Davvisámegiel Biibbal 2019 (Biibbal)
40

Leago du giehta Ipmila giehta?

401Hearrá vástidii Jobii ramadaga siste:

240,2 Boahkánastte alimiid >38,3.Boahkánastte alimiid, leage olmmái!

Dál mun jearan, ja don vástidat.

3

40,3
Sál 51,6
Rom 3,4
Dagatgo don duššin

mu vuoiggalašvuođa,

sivahatgo mu áššálažžan

vai ieš beasat leat vuoigadis?

4

40,4
36,30–33
38,25
Leago du giehta nugo Ipmila giehta,

jupmágo du jietna su jiena láhkái?

5

40,5
Sál 93,1
Čiŋat dalle allatvuođain

ja stuorisvuođain,

gárvot gudni ja hearvásvuođa!

6Divtte iežat moari govdat,

geahčas goargadiidda ja cuvke sin!

7

40,7
Sál 75,8
Dan 4,37
Sojat goarggastalliid geahčastagainat,

duolmma ipmilmeahttumiid eatnamii!

8

40,8
4 Mos 16,30–32
Govčča sin buohkaid muldii,

čiega sin seavdnjadassii!

9

40,9
Jes 59,16
63,5
Dalle munge rámidan du,

du iežat gieđa fápmuhan

lea máhttán veahkehit du.

1040,10 Behemot muhtun stuorra ealli.Oainnátgo Behemota?

Mun lean sivdnidan dan,

nugo mun lean sivdnidan duge.

Dat guohtu rási dego vuoksá.

11Geahča dan alimiid fámu

ja dan čoavjedehkiid givrodaga!

12Dan seaibi lea starggas

dego sedermuorra,

dan čoarbbeliid suonat

leat čavgadit bárgiduvvon.

13Dan dávttit leat dego bronsabohccit,

dan dákteriggi nugo ruovdestákkut.

1440,14 sivdnideaddji … miehki Masorehtalaš teaksta ii leat čielggas.Dat lea ovddimuš Ipmila sivdnádusain,

sivdnideaddji lea addán dasa miehki.

15Várit šaddadit dasa biepmu,

buot meahcispiret duhkoraddet dan lahka.

16Dat vuoiŋŋada lotusmuoraid vuolde,

hoaššaid gaskkas, suonju čiegás.

17Lotusmuorat fállet dasa suoivana,

gátti sieđggat čihket dan.

18Dat ii ballá vaikko johka mo dulvvaš,

dat lea oadjebas vaikko vel Jordan šávašii

dan njálmmi njeaiga.

19Gii duostá fallehit dan dan oaidnut

ja geassit bátti dan njunneráiggiid čađa?

2040,20 Leviatan stuorra čáhceealli, dávjá fápmu mii vuostálastá Ipmila. Dás govviduvvon krokodilan. >3,8.Sáhtátgo bivdit Leviatana vuokkain,

máhtátgo bidjat dasa njálbmeruvddiid?

21Bijatgo bessodaga dan njunnái,

čuggetgo roahki dan olloliid čađa?

22Átnugo dat dus árpmu,

sárdnugo dat dutnje litnásit?

23

40,23
5,23
39,12–15
Dahkágo dat duinna lihtu,

válddátgo dan šlávvan agibeaivái?

24Duhkorattatgo don dainna dego lottiin,

divttátgo iežat nieiddažiid

láidet dan báttis?

25Vuovdalitgo bivdosearvvi olbmát dan,

jođihitgo gávpeolbmát dan ruvjjiid?

26Sáhtátgo čuoggut

dievva sáittiid dan náhkkái

ja čugget árena dan oaivái?

27Geahččalmat fallehit dan!

Dan soađi it vajáldahte

itge dáhto dahkat dan nuppádis.

28Muđui gal beahtahalat,

juo dan oaidnimisge

olmmoš gahččá eatnamii.