28¹Silba roggojuvvo ruvkkes,

gollis lea iežas gávdnansadji,

²ruovdi váldojuvvo eatnamis

ja veaiki suddaduvvo luovos geađggis.

³Olmmoš jávkada seavdnjadasa

ja bahkke vuolimus čiekŋalassii,

vai beassá dutkat bávtti mii lea čihkosis

seavdnjadeamos ijas.

⁴Son roggá ráiggiid

dohko gos olbmot eai oro.

Vajálduvvan sajiin

maid olbmo juolgi ii leat vázzán,

olbmát heaŋgájit ráippiid veagas

gáidosis olbmuin.

⁵Eatnamis boahtá láibi,

dan čieŋalvuođas buot earáhuvvá

dego dola fámus.

⁶Dan bávttis lea safira,

eatnama čievrras golli.

⁷Gazzaloddi ii dovdda bálgá dohko,

fálli čalbmi ii dan oainne,

⁸goargadis boraspiret eai dan duolmma,

doppe ii vácce ledjon.

⁹Olmmoš bargá garra geađggi,

jorgu váriid vuođđudusaidge,

¹⁰čuollá báktái ráiggi,

ja buot mii lea mávssolaš,

boahtá oidnosii.

¹¹Son buođđu čáhcesuonaid,

buktá čuovgasii čiegus diŋggaid.

¹²

gos dan sáhttá gávdnat?

Gos lea ipmárdusa ássansadji?

¹³Olmmoš ii dovdda geainnu dan lusa,

dat ii leat gávdnamis ealli olbmuid eatnamis.

¹⁴Čiekŋalas dadjá:

“Ii viissisvuohta leat dáppe”,

áhpi cealká:

“Ii dat leat dáppege.”

¹⁵

dan hatti ii sáhte vihkket silban,

¹⁶dat ii leat oastimis Ofira golliin,

ii mávssolaš onyksgeđggiin iige safirain.

¹⁷Ii golli, ii šearradeamos láse leat

viissisvuođa veardásaš,

ii oktage sáhte lonuhit dan alccesis

fiidnámus gollelihtiiguin,

¹⁸

ja kristállaiguin.

Buoret lea oamastit viissisvuođa

go bearraliid.

¹⁹Nubia topása ii leat

viissisvuođa veardásaš,

viissisvuohta ii leat oastimis

čielga golliin.

²⁰Gos dalle boahtá viissisvuohta?

Gos lea ipmárdusa ássansadji?

²¹Dat lea čihkkojuvvon

buot heakkalaččaid čalmmiin,

velá almmi lottitge eai oainne dan.

²²Gáđohus dadjá, jápmin dadjá:

“Dat lea dušše beaggán deike.”

²³

viissisvuođa lusa,

son diehtá gos dan ássansadji lea.

²⁴Son geahččá máilmmi ravddaid rádjái,

son oaidná buot mii lea almmi vuolde.

²⁵Go son mearridii biekka deattu

ja bijai čáziide mihtu,

²⁶go son ásahii arvái lága

ja mearridii bajándálkki geainnu,

²⁷

ja dutkkai dan,

dovddiidii dan ja guorahalai dan.

²⁸

“Lea viissisvuohta ballat Hearrás,

gáidat bahás lea ipmárdus.”

29¹Job sártnui ain ja celkkii:

²

nugo daid beivviid go Ipmil ain várjalii mu,

³go son divttii lámppás čuovgat munnje,

ja mun vádjolin seavdnjadasa čađa

su čuovggas,

⁴

ja Ipmil várjalii mu goađi,

⁵go Buotveagalaš lei muinna,

ja mu bártnit ledje ain mu birra!

⁶

ja oljojogažat golge mu bohčingáris.

⁷Go mun mannen gávpotportii

ja čohkánin dohko iežan sadjái,

⁸de nuorat geassádedje go oidne mu,

ja vuorrasat čuožžiledje.

⁹

ja bidje gieđa njálmmi ovdii,

¹⁰ja ráđđejeaddjit jávohuvve

dego njuovčča livččii darvánan guopmái.

¹¹Guhte mu gulai, máinnui mu lihkolažžan,

gii mu oinnii, rámidii mu.

¹²

gii čuorvvui veahki,

ja áhčiheami gean ii oktage veahkehan.

¹³Vártnuheapme buressivdnidii mu,

ja mun illudahtten leaskka váimmu.

¹⁴

dat lei mu bivttas,

vuoiggalašvuohta lei mu oalgebivttas

ja mu turbána.

¹⁵Mun ledjen čalmmeheami čalbmi,

mun ledjen lámes olbmo juolgi.

¹⁶

mun veahkehin amas olbmo

oažžut vuoigatvuođa.

