Davvisámegiel Biibbal 2019 (Biibbal)
26

Job vástida Bildadii

261De Job sártnui:

2Gal juo leat bures veahkehan

fámohis olbmá,

doarjalan gieđainat vuoimmeheami!

3Gal juo leat nevvon diehtemeahttuma,

oahpahan sutnje valljugasat viissisvuođa!

4

26,4
1 Gon 22,24
Gii attii dutnje dáid sániid,

gean vuoigŋa sárdnu du njálmmis?

5Jámežat doarggistit,

čáziid čiekŋalas ja dat mat doppe ásset.

6

26,6
Sál 139,8
Sát 15,11
Rahppojuvvon lea jábmiidáibmu

Ipmila ovdii,

čiekŋalas lea almmá gokčasa haga.

7

26,7
1 Mos 1,2
Son lea lebben almmi ávdima badjel,

son lea heaŋggastan eatnama dušši vehkii.

8

26,8
1 Mos 1,7
Son giessá čáziid balvvaidis sisa,

eaige balvvat gaikán daid deattus.

9

26,9
2 Mos 40,34
3 Mos 16,2
Son čiehká iežas truvnnu,

son lebbe balvvaidis dan birra.

10Son lea sáhcon áhpái rádján

almmiravdda,

dohko gos čuovggas ja seavdnjadas

deaivvadit.

11

26,11
Sál 18,8
Almmi báccit doarggistit,

dat suorganit go son čeargu.

12

26,12
9,13
Sál 74,13
89,10
104,6–9
Jes 51,9
26,12 Rahab >9,13.Son lea stuimmáskahttán ábi

fámuinis,

son lea cuvken Rahaba viissisvuođainis.

1326,13 fales gearbmaša Leviatan. >3,8.Son bosui biekkainis

almmi jalahassan,

su giehta čuggii čađa fales gearbmaša.

14Muhto dát lea dušše

olggumus ravda su barggus,

dat maid mii leat gullan,

lea dušše savkkas.

Gii dalle ipmirda

su buotveagalašvuođa bajána?

27

271Job sártnui ain ja celkkii:

2

27,2
Rut 1,20
Job 34,5
Nu duohta go Ipmil eallá,

Buotveagalaš guhte lea biehttalan mus

vuoigatvuođa

ja deavdán mu bahčavuođain:

3

27,3
1 Mos 2,7
Job 32,8
Nu guhká go mus lea eallinvuoiŋŋanas,

nu guhká go mu njunis

lea Ipmila vuoiŋŋahat,

4

27,4
1,22
2,9
de mu baksamat eai sártno vearrivuođa

iige mu njuovčča savkkut behttosa.

5

27,5
9,21
Mun in goassege mieđa

ahte dii lehpet vuoigadis!

Mun lean sivaheapme,

dan mun čuoččuhan dassá go jámán.

6

27,6
Apd 24,16
1 Kor 4,4
2 Tim 1,3
Mun doalan gitta vanhurskkisvuođastan,

dan mun in luoitte.

Mus ii leat mihkkege maid cuiggodit alddán.

7Vare mu vašálaččaide geavašii

nugo baháide,

mu vuostálastiide

nugo geavvá vearredahkkiide!

8

27,8
20,5
Luk 12,20
Makkár doaivu lea ipmilmeahttumis

go jápmin boahtá,

go Ipmil váldá su heakka eret?

9

27,9
5,20
Joh 9,31
Ii Ipmil gula su čuorvasa

go áŧestus deaivida su.

10

27,10
7,4
22,26
Jes 58,14
Sáhttágo son ávvudit Buotveagalaččas,

čuorvut Ipmila juohke áigge?

11

27,11
19,21
Mun oahpahan didjiide

makkár lea Ipmila fápmu,

mun in čiega Buotveagalačča áigumušaid.

12

27,12
21,34
Diihan lehpet ieža oaidnán dan.

Manne dii dalle sárdnubehtet

diekkár duššálaš sániid?

13Dát lea oassi

maid Ipmil addá bahás olbmui,

vuorbi maid Buotveagalaš

mearrida veahkaválddálažžii:

14

27,14
1,18č
Vaikko sus livčče bártnit ollu,

de sii gahččet miehkkái,

su mánát eai beasa borrat gallás.

15Daid geat leat beassan báhtui,

goddá rohttudávda,

leaskkat eai oaččo doallat váidalusaid.

