Davvisámegiel Biibbal 2019 (Biibbal)
17

171

17,1
Sál 88,4
Mu eallinfápmu lea doddjon,

mu beaivvit leat čáskan,

mu ovddas lea hávdi.

2Bilkárat birastahttet mu,

mun oainnán dušše sin vašálašvuođa.

3

17,3
Sát 6,1
11,15
Bija datte pántta, dáhkit mu!

Eará sihkkarvuohta mus ii leat.

4Don leat dahppan sin váimmu

nu ahte sii eai ipmir,

danin don it suova sin vuoitit.

5Jos muhtun beahttá ustibis ruđa dihte,

de su mánát šaddet gillát das

maid son lea dahkan.

6

17,6
12,4
Sál 69,12
Ipmil lea dahkan mu

buohkaid sátnevájasin,

olbmot čolget mu muođuid njeaiga.

7

17,7
Sál 6,8
31,10
Moraš lea sevnnjodahttán

mu čalmmiid,

mu rumaš lea dušše suoivvan.

8Visot dát surgeha vuoigatlaš olbmuid,

sivaheapme suhttá ipmilmeahttuma dihte.

9Ja dattetge vanhurskkis

vádjola stáđđásit,

dat geas leat buhtis gieđat,

oažžu ain eambbo fámu.

10Muhto sárdnot fal, dii buohkat!

Mun in dattetge gávnna

din gaskkas ovttage viisá.

11Mu áigi lea nohkan,

mu áigumušat cuvkejuvvon,

buot mu váimmu sávaldagat.

12

17,12
11,13–19
Jes 5,20
Sii lohket ija beaivin,

sii celket ahte čuovga

lea lagabus go seavdnjadas.

13Leago mus doaivu?

Jábmiidáibmu lea mu visti,

seavdnjadassii

mun lážán alccesan oađđinsaji.

14Mun gohčodan hávddi áhččin

ja máđuid eadnin ja oabbán.

15

17,15
13,15
Gos dalle livččii mu doaivu?

Gos mu vuorddášii lihkku?

16Mannágo doaivuge jábmiidáibmui

oktanaga muinna?

Loaiddastago dat muinna muldii?

18

Bildad sárdnu nuppe háve

181De šuahlaš Bildad sárdnugođii fas. Son dajai:

2Goas don áiggut bidjat ráji sániidasat?

Jierpma, de mii sáhttit sártnodit!

3Anátgo don min šibihin,

leatgo mii du čalmmiin doavkkit?

4Du iežat moarri gaikkoda du.

Galggašiigo eanan šaddat ávdimin du dihte

ja bákti sirdásit sajistis?

5

18,5
Sát 13,9
Goittotge ipmilmeahttuma čuovga čáská,

su dola njuokčamat eai báitte.

6Su goađi čuovga sevnnjoda,

su lámpá jáddá.

7

18,7
Sát 5,22
Su fámolaš lávkkit árrojit,

su iežas áigumušat njeidet su.

8

18,8
Sál 35,7č
Su juolggit sorrojit fierbmái,

son gahččá bivdoroggái.

9Su juolgi darvána gillii,

báddi doallá su gitta.

10Fierbmi lea čihkkojuvvon eatnamii,

su bálgá alde lea giella.

11

18,11
3 Mos 26,36
Suorggahusat balddihit su

juohke guovllus,

dat doarridit su ja faŋuhit su julggiid.

12Heavvu dáhttu njiellat su,

lihkohisvuohta čuožžu gárvvisin

su bálddas.

13

18,13
1,7č
Dávda borrá su liikki,

jápmima vuosttašriegádeaddji

loaktá su lahtuid.

14

18,14
Sál 52,7
18,14 balddáhusaid gonagasa sáhttá govvidit jápmima.Son gaikojuvvo goađistis, iežas dorvvus,

ja dolvojuvvo balddáhusaid gonagasa lusa.

15

18,15
1 Mos 19,24
5 Mos 29,23
Sál 11,6
Luk 17,29
Su goahtái ássá ballu,

rišša botkkuhuvvo su ássanbáikki miehtá.

16

18,16
Am 2,9
Vuollin eatnamis su ruohttasat goiket,

badjin su oavssit ástet.

17

18,17
Sál 9,7
Sát 10,7
Su muitu jávká eatnamis,

su namma ii šat beakke gáhtain ja šiljuin.

18Son norddastuvvo

čuovgasis seavdnjadassii,

son áddjojuvvo eret eatnama alde.

19

18,19
Sál 21,11
Sutnje ii báze nálli

iige árbbolaš iežas álbmogii,

ii oktage báze eallit su vissui.

20Dat geat ásset oarjin, soiget su oasi,

nuortan olbmát dohppehallet ballui.

