131Mun lean oaidnán buot dán,
lean gullan ja ipmirdan.
2
Maid dii diehtibehtet,
de dan dieđán munge,
in mun leat heajut go dii.
3Dál mun jorgalan
Buotveagalačča beallái,
mun áiggun bealuštit iežan
Ipmila muođuid ovddas.
4
Dii vuoidabehtet giellásiiguin,
heajos dálkkasteaddjit dii lehpet!
5
Vare juo orošeiddet jávohaga!
Dan sáhtášii atnit viissisvuohtan.
6De gullet mu bealuštusa,
guldalehket go mun sártnun.
7
Ipmila bealisgo dii gielistehpet,
su bealisgo dii sárdnubehtet
behtolaččat?
8Lehpetgo dii bealágat Ipmila ávkin,
su áššigo dii dáhttubehtet ovddidit?
9
139,1
Gal 6,7
Geavvágo didjiide bures,
go son guorahallá din?
Sáhttibehtetgo dii beahttit su,
nugo olmmoš beahttá nuppi?
10Ehpet sáhte, son ráŋggášta din
jos suollemasat
lehpet bealágat su ávkin.
11
Jes 6,1eč
Su allatvuohta balddiha din,
su hirbma suorggaha din.
12Din sátnevádjasat šaddet gutnan,
din ákkat láirelihttemoallun.
13Orrot jávohaga, dál sártnun mun,
gevvos dal munnje mo geavaš.
14Mun bijan eallima várrii,
mun bijan heaggan iežan gihtii.
15Goddos vaikko, mun in vuordde eará,
dattetge mun áiggun bealuštit iežan
su muođuid ovddas.
16
Matt 7,23
Dat livččii munnje gáddjojupmin,
dasgo ipmilmeahttun ii boađáše su ovdii.
17Gullet mu sániid,
guldalehket maid mun dajan!
18
Mun buvttán iežan ášši ovdan,
mun dieđán ahte lean vuoigadis.
19Jos oktage sáhttá jáhkihit
ahte mun lean sivalaš,
de mun orun jávohaga ja jámán.
2013,20 du muođuid ovddas Job sárdnu dál Ipmilii.Vare seasttášit mu guovtti áššis,
aman dárbbašit čiehkádit
du muođuid ovddas:
21
Váldde gieđat eret mu alde,
ale divtte suorggahusaidat baldit mu!
22Rávkka dasto mu, de mun vástidan,
dahje vástit don munnje,
go mun sártnun dutnje!
23
10,2
Man ollu mun lean
rihkkon ja suddudan?
Almmut munnje mu rihkkumiid ja suttuid!
24
44,25
69,18
88,15
102,3
Manne don čiegat mus muođuidat,
anát mu iežat vašálažžan?
25
Áiggutgo don baldit lastta
maid biegga doalvu,
doarrádalatgo don goikehoašša?
26
Don leat mearridan
mu oassin bahčavuođa,
bidjan mu máksit
iežan nuorravuođa suttuid.
27
Jer 20,2
Don bijat mu julggiid láhkkiide,
dárkkut gosa mun manan
ja gozihat buot mu lávkkiid,
28vaikko mun lean dušše mieska muorra,
dušše bivttas maid muohcu lea borran.
141Olmmoš, nissonis riegádan,
eallá oanehis áiggi
ja gallehuvvo ráfehisvuođain.
2
Sál 90,6č
102,12
103,15
144,4
Sárd 6,12
Jes 40,6č
Son šaddá dego lieđđi ja goldná,
dat báhtara dego suoivvan
ja lea fargga jávkan.
3Ja dakkára don anát čalmmis
ja doalvvut dubmejuvvot!
4
Sál 51,7
Jes 64,5
Rom 3,10
Sáhttágo buhtismeahttumis
šaddat buhtis?
Ii sáhte!
5
39,5
139,16
Go olbmo beaivvit leat lohkkojuvvon,
go don leat ásahan su mánuid logu,
go leat bidjan sutnje ráji
maid son ii sáhte rasttildit,
6
10,20
Sál 39,14
de geahča dasto eará guvlui
ja divtte su orrut, vai son beassá illudit
dego beaivebálkkolaš,
go bargobeaivi lea nohkan.
7Go muorra njeidojuvvo,
de das lea ain doaivu:
Dan jalgŋás bohciidit vesát,
eaige dan oavssit ádján ihtimis.
8Vaikko dan ruohttasat
boarásmuvvet eatnamis
ja dan mátta mieská muldii,
9de čázi hádja oažžu fas dan šaddat
ja šaddadit vesáid
dego easkka ceggejuvvon muorra.
10Muhto go olmmái jápmá,
de son veallá jábmin.
Go olmmoš lea addán vuoiŋŋas,
gos son lea dalle?
11Nugo čáhci jávká mearas,
nugo eanut cohkot ja goiket,
12
nu veallána olmmoš iige šat čuožžil.
Ovdal albmi luoddana go son moriha,
ii son goassege boktojuvvo nahkáriinnis.
13
Vare don vurkešit mu
jábmiidáibmui ja čiegašit mu dohko,
dassážii go du moarri lea vássán,
vare don bijašit munnje vissis áiggi
ja de muitášit mu!
14
Go olmmái jápmá, de eallágo son fas?
Mun gierddašin buot
iežan soahtebálvalusa beivviid,
dassážii go mu čovdojupmi boađášii.
