71Olbmo oassi eatnama alde lea rahčan,
su beaivvit leat dego
beaivebálkkolačča beaivvit.
2Son lea dego šlávva
gii áibbaša suoivanii,
dego beaivebálkkolaš gii vuordá bálkkás.
3
Nu šadde vártnuhisvuođa mánut
mu vuorbin,
gillámuša ijat mu oassin.
4Go mun veallánan, de mun jurddašan:
“Iigo juo fargga leat lihkkanáigi?”
Idja lea guhkki,
ja mun mállagušan
gitta iđedisgukso rádjái.
5
Máđut ja ruoppit gokčet mu rupmaša,
mu hávit irdašuvvet ja sidjot.
6
102,12
Jes 38,12
Mu beaivvit mannet johtileappot
go gođđi suhkkol,
dat nohket doaivvuhisvuhtii.
7
Sál 39,6č
78,39
Muitte ahte mu eallin
lea dušše vuoiŋŋanas,
mun in goassege šat muosát lihku.
8Dat gii oaidná mu dál,
ii oainne mu šat goassege,
go son geahčasta mu beallái,
de mun lean jávkan.
9
16,22
Jes 26,14
Balva bieđgana ja jávká.
Dat gii manná jábmiidáibmui,
ii šat máhca.
10
Ii son šat goassege boađe ruoktot,
su báiki ii šat dovdda su.
11
Dan dihte mun in doalat sániidan,
mun sártnun vuoigŋan áŧestusas,
váidalan bahča bákčasiin.
12
7,12 áhpi, ábi guovdi fámut maid Ipmil vuittii dalle go máilbmi sivdniduvvui. Vrd. Sál 74,13; Jes 27,1; 51,9. ▶ mearra.Leango mun áhpi dahje ábi guovdi,
go don bijat munnje fávtta?
13Go mun jurddašan:
“Seaŋga lea mu jeđđehus,
mu oađđinsadji geahpeda mu morraša,”
14dalle don suorggahat mu nieguiguin,
balddát mu oainnáhusaiguin.
15Mun anán buorebun hávkat.
Mun jámášin ovdal go gillát dáid gibuid.
16
Sárd 1,2
Jona 4,3
Mun sonan, in mun eale agálaččat.
Divtte mu leat ráfis,
mu beaivvit leat dego hieibma.
17
144,3
Mii lea olmmoš,
go don anát su nu dehálažžan
ja gozihat su álelassii,
18dutkkat su juohke iđida
ja dárkot su juohke čalbmeravkalanbotta?
19
Geahčas eará guvlui ja divtte mu orrut,
vai mun bállen njielastit iežan čolgga.
20
35,6
Jos mun leange suddudan,
de maid mun lean dahkan dainna dutnje,
olbmuid goziheaddji?
Manne don leat dahkan mu
fallehemiidat moallan?
Manne mun lean šaddan dutnje noađđin?
21Manne don it atte mu suttuid ándagassii
itge divtte mu suttuid jávkat?
Fargga mun veallánan muldii;
jos ozat mu, de mun in šat leat.
Bildad sárdnu vuosttaš háve
81De šuahlaš Bildad sárdnugođii:
2
Man guhká don sártnut diekkáraččaid?
Du sánithan leat dego garra biegga.
3
Job 34,12
Rom 3,5
Botnjágo Ipmil vuoigatvuođa?
Botnjágo Buotveagalaš rievtti?
4
Jos du mánát suddudedje su vuostá,
de sii šadde gillát rihkkumiiddiset dihte.
5Muhto jos don ieš ozat Ipmila,
jos ánut Buotveagalaččas árpmu
6
2,3
ja leat buhtis ja vuoiggalaš,
de son gal veahkeha du,
ja don oaččut fas dan
mii dutnje rievttuid gullá,
7
ja du ovddit dilli lea headju dan ektui
maid vel oaččut.
8
Job 12,12
8,8 áhčit ▶ áhčči.Jeara dain geat ledje ovdal min,
váldde vuhtii maid min áhčit gávnnahedje.
9
Miihan leat ievttáža mánát
eat dieđe maidege,
min beaivvit eatnama alde
leat dego suoivvan.
10Muhto min áhčit oahpahit du
ja sárdnot dutnje,
sii muitalit dutnje iežaset dieđu.
11Šaddágo papyrus allagin
doppe gos ii leat suotnju,
guhkkugo lukti almmá čázi haga?
12Dathan goiká ovdal buot eará rásiid,
dallán go lea ihtán,
ovdal go dan sáhttá čuohppat.
13
Sát 10,28
Nu geavvá buohkaide
geat vajáldahttet Ipmila.
Ipmilmeahttuma doaivu duššá.
14Son dorvvasta seakka árpui,
son ohcá oadjebasvuođa heavnnifierpmis.
15Jos son mieigá dan njeaiga,
de son gahččá,
jos son doallá das gitta, de son jorrala.
16Son ceaggá beaivvadagas
dego lastás muorra man oavssit
leabbanit miehtá gilvvagárddi,
17man ruohttasat šaddet juvvii
ja bahkkejit geđggiid gaskii.
18
Muhto go son gaikkihuvvo eret,
de sadji gos son šattai,
biehttala su ja dadjá:
“Mun in leat goassege oaidnán su.”