21

18,21
20,29
Ná geavvá suttolačča ássansadjái,

dan olbmo vissui gii ii dovdda Ipmila.

19

Job vástida Bildadii

191De Job sártnui:

2Man guhká dii áigubehtet áŧestit mu,

cuovkut mu sániideattetguin?

3Logi geardde dii lehpet hiddjidan mu,

ehpet heahpanatta deaddimis mu vuolás.

4Jos mun duođaid livččen čádjidan,

de dat livččii mu iežan ášši.

5Juos dii áigubehtet čeavlástallat

mu vuostá,

de čájehehket ahte mun

lean ánssášan dan heahpada!

6

19,6
18,8–10
Dihtet: Ipmil lea dahkan munnje veriid,

son lea bidjan fierpmis mu birra.

7

19,7
30,20+
Mun čuorvvun: “Veahkaváldi!”

muhto in oaččo vástádusa,

mun bárggun, muhto vuoigatvuohta ii leat.

8

19,8
Váid 3,79
Son lea áidon gitta mu geainnu,

mun in beasa šat ovdan,

son lea bidjan mu bálgáide seavdnjatvuođa.

9Son lea nuollan mus árvvu,

son lea váldán mu oaivvis gudnegierddu.

10

19,10
14,712
Son gaikkoda mu áibbas,

son rohtte mus doaivvu

dego muora eatnamis.

11

19,11
13,24
16,12–14
33,10
Son diktá moaris cahkiidit mu vuostá,

son atná mu vašálažžanis.

12Su joavkkut fallehit oktanaga,

dat bahkkejit mu vuostá

ja birastahttet mu goađi.

13

19,13
Sál 31,12
38,12
69,9
88,919
Son lea gáidadan mus mu vieljaid,

mu oahpes olbmot leat šaddan

munnje áibbas amasin.

14Mu lagamuččat ja oahppásat leat jávkan,

mu dálu olbmot leat vajáldahttán mu.

15Mu bálvaleaddjinissonat amašit mu,

mun lean sin čalmmiin vierroolmmoš.

16Jos mun rávkkan bálvaleaddján,

de son ii vástit,

ii vaikko mun ánun ja rohkadalan.

17Mu vuoiŋŋahat lea bahča áhkkásan,

mu hádja lea guohca iežan olbmuide.

18Velá mánátge futnot mu.

Go mun sárdnugoađán,

de sii leat njálbmumin.

19Buot mu lagamus ustibat fasttášit mu,

datnai geaid mun ráhkistin,

jorgalit mu vuostá.

20

19,20
Sál 102,6
Mun lean dušše liiki ja dávttit,

illá mun birgehan iežan heakka.

21

19,21
1 Sam 5,6eč
Job 2,5č
Árkkálmastet mu, árkkálmastet,

dii geat lehpet mu ustibat,

dasgo Ipmila giehta lea guoskkahan mu.

22Manne dii doarrádallabehtet mu,

dego Ipmil,

ehpetge gallán mu oaččis?

23Vare mu sánit čállojuvvošedje muitui,

vare dat sárgojuvvošedje čálusin,

24vare dat gohppojuvvošedje báktái

agibeaivái ruovderiffaliin ja lajuin!

25

19,25
Rut 4
Jes 47,4
1 Kor 15,25eč
19,25 lonisteaddji lei lagaš fuolki, olmmái geas lága mielde lei ovddasvástádus bearrašis. Vrd. 3 Mos 25,25; Rut 3,9. Sátni sáhttá maid govvidit Ipmila beastin, Sál 19,15; Jes 49,26. ▶ lonisteaddji.Mun dieđán ahte mu lonisteaddji eallá,

ja loahpas son boahtá eatnama ala.

26

19,26
Jes 26,19
Dan 12,2
Joh 5,28eč
19,26 mu oažži nohkan Masorehtalaš teaksta ii leat čielggas. Sáhttá maid jorgaluvvot “go mun ain lean oaččis” dahje “go mun ain ealán”.Go mu liiki lea duššan

ja mu oažži nohkan,

de mun beasan oaidnit Ipmila,

27

19,27
Sál 17,15
2 Kor 5,2
1 Joh 3,2
mun beasan geahččat su

iežan čalmmiiguin:

Son ii leat munnje vieris.

Ohcaleapmi loaktá mu siskkildasa!

28Dii dadjabehtet:

“Mii áigut doarrádallat su,

son lea lihkuhisvuođa ruohtas.”

29

19,29
Sál 58,12
Matt 5,22
Ballet dalle miehkis,

dasgo moarri lea suddu

mii ráŋggáštuvvo jápmimiin.

Dihtet ahte duopmu lea.