15
Don čurvvošit mu, ja mun vástidivččen,
don áibbašivččet fas dan
gean du iežat giehta lea sivdnidan.
16
Dalle don logašit mu lávkkiid
muhto it fákteše, josgo mun suddudan.
17Mu suttuid don leat vurken,
mu suttuvealggi badjel
don leat geassán gokčasa.
18Nugo várri mollana ja fierrá
go bákti lihkkasa,
19
nugo čáhci gohpá geđggiid
ja ráššoarvi doalvu eatnama muoldda,
nu don dagat duššin olbmo doaivvu.
20
Don vuoittát su oalát,
ja son ferte vuolgit,
don nuppástuhtát su hámi
ja bijat su mannat.
21Su mánát vedjet oažžut gudni,
muhto ii son dan dieđe,
sii badjelgehččojuvvojit,
muhto ii son dan fuomáš.
22Su rumaš dovdá dušše iežas bákčasa.
Son ádde dušše iežas morraša.
Elifas sárdnu nuppe háve
151De temanlaš Elifas sárdnugođii fas. Son dajai:
2Vástidivččiigo viissis
duššiid sárdnumiin,
deavddášiigo son geahppáidis
nuortabiekkain?
3Válddášiigo son iežas bealuštussan
ávkkehis sárdnuma,
ságaid main ii leat gávdni masage?
4Don dagat duššin ipmilbalu,
don billistat duođalašvuođa
Ipmila muođuid ovddas.
5
Du suddu coggá
sániid du njálbmái,
don leat válljen alccesat gávviliid giela.
6
Du iežat njálbmi dubme du, in mun,
du iežat baksamat duođaštit du vuostá.
7
Riegáditgo don vuosttamužžan
buot olbmuin,
šaddetgo don ovdal go várit?
8
Jer 23,18
Rom 11,34
Ledjetgo don guldaleamen
go Ipmil doalai ráđđádallamiid,
doppego don rábidit alccesat
buot viisodaga?
9
Dieđátgo don juoidá maid
mii eat dieđe,
ipmirdatgo juoidá maid mii eat ipmir?
10
Min gaskkasge leat vuorrasat
ja čurgesvuovttagat,
boarráseappot go du áhčči.
11Leago dutnje ilá uhccán Ipmila jeđđehus,
sátni mii sárdnojuvvui dutnje láđđásit?
12Manne don leat nu viimmáskan,
manne russot du čalmmit?
13Manne don jorgalat moarát
Ipmila vuostá,
manne válddát njálbmái garra sániid?
14
Mo olmmoš sáhttá
leat buhtis? Sáhttágo oktage
gii lea riegádan nissonis
leat vuoigadis Ipmila vuostá?
15
Iihan Ipmil luohte oppa basiidasasge,
ii albmige leat buhtis su čalmmiin!
16Mo dasto gealbbohis
ja billašuvvan olmmoš
gii juhká vearrivuođa nugo čázi?
17Mun sártnun dutnje, guldal mu!
Mun dieđihan dutnje maid ieš lean oaidnán,
18maid lean oahppan viissis olbmáin.
Sii eai čiehkan áhčiideaset dieđu.
19Aivve sidjiide eanan addojuvvui,
amas olbmot eai ássan sin gaskkas.
20
Ipmilmeahttun eallá balus
buot beivviidis,
veahkaválddálaš ballá buot jagiid
mat sutnje leat udnojuvvon.
21Son gullá čađat hirpmus jienaid,
ja go son atná iežas oadjebassan,
de rievvár boahtá.
22Sus ii leat doaivu vealtat seavdnjadasas,
son lea mearriduvvon gahččat miehkkái.
23
Son čádjádallá go ohcá biepmu,
muhto ii son gávnna.
Son diehtá ahte seavdnjatvuođa beaivi
vuordá su.
24Heahti ja áŧestus balddiha su,
dat falleha su dego soahtalas gonagas.
25Son bajidii gieđa Ipmila vuostá!
Son goarggastattai Buotveagalačča vuostá,
26fallehii su ceakkoniskkiid
assás gávdegalbbas suojis.
27
Su muođut duorššagedje,
son buoidudii alimiiddis.
28Son ásai billašuvvan gávpogiidda,
viesuide main ii oktage ožžon ássat,
mat ledje mearriduvvon
šaddat čievračopman.
29Son ii šatta rikkisin,
su opmodat ii biso,
su gordneoaivvit eai soja eatnamii.
30Son ii vealtta seavdnjadasas.
Son lea vesá maid dolla boaldá,
ja biegga doalvu su liđiid.
31Allos son dorvvastehko duššálašvuhtii!
Dalle son beahttá ieš iežas,
ja duššálašvuohta šaddá su bálkán.
32
22,16
Sál 55,24
Son goldná ovdal áiggi,
su oavssit eai runit goassege.
33Son lea dego viidnemuorra
mii gahčaha láttakeahtes murjjiidis,
nugo oliivamuorra mii láhppá liđiidis.
34Šattoheapme lea
ipmilmeahttumiid joavku,
dolla boaldá daid gođiid
geat váldet duolgguid.
35
Jes 59,4
Sii sahkanahttet lihkuhisvuođa
ja riegádahttet bahávuođa,
sin goaŧus šaddá dušše beahtus.
