, 20Rabbit, Kišon, Ebes, 21Remet, En-Gannim, En-Hadda ja Bet-Passes. 22Rádji manná Taborii, Šahasimii ja Bet-Šemešii ja nohká Jordanii. Dan eatnamii gullet oktiibuot guhttanuppelohkái gávpoga oktan birasbáikkiideasetguin. 23Isaskara čeardda sogat ožžo opmodahkan dan guovllu ja daid gávpogiid oktan birasbáikkiideasetguin.

24

19,24
1 Mos 49,20
5 Mos 33,24
Viđát vuorbi gahčai Ašera čeardda sogaide. 25Daid eatnamii gulle Helkat, Hali, Beten, Akšaf, 26Alammelek, Amad ja Mišal. Rádji manná oarjjás Karmelii ja Šihor Libnatii 27ja nuorttas Bet-Dagonii, dasto davás Sebulona eatnama rádjái ja dan leahkái gos leat Jiftah-El, Bet-Haemek ja Neiel ja doppe davás Kabulii, 28Abdonii, Rehobii, Hammonii ja Kanai ja gitta stuorra Sidona rádjái. 29Nuppi guovllus rádji manná Ramai ja das Tyrosa ladnegávpoga lusa, sodjá Hosai ja das merrii. Eará gávpogat leat Mahaleb, Aksib, 30Akko, Afek ja Rehob, guoktelogiguokte gávpoga oktan birasbáikkiideasetguin. 31Ašera čeardda sogat ožžo opmodahkan dan guovllu ja daid gávpogiid oktan birasbáikkiideasetguin.

32

19,32
1 Mos 49,21
5 Mos 33,23
Guđát vuorbi gahčai Naftali čeardda sogaide. 33Daid rádji manná Helefis, Besaanannima terebintta rájes, Adami Hannekeba ja Jabneela bokte Lakkumii ja das Jordanii. 34Das rádji manná oarjjás Asnot-Taborii ja doppe Hukokii. Lullin sin eana lea rádjálagaid Sebuloniin, oarjin Ašeriin ja nuortan Jordaniin. 35
19,35
5 Mos 3,17
Ladnegávpogat ledje Siddim, Ser, Hammat, Rakkat, Kinneret, 36Adama, Rama, Hasor, 37Kedeš, Edrei, En-Hasor, 38Jiron, Migdal-El, Horem, Bet-Anat ja Bet-Šemeš, ovccinuppelohkái gávpoga oktan birasbáikkiideasetguin. 39Naftali čeardda sogat ožžo opmodahkan dan guovllu ja daid gávpogiid oktan birasbáikkiideasetguin.

40

19,40
1 Mos 49,16č
5 Mos 33,22
19,40 Dana čearda oaččui vuos gáržžes eananguovllu Juda ja Efraima gaskkas Šefelas. Maŋŋil čearda vulggii doppe eret ja válddii eatnama davvin Jordaneanu gierragiin. Vrd. Duop 18,1eč.Čihččet vuorbi gahčai Dana čeardda sogaide. 41Dan eatnamis maid sii ožžo opmodahkan, ledje dát gávpogat: Sora, Eštaol, Ir-Šemeš, 42Šaalabbin, Ajalon, Jitla, 43Elon, Timna, Ekron, 44Elteke, Gibbeton, Baalat, 45Jehud, Bene-Berak, Gat-Rimmon, 46Me-Hajarkon ja vel Jafo birasbáikkit. 47
19,47
Duop 1,34
18,1eč
19,47 Lešem Vrd. Duop 18,29č.Muhto sii eai čáhkan Dana čeardda eatnamii. Danin sii vulge soahtat Lešemiin, válde dan ja godde dan ássiid. Sii válde dan opmodahkaneaset, ásse dohko ja navde dan Danin áhčiset mielde. 48Dana čeardda sogat ožžo opmodahkan dan guovllu ja daid gávpogiid oktan birasbáikkiideasetguin.

49Go israellaččat ledje geargan juogadeames eatnama osiide, de sii adde das opmodaga Josuai, Nuna bárdnái. 50Nugo Hearrá lei gohččon, de sii adde sutnje Efraima várreeatnamis Timnat-Seraha, gávpoga maid son ieš siđai. Josua nannii gávpoga muvrrain ja ásai dohko.

51

19,51
14,1
18,1
Dát ledje dat eatnamat maid báhppa Elasar ja Josua, Nuna bárdni, ja Israela čearddaid bearašoaivámuččat vuorbádedje opmodahkan Hearrá muođuid ovddas almmustusgoađi uvssa guoras Šilos. Nu sii gerge juogadeames eatnama.