Davvisámegiel Biibbal 2019 (Biibbal)
37

371Dás mu váibmu suorgana,

dat julká mu rattis.

2

37,2
Sál 29,3–9
Gullet su jiena juma,

gullet dan jura mii boahtá su njálmmis!

3Son luoitá álddagasaidis

mannat miehtá almmi,

son vuolggaha daid

gitta eatnama ravddaide.

4Daid maŋis gullo čeargun,

su gorges jietna jupmá.

Son ii seastte álddagasaidis,

ja su jietna jullá.

5

37,5
5,9
Ipmil dahká oavdudaguid

jubmi jienainis.

Son dahká stuorra daguid

maid mii eat ádde.

6

37,6
Sál 135,7
147,15–18
Son gohčču muohttaga gahččat,

ráššoarvvi šoallat eatnamii.

7Son bisseha olbmuid barggu,

vai buohkat dovdet su daguid.

8Meahcispiret mannet hoaluidasaset

ja bissot biejuineaset.

9Ramadat vuolgá gámmáristtis

ja buolaš rájustis.

10Ipmila vuoiŋŋanasas šaddá jiekŋa,

ja govda čázitge stirdot.

11Son deavdá balvvaid lávttadasain,

balvvain vulget su álddagasat.

12

37,12
Sál 104,4
Dat johtet juohke guvlui

nu mo son dáhttu,

dat dahket buot maid son gohčču

miehtá eatnama jorbadasa.

13Muhtumin son vuolggaha daid

bagadussan, muhtumin ávkin eatnamii.

14

37,14
Sál 111,2–4
Guldal dán, Job,

orus guorahallat Ipmila oavdduid!

15Dieđátgo mo Ipmil bargá,

mo son diktá balvvaidis

álddagasaid šleađgut?

16Áddetgo mo balvvat sattáhallet,

fihttetgo Buotdiehtti ovddolaš daguid?

17Don gean biktasat báhkistit

liikki vuostá

go lullibiegga viessada eatnama,

18dongo leat veahkehan su

lebbet gomuvuođa,

nannosa dego leikejuvvon speadjala?

19Oahpat min!

Maid mii galgat vástidit sutnje?

Miihan leat seavdnjadis,

eat mii máhte sárdnut maidege.

20Galgágo sutnje muitaluvvot

ahte mun dáhtun sárdnut suinna?

Gii sávašii šaddat duššaduvvot?

21Ii oktage máhte geahččat beaivvážii

mii báitá šearradit,

go biegga lea ráidnen almmi.

22

37,22
2 Mos 24,16č
Esek 1,4–28
Davvin boahtá gollečuovga,

suorggahahtti báitin birastahttá Ipmila.

23

37,23
9,4
Mii eat olat Buotveagalačča.

Su fápmu ja vuoiggalašvuohta lea stuoris

ja su vanhurskkisvuohta allat,

ii son áŧes ovttage.

24Dan dihte olbmot ballet sus,

muhto viissástalliin son ii ane ávvira.

38

Hearrá vástida Jobii

381Hearrá vástidii Jobii ramadaga siste:

2Gii lea dát gii sevnnjodahttá

mu áigumuša jierpmehis sániidisguin?

3

38,3
40,2
38,3 Ráhkkan ráhkkan bealuštit iežat.Ráhkkan, bealuš iežat dego olmmái!

Mun jearan dál dus, ja don vástidat.

4

38,4
Sál 102,26
104,5
Gos ledjet dalle

go mun bidjen eatnama vuođđudusa?

Muital munnje, jos dieđát!

5

38,5
Sát 30,4
Gii mearridii eatnama mihtuid?

Almma don dan dieđát?

Gii njulgii mihttobátti dan badjel?

6Gosa luitojuvvojedje dan vuođđobáccit?

Gii bijai sadjásis dan čiehkageađggi,

7go buot guovssonásttit ávvudedje

ja ipmiliid bártnit čurvo ilus?

8Gii dahpai uvssaid duohkái ábi,

go dat borššui eatniheakkas?

9Mun adden dalle áhpái gárvun balvvaid,

giesaldahkan suhkkes mierkká.

