Davvisámegiel Biibbal 2019 (Biibbal)
34

341Elihu sártnui ain:

2Guldalehket mu sániid, viissis olbmát,

dii geain lea diehtu,

gullet maid mun dajan!

3

34,3
12,11
Beallji geahččaladdá sániid,

guopmi máistá borramuša.

4Válljejehkot dan mii lea riekta,

gávnnahehkot ovttas mii lea buorre.

5

34,5
27,2č
Jobhan dadjá: “Mun lean sivaheapme,

muhto Ipmil lea váldán mus

mu vuoigatvuođa.

6

34,6
6,4+
Mun sártnun duođa,

muhto son dahká mu gielisin,

vaikko mun lean sivaheapme,

de jámiheaddji njuolla lea deaivan munnje.”

7Makkár olmmái lea Job!

Son čáskada goikku bilkádusaiguin,

8

34,8
Sál 1,1
son guoibmádallá

daiguin geat dahket baháid,

vádjola suttolaččaid searvvis.

9

34,9
9,22
Son dadjá:

“Ii olbmui leat mihkkege ávkkiid

leat Ipmila ustit.”

10

34,10
8,3
36,23
Rom 3,5č
9,14
Dan dihte gullet mu, viissis olbmát:

Ipmil ii eisege daga bahá,

Buotveagalaš ii goassege daga vearrivuođa!

11

34,11
Sál 62,13
Jer 32,19
Rom 2,6
Son mávssaha olbmui su daguid.

Mo olmmoš vádjola, nu son bálkkašuvvo.

12Duođaid, Ipmil ii goassege daga bahá,

Buotveagalaš ii bonja vuoigatvuođa.

13Gii lea bidjan su eatnama ráđđejeaddjin,

gii lea addán su háldui oppa máilmmi?

14Jos son čohkkešii iežas vuoiŋŋa

ja máhcahivččii lusas eallinvuoiŋŋahaga,

15

34,15
1 Mos 2,7
3,19
Sál 104,29
Sárd 12,7
dalle buot sivdnádusat jámášedje,

ja olmmoš šattašii fas muoldan.

16Gula dál, jos dus lea jierbmi,

guldal maid mun dajan.

17Sáhtášiigo ráđđet dakkár

gii vašuha vuoigatvuođa?

Dubmetgo don vearredahkkin

fámolačča ja vuoigatlačča,

18su gii cealká gonagassii: “Skealbma!”

ja oaivámuččaide: “Návccaheamit!”

19

34,19
5 Mos 10,17
2 Muit 19,7
Sát 17,5
Apd 10,34
Rom 2,11
Ii son doala ráđđejeddjiid beali,

ii son vállje riggáid ovdal váivvášiid –

sonhan lea sivdnidan sin buohkaid.

20

34,20
2 Mos 12,29
2 Gon 19,35
Sii jápmet fáhkkestaga, idjaguovdil,

álbmogat suibot ja nohket.

Fámolaš rohttejuvvo eret,

muhto ii olbmogieđain.

21

34,21
31,4
Sát 5,21
Jer 16,17
23,24
Ipmil goziha olbmo geainnuid,

son oaidná buot su lávkkiid,

22

34,22
Sál 139,11č
ii leat dakkár moskkuseavdnjadas

gosa vearredahkkit sáhtášedje čiehkádit.

23Ipmil ii almmut bottu

goas olmmoš šaddá boahtit

su ovdii dubmejuvvot.

24

34,24
18,15
Dan 2,21
Luk 1,52
Dutkkakeahttá son cuvke fámolaččaid

ja divvu earrásiid sin sadjái.

25Son dovdá visot sin daguid,

go idja boahtá, de son njeaidá sin,

ja sii duššet.

26Son časká sin sin vearredaguid dihte

albmosit, buohkaid oaidnut,

27danne go sii leat gáidan sus

eaige leat vádjolan su geainnuid.

