Davvisámegiel Biibbal 2019 (Biibbal)
29

291Job sártnui ain ja celkkii:

2

29,2
1,1–5
Vare mu dilli livččii dego ovdal,

nugo daid beivviid go Ipmil ain várjalii mu,

3go son divttii lámppás čuovgat munnje,

ja mun vádjolin seavdnjadasa čađa

su čuovggas,

4

29,4
Sál 25,14
go mun ledjen fámolaš,

ja Ipmil várjalii mu goađi,

5go Buotveagalaš lei muinna,

ja mu bártnit ledje ain mu birra!

6

29,6
5 Mos 32,13č
Job 20,17
Dalle mun gállen lávccas,

ja oljojogažat golge mu bohčingáris.

7Go mun mannen gávpotportii

ja čohkánin dohko iežan sadjái,

8de nuorat geassádedje go oidne mu,

ja vuorrasat čuožžiledje.

9

29,9
21,5
39,37
Sát 30,32
Oaivámuččat heite sárdnumis

ja bidje gieđa njálmmi ovdii,

10ja ráđđejeaddjit jávohuvve

dego njuovčča livččii darvánan guopmái.

11Guhte mu gulai, máinnui mu lihkolažžan,

gii mu oinnii, rámidii mu.

12

29,12
Sál 72,12
Dasgo mun gádjon vártnuheami

gii čuorvvui veahki,

ja áhčiheami gean ii oktage veahkehan.

13Vártnuheapme buressivdnidii mu,

ja mun illudahtten leaskka váimmu.

14

29,14
Jes 59,17
Mun gárvodin vanhurskkisvuođa,

dat lei mu bivttas,

vuoiggalašvuohta lei mu oalgebivttas

ja mu turbána.

15Mun ledjen čalmmeheami čalbmi,

mun ledjen lámes olbmo juolgi.

16

29,16
31,16č
Mun ledjen váivvášiid áhčči,

mun veahkehin amas olbmo

oažžut vuoigatvuođa.

17Mun cuvkejin behtolačča olloliid

ja gaikkihin sállaša su bániid gaskkas.

18Mun jurddašin:

Mun jámán iežan beassái,

mu beaivvit šaddet eatnagin

dego sáttočalmmit.

19Mu ruohttasat ollet čáhcái,

suoldni idjada mu ovssiin.

20Mu gudni ođasmuvvá álelassii,

mu juoksa bissu dávggasin gieđas.

21Olbmot guldaledje mu vuordevažžan,

sii orro jávohaga go mun rávvejin sin.

22

29,22
5 Mos 32,2
Go mun ledjen geargan sárdnumis,

de ii oktage dadjan maidege,

ja mu sánit goiko sin ala.

23Sii vurde daid dego arvvi,

sii goikaluvve daidda nugo giđđaarvái.

24Go sii doaivvuhuvve,

de mun moddjájin sidjiide,

go mu muođut čuvge, de sii movttiidedje.

25Mun válljejin sidjiide geainnu,

ledjen sin oaivámuš,

mun ledjen dego gonagas

iežas soahteveaga njunnošis,

nugo dakkár gii jeđđe morašteddjiid.

30

301Dál mu boagustit

dat geat leat nuorabut go mun,

olbmát geaid áhčiid mun

in livčče atnán dohkálažžan

sávzabeatnagiiddán gaskii!

2Sin návccat eai lean

munnje veahkkin,

sis ii lean olmmáivuođa fápmu.

3Heahti ja nealgi

lea vuoimmehuhttán sin,

sii gáskkildit goikeguolbaniid,

mat ovddežis juo ledje guorba meahcit.

430,4 spiinnelasttaid dan lasttain lea rihča smáhkka. Olbmot vušše daid ja atne borramuššan. gyvelmiestaga miestta mii šaddá meahcis.Miesttaguorain sii čogget spiinnelasttaid,

gyvelmiestaga ruohttasat sis leat biebmun.

5Sii áddjojuvvojit eret olbmuid searvvis,

olbmot huiket sin maŋŋái

dego suollagiid maŋŋái.

6Hirpmus skoaruin sii orrot,

eananbiejuin ja bákteráiggiin.

7Doppe miestagiid gaskkas

sii bárgot ja čoagganit gáskálasaid vuollái,

8duot jallat ja gudneheamit

mat ledje áddjojuvvon eatnamis eret.

9

30,9
17,6
Sál 69,12č
Váid 3,14
Dál mun lean šaddan sin bilkolávllan,

lean gártan sidjiide sátnevájasin.