10

38,10
1 Mos 1,9
Sál 33,7
104,9
Sát 8,29
Jer 5,22
Mun merkejin dasa ráji

ja bidjen dan ovdii poarttaid ja bummaid,

11mun celken: “Dán rádjái,

muhto it guhkibuidda!

Dása cuovkanit du čeavlás bárut.”

12Leatgo don oktiige gohččon iđida ovdan,

leatgo čájehan iđitguksui dan saji,

1338,13 ipmilmeahttumiid hebreagiel sátni sáhttá maid jorgaluvvot “vuoigatmeahttumiid”.vai dat dohppe eatnama ravddaide

ja savdnjila eret ipmilmeahttumiid?

14Dalle eanan rievdá dego láiri

masa deaddiluvvo seaila:

Buot loaiddasta ovdan dego ođđa gárvvuin.

15

38,15
24,17
Ipmilmeahttumiin váldojuvvo

sin čuovga,

gážžára giehta cuvkejuvvo.

16Leatgo ollen ábi ádjagiidda,

leatgo vádjolan čiegus čiekŋalasaide?

1738,17 jápmima uvssat, jápminsuoivana poarttaid jábmiidáibmu. Gč. Jes 38,10.Leatgo jápmima uvssat ihtán du oidnosii,

leatgo oaidnán jápminsuoivana poarttaid?

18Ipmirdatgo eatnama viidodaga?

Muital áinnas, jos dovddat buot dan!

19Gokko lea geaidnu čuovgasa vissui,

gos lea seavdnjadasa ássanbáiki?

20

38,20
28,122023–27
Dongo lávet doalvut daid

dohko gosa dat gullet,

dongo dovddat bálgáid daid vissui?

21

38,21
15,7č
Almma don daid dieđát,

almma don dalle juo ledjet riegádan,

donhan leat eallán nu guhká!

22Leatgo leamaš

muohttaga vuorkágámmáriin,

leatgo oaidnán čuorbmasiid rájuid?

23

38,23
2 Mos 9,18–26
Alm 16,21
Daid mun lean seastán

áŧestusa áiggiid várás,

soađi ja dáistaleami beaivái.

24

38,24
Joh 3,8
Gos lea geaidnu dohko

gokko čuovga surggiida,

gos nuortabiegga leavvá miehtá eatnama?

25

38,25
Jer 10,13
Gii gohpá gura ráššoarvái,

gii rahpá luotta bajánii ja álddagassii?

26Gii diktá arvit olbmohis eatnamii,

ávdin meahccái gos ii oktage ása?

27

38,27
Sál 107,35
Gii galleha ávdin guovllu čáziin,

nu ahte das rásit runiidit?

28

38,28
36,27Sál 147,16
Gii lea arvvi áhčči?

Gii sahkanahttá suoldnegoaikkanasaid?

29Guđe goaŧus šaddá jiekŋa,

gii riegádahttá almmi bizi,

30go čázit gokčašuvvet

dego geađgelohki vuollái

ja čiekŋalasa bajildus stirdu?

31Máhtátgo čuolbmadit

Nieidagihpu báttiid

dahje čoavdit Gállábártniid láhkkiid?

32

38,32
9,9
38,32 Sarvaga … misiid nástegovat.Dongo divttát eahketnástti

badjánit rivttes áigái,

dongo láidet Sarvaga ja dan misiid?

33Dovddatgo almmi lágaid,

mearridatgo daid hearrávuođa

eatnama alde?

34Veajátgo bajidit jienat balvvaid rádjái,

gohčutgo čázi valljugasvuođa

šávvat iežat badjel?

35Máhtátgo vuolggahit álddagasaid,

nu ahte dat celket dutnje: “Dás mii leat!”

36Gii lea bidjan viisodaga

dasa mii lea čihkosis,

gii lea addán jierpmi almmigáhppálagaide?

37Gii máhttá lohkat balvvaid,

gii gurre almmi gáriid,

38go eanan lea garas dego geađgi

ja muolda lea čoaltuluvvan?

39

391Dongo bivddát ledjonii sállaša,

dongo biepmat ledjončivggaid,

2go dat čákŋet biejuidasaset

dahje vuđgŋet suovkkas?

