Davvisámegiel Biibbal 2019 (Biibbal)
14

Geaidnu