Hearrá beaivi

2¹

bajidehket soahtečuorvasa

mu bassi váris,

vai buot eatnama olbmot

doarggistit balus!

Dasgo Hearrá beaivi lea lahka,

dat boahtá,

²

balvvaid ja mierkká beaivi!

Nugo iđitroađđi leavvá várrái,

nu boahtá stuorra

ja veagalaš álbmot.

Dan láhkásaš ii leat leamaš goassege

iige šatta boahtti buolvvaid áiggege.

³Dolla duššada dan ovdal,

njuoršu dollanjuokčamat

dan maŋŋil.

Dan ovdal eanan lea

dego Edena gilvvagárdi,

dan maŋŋil dego

jápma meahcci;

ii mihkkege seastašuva.

⁴

soahteheasttaid láhkái

dat mannet ovddos.

⁵Dat hurget ráđa várrečilggiid

dego soahtevovnnat,

dego dolla mii ruohčá oalggain,

dego stuorra veahka,

soahtái ráhkkanan.

⁶

buohkaid muođut šovkkodit.

⁷Dego soahteolbmát

dat mannet ovdan,

nugo sáŋgárat dat gorgŋot

muvrraid ala.

Juohkehaš manná njuolga ovddos,

ii oktage spiehkas geainnustis.

⁸Dat eai nordda

guhtet guimmiideaset,

juohkehaš manná njuolga ovddos.

Dat fallehit njuollaborgga čađa,

dat eai leat orustahttimis.

⁹

fallehit badjel muvrra,

bahkkejit viesuide,

čákŋet láseráiggiid

dego suollagat.

¹⁰

daid ovdal,

albmi rabaida.

Beaivváš ja mánnu sevnnjodit,

násttit masset šearratvuođaset.

¹¹

su soahteveaga ovdal,

fámolaš lea su veahka,

olusat dat mat doaimmahit

su sáni.

Hearrá beaivi lea stuoris

ja hirbmatlaš.

Gii sáhttá dan gierdat?

¹²

jorgalehket mu beallái

oppa váimmus,

fástudemiin, čierrumiin

ja váidalemiin.

¹³

alletge biktasiiddádet,

ja jorgalehket Hearrá,

Ipmileattet, beallái!

Son lea árbmugas ja váibmoláđis,

son lea guhkesmielalaš

ja su buorrevuohta lea stuoris.

Son gáhtá, nu ahte lihkuhisvuohta

ii boađe.

¹⁴

Son sáhttá jorggihit ja gáhtat

ja diktit buressivdnádusa bissut.

Dalle dii sáhttibehtet fas

buktit borramušoaffara

ja juhkamušoaffara Hearrái,

Ipmilasadet.

¹⁵

gulahehket fásttu,

almmuhehket bassi čoagganeami!

¹⁶Gohččot álbmoga boahtit,

gulahehket bassi čoagganeami,

rávket vuorrasiid,

čohkkejehket mánážiid

ja njammimánáid!

Vulgos irgi lanjastis

ja moarsi gámmáristtis!

¹⁷

ja áltára gaskkas,

Hearrá bálvaleaddjit dadjet:

“Hearrá, seastte álbmogat!

Ale atte iežat olbmuid

hiddjiduvvot,

nu ahte sii šaddet sátnevájasin

álbmogiid gaskkas.

Manne álbmogat beasašedje dadjat:

Gos lea din Ipmil?”

Hearrá lohpádusat

¹⁸Dalle Hearrá šattai áŋgirin

eatnamis dihte,

son árpmihii iežas álbmoga.

¹⁹Hearrá vástidii álbmogasas:

Mun vuolggahan didjiide gortni,

viinni ja oljju,

vai dii gallánehpet.

In mun šat suova vierroálbmogiid

hiddjidit din.

²⁰2,20 Vašálačča mii boahtá davvin >Jer 1,14.2,20 nuorttabeale meara Jápmamearra. oarjjabeale meara Gaskamearra.Vašálačča mii boahtá davvin,

mun áján din luhtte eret.

Mun doalvvun sin goike

ja ávdin eatnamii,

njunnoša nuorttabeale

meara rádjái,

maŋŋoša oarjjabeale

meara rádjái.

Sus badjána hádja,

dan bahča hádja leavvá.

Stuorra daguid sii leat dahkan!

²¹Ale bala, eanan;

ávvut ja illut,

dasgo Hearrá lea dahkan

stuorra daguid!

²²

dasgo meahci guohtumat

runiidit,

muorat šaddadit šattuid ja

fiikonmuorat ja viidnemuorat

addet valljugas šattu.

²³

illudehket Hearrás, Ipmilis!

Vanhurskkisvuođastis

son addá didjiide čakčaarvvi,

son vuolggaha didjiide arvvi,

čakčaarvvi ja giđđaarvvi

nugo ovdal.

²⁴

lea dievva gordni,

viidni ja olju golgá badjel

bohčingáriid ravddaid.

²⁵

daid jagiid maid rásselohkku,

jursi, borri ja muohcu stajidedje

– mu stuorra veahka maid mun

vuolggahin din vuostá.

²⁶Dii beassabehtet borrat

ja gallánit ja máidnut Hearrá,

Ipmileattet,

guhte lea meannudan

dinguin ovddolaččat.

Ii goassege šat mu álbmot

šatta heahpadii.

²⁷

ahte mun lean gasku Israela,

ahte mun lean din Hearrá,

din Ipmil, mun iige oktage eará.

Mu álbmot ii šat

goassege šatta heahpadii.