¹⁷Mun cuvkejin behtolačča olloliid

ja gaikkihin sállaša su bániid gaskkas.

¹⁸Mun jurddašin:

Mun jámán iežan beassái,

mu beaivvit šaddet eatnagin

dego sáttočalmmit.

¹⁹Mu ruohttasat ollet čáhcái,

suoldni idjada mu ovssiin.

²⁰Mu gudni ođasmuvvá álelassii,

mu juoksa bissu dávggasin gieđas.

²¹Olbmot guldaledje mu vuordevažžan,

sii orro jávohaga go mun rávvejin sin.

²²

de ii oktage dadjan maidege,

ja mu sánit goiko sin ala.

²³Sii vurde daid dego arvvi,

sii goikaluvve daidda nugo giđđaarvái.

²⁴Go sii doaivvuhuvve,

de mun moddjájin sidjiide,

go mu muođut čuvge, de sii movttiidedje.

²⁵Mun válljejin sidjiide geainnu,

ledjen sin oaivámuš,

mun ledjen dego gonagas

iežas soahteveaga njunnošis,

nugo dakkár gii jeđđe morašteddjiid.

30¹Dál mu boagustit

dat geat leat nuorabut go mun,

olbmát geaid áhčiid mun

in livčče atnán dohkálažžan

sávzabeatnagiiddán gaskii!

²Sin návccat eai lean

munnje veahkkin,

sis ii lean olmmáivuođa fápmu.

³Heahti ja nealgi

lea vuoimmehuhttán sin,

sii gáskkildit goikeguolbaniid,

mat ovddežis juo ledje guorba meahcit.

⁴30,4 spiinnelasttaid dan lasttain lea rihča smáhkka. Olbmot vušše daid ja atne borramuššan. gyvelmiestaga miestta mii šaddá meahcis.Miesttaguorain sii čogget spiinnelasttaid,

gyvelmiestaga ruohttasat sis leat biebmun.

⁵Sii áddjojuvvojit eret olbmuid searvvis,

olbmot huiket sin maŋŋái

dego suollagiid maŋŋái.

⁶Hirpmus skoaruin sii orrot,

eananbiejuin ja bákteráiggiin.

⁷Doppe miestagiid gaskkas

sii bárgot ja čoagganit gáskálasaid vuollái,

⁸duot jallat ja gudneheamit

mat ledje áddjojuvvon eatnamis eret.

⁹

lean gártan sidjiide sátnevájasin.

¹⁰

sii čolget mu muođuid njeaiga.

¹¹Ipmil lea ložžen mu dávgesuona

ja vuolidan mu,

danne sin ii cakka mihkkege

go sii oidnet mu.

¹²Sin čivggat fallehit mu

ja norddastit julggiid mu vuolde,

sii ráhkadit munnje geainnu oasehisvuhtii.

¹³Sii boltot mu bálgá vai mun jorralivččen,

iige oktage hehtte sin.

¹⁴Sii bohtet

dego govda muvraluoddaneamis,

čievračomaid gaskka sii márret ovdan,

¹⁵ja balddáhusat šávvet mu ala.

Sii sihkastit mu gudni eret dego biegga,

mu doaivu jávká balvva láhkái.

¹⁶Mun dohppehalan morrašii,

vártnuhisvuohta lea deaividan mu.

¹⁷Go idja boahtá, de mus luoddu dávttiid,

eaige mu bákčasat noga.

¹⁸

mu biktasii,

son lea váldán mu čeabehii

¹⁹ja bálkestan mu ráhpái.

Mun lean dego muolda ja gunat.

²⁰

mun čuoččun dás,

muhto don it geahča mu beallái.

²¹Don leat nuppástuvvan

munnje goaves vašálažžan,

don fallehat mu olles fámuinat.

²²Don bálkestat mu biggii

ja cuvket mu juma siste.

²³

ahte don leat doalvumin mu jápmimii,

dan báikái gosa

buot heakkalaččat čoagganit.

²⁴Dattetge, iigo olmmoš geigeše gieđa,

go buot gahččá čievračopman?

Iigo son čurvvoše veahki lihkuhisvuođastis?

²⁵

geain leat leamaš lossa beaivvit,

mun lean moraštan váivvášiid vuorbbi.

²⁶

de bođii lihkuhisvuohta,

go mun vurden čuovgga,

de bođii seavdnjadas.

²⁷

bahás beaivvit leat deaividan mu.

²⁸Mun váccán moraštemiin

inge oainne beaivváža,

čoakkalmasas mun čuožžilan

ja čuorvvun veahki.

²⁹

struhccalottit leat mu guoimmit.

³⁰

mu gorut buollá báhkkadávddas.

³¹

váidalussan,

mu njurgganasa čuodjan

gullo čierrunjietnan.