Davvisámegiel Biibbal 2019 (Biibbal)
13

131Josua lei dál boaris ja vuorasmuvvan. Hearrá celkkii sutnje: “Don leat hui boaris, muhto lea ain ollu eanan válddekeahttá. 213,2 oppa gešurlaččaid eanan dán vearssas ii čujuhuvvo aramealaččaid riikii Gešurii, nugo v. 11 ja 13, muhto dihto guvlui Negevis, filistalaččaid gávpogiid lulábealde.Válddekeahttá leat buot filistalaččaid eatnamat ja oppa gešurlaččaid eanan 3mii álgá Šihoris Egypta nuortalis ja ollá davás Ekronii; dat lohkkojuvvo kanaanlaččaid eanamin, dasto filistalaččaid viđa oaivámučča gávpogat Gaza, Ašdod, Aškelon, Gat ja Ekron ja vel avvilaččaid eanan lullin, 4oppa kanaanlaččaid eanan mii álgá sidonlaččaid Mearas ja ollá gitta Afeka, amorlaččaid eatnama, rádjái, 513,5 geballaččaid Byblosa ássit, hebreagillii Gebal, dovddus foinikialaš gávpot.ja vel geballaččaid eanan ja oppa Libanonvárri nuortan Baal-Gada rájes Hermonvári vuollái ja gitta Lebo-Hamata rádjái. 6

13,6
1,6
14,3
17,414
19,49
Buot várreeatnama ássiid, Libanona rájes gitta Misrefot Majima rádjái, buot sidonlaččaid, mun ieš áján israellaččaid ovddas, muhto don galggat juogadit sin eatnama israellaččaide opmodahkan, nugo mun lean gohččon du dahkat. 7Juogat eatnama opmodahkan ovcci čerdii ja Manasse čeardabeallái.”

Jordana nuorttabeale eatnamat

8

13,8
4 Mos 32,33eč
5 Mos 3,12eč
Rubena ja Gada čearddat ja Manasse čeardabealle ledje juo váldán opmodahkan daid eatnamiid maid Moses lei daidda addán Jordana don bealde, nuorttabealde. Eanan maid Moses, Hearrá bálvaleaddji, lei addán daidda, 9olii Aroera rájes Arnonjohkaleagis ja johkaleagi gávpogis miehtá oppa aláža Medebas Dibonii, 10
13,10
5 Mos 2,26eč
ja dasa gulle buot gávpogat maid amorlaš Sihon, Hešbona gonagas, lei ráđđen, gitta ammonlaččaid eatnama rádjái. 11Dasa gulle maiddái Gilead ja gešurlaččaid ja maakatlaččaid guovllut, oppa Hermonvárri ja oppa Bašan gitta Salka rádjái. 12
13,12
5 Mos 3,1eč
Bašan lei leamaš gonagas Oga riika; su hálddahusgávpogat ledje Aštarot ja Edrei. Og gulai maŋimuš refalaččaide. Moses lei vuoitán ja duššadan sin ja váldán sin eatnama. 13Muhto israellaččat eai duššadan gešurlaččaid eaige maakalaččaid, ja sii ásset veláge israellaččaid gaskkas.

14

13,14
3 Mos 7,29eč
4 Mos 18,20
5 Mos 10,9
Jos 18,7
Dušše Levi čearda ii ožžon opmodaga. Hearrá, Israela Ipmil, lea sin opmodat, nugo son lea sidjiide lohpidan.

15Moses attii opmodaga Rubena čeardda sogaide. 16Dat ožžo eatnama Aroera rájes Arnonjohkaleagis ja johkaleagi gávpogis davás ja oppa aláža Medeba rádjái, 17Hešbona ja buot dasa gullevaš aláža gávpogiid Dibona, Bamot Baala, Bet Baal Meona, 18Jahsa, Kedemota ja Mefaata, 19Kirjatajima, Sibma ja Seret Hašahara mii lea leahkeváris, 20Bet-Peora, Pisga vilttiid ja Bet-Haješimota 21

13,21
4 Mos 31,8
ja buot eará aláža gávpogiid, oppa riikka mii lei gullan amorlaččaid gonagassii Sihonii gii ráđđii Hešbonis. Moses časkkii su oktanaga midjanlaš ráđđejeddjiiguin Eviin, Rekemiin, Suriin, Huriin ja Rebain geat ledje Sihona oaivámuččat ja ásse su eatnamis. 22
13,22
4 Mos 22,2eč
Seammá háve israellaččat godde Bileama, Beora bártni, einnosteaddji. 23Rubenlaččaid eatnama oarjerádján lei Jordan. Dat lei Rubena čeardda sogaid opmodat, dan gávpogat ja birasbáikkit.

