Davvisámegiel Biibbal 2019 (Biibbal)
23

Job vástida Elifasii

231De Job sártnui:

2Vel oktii mun váidalan bahččagit.

Su giehta lea lossat, ja mun šuohkán.

3Vare mun dieđášin gos su sáhttá gávdnat!

Mun manašin su duopmostuolu ovdii,

4ovddidivččen áššán sutnje

ja buvttášin ovdan iežan ákkaid.

5

23,5
Kap.
Mun beasašin gullat maid son vástida,

oččošin diehtit maid son dáhttu

sárdnut munnje.

6Livččiigo son munnje goavvi?

Ii eisege, son baicce guldalivččii mu.

7Das digaštalašii suinna

vuoigatlaš olmmái,

ja mun celkojuvvošin sivaheapmin

agálaččat.

8

23,8
9,11
Sál 139,7–10
Muhto jos mun manan nuorttas,

de ii son leat doppe,

jos jorggihan oarjjás,

de in mun áicca su.

9Jos mun ozan davvin,

de in mun oainne su,

jos jorggihan lulás,

de in mun gávnna su.

10

23,10
Sál 17,3
Son dovdá geainnu

man mun vádjolan,

ja jos son geahččala mu,

de mun lean buhtis dego golli.

11

23,11
Sál 17,5
Mun lean vádjolan oskkáldasat

su luottaid,

mun lean váldán vuhtii su geainnu

inge leat spiehkastan das.

12

23,12
Sál 44,18č
Mun in leat rihkkon báhkkomiid

maid son lea addán,

mun lean vurken su sániid

iežan siskkildassii.

13

23,13
9,12
Dan 4,35
Go son lea mearridan juoidá,

gii dalle sáhttá hehttet su?

Maid son dáhttu, dan son dahká.

14Son ollašuhttá

dan maid lea mearridan mu várás

– ollu dakkáraččat leat vuordimis.

15

23,15
Sál 119,120
Danne mun balan go oainnán su,

go mun jurddašan su, de mun doarggistan.

16Ipmil lea dahkan mu váimmu árgin,

Buotveagalaš lea mu balddihan.

17Muhto seavdnjadas ii jávohuhte mu,

mun in jávohuva su ovddas

gean seavdnjadas gokčá.