Elifas sárdnu vuosttaš háve
41De temanlaš Elifas sárdnugođii:
2Nagodatgo don gullat
mii mus lea dadjamuššan?
Gii sáhttá leat sártnokeahttá!
3
Hebr 12,12
Don leat ieš bagadan eatnagiid,
leat nanosmahttán vuoimmehuvvan gieđaid.
4Du sánit leat čuoččáldahttán
guossaleddjiid,
don leat dahkan suibbodeaddji
čippiid nanusin.
5
Muhto dál go váttisvuohta
čuohcá dutnje, de don it gierdda,
go dat ollá dutnje alccesat,
de don suorganat.
6
2,3
Iigo du ipmilballu leat du dorvu,
iigo du láitemeahttunvuohta
leat du doaivu?
7
Sát 12,21
Jurddaš datte! Goas duššai vigiheapme,
gos manne hevvui vuoigatlaš olbmot?
8
22,8
Hos 10,12č
Gal 6,7č
Dán mun lean oaidnán:
Geat jorgot bahávuođa ja gilvet vearrivuođa,
dat maiddái dan láddjejit.
9Ipmila vuoiŋŋanasas sii duššet,
su moari bosanas heavaha sin.
10
58,7
Ledjon čeargu, beahtu harrá,
muhto spiriid bánit cuvkejuvvojit.
11Sállaša haga ledjon duššá,
njiŋŋelas ledjona čivggat bieđganit.
12
Suollemasat bođii mu lusa sátni,
dat ollii mu bealljái dego vuollegis jietna.
13Dat bođii balddihahtti
oainnáhusaid siste ihkku,
go olbmot ledje lossadit oađđimin.
14Mun suorganin ja dorggiidin,
oppa mu rumaš doarggistii balus.
15Biegga njávkkastii mu muođuid,
mu rupmaša guolggat ceagganedje.
16
De čuoččui das juoga
maid mun in dovdan,
aiddo mu čalmmiid ovddas lei hápmi.
Jaskatvuođas mun gullen jiena:
17
25,4–6
“Sáhttágo olmmoš
leat vuoigadis Ipmila vuostá,
sáhttágo olmmái leat buhtis
sivdnideaddjis čalmmiin?”
184,18 bálvaleddjiidasasge, eŋgeliinge ipmiliid bártnit. Vrd. 1,6č; 2,1č.Ipmil ii luohte
oppa bálvaleddjiidasasge,
iežas eŋgeliinge
son oaidná váilevašvuođa,
19
3,19
18,27
Sál 90,3–7
Sárd 12,7
4,19 dain geat ásset láiráviesus olbmot, sivdniduvvon muolddas. Gč. 1 Mos 2,7.velá eambbo dain
geat ásset láiráviesus,
geaid álgu lea muolddas,
geat deakčasit dego muohcu.
20Ovdal go beaivi nohká, olmmoš heavvana,
son duššá agálaččat iige oktage fuomáš.
21
Su goahtebáddi botkejuvvo,
son jápmá iige leat ožžon viissisvuođa.