24Moses attii opmodaga Gada čeardda sogaide. 25Dasa gulle Jaser, buot Gileada gávpogat ja bealli ammonlaččaid eatnamis gitta Aroera rádjái mii lei Rabba lahka. 26Daid guovlu olii Hešbonis Ramat-Hammispei ja Betonimii ja Mahanajimis gitta Lo-Debara guovllu rádjái. 27

13,27
5 Mos 3,17
Jordanleagis sii ožžo Bet Harama, Bet Nimra, Sukkota ja Safona mat ledje Hešbona gonagasa Sihona riikka bázahusat. Daid guovllu oarjerádján lei Jordan Gennesaretjávrri rádjái. 28Dat lei Gada čeardda sogaid opmodat, dan gávpogat ja birasbáikkit.

29Moses attii opmodaga Manasse čeardabeale sogaide. 30

13,30
5 Mos 3,414
Daid eanan álggii Mahanajimis ja dasa gulai oppa Bašan, gonagas Oga ovddeš riika, ja Jaira siiddat Bašanis, oktiibuot guhttalogi gávpoga. 31Bealli Gileadis ja vel Oga ráđđehusgávpogat Aštarot ja Edrei mat ledje Bašanis, addojuvvojedje Manasse bártni Makira mánáid soga nuppi beallái. 32Dat ledje Jordana nuorttabeale eatnamat maid Moses juogadii Moaba duolbadasain Jeriko buohta.

33Muhto Levi čerdii Moses ii addán opmodaga. Sin opmodat lea Hearrá, Israela Ipmil, nugo son lea lohpidan sidjiide.

14

Juda eanan

141

14,1
4 Mos 34,17eč
Dát leat dat guovllut maid israellaččat ožžo opmodahkan Kanaanis ja maid báhppa Elasar ja Josua, Nuna bárdni, ja Israela čearddaid bearašoaivámuččat juogadedje sidjiide. 2
14,2
4 Mos 33,54
34,13
Sii juogadedje eatnama opmodahkan vuorbádemiin ovcci čerdii ja ovtta čeardabeallái, nugo Hearrá lei gohččon Mosesa bokte. 3
14,3
4 Mos 34,13eč
5 Mos 3,12eč
10,9
Jos 13,14
Moses lei juo addán guovtti čerdii ja ovtta čeardabeallái eatnama don bealde Jordana, muhto levilaččaide son ii addán eatnama opmodahkan. 4
14,4
1 Mos 48,5
4 Mos 35,2eč
Jos 21,1eč
Josefa nálli juohkásii guoktin čeardan, Manassen ja Efraimin. Levilaččat eai ožžon oasi eatnamis, muhto sii ožžo gávpogiid ássanbáikineaset ja daid guohtuneatnamiid omiideaset várás. 5Go israellaččat juogadedje eatnama, de sii barge aiddo nugo Hearrá lei gohččon Mosesa.

6

14,6
4 Mos 14,2430
Juda čeardda olbmát loaiddastedje Josua ovdii Gilgalis, ja kenisselaš Kaleb, Jefunne bárdni, dajai sutnje: “Donhan dieđát maid Hearrá sártnui Mosesii, Ipmila olbmái, mu ja du hárrái go leimmet Kadeš Barneas. 7
14,7
4 Mos 13,617eč
14,6eč
5 Mos 1,28
Mun ledjen njealljelogijahkásaš go Hearrá bálvaleaddji Moses vuolggahii mu Kadeš Barneas iskkadit eatnama, ja mun muitalin sutnje vuoiga maid ledjen oaidnán. 8
14,8
4 Mos 13,31eč
32,8č
Mu vieljat geat ledje muinna doppe, hearddohuhtte álbmoga, muhto mun ledjen oskkáldas Hearrái, Ipmilasan. 9Dan beaivvi Moses vuortnui dán váli: Dat eanan gosa du juolgi lea duolmmastan, lea agálaččat du ja du náli opmodat, dainna go don leat leamaš oskkáldas Hearrái, mu Ipmilii. 10
14,10
4 Mos 14,38
Ja dego don oainnát, de Hearrá lea doallan lohpádusas. Son lea diktán mu eallit dan njealljelogivihtta jagi mat leat gollan dan rájes go son sártnui dán áššis Mosesii, oppa dan áiggi maid Israel vádjolii meahcis. Mun lean dál gávccilogiviđajahkásaš 11
14,11
4 Mos 27,18
ja lean ain seammá gievra go dan beaivvi go Moses vuolggahii mu. Mun nagodan soahtat dál seammá bures go dalle. 12
14,12
4 Mos 14,28
5 Mos 2,10
De atte munnje dál dan várreeatnama maid Hearrá dalle lohpidii munnje. Donhan gullet dalle ahte doppe leat stuorra ladnegávpogat gos ásset anaklaččat. Hearrá lea muinna, nu ahte mun nagodan váldit sin eatnama, nugo son lohpidii.”

