Davvisámegiel Biibbal 2019 (Biibbal)
1

Vanhurskkis Job geahččaluvvo

11

1,1
1 Mos 6,9
1 Gon 9,4
Sál 25,21
Esek 14,14
Luk 1,6
1,1 Us dovdameahttun eanan mii čadnojuvvo Edomii; gč. Váid 4,21.Usa eatnamis elii olmmái gean namma lei Job. Son lei láitemeahttun ja vuoigatlaš olmmái, balai Ipmilis ja fasttášii buot bahá. 2Jobis ledje čieža bártni ja golbma nieidda 31,3 nuortaeatnamiin eatnamat Kanaana ja Mesopotamia gaskkas. Vrd. Duop 6,3; 1 Gon 4,30; Esek 25,4.ja ollu opmodat: Čiežaduhát sávzza, golbmaduhát kamela, vihttačuođi vuoksápára ja vihttačuođi ásendámmá. Sus ledje maid ollu bálvaleaddjit. Job lei fámoleamos olmmái nuortaeatnamiin. 4Joba bártnit lávejedje doallat guossemállásiid guhtet guimmiidasaset. Sii dahke dan vurrolagaid iešguhtege dálustis, ja juohkehaš bovdii maiddái golbma oappás borrat ja juhkat ovttas singuin. 5
1,5
1 Sam 16,5
1,5 boaldinoaffara oaffar mii soabaha suttu. Vrd. 3 Mos 1.Go buohkat ledje doallan guossemállásiid, de Job lávii rávkat sin lusas ja atnit fuola sin buhtistanmeanuin. Árrat iđedis son oaffarušai boaldinoaffara sin buohkaid ovddas. Son oainnat jurddašii: “Mu mánát vedjet leat suddudan ja garuhan Ipmila jurdagiinniset.” Nu Job dagai juohke háve.

6

1,6
2,1
1,6 ipmiliid bártnit almmálaš sivdnádusat mat leat Ipmila lahka. Vrd. 38,7; Sál 29,1; 89,7. Sáhtán Hebreagiela mielde “vuostálasti”, “sivahalli”.Muhtun beaivvi ipmiliid bártnit bohte čoahkkái ja loaiddastedje Hearrá ovdii. Maiddái Sáhtán lei sin gaskkas. 7
1,7
1 Pet 5,8
Hearrá jearai Sáhtánis: “Gos don boađát?” Sáhtán vástidii: “Vádjoleames ruossut doarrás miehtá eatnama.” 8Hearrá jearai: “Leatgo mearkkašan mu bálvaleaddji Joba? Oppa eatnamis ii leat su láhkásaš, nu láitemeahttun ja vuoiggalaš, ii leat ii oktage gii ballá Ipmilis su láhkái ja fasttáša buot bahá.” 9Sáhtán vástidii Hearrái: “Dušši dihtego Job ballá Ipmilis? 10Donhan ieš leat juohke láhkái várjalan su ja su bearraša ja buot su opmodaga, leat buressivdnidan buot maid son dahká, ja su ealut lávdet miehtá eatnama. 11Muhto geigemat gieđa ja guoskka dasa mii gullá sutnje, de son garuha du čalbmehálgui.” 12Hearrá celkkii Sáhtánii: “Buot mii gullá sutnje, lea du gieđas, muhto sutnje alccesis it oaččo guoskat.” De Sáhtán vulggii Hearrá luhtte.

13Muhtun beaivvi go Joba bártnit ja nieiddat ledje borramin ja juhkamin viinni boarráseamos vieljaset geahčen, 14de bođii Joba lusa áirras gii muitalii: “Mii leimmet jorgumin eatnama vuovssáiguin, ja ásendámmát ledje guohtumin das lahkosiin. 151,15 sabealaččat navdimis gávpeálbmot Sabas Lulli-Arabias. 1 Gon 10,1č.Dalle bohte sabealaččat, rievidedje elliid ja godde bálvaleddjiid. Mun okto báhcen ja beasan muitalit dán dutnje.”

16

1,16
4 Mos 11,13
5 Mos 4,24
1,16 Ipmila dolla sáhttá leat álddagas. Vrd. 2 Gon 1,10eč.Go son lei ain sárdnumin, de bođii nubbi áirras ja muitalii: “Ipmila dolla časkkii vuolás almmis ja duššadii sávzzaid ja bálvaleddjiid. Mun okto báhcen ja beasan muitalit dán dutnje.”

