Job 11 - Davvisámegiel Biibbal 2019 (Biibbal) - RAAMATTU.FI

Davvisámegiel Biibbal 2019 (Biibbal)

11

Sofar sárdnu vuosttaš háve

11¹

11,1

2,11
De naamalaš Sofar sárdnugođii:

²Iigo oktage vástit diekkár sátnedulvái?

Oažžugo sártnášteaddji maŋimuš sáni?

³Du sárdnun jávohuhttá buohkaid,

don bilkidat,

iige oktage cuiggot du.

⁴

11,4

Job 10,7
Don jáhkát leat vuoigadis,

ahte leat sivaheapme Ipmila ovddas.

⁵Vare Ipmil datte sártnošii

ja cuiggodivččii du!

⁶

11,6

Esra 9,13
Sál 103,10
Son almmustahtášii dutnje

viisodaga čiegusvuođaid

maid jierbmi lea guovttegeardásaš.

Dalle don ipmirdivččet, man ollu suttuid

son addá dutnje ándagassii.

⁷

11,7–9

Sál 139,7–10
Rom 11,33
Máhtátgo don boahtit

Ipmila čiegusvuođaid boddii

dahje gávdnat Buotveagalačča ollisvuođa?

⁸

11,8

Ef 3,18č
Dat lea alit go albmi

– mo don máhtát dan fáhtet?

Dat lea čiekŋaleabbo go jábmiidáibmu

– maid don das dieđát?

⁹Dan mihttu lea guhkit go eanan,

dat lea govddit go áhpi.

¹⁰

11,10

9,12
Jos son dáhttu dohppet olbmo,

bidjat su giddagassii

ja bovdet rievtti čoahkkái,

gii dalle sáhtášii hehttet su?

¹¹Son dovdá behtolaččaid,

son mearkkaša suttu

maid earát eai fuomáš.

¹²Sáhttágo jierpmehis olmmái jierbmat?

Sáhttágo meahcceásen šaddat olmmožin?

¹³11,13 lebbet gieđaid rohkadallama mearka.Muhto jos don jierpmat

ja lebbet gieđaid su guvlui,

¹⁴jos gáidadat suttu

itge divtte vearrivuođa ássat goađistat,

¹⁵

11,15

10,15č
de don sáhtát bajidit oaivvi

vigiheapmin,

bissut nanusin almmá balu haga.

¹⁶Don vajáldahtát váivviid,

don muittát daid dušše

dego čáziid mat golge meaddel.

¹⁷

11,17

Sál 139,11č
Jes 58,10
Du eallin šaddá šearradin

dego čuvges beaivi,

ja seavdnjadas šaddá dutnje

iđedisguovssun.

¹⁸Don oaččut leat oadjebas,

dasgo dus lea doaivu,

don leat suojis

ja beasat veallánit oadjebassan.

¹⁹

11,19

3 Mos 26,6
Sál 4,9
Ii oktage baldde du

go don manat vuoiŋŋastit,

eatnagat dohkkestuvvet dutnje.

²⁰

11,20

8,13
Muhto ipmilmeahttumiid

čalmmit sotnet

iige sis leat gosa báhtarit,

sin doaivu lea duššan.