Job vástida Elifasii

6¹De Job sártnui:

²Vare mu moraš vihkkejuvvošii,

mu lihkuhisvuohta

biddjojuvvošii veavtta ala!

³Dál dat lea losit go meara sáddot,

danne mun sártnun jurdilkeahttá.

⁴

leat deaivan munnje,

daid mirko njammasa mu sillui,

Ipmil diktá balddáhusaidis fallehit mu.

⁵Iihan meahcceásen bárggo ruonas gittiin,

vuoksá ii muola go dan ovddas lea fuođar.

⁶Muhto gii borašii veahtta biepmu

almmá sálttiid haga,

gii muosáhivččii njivllaurtasa?

⁷Maid šattan njiellat, gákkaha váimmu,

dat lea šaddan munnje

lusttuhis borramuššan.

⁸Vare mu rohkadus devdošii,

vare Ipmil ollašuhtášii mu doaivaga!

⁹

loktešii gieđa ja čuohpašii gaskat

mu eallima láiggi!

¹⁰

go fieradan garra bákčasiin,

ahte in leat čiehkan dan

maid Bassi lea cealkán.

¹¹Leago mus fápmu

mii attášii munnje doaivvu,

dakkár ulbmil man veagas mun gierddan?

¹²Leago mu fápmu dego geađggi fápmu,

leago mu rumaš nugo bronsa?

¹³Almma mus ii leat šat doaivu,

buot mu geainnut leat dahppojuvvon.

¹⁴

lea heaitán ballamis Buotveagalaččas.

¹⁵

dego jogaš,

nugo johkaroggi gos čáhci jávká.

¹⁶Suddi jiekŋa čáhpodahttá jogaža

ja muohta seahkana dan čáhcái,

¹⁷muhto goikkádahkan dat jaskkoda,

báhkkan dan čáhci goiká.

¹⁸Karavánat mátkkoštit johkarokkiid,

mannet ávdin meahccái ja duššet.

¹⁹Tema karavánat gehččet dan guvlui,

Saba gávpeolbmát bidjet doaivvuset dasa.

²⁰Muhto go sii ollejit dan gáddái,

de sii beahtahallet: Čáhci ii leat.

²¹Dakkáražžan dii lehpet šaddan munnje;

go dii oinniidet balddáhusa,

de dii balláidet.

²²Leango mun dáhtton dis maidege,

leango bivdán din oastit iežan friddjan?

²³

“Gádjot mu vašálačča válddis,

čovdet mu veahkaválddálačča gieđas!”

²⁴

čilgejehket munnje gokko mun lean čádjidan.

²⁵

muhto man áššis dii áigubehtet

bagadit mu?

²⁶Áigubehtetgo dii bagadit mu das

maid lean cealkán,

dahkat duššin dorvvuhuvvan olbmá sániid?

²⁷Dii vuorbádehpet oarbbes mánáid,

dii gávpalehpet ustibiiddádet.

²⁸Gehččet dal munnje:

Gielistango mun din čalbmehálgui?

²⁹Jurddašehket,

allet divtte vearrivuođa dáhpáhuvvat!

Jurddašehket!

Mun lean dattetge sivaheapme.

³⁰Leago mu njuokčamis vearrivuohta?

Iigo mu guopmi

dovddaše bahávuođa smáhka?