13Dalle Josua buressivdnidii Kaleba, Jefunne bártni, ja attii sutnje Hebrona opmodahkan. 14Nu kenisselaš Kaleb, Jefunne bárdni, oaččui Hebrona opmodahkanis, danin go son lei leamaš oskkáldas Hearrái, Israela Ipmilii. Hebron lea su opmodat vel otná beaivvinai. 15

14,15
11,23
Hebrona namma lei dolin Kirjat Arba, danin go Arba lei anaklaččaid stuorimus olmmái.

Sođiid maŋŋil eatnamis lei dál ráfi.

15

Juda čeardda eanan

151

15,1
1 Mos 49,8eč
4 Mos 34,3
5 Mos 33,7
Vuorbádeamis Juda čearda oaččui sogaidasas eatnama mii áibbas lullin Sinmeahcis olii Edoma rádjái. 2Eatnama lullerádji álgá Jápmameara geažis, dan luovtta rájes mii lea lulimussan, 3ja manná Akrabbimgorgŋehaga lulábeale Sinii ja doppe Kadeš Barnea lullelis Hesronii ja das ain Addarii gos dat gávvá Karka guvlui. 4Dasto dat manná Asmonii ja das ain Egypta rádjájohkii ja dan mielde áhpái. Dát lea Juda čeardda lullerádji.

5Nuortarádjin lea Jápmamearra gitta Jordannjálbmái. Davverádji álgá dan luovttas gosa Jordan luoitá, 6

15,6
18,17
ja manná bajás Bet-Hoglai ja dasto Bet-Haaraba davábeale gitta Bohana, Rubena bártni, geađggi rádjái. 7Dasto rádji manná Akorleagis bajás Debirii ja gávvá davás Gelilotii mii lea Adummimgorgŋehaga buohta, jogaža lullelis, dasto Šemešádjagii ja das ain Rogeládjagii. 8Dasto rádji manná ain bajás Ben-Hinnoma leagi jebuslaččaid várrevieltti dahjege Jerusalema lulábeale, ja doppe fas dan várrečohkkii mii lea Hinnomleagi oarjjabealde Refaimleagi davágeažis. 9Várrečohkas rádji gávvá Neftoahádjagii, manná das Efrona várreeatnama gávpogiidda ja dasto gával Baalai dahjege Kirjat-Jearimii. 10Baalas rádji gávvá oarjjás Seirvárrái ja manná dasto Jearimvári davágeaži dahjege Kesalona badjel ja ain vuolás Bet-Šemešii ja de Timna guora. 11Dasto rádji manná Ekronvári davágeaži vieltái ja gávvá Šikkeronii, de Baalavári guora Jabneelii ja das áhpái. 12Oarjerádjin lea Stuorramearra. Dat leat Juda čeardda sogaid eatnamat.

13

15,13
Jos 11,21č
14,15
Duop 1,10–15
Kalebii, Jefunne bárdnái, Josua attii eatnama Juda čeardda eatnama siste, nugo Hearrá lei gohččon Josua. Kaleb oaččui Hebrona dahjege Kirjat-Arba mii lei anaklaččaid máttu Arba gávpot. 14
15,14
4 Mos 13,22
Kaleb duššadii doppe Šešaja, Ahimana ja Talmaja sogaid, Anaka náli. 15De son soahttái Debira ássiiguin; Debira namma lei dolin Kirjat-Sefer. 16Kaleb dajai: “Mun attán nieidan Aksa áhkkán dasa gii falleha Kirjat-Sefera ja váldá dan.” 17
15,17
Duop 1,13
Otniel, Kaleba vielja Kenasa bárdni, válddii gávpoga, ja Kaleb attii sutnje nieiddas Aksa áhkkán. 18Go Aksa bođii dohko, de son mearridii sártnuhit áhčis addit sudnuide eambbo eatnama. Aksa luoitádii ásena čielggis, ja Kaleb jearai: “Maid don dáhtut?”. 19Aksa vástidii: “Atte munnje earroattáldaga. Don leat addán munnje Negevmeahci, atte munnje vel gálduid.” Dalle Kaleb attii sutnje Badjegálduid ja Vuollegálduid.

