Davvisámegiel Biibbal 2019 (Biibbal)
6

Job vástida Elifasii

61De Job sártnui:

2Vare mu moraš vihkkejuvvošii,

mu lihkuhisvuohta

biddjojuvvošii veavtta ala!

3Dál dat lea losit go meara sáddot,

danne mun sártnun jurdilkeahttá.

4

6,4
5 Mos 32,23
Job 34,6
Sál 38,3
Buotveagalačča njuolat

leat deaivan munnje,

daid mirko njammasa mu sillui,

Ipmil diktá balddáhusaidis fallehit mu.

5Iihan meahcceásen bárggo ruonas gittiin,

vuoksá ii muola go dan ovddas lea fuođar.

6Muhto gii borašii veahtta biepmu

almmá sálttiid haga,

gii muosáhivččii njivllaurtasa?

7Maid šattan njiellat, gákkaha váimmu,

dat lea šaddan munnje

lusttuhis borramuššan.

8Vare mu rohkadus devdošii,

vare Ipmil ollašuhtášii mu doaivaga!

9

6,9
1 Gon 19,4
Vare son mieđašii cuvket mu,

loktešii gieđa ja čuohpašii gaskat

mu eallima láiggi!

10

6,10
5 Mos 6,6–9
Dat livččii dattetge mu jeđđehus

go fieradan garra bákčasiin,

ahte in leat čiehkan dan

maid Bassi lea cealkán.

11Leago mus fápmu

mii attášii munnje doaivvu,

dakkár ulbmil man veagas mun gierddan?

12Leago mu fápmu dego geađggi fápmu,

leago mu rumaš nugo bronsa?

13Almma mus ii leat šat doaivu,

buot mu geainnut leat dahppojuvvon.

14

6,14
1 Joh 3,17
Dat gii beahttá lagamuččas heađis,

lea heaitán ballamis Buotveagalaččas.

15

6,15
Sál 38,12
Jer 15,18
Mu vieljat leat behtolaččat

dego jogaš,

nugo johkaroggi gos čáhci jávká.

16Suddi jiekŋa čáhpodahttá jogaža

ja muohta seahkana dan čáhcái,

17muhto goikkádahkan dat jaskkoda,

báhkkan dan čáhci goiká.

18Karavánat mátkkoštit johkarokkiid,

mannet ávdin meahccái ja duššet.

19Tema karavánat gehččet dan guvlui,

Saba gávpeolbmát bidjet doaivvuset dasa.

20Muhto go sii ollejit dan gáddái,

de sii beahtahallet: Čáhci ii leat.

21Dakkáražžan dii lehpet šaddan munnje;

go dii oinniidet balddáhusa,

de dii balláidet.

22Leango mun dáhtton dis maidege,

leango bivdán din oastit iežan friddjan?

23

6,23
Jer 15,21
Leango čurvon:

“Gádjot mu vašálačča válddis,

čovdet mu veahkaválddálačča gieđas!”

24

6,24
10,2
13,23
Oahpahehket mu, de mun orun jávohaga,

čilgejehket munnje gokko mun lean čádjidan.

25

6,25
Sárd 12,11
Lossathan lea gullat duohtavuođa,

muhto man áššis dii áigubehtet

bagadit mu?

26Áigubehtetgo dii bagadit mu das

maid lean cealkán,

dahkat duššin dorvvuhuvvan olbmá sániid?

27Dii vuorbádehpet oarbbes mánáid,

dii gávpalehpet ustibiiddádet.

28Gehččet dal munnje:

Gielistango mun din čalbmehálgui?

29Jurddašehket,

allet divtte vearrivuođa dáhpáhuvvat!

Jurddašehket!

Mun lean dattetge sivaheapme.

30Leago mu njuokčamis vearrivuohta?

Iigo mu guopmi

dovddaše bahávuođa smáhka?

7

71Olbmo oassi eatnama alde lea rahčan,

su beaivvit leat dego

beaivebálkkolačča beaivvit.

2Son lea dego šlávva

gii áibbaša suoivanii,

dego beaivebálkkolaš gii vuordá bálkkás.

3

7,3
Sárd 2,23
Nu šadde vártnuhisvuođa mánut

mu vuorbin,

gillámuša ijat mu oassin.

4Go mun veallánan, de mun jurddašan:

“Iigo juo fargga leat lihkkanáigi?”

Idja lea guhkki,

ja mun mállagušan

gitta iđedisgukso rádjái.

5

7,5
2,7č12
Máđut ja ruoppit gokčet mu rupmaša,

mu hávit irdašuvvet ja sidjot.

6

7,6
Sál 90,9eč
102,12
Jes 38,12
Mu beaivvit mannet johtileappot

go gođđi suhkkol,

dat nohket doaivvuhisvuhtii.

7

7,7
9,25
Sál 39,6č
78,39
Muitte ahte mu eallin

lea dušše vuoiŋŋanas,

mun in goassege šat muosát lihku.

8Dat gii oaidná mu dál,

ii oainne mu šat goassege,

go son geahčasta mu beallái,

de mun lean jávkan.