171,17 Kaldealaččat Babylonia álbmot. Vrd. 2 Gon 25,5č; Esra 5,12.Go son lei ain sárdnumin, de bođii fas okta áirras ja muitalii: “Kaldealaččat fallehedje golbman joavkun, rievidedje kamelaid ja godde bálvaleddjiid. Mun okto báhcen ja bessen muitalit dán dutnje.”

18Go son lei ain sárdnumin, de bođii vel okta áirras ja muitalii: “Du bártnit ja nieiddat ledje borramin ja juhkamin viinni boarráseamos vieljaset geahčen. 19Dalle bođii fáhkkestaga garra biegga meahci bealde. Dat čuzii viesu njealji čihkii ja njeiddii dan du mánáid ala, nu ahte sii buohkat jápme. Mun okto báhcen ja bessen muitalit dán dutnje.”

20

1,20
1 Mos 37,2934
Esra 9,3
Dalle Job čuožžilii ja gaikkodii oalgebiktasis. Son ráhkii oaivvi báljisin, luoitádii eatnamii 21
1,21
Sárd 5,1418
1 Tim 6,7
ja dajai:

“Álásin mun bohten eadnán goaŧus,

álásin mun máhcan dáppe.

Hearrá attii, Hearrá válddii,

máidnojuvvon lehkos Hearrá namma.”

22Buot dás Job ii suddudan iige sivahallan Ipmila.
2

21

2,1
1,6
Muhtun beaivvi ipmiliid bártnit bohte fas čoahkkái ja loaiddastedje Hearrá ovdii. Maiddái Sáhtán lei sin gaskkas. 2
2,2
1 Pet 5,8
Hearrá jearai Sáhtánis: “Gos don boađát?” Sáhtán vástidii: “Vádjoleames ruossut doarrás miehtá eatnama.” 3Hearrá jearai sus: “Leatgo mearkkašan mu bálvaleaddji Joba? Su lágáš ii leat eatnama alde. Son lea láitemeahttun ja vuoigatlaš olmmái, son ballá Ipmilis ja fasttáša buot bahá. Son bissu ain láitemeahttumin, vaikko don vikkahit mu heavahit su almmá siva haga.” 42,4 Liiki liikkis jáhkkimis dajaldat mii mearkkaša ahte heagga lea deaŧaleabbo go opmodat.Sáhtán vástidii: “Liiki liikkis! Olmmoš addá buot mii sus lea, go fal beassá suodjalit iežas. 5
2,5
1,11
Muhto geigemat gieđa ja guoskka su rupmašii, de son garuha du čalbmehálgui.” 6Hearrá celkkii Sáhtánii: “Son lea du gieđas, duššefal seastte su heakka.”

7Nu Sáhtán vulggii Hearrá luhtte. Son časkkii Jobii bahás buhkkuid juolgevuođu rájes gitta oaivečohka rádjái. 8

2,8
2,12
Job čohkánii gutnaduvdnái ja faskkui rupmaša láirálihttebihtáin. 9
2,9
3 Mos 24,14eč
Su áhkká dajai sutnje: “Bisutgo don ain láitemeahttumin? Garut Ipmila ja jáme!” 10
2,10
1,1122
Rom 8,28
Job vástidii: “Don sártnut dego jalla. Mii váldit Ipmila gieđas buriid, eatgo de válddáše baháidge?” Buot dás Job ii suddudan sániinge.

112,11 temanlaš Teman lea guovlu Edomis. šuahlaš, naamalaš Šuah ja Naama leat navdimis báikkit Davvioarje-Arabias.Jobis ledje golbma ustiba; temanlaš Elifas, šuahlaš Bildad ja naamalaš Sofar. Go sii gulle buot lihkuhisvuođa mii lei deaividan Joba, de sii bohte čoahkkái, iešguhtege ruovttubáikkistis, ja árvaledje vuolgit Joba lusa árpmoštit ja jeđđet su. 12

2,12
1,20
2,8
Váid 2,10
Esek 27,30
Jona 3,6
2,12 gaikkodedje … vuovttaide moraštanmearka. Gč. 1 Sam 4,12. ▶ moraštanvierut.Sii oidne su juo guhkkin, muhto eai dovdán su. Sii čirrojedje, gaikkodedje oalgebiktasiiddiset ja botkkuhedje muoldda vuovttaide. 13De sii čohkánedje eatnamii su báldii ja čohkkájedje das čieža beaivvi ja čieža ija. Ii oktage dadjan Jobii sánige, dasgo sii oidne ahte su bávččas lei hui stuoris.