20Dat lea Juda čeardda sogaid opmodat. 21Dát leat Juda čeardda ravdaguovllu gávpogat Edoma ráji lahka Negevis: Kabseel, Eder, Jagur, 22Kina, Dimona, Adada, 23Kedeš, Hasor, Jitnan, 24Sif, Telem, Bealot, 25Hasor-Hadatta, Kerijot-Hesron dahjege Hasor, 26Amam, Šema, Molada, 27Hasar-Gadda, Hešmon, Bet-Pelet, 28Hasar-Šual, Beer Šeba oktan birasbáikkiidisguin, 29Baala, Ijim, Esem, 30Eltolad, Kesil, Horma, 31Siklag, Madmanna, Sansanna, 32Lebaot, Šilhim, Ajin ja Rimmon, oktiibuot guoktelogiovcci gávpoga oktan birasbáikkiideasetguin.

33Šefelas: Eštaol, Sora, Ašna, 34Sanoah, En-Gannim, Tappuah, Enam, 35Jarmut, Adullam, Soko, Aseka, 36Šaarajim, Aditajim, Gedera ja Gederotajim, njealljenuppelohkái gávpoga oktan birasbáikkiideasetguin; 37Senan, Hadaša, Migdal-Gad, 38Dilan, Mispe, Jokteel, 39Lakiš, Boskat, Eglon, 40Kabbon, Lahmas, Kitliš, 41Gederot, Bet-Dagon, Naama ja Makkeda, guhttanuppelohkái gávpoga oktan birasbáikkiideasetguin; 42Libna, Eter, Ašan, 43Jefta, Ašna, Nesib, 44Keila, Aksib ja Mareša, ovcci gávpoga oktan birasbáikkiideasetguin; 45Ekron oktan birasgávpogiiddisguin ja birasbáikkiidisguin, 46Ekronis oarjjás buot gávpogat oktan birasbáikkiideasetguin Ašdoda lahka, 47

15,47
4 Mos 34,6
Ašdod oktan birasgávpogiiddisguin ja birasbáikkiiddisguin, Gaza oktan birasgávpogiiddisguin ja birasbáikkiiddisguin gitta Egypta rádjejoga ja Stuorrameara rádjái.

48Várreeatnamis: Šamir, Jattir, Soko, 49Danna, Kirjat-Sanna dahjege Debir, 50Anab, Eštemoa, Anim, 51Gošen, Holon ja Gilo, oktanuppelohkái gávpoga oktan birasbáikkiideasetguin; 52Arab, Duma, Ešan, 53Janum, Bet-Tappuah, Afeka, 54Humta, Kirjat-Arba dahjege Hebron, ja Sior, ovcci gávpoga oktan birasbáikkiideasetguin; 55Maon, Karmel, Sif, Jutta, 56Jisreel, Jokdeam, Sanoah, 57Kain, Gibea ja Timna, logi gávpoga oktan birasbáikkiideasetguin; 58Halhul, Bet-Sur, Gedor, 59Maarat, Bet-Anot ja Eltekon, guhtta gávpoga oktan birasbáikkiideasetguin; Tekoa, Efrata dahjege Betlehem, Peor, Etam, Kulon, Tatam, Šoreš, Kerem, Gallim, Beter ja Manoho, oktanuppelohkái gávpoga oktan birasbáikkiideasetguin; 60Kirjat-Baal dahjege Kirjat-Jearim ja Rabba, guokte gávpoga oktan birasbáikkiideasetguin.

61Meahcis: Bet-Haaraba, Middin, Sekaka, 62Nibšan, Ir-Hammelah ja En-Gedi, guhtta gávpoga oktan birasbáikkiideasetguin.

63

15,63
Duop 1,21
2 Sam 5,6
Jebuslaččaid geat ásse Jerusalemis, Juda čearda ii nagodan duššadit, muhto sii ásset Juda čeardda gaskkas Jerusalemis vel otná beaivvinai.