9

7,9
10,21
16,22
Jes 26,14
Balva bieđgana ja jávká.

Dat gii manná jábmiidáibmui,

ii šat máhca.

10

7,10
Sál 103,16
Ii son šat goassege boađe ruoktot,

su báiki ii šat dovdda su.

11

7,11
10,1
Dan dihte mun in doalat sániidan,

mun sártnun vuoigŋan áŧestusas,

váidalan bahča bákčasiin.

12

7,12
38,8–11
7,12 áhpi, ábi guovdi fámut maid Ipmil vuittii dalle go máilbmi sivdniduvvui. Vrd. Sál 74,13; Jes 27,1; 51,9. ▶ mearra.Leango mun áhpi dahje ábi guovdi,

go don bijat munnje fávtta?

13Go mun jurddašan:

“Seaŋga lea mu jeđđehus,

mu oađđinsadji geahpeda mu morraša,”

14dalle don suorggahat mu nieguiguin,

balddát mu oainnáhusaiguin.

15Mun anán buorebun hávkat.

Mun jámášin ovdal go gillát dáid gibuid.

16

7,16
1 Gon 19,4
Sárd 1,2
Jona 4,3
Mun sonan, in mun eale agálaččat.

Divtte mu leat ráfis,

mu beaivvit leat dego hieibma.

17

7,17
Sál 8,5
144,3
Mii lea olmmoš,

go don anát su nu dehálažžan

ja gozihat su álelassii,

18dutkkat su juohke iđida

ja dárkot su juohke čalbmeravkalanbotta?

19

7,19
Sál 39,14
Geahčas eará guvlui ja divtte mu orrut,

vai mun bállen njielastit iežan čolgga.

20

7,20
6,4
35,6
Jos mun leange suddudan,

de maid mun lean dahkan dainna dutnje,

olbmuid goziheaddji?

Manne don leat dahkan mu

fallehemiidat moallan?

Manne mun lean šaddan dutnje noađđin?

21Manne don it atte mu suttuid ándagassii

itge divtte mu suttuid jávkat?

Fargga mun veallánan muldii;

jos ozat mu, de mun in šat leat.

8

Bildad sárdnu vuosttaš háve

81De šuahlaš Bildad sárdnugođii:

2

8,2
7,11
Man guhká don sártnut diekkáraččaid?

Du sánithan leat dego garra biegga.

3

8,3
5 Mos 32,4
Job 34,12
Rom 3,5
Botnjágo Ipmil vuoigatvuođa?

Botnjágo Buotveagalaš rievtti?

4

8,4
1,518č
Jos du mánát suddudedje su vuostá,

de sii šadde gillát rihkkumiiddiset dihte.

5Muhto jos don ieš ozat Ipmila,

jos ánut Buotveagalaččas árpmu

6

8,6
1,18
2,3
ja leat buhtis ja vuoiggalaš,

de son gal veahkeha du,

ja don oaččut fas dan

mii dutnje rievttuid gullá,

7

8,7
42,1012–15
ja du ovddit dilli lea headju dan ektui

maid vel oaččut.

8

8,8
5 Mos 32,7
Job 12,12
8,8 áhčit áhčči.Jeara dain geat ledje ovdal min,

váldde vuhtii maid min áhčit gávnnahedje.

9

8,9
14,1čSál 90,10
Miihan leat ievttáža mánát

eat dieđe maidege,

min beaivvit eatnama alde

leat dego suoivvan.

10Muhto min áhčit oahpahit du

ja sárdnot dutnje,

sii muitalit dutnje iežaset dieđu.

11Šaddágo papyrus allagin

doppe gos ii leat suotnju,

guhkkugo lukti almmá čázi haga?

12Dathan goiká ovdal buot eará rásiid,

dallán go lea ihtán,

ovdal go dan sáhttá čuohppat.

13

8,13
11,20
Sát 10,28
Nu geavvá buohkaide

geat vajáldahttet Ipmila.

Ipmilmeahttuma doaivu duššá.

14Son dorvvasta seakka árpui,

son ohcá oadjebasvuođa heavnnifierpmis.

15Jos son mieigá dan njeaiga,

de son gahččá,

jos son doallá das gitta, de son jorrala.

16Son ceaggá beaivvadagas

dego lastás muorra man oavssit

leabbanit miehtá gilvvagárddi,

17man ruohttasat šaddet juvvii

ja bahkkejit geđggiid gaskii.

18

8,18
7,10+
Muhto go son gaikkihuvvo eret,

de sadji gos son šattai,

biehttala su ja dadjá:

“Mun in leat goassege oaidnán su.”

19

8,19
1 Mos 2,7
Job 10,9
Dies lei su illu,

ja earrásat bohciidit muolddas.

20Ipmil ii hilggo láitemeahttuma,

ii son doarjjo bahás olbmuid.

21

8,21
Sál 126,2
Ohpit son diktá du boagustit,,

diktá du illudit ja ávvudit.

22

8,22
Sál 35,26
Sát 14,11
Du vašuheddjiide gárvvuhuvvo heahpat,

iige ipmilmeahttumiid goahti šat leat.