Jona báhtara Hearrás
11
Hearrá sátni bođii Jonai, Amittaja bárdnái:
2
Jona 3,2
“Vuolgge Ninivei, dan stuorra gávpogii, ja gulat doppe ahte mun, Hearrá, lean oaidnán dan bahávuođa ja ráŋggáštan dan.” 3
Esek 27,1225
1,3 Taršiš hápmangávpot dahje guovlu gáiddus rittuin, navdimis Gaskameara oarjjageahčen. >1 Mos 10,4.Muhto Jona mearridii báhtarit Hearrás Taršišii. Son manai Jafoi ja ozai doppe skiippa mii lei vuolgimin Taršišii. Son mávssii mátkki ja manai skiipii vai beassá meara duohkái eret Hearrá muođuid ovddas.
4
Matt 8,24
Muhto Hearrá suhppii merrii stuorra dálkki, ja šattai nu garra riđđu ahte skiipa cuovkanišgođii. 5
Apd 27,18č
Dalle mearraolbmát ballájedje, ja juohkehaš čuorvvui iežas ipmila. Sii bálko buot gálvvuid skiippas merrii vai dat geahppánivččii.
Jona lei njiedjan skiippa vuđđui veallánit ja ođii lossadit. 6Skiippa kapteaidna manai su lusa ja dajai sutnje: “Mo don sáhtát oađđit nu lossadit? Lihka ja čuorvvo iežat ipmilii! Veadjá du ipmil muitit min, vai mii eat heavvan.”
7
1 Sam 14,42
Mearraolbmát dadje nubbi nubbái: “Suhppejehkot vuorbbi vai oažžut diehtit, gean dihte dát lihkuhisvuohta lea deaividan min!” Sii suhppejedje vuorbbi, ja vuorbi gahčai Jonai. 8De sii dadje sutnje: “Muital midjiide manne dát lihkuhisvuohta lea deaividan min! Makkár mohkki dus lea? Gos don boađát? Mii lea du eanan ja man álbmogii don gulat?” 9
Jona vástidii: “Mun lean hebrealaš ja bálvalan Hearrá, almmi Ipmila, guhte lea sivdnidan meara ja goikeeatnama.” 10Olbmát ballájedje sakka ja jerre sus: “Maid don leat dahkan?” Dasgo sii dihte ahte Jona lei báhtareamen Hearrás; son lei muitalan dan sidjiide. 11Sii jerre: “Maid mii galgat dahkat dutnje, vai mearra golkešii?” Mearra máraidii eambbo ahte eambbo. 12Jona vástidii: “Bálkestehket mu merrii, de mearra golke. Mun dieđán ahte dát garra riđđu lea deaividan din mu dihte.” 13Mearraolbmát geahččaledje suhkat ruovttoluotta gáddái, muhto eai nagodan, dasgo mearra máraidii eambbo ahte eambbo. 14Dalle sii čurvo Hearrá ja dadje: “Vuoi Hearrá, ale divtte min heavvanit danne go dát olmmái jápmá! Ale dubme min, jos mii goddit vigihis olbmo! Don, Hearrá, dáhttot visot dán dáhpáhuvvat.”
15De sii válde Jona ja bálkestedje su merrii, ja mearra heittii máraideames dallánaga. 16Olbmát ballájedje sakka Hearrás. Sii oaffarušše Hearrái oaffara ja dahke lohpádusaid.
Jona rohkadus
21Hearrá vuolggahii stuorra guoli njielastit Jona. Jona lei guoli čoavjjis golbma beaivvi ja golbma ija. 2Doppe son rohkadalai Hearrá, Ipmilis, 3
130,1
Váid 3,55č
ja dajai:
Heađistan mun čurvon Hearrái,
ja son vástidii munnje.
Jábmiidáimmu čiekŋalasas mun čurvon,
ja don gullet mu jiena.
4
Don bálkestit mu čiekŋalassii gasku ábi,
ja čáhcerávnnjit birastahtte mu.
Buot du bárut ja du siiggádat
šávve mu badjel.
5
Mun jurddašin: Mun lean
norddastuvvon eret du čalmmiid ovddas.
Beasango mun šat oaidnit
du bassi tempela?
6
Váid 3,54
Čázit gokče mu gitta čoddaga rádjái,
mearračiekŋalas birastahtii mu,
debbot sorrojedje mu oaivái.
7
Váriid vuođuid rádjái mun vudjon,
eatnama poarttaid smarttit
dahppojuvvojedje mu maŋil agálaš áigái.
Muhto don, Hearrá, mu Ipmil,
loktejit mu eallinaga hávddis.
8
Go mu siellu vuoimmehuvai,
de mun muiten Hearrá,
ja mu rohkos bođii du lusa,
du bassi tempelii.
9
Dat geat bálvalit duššálaš eahpeipmiliid,
hilgot oskkáldas veahkeheaddjiset.
10
Muhto mun beasan oaffaruššat
ja lávlut dutnje giittuslávlagiid.
Maid lean lohpidan, dan mun doalan.
Bestojupmi boahtá Hearrás.
11Hearrá sártnui guollái, ja dat čollii Jona goikeeatnamii.