3

39,3
Sál 145,15č
147,9
Gii háhká gáranassii biepmu,

go dan nelgon čivggat ráhkot

veahki Ipmilis

ja njuikkodit duohkot deike?

4Dieđátgo don áiggi

goas várregáica guoddá,

gozihatgo don sarvvaálddu ávttaid?

5Dieđátgo don daid rievttes bottu,

logatgo don daid čoavjjetáiggi mánuid?

6Dat čegŋejit, guddet misiideaset

ja de leat beassan bákčasiinniset.

7Daid miesit sturrot ja givrot meahcis,

ruohtastit eret eaige šat máhca.

8Gii lea luoitán meahcceásena

veaittalassii,

gii lea čoavdán dan báttiid?

9Mun adden dasa duolbadasa viessun,

sáltemeahci ássansadjin.

10Dat boagusta gávpoga rieja,

ii dat gula vuojeheaddji čuorvasiid.

11Dat časkkáhaddá váriin,

doppe leat dan guohtunsajit,

dat ohcá buot dan mii lea ruonas.

12Gárrugo meahccevuoksá bálvalit du,

dáhttugo dat idjadit du kruppá bálddas?

13Sáhtátgo bágget dan

suittehiiguin jorgunluddii,

fidnetgo dan hárvet duolbadasa?

14Duosttatgo luohttit

dan stuorra givrodahkii,

oskkildit dasa buot rahčamiiddát?

15Gáttátgo dainna rádjat šattuidat,

datgo buktá du gortniid

gordneráidnensadjái?

16Struhcca rámšku soajáidisguin,

muhto dan soaját eai leat

dego háigira ja fálli soaját.

17Dat monne eatnamii

ja diktá moniidis hávdašuvvat sáddos.

18Ii dat jurddaš ahte juolgi

sáhttá njuvddestit daid cuovkkas

ja meahcispiret vedjet daid cuvket.

19

39,19
Váid 4,3
Dat lea garas čivggaidasas,

dego dat eai oppa livččege su čivggat.

Ii dat bala ahte dan rahčamuš

manná duššás.

20Ipmil biehttalii das jierpmi,

ii addán dasa ipmárdusa.

21Go dat girddiha ovdan,

de dat heahppášuhttá heastta

ja riidejeaddji.

22Dongo leat addán hestii dan fámu,

dongo leat gárvvuhan

dan čeabeha livjáheaddji hárješuovkkain?

23Dongo oahpahit dan njuikkodit

dego rásselohkku?

Dan gorges rusádeapmi suorggaha.

24Dat guohkká eatnama jierrásit,

dat falle vašálačča vearjjuid vuostá.

25Dat boagusta vára iige suorgan,

ii dat báhtar miehkis.

26Dan birra šuvvet njuolat,

šealgu sáiti ja sábel.

27Deama ja juma dat vuolgá johtui,

ii dat leat caggamis go dorve čuodjá.

28

39,28
4 Mos 10,9
Dat šnjirgu jitnosit

go gullá dorvve čuodjamin,

juo guhkkin dat áicá soađi,

oaivámuččaid gohččunjienaid

ja soahtečuorvasiid.

29Du jierbmigo bidjá fálli girdilit,

go dat lebbe soajáid ja dolle lulás?

30

39,30
Jer 49,16
Ob 4
Gohčutgo don goaskima

badjánit áibmui

ja hukset beasi allagassii?

31Dat ássá bávtti alde,

doppe lea dan idjasuodji,

bajimusas várrečohkas.

32Doppe dat várdáda borramuša,

guhkkin dan čalmmit oidnet maid fallehit.

33

39,33
Matt 24,28
Dan čivggat borret varrás sállaša,

gos fal ráppit, doppe datnai.

34Hearrá celkkii Jobii:

35Áigugo láiti sivahaddat Buotveagalačča?

Dat gii láitá Ipmila, ferte vástidit!

Job vástida

36Job vástidii Hearrái:

37

39,37
21,5
29,9
Sát 30,32
Mi 7,16
Mun lean headju,

maid mun máhtášin vástidit dutnje?

Mun bijan gieđa njálmmi ovdii.

38Oktii mun sárdnon inge šat jietnat,

guovtte geardde, inge šat daja maidege.