10

30,10
4 Mos 12,14
Sál 31,12
44,14
Sii fasttášit mu ja doalahit gaskka,

sii čolget mu muođuid njeaiga.

11Ipmil lea ložžen mu dávgesuona

ja vuolidan mu,

danne sin ii cakka mihkkege

go sii oidnet mu.

12Sin čivggat fallehit mu

ja norddastit julggiid mu vuolde,

sii ráhkadit munnje geainnu oasehisvuhtii.

13Sii boltot mu bálgá vai mun jorralivččen,

iige oktage hehtte sin.

14Sii bohtet

dego govda muvraluoddaneamis,

čievračomaid gaskka sii márret ovdan,

15ja balddáhusat šávvet mu ala.

Sii sihkastit mu gudni eret dego biegga,

mu doaivu jávká balvva láhkái.

16Mun dohppehalan morrašii,

vártnuhisvuohta lea deaividan mu.

17Go idja boahtá, de mus luoddu dávttiid,

eaige mu bákčasat noga.

18

30,18
7,5
30,18 Masorehtalaš teaksta ii leat čielggas.Stuorra fámuin Ipmil lea dohppen

mu biktasii,

son lea váldán mu čeabehii

19ja bálkestan mu ráhpái.

Mun lean dego muolda ja gunat.

20

30,20
19,7
Sál 22,3
Váid 3,8
Hab 1,2
Mun čuorvvun du, muhto don it vástit,

mun čuoččun dás,

muhto don it geahča mu beallái.

21Don leat nuppástuvvan

munnje goaves vašálažžan,

don fallehat mu olles fámuinat.

22Don bálkestat mu biggii

ja cuvket mu juma siste.

23

30,23
Jos 23,14
1 Gon 2,2
Gal mun dieđán

ahte don leat doalvumin mu jápmimii,

dan báikái gosa

buot heakkalaččat čoagganit.

24Dattetge, iigo olmmoš geigeše gieđa,

go buot gahččá čievračopman?

Iigo son čurvvoše veahki lihkuhisvuođastis?

25

30,25
Sál 35,13č
Rom 12,15
Munhan lean čirron daid oasi

geain leat leamaš lossa beaivvit,

mun lean moraštan váivvášiid vuorbbi.

26

30,26
2,10
3,9
Jer 8,15
Am 5,20
Muhto go mun doivon lihku,

de bođii lihkuhisvuohta,

go mun vurden čuovgga,

de bođii seavdnjadas.

27

30,27
3,25č
Mu siskkildas duoldá iige lotkkot,

bahás beaivvit leat deaividan mu.

28Mun váccán moraštemiin

inge oainne beaivváža,

čoakkalmasas mun čuožžilan

ja čuorvvun veahki.

29

30,29
Mi 1,8
Mun lean šaddan šakálaid vielljan,

struhccalottit leat mu guoimmit.

30

30,30
Váid 4,8
Mu liiki čáhpoda ja latnjá,

mu gorut buollá báhkkadávddas.

31

30,31
Váid 5,15
Mu lyra šuokŋa lea rievdan

váidalussan,

mu njurgganasa čuodjan

gullo čierrunjietnan.

31

311

31,1
Matt 5,28č
Mun lean dahkan lihtu

iežan čalmmiiguin:

In goassege geahča nieidda.

2Mii livččii muđui mu oassi

almmi Ipmilis,

mu árbi Buotveagalaččas

guhte lea allagasas?

3Lihkuhisvuohtahan deaivida

vearredahkki,

bahás oassi dan gii dahká baháid.

4

31,4
34,21+
Almma Ipmil oaidná mu geainnuid,

almma son lohká buot mu lávkkiid?

5Leango mun vádjolan behtolaččat,

leango leamaš gearggus beahttit?

6

31,6
Sál 17,3–5
44,18č
Vihkkejehkos Ipmil mu

rievttes veavttain,

dalle son oaidná

ahte mun lean láitemeahttun.

7

31,7
Sál 7,4eč
Jos mu lávkkit leat spiehkastan bálgás,

jos mu čalmmit leat čádjidahttán

iežan váimmu,

jos suddu lea duolvvidan mu gieđaid,

8de borros nubbi dan maid

mun lean gilván,

rohttejuvvojehkoset mu šattut eatnamis

oktan ruohttasiiguin!

9Jos mun lean fillehallan

lagamužžan áhkkái,

jos lean njágadan su uvssa guoras,

10de málejehkos mu áhkká

eará olbmá gortniid,

veallájehkos suinna gii ihkinassii.

