37¹Dás mu váibmu suorgana,

dat julká mu rattis.

²

gullet dan jura mii boahtá su njálmmis!

³Son luoitá álddagasaidis

mannat miehtá almmi,

son vuolggaha daid

gitta eatnama ravddaide.

⁴Daid maŋis gullo čeargun,

su gorges jietna jupmá.

Son ii seastte álddagasaidis,

ja su jietna jullá.

⁵

jubmi jienainis.

Son dahká stuorra daguid

maid mii eat ádde.

⁶

ráššoarvvi šoallat eatnamii.

⁷Son bisseha olbmuid barggu,

vai buohkat dovdet su daguid.

⁸Meahcispiret mannet hoaluidasaset

ja bissot biejuineaset.

⁹Ramadat vuolgá gámmáristtis

ja buolaš rájustis.

¹⁰Ipmila vuoiŋŋanasas šaddá jiekŋa,

ja govda čázitge stirdot.

¹¹Son deavdá balvvaid lávttadasain,

balvvain vulget su álddagasat.

¹²

nu mo son dáhttu,

dat dahket buot maid son gohčču

miehtá eatnama jorbadasa.

¹³Muhtumin son vuolggaha daid

bagadussan, muhtumin ávkin eatnamii.

¹⁴

orus guorahallat Ipmila oavdduid!

¹⁵Dieđátgo mo Ipmil bargá,

mo son diktá balvvaidis

álddagasaid šleađgut?

¹⁶Áddetgo mo balvvat sattáhallet,

fihttetgo Buotdiehtti ovddolaš daguid?

¹⁷Don gean biktasat báhkistit

liikki vuostá

go lullibiegga viessada eatnama,

¹⁸dongo leat veahkehan su

lebbet gomuvuođa,

nannosa dego leikejuvvon speadjala?

¹⁹Oahpat min!

Maid mii galgat vástidit sutnje?

Miihan leat seavdnjadis,

eat mii máhte sárdnut maidege.

²⁰Galgágo sutnje muitaluvvot

ahte mun dáhtun sárdnut suinna?

Gii sávašii šaddat duššaduvvot?

²¹Ii oktage máhte geahččat beaivvážii

mii báitá šearradit,

go biegga lea ráidnen almmi.

²²

suorggahahtti báitin birastahttá Ipmila.

²³

Su fápmu ja vuoiggalašvuohta lea stuoris

ja su vanhurskkisvuohta allat,

ii son áŧes ovttage.

²⁴Dan dihte olbmot ballet sus,

muhto viissástalliin son ii ane ávvira.