19
Job 10,9
Dies lei su illu,
ja earrásat bohciidit muolddas.
20Ipmil ii hilggo láitemeahttuma,
ii son doarjjo bahás olbmuid.
21
Ohpit son diktá du boagustit,,
diktá du illudit ja ávvudit.
22
Sát 14,11
Du vašuheddjiide gárvvuhuvvo heahpat,
iige ipmilmeahttumiid goahti šat leat.
Job vástida Bildadii
91Dál Job sártnui:
2
Mun dieđán vissásit mo dat lea:
Ii olmmoš sáhte leat vuoigadis
Ipmila vuostá.
3Jos Ipmil dáhtošii áššáskuhttit olbmo,
de olmmoš ii máhtáše vástidit
oktiige duhát váidagis.
4Čieŋal lea su viisodat, stuoris su fápmu.
Gii sáhtášii nágget su vuostá
gillákeahttá vahága?
5Son sirdá váriid
ovdal go dat oppa fuobmájitge,
son njeaidá daid moaristis,
6
Alm 6,12
9,6 dan báccit jurddašuvvui ahte eanan lea vuođđuduvvon bácciid vehkii mat leat eamiábis. Vrd. 1 Sam 2,8; Sál 75,4; 104,5.son doarggistahttá eatnama
nu ahte dat sirdása,
ja dan báccit suibot.
7Son gieldá beaivváža, iige dat badján,
son gokčá seaillainis násttiid čuovgga.
8
Jes 42,5
Matt 14,22–33
Son okto lea lebben almmi,
son johtá ábi báruid badjel.
9
Am 5,8
Dávggáid ja Gállábártniid
son lea dahkan,
Nieidagihpu ja lullealmmi
násttiid govadagaid.
10
Son dahká stuorra daguid
maid ii oktage veaje suokkardit,
oavdduid almmá logu haga.
11
Son rasttilda mu geainnu,
inge mun oainne su,
son manná mu meaddel,
inge mun su fuomáš.
12
23,13
Gii sáhttá hehttet su,
go son dohppe juoidá gihtii?
Gii sáhttá dadjat sutnje: “Maid don dagat?”
13
9,13 Rahab dás navdimis billisteaddji fápmu; muhtun ábi guovdi. >7,12. ▶ Leviatan.Ipmil ii doalahatta moaris,
Rahaba veahkage gopmirda su ovdii.
14
Man sakka uhcit dalle mun sáhtášin
vástidit sutnje,
mo gávnnašin rievttes sániid su vuostá?
15Vaikko mun livččen vuoigadis,
de mun in máhtáše vástidit,
mun ferten átnut árpmu sus gii dubme mu.
16Vaikko mun čurvvošin,
de in mun jáhke su guldalit mu jiena.
17
Son cuvke mu riđuinis
ja dahká munnje eatnat háviid
almmá siva haga.
18Son ii suova mu geassit vuoiŋŋahaga,
muhto deavdá mu bahča bákčasiin.
19
Jos lea sáhka fámus,
– son lea gievrramus.
Jos lea sáhka vuoigatvuođas,
de son jearrá: “Gii stevdne mu?”
20Vaikko mun lean vuoigadis,
de mu iežan njálbmi dubme mu.
Vaikko lean sivaheapme,
de son dubme mu sivalažžan.
21Mun lean sivaheapme!
Eallin ii mearkkaš munnje maidege,
mun in dáhto šat eallit.
22
Ovtta dat dahká, dan dihte mun dajan:
Sivaheapme dahje sivalaš
– son duššada goappašagaid.
23Go lihkuhisvuohta fáhkkestaga goddá,
de son bilkida vigihemiid heađi.
24Eanan lea addojuvvon
ipmilmeahttumiid gihtii,
son gokčá duopmáriid čalmmiid.
Jos dat ii leat son,
de gii dat dalle lea?
25
Sál 90,10
Mu beaivvit girdet johtileappot
go viehkki olmmoš,
dat báhtarit mus oainnekeahttá ilu.
26Dat jávkkihit dego hoaššafatnasat,
dat mannet dego goaskin mii njuolasta
sállaša maŋŋái.
27Jos mun dajan:
“Dál mun vajáldahtán iežan morraša,
mun moddján ja čájehan ilolaš muođuid,”
28de mun goitge balan das
maid šattan gillát.
Mun dieđán ahte don
it dubme mu sivaheapmin.
29Go mun dattetge adnojuvvon sivalažžan,
manne mun dalle ražašin duššiid?
30
Jer 2,22
Vaikko mun basadivččen muohttagis
ja buhtistivččen gieđaidan gutnačázis,
31de don cokkadivččet mu durderokkis,
nu ahte mu biktasat fasttášivčče mu.
32
Son ii leat olmmoš nugo mun.
Mun in sáhte vástidit sutnje
ja mannat suinna diggái.
33
Vare livččii dakkár gaskaolmmái
gean moai goappašagat
fertešeimme jeagadit!
34Vare son heaittášii cápmimis mu,
vare su suorggahusat eai mu balddihivčče!
35Dalle mun sártnošin balakeahttá.
Dál mun in dan sáhte.