28

34,28
1 Mos 4,10
2 Mos 3,79
Sál 9,13
Nu váivvášiid čuorvasat

bohtet su ovdii,

son gullá go vártnuheamit čurvot.

29Muhto jos son lea jávohaga,

de gii sáhttá dubmet su?

Jos son čiehká ámadajus,

de gii sáhttá soažžudit su?

Son goziha juohke álbmoga ja juohke olbmo.

30Son ii divtte ipmilmeahttun olbmá

ráđđet ja jorralahttit álbmoga.

31

34,31
31,1–37
Almma don dál dajat Ipmilii:

“Mun čádjidin, mun in áiggo šat

dahkat baháid.

32Oahpat mu, de mun ipmirdan!

Jos lean dahkan boastut, de in šat daga.”

33Gáttátgo don Ipmila

bálkkašit du nugo don sávat,

go don badjelgeahčat su neavvaga?

Ieš don fertet válljet, in mun.

Sártno, juos dieđát juoidá!

34Jierpmálaš olbmát dadjet munnje,

viissis olbmot geat gullet mu:

35

34,35
38,2
“Job sárdnu jurddaškeahttá,

su sániin váilu ipmárdus.”

36Vare son geahččaluvvošii álelassii,

danne go son lea vástidan

vearredahkkiid láhkái!

37Son lasiha vearredagu vearredahkui,

min gaskkas son hiddjida.

Son ii heaitte sárdnumis Ipmila vuostá.

35

351Elihu sártnui ain:

2Leago du mielas riekta

ahte dajat: “Mun lean vuoigadis,

Ipmil vearis!”

3

35,3
9,22
34,9
Dahje ahte jearat: “Maid mu ábuha

ahte lean vanhurskkis,

mii ávkkiid munnje lea das

ahte in suddut?”

4Mun vástidan dál dutnje

ja du ustibiiddage.

5Geahčas bajás albmái,

geahča balvvaide mat leat guhkkin badjin!

6

35,6
7,20
Jos suddudat,

de maid don dainna dagat Ipmilii?

Jos du rihkkumat leat eatnagat,

de maid don dainna veaját sutnje?

7

35,7
22,2č
Jos leat vanhurskkis,

de maid don dainna attát sutnje,

maid son oažžu du gieđas?

8Du bahávuohta čuohcá dušše olbmuide,

du iežat láhkásaččaid ávkkuha dat

ahte ealát riekta.

9Olbmot váidalit veahkaválddi ja soardima,

sii čurvot veahki fámolaččaid vuostá.

10

35,10
3,3
Muhto ii oktage jeara:

“Gos lea Ipmil, mu sivdnideaddji,

gii diktá giittuslávlagiid čuodjat ihkku,

11gii lea máhttáhan min

eambbo go eatnama elliid

ja dahkan min viisábun go almmi lottit?”

12Sii čurvot, muhto son ii vástit,

danne go sii leat bahát ja čeavlát.

13

35,13
Joh 9,31
Hebr 11,6
Ipmil ii gula duššálaš rohkadusaid,

Buotveagalaš ii váldde daid vuhtii.

14

35,14
23,8č
Velá dallege go don dajat

ahte it oainne su,

de son oaidná du ášši.

Vuordde su, Job!

15Muhto go Ipmil dal ii ráŋggáš moaristis

iige beroš stuorra sániin,

16

35,16
Sárd 1,2
de Job beassá sárdnut duššiid

ja cealkit dáidemeahttun sániid.

36

361Elihu sártnui ain:

2Vuordil veaháš, de mun oahpahan du,

mus lea ain dadjamuš Ipmila beales.

3Mun vieččan dihton guhkkin,

mun čájehan ahte mu sivdnideaddji

lea vuoigadis.

4Dat maid mun dajan, ii leat gielis;

du ovddas čuožžu olmmái

gean diehtu lea ollis.

5Ipmil lea stuoris,

muhto son ii hilggo ovttage.