3

Job garuha riegádeamis

31

3,1
Jer 20,14–18
Viimmat Job sárdnugođii. Son garuhii riegádeamis beaivvi 2ja dajai:

3

3,3
Jer 15,10
Vare duššašii dat beaivi

go mun riegádin,

dat idja go daddjojuvvui: “Bártnáš!”

4Vare dat beaivi šattašii seavdnjadassan,

allos Ipmil allagasas jerro dan

allosge čuovga báito dasa.

5Vare mosku ja seavdnjadas

gáibidivččii dan ruoktot,

vare balvvat govččašedje

ja sevnnjodeapmi suorggahivččii dan.

6Vare seavdnjadeamos seavdnjatvuohta

njielašii dan ija,

allos dat lohkkojuvvojehko

jagi beivviid lohkui,

biehttalehkoset buot mánut das saji.

7Vare dat idja šattašii šattoheapmin,

allos das gullojehko ávvudeapmi.

8

3,8
Jes 27,1
3,8 Leviatan stuorra čáhceealli; dávjá fápmu mii vuostálastá Ipmila. Vrd. 40,20eč; 41,1eč; Sál 74,14; Jes 27,1. Dás dat govviduvvo krokodila hápmásažžan. ▶ Leviatan.Vare dan beaivvi garuhivčče

lihkohisvuođa beivviid mánideaddjit,

dat geat máhttet

mánidit ovdan Leviatana.

9Vare dan iđitnásttit sevnnjodivčče,

vurdos dat čuovgga duššás,

allos dat oidno iđedisroađi

rahpamin čalmmiid,

10danin go dat ii dahppan

eatniheakka uvssaid mu ovddas

iige čiehkan mu čalmmiin váivvi.

11

3,11
10,18č
Sárd 4,2č
Manne mun in jápmán

juo dalle go riegádin,

dalle go bohten eadnán goaŧus?

12Manne lei aski mii válddii mu vuostá,

manne čiččit maid ožžon njammat?

13Mun livččen dál

veallámin mášus ja oađđimin ráfis

14

3,14
Jes 14,9eč
gonagasaiguin ja stuorráiguin,

daiguin geat huksejedje gávpogiid

mat dál leat čievračopman.

15Mun livččen vuoiŋŋadeamen

oaivámuččaiguin,

daiguin geain lei golli,

geat devde viesuideaset silbbain.

16

3,16
3,11č
10,18č
Jer 20,17
Manin mun in riegádan

ovdaláigásaš ohkin

ja roggojuvvon eatnamii,

dego mánná mii ii goassege

oaidnán beaivečuovgga?

17Doppe eai šat šláma

ipmilmeahttumat,

doppe vuoiŋŋadit dat

geat leat massán fámuset.

18Doppe fáŋggain lea máššu,

eai sii šat gula fálddiid jiena.

19

3,19
21,23–26
Sárd 9,2č
Doppe leat smávvát ja stuorrát,

doppe šlávva lea friddja isidisttis.

20Manin gillájeddjiide

addojuvvo čuovga,

manin eallin dorvvuhemiide,

21

3,21
Alm 9,6
daidda geat duššás vurdet jápmima

ja ohcet dan eambbo

go čihkkojuvvon dávviriid,

22daidda geat illudivčče sakka

ja ávvudivčče, jos gávnnašedje hávddi?

23

3,23
19,8+
Manne eallá olmmái

gean geaidnu lea láhppon,

gean bálgáid Ipmil lea dahppan?

24

3,24
Sál 42,4
102,10
Šuohkáhusat leat šaddan

mu beaivválaš láibin,

mu váidalusat golget boršu čáhcin.

25Mu deaividii dat mas mun ballen,

dat mas mun soigen, lea joksan mu.

26

3,26
3,17
Ii leat mus ráfi, ii máššu

iige vuoiŋŋadus,

dušše váivi ja giksi.