11

31,11
5 Mos 22,22
Dat livččii fasttes dahku,

dakkár vearrivuohta

fertešii ráŋggáštuvvot.

12Dat livččii dolla mii boaldá

ja heavaha,

dat billistivččii buot mii olbmos lea.

13Leango mun badjelgeahččan

iežan šláva dahje šlávvanissona

vuoigatvuođa,

go sus lea leamaš nággu muinna?

14Jos lean dahkan nu,

de maid dagašin dalle go Ipmil čuožžila,

maid dajašin go son bidjá mu vástidit?

15

31,15
34,19
Sál 139,13–15
Sát 22,2
Son gii eadnán goaŧus

attii munnje hámi,

hábmii maiddái mu bálvaleddjiid.

Mii leat ovttahat gieđa duojit.

16

31,16
29,16
Leango mun biehttalan

váivvášis veahki,

čáskadan čuovgga leaskka čalmmiin?

17Leango mun borran láibán okto

inge leat juogadan dan oarbásiin?

18In de leat, nuorravuođa rájes

mun lean biebman oarbásiid dego áhčči,

álggu rájes lean veahkehan leaskkaid.

19Diktengo mun vártnuheami

leat biktasiid haga,

nu ahte váivvášis ii lean

mainna gokčat iežas?

20Iigo son buressivdnidan mu,

go biktalii mu lábbáid ulluiguin?

21

31,21
Sál 82,3
Leango mun bajidan gieđa

oarbása vuostá

go dihten ahte vuoittán dikkis?

22Jos lean dahkan dan,

de gahččos mu oalgi eret beađbbis,

mannos mu giehta eret lađđasis!

23

31,23
3,25
Dalle mun balašin

ahte Ipmil dagaha lihkuhisvuođa,

ahte in ceavzzáše su allatvuođa ovddas.

24

31,24
22,24č
Sál 52,9
62,11
1 Tim 6,17
Leango mun dorvvastan gollái,

leango dadjan dasa:

“Dutnje mun luohtán”?

25

31,25
Luk 12,16eč
Leango mun illudan

danne go mu riggodat lea stuoris,

ja danne go lean oamastan nu ollu?

26Leango geahččan beaivváža

go dat báitá,

dahje mánu go dat hearvásin

vádjola ovdan,

27

31,27
5 Mos 4,19Esek 8,16
nu ahte mu váibmu čihkosis

fillehalai máidnut daid cummáiguin.

28

31,28
5 Mos 17,3eč
Dat livččii leamaš

vearredahku mii ráŋggáštuvvo,

dalle mun livččen biehttalan

Ipmila allagasas.

29

31,29
Sát 24,17
Mun in leat illudan

vašálažžan oasehisvuođas

inge ávvudan, go lihkuhisvuohta

deaividii su.

30

31,30
1 Gon 3,11
In leat goassege diktán

iežan njálmmi suddudit,

in leat garuhemiin sávvan

iežan vašálačča jápmit.

31Mu dálu olbmot lávejedje dadjat:

“Mis ii leat goassege váilon

biergu su beavddis.”

32

31,32
Rom 12,13
Hebr 13,2
Ii oktage vieris dárbbašan idjadit olgun,

mu uksa lei rabas mátkálažžii.

33

31,33
Sál 32,5
Jak 5,16
Mun in leat gokčan suttuidan

nugo máŋgasat dahket,

in leat čiehkan rihkkumiiddán

iežan ohcii.

34Danin mun in bala olbmuin,

in suorgan fulkkiidan bilkku dihte,

in oro jávoheapmin iežan viesus.

35Vare soamis guldalivččii mu!

Mun lean dadjan dan maid áigon.

Vare Buotveagalaš vástidivččii munnje!

Jos mu vuostálasti čálášii

áššáskuhttinčállaga,

36

31,36
5 Mos 6,8
de mun guottášin dan olggiid alde,

čanašin dan gudnegierdun

iežan oaivvi birra!

37

31,37
23,10č
Mun vástidivččen juohke lávkkis,

lahkanivččen sutnje ráđđejeaddji láhkái.

38Jos mu bealdu váidá mu

ja buot dan jorgunluottat čirrot,

39jos mun almmá mávssu haga

lean loaktán dan šattu

ja ožžon dan šuohkkit,

40

31,40
1 Mos 3,18č
de šaddoset das munnje

nisuid sadjái bastilislánját,

bivggiid sadjái árvvohis rásit!

Dása nohket Joba sánit.