Son lea fámolaš ja viissis.

6

36,6
Sál 72,4
Jes 11,4
Ipmilmeahttuma son ii suova eallit,

muhto veahkeha vártnuheami

oažžut vuoigatvuođa.

7

36,7
1 Sam 2,8
Sál 34,16
113,7č
Son ii jorgal čalmmiid eret

vanhurskásis,

muhto diktá su čohkkát truvnnus

gonagasaid bálddas, agálaš gudnis.

8Muhto jos muhtun lea čadnojuvvon

láhkkiiguin

ja darvánan lihkuhisvuođa gielaide,

9de Ipmil muittuha

ahte son lea suddudan čeavllistis.

10

36,10
33,16č
Son rahpá su beljiid gullat cuiggodusa

ja gohčču su jorgalit bahás.

11

36,11
5 Mos 32,19č
Sát 1,32č
Jos son dalle gullá Ipmila jiena

ja bálvala su,

de son oažžu eallit lihkolažžan

buot beivviidis,

ja illu deavdá su jagiid.

12Muhto jos son ii gula,

de son manná jábmiidáibmui,

son jápmá dáidemeahttunvuođastis.

13Ipmilmeahttumat moaráhuvvet

eaige čuorvvo Ipmilii go son čatná sin.

14Son jápmá nuorran,

su eallin nohká dego fuorrábártniid eallin.

15

36,15
Jes 38,17
Vártnuheapmái vártnuhisvuohta

gártá bestojupmin,

áŧestusaiguin Ipmil rahpá su beljiid gullat.

16

36,16
Sál 18,20
23,5
Jes 25,6
Don fillehaddet iežat čeavlái.

Don ellet friddjan,

almmá makkárge fuolaid haga,

du beavddi dievva ledje buoiddes herskkot.

17Muhto dál don gillát

bahás olbmuid ráŋggáštusa,

don oaččut maid ánssášat.

18

36,18
5 Mos 8,12–14
Vaikko leat moaris,

de ale fillehala bilkidit,

ale divtte duolgguid čádjidahttit iežat.

19Sáhttágo du čuorvvas gádjut du

áŧestusas,

vaikko geavahivččet buot fámuidat?

20

36,20
34,20
Ale huovit dan ija goas álbmogat

rohttejuvvojit eret báikkisteaset.

21Várut jorgaleames bahávuođa geidnui,

vaikko liikotge dasa eambbo go

gillámuššii.

22

36,22
Sál 25,8č
Ipmila váldi lea stuoris.

Gii lea dakkár oahpaheaddji go son?

23

36,23
Jes 40,13
Rom 11,33č
Gii sáhttá mearridit

maid son galgá dahkat,

gii sáhttá dadjat sutnje:

“Don dahket boastut!”

24

36,24
Sál 19,2–4
96,1č
Muitte rámidit su daguid,

daid olbmot leat álo máidnon lávlumiin.

25Buot olbmot leat geahččan

daidda háluin,

vaikko olmmoš geahčadage daid guhkkin.

26

36,26
Sál 102,1328
145,3
Ipmil lea stuorit go mii áddet,

su jagit eai leat lohkamis.

27

36,27
5,10
38,25–28
Sál 65,10
Son čohkke čáhcegoaikkanasaid,

dat šollet Ipmila ájan,

28balvvain dat golget ja goikot

buot olbmuid ala.

29

36,29
Sál 18,12
Gii sáhtášii áddet,

mo balvvat girdet almmis,

gii ipmirdivččii juma

mii boahtá Ipmila ássansajis?

30Son lebbe čuovgga iežas birra,

son gokčá ábi ruohttasiid.

31Nu son biebmá álbmogiid,

nu son addá sidjiide biepmu valjis.

32Son gokčá gieđaidis álddagasaiguin,

son gohčču, ja dat mannet mearrebáikái.

33Su čeargganas almmuha su boahtima,

velá oamitge ávaštit, go son lahkana.