16Ipmilmeahttun guhppe silbba

dego muoldda

ja rábida alccesis biktasiid čopman,

17

27,17
Sát 13,22
Sárd 2,26
muhto vanhurskásat gárvodit daid,

ja vigiheamit juogadit silbba.

18

27,18
Jes 1,8
Viessu maid son hukse,

lea dego lottibeassi,

nugo lastagoahti

maid bealdofáktejeaddji lea ráhkadan.

19Rikkis olmmájin son veallána,

muhto go son rabasta čalmmiid,

de visot lea jávkan.

20

27,20
18,11–16
21,18
Suorggahusat jokset su dego čáhcedulvi,

ihkku garra biegga doalvu su eret.

21Nuortabiegga lokte su bajás

ja dohppe su mielddis.

22Seasttekeahttá dat šluvgá su,

ja son bággehallá báhtarit.

23

27,23
Váid 2,15
Nah 3,19
Biegga speažžu gieđaid bilkidemiin,

dat njurgu sutnje go doalvu su eret

dan báikkis gos son ásai.

28

281Silba roggojuvvo ruvkkes,

gollis lea iežas gávdnansadji,

2ruovdi váldojuvvo eatnamis

ja veaiki suddaduvvo luovos geađggis.

3Olmmoš jávkada seavdnjadasa

ja bahkke vuolimus čiekŋalassii,

vai beassá dutkat bávtti mii lea čihkosis

seavdnjadeamos ijas.

4Son roggá ráiggiid

dohko gos olbmot eai oro.

Vajálduvvan sajiin

maid olbmo juolgi ii leat vázzán,

olbmát heaŋgájit ráippiid veagas

gáidosis olbmuin.

5Eatnamis boahtá láibi,

dan čieŋalvuođas buot earáhuvvá

dego dola fámus.

6Dan bávttis lea safira,

eatnama čievrras golli.

7Gazzaloddi ii dovdda bálgá dohko,

fálli čalbmi ii dan oainne,

8goargadis boraspiret eai dan duolmma,

doppe ii vácce ledjon.

9Olmmoš bargá garra geađggi,

jorgu váriid vuođđudusaidge,

10čuollá báktái ráiggi,

ja buot mii lea mávssolaš,

boahtá oidnosii.

11Son buođđu čáhcesuonaid,

buktá čuovgasii čiegus diŋggaid.

12

28,12
Sát 8,22–31
Muhto viissisvuohta,

gos dan sáhttá gávdnat?

Gos lea ipmárdusa ássansadji?

13Olmmoš ii dovdda geainnu dan lusa,

dat ii leat gávdnamis ealli olbmuid eatnamis.

14Čiekŋalas dadjá:

“Ii viissisvuohta leat dáppe”,

áhpi cealká:

“Ii dat leat dáppege.”

15

28,15
Sát 3,14
Dan ii sáhte oastit golliin,

dan hatti ii sáhte vihkket silban,

16dat ii leat oastimis Ofira golliin,

ii mávssolaš onyksgeđggiin iige safirain.

17Ii golli, ii šearradeamos láse leat

viissisvuođa veardásaš,

ii oktage sáhte lonuhit dan alccesis

fiidnámus gollelihtiiguin,

18

28,18
Sát 3,15
velá uhcit korállaiguin

ja kristállaiguin.

Buoret lea oamastit viissisvuođa

go bearraliid.

19Nubia topása ii leat

viissisvuođa veardásaš,

viissisvuohta ii leat oastimis

čielga golliin.

20Gos dalle boahtá viissisvuohta?

Gos lea ipmárdusa ássansadji?

21Dat lea čihkkojuvvon

buot heakkalaččaid čalmmiin,

velá almmi lottitge eai oainne dan.

22Gáđohus dadjá, jápmin dadjá:

“Dat lea dušše beaggán deike.”

23

28,23
Sát 8,22
Muhto Ipmil dovdá geainnu

viissisvuođa lusa,

son diehtá gos dan ássansadji lea.

24Son geahččá máilmmi ravddaid rádjái,

son oaidná buot mii lea almmi vuolde.

25Go son mearridii biekka deattu

ja bijai čáziide mihtu,

26go son ásahii arvái lága

ja mearridii bajándálkki geainnu,

27

28,27
Sát 3,19
dalle son áiccai viissisvuođa

ja dutkkai dan,

dovddiidii dan ja guorahalai dan.

28

28,28
Sál 111,10
Sát 1,7
2,5
9,10
15,33
Ja son celkkii olbmui:

“Lea viissisvuohta ballat Hearrás,

gáidat bahás lea ipmárdus.”