Davvisámegiel Biibbal 2019 (Biibbal)
12

Job vástida Sofarii

121De Job sártnui:

2Duođaid, dii lehpet viisát,

oktan dinguin jápmá viisodat!

3

12,3
13,2
Muhto mus lea jierbmi nugo disge,

in mun leat heajut go dii.

Mii dis lea mii earáin ii leat?

4

12,4
1,1
17,6
Jer 20,7
Mun lean šaddan olbmuid bogostahkan,

mun gii čurvon Ipmila ja ožžon vástádusa,

vuoiggalaš ja láitemeahttun olmmoš

– bogostahkan!

5Oasehis olbmui lea muttát

badjelgehččojupmi,

nu jurddaša oadjebas,

olbmo iežas sivva lea go son guossala.

6

12,6
21,7eč
Sál 73,3eč
Muhto rievvárat besset orrut ráfis

gođiineaset,

dat geat hárdet Ipmila ellet oadjebassan,

vaikko sii leat Ipmila fámu vuolde.

7

12,7–8
Kap.
Jearamat spiriin, de dat oahpahit du,

almmi lottit vástidit dutnje.

8Gaža eatnama sivdnádusain,

de dat bagadit du,

ábi guolit muitalit dutnje.

9Mii dáin ii dieđáše ahte Hearrá giehta

lea dahkan visot?

10

12,10
1 Mos 2,719
Job 34,14
Apd 17,25
Su gieđas lea buot heakkalaččaid eallin,

juohke olbmo vuoigŋa.

11

12,11
34,3
Iigo beallji geahččalatta sániid

nugo guopmi máistá borramuša?

12

12,12
8,8+
Vuorrasiin lea viisodat,

guhkes eallin addá jierpmi.

13

12,13
Sát 8,14
Mi 3,8
Ipmilis lea viisodat ja váldi,

sus lea ráđđi ja jierbmi.

14

12,14
Sál 127,1č
Jes 22,22
Alm 3,7
Go son gaikkoda, de ii oktage šat hukse,

go son váldá fáŋgan,

de ii oktage luoitte friddjan.

15

12,15
1 Mos 7,11eč
8,1eč
Go son buođđu čáziid,

de šaddá goikkádat,

go son daid fas luoitá,

de dat heavahit eatnama.

16Su lea gievravuohta a viissisvuohta,

son ráđđe dan gii čádjida

ja dan gii čádjidahttá.

17Son doalvu ráđđeaddiid eret

rabas julggiid,

son dahká duopmáriid jallan.

1812,18 čatná … birra čujuha hálddašeapmái. Gč. Joh 21,18.Son nuollá gonagasain gorges gárvvuid,

son čatná gonagasaide liinni alimiid birra.

19Son doalvu báhpaid eret rabas julggiid,

son njeaidá fámolaš olbmáid.

20Son jávkada sániid

luohtehahtti olbmuid baksamiin

ja váldá eret vuorrasiid jierpmi.

21

12,21
Sál 107,40
Son golggaha heahpada

oaivámuččaid badjelii,

son čoavdá gievrraid boahkána.

22

12,22
3,4
Dan 2,22
Son almmustahttá

seavdnjadasa čiegusvuođaid,

jápminsuoivana son buktá čuovgasii.

23

12,23
1 Sam 2,6č
Son diktá álbmogiid stuorrut

ja duššada daid,

son láide álbmogiid ja biđge daid.

24

12,24
Sál 107,40
Son váldá eret jierpmi

álbmoga oaivámuččain,

son čádjidahttá sin

bálggiskeahtes meahccái.

25Son guođđá sin rávjut

čuovggahis seavdnjadassii,

son diktá sin ruossat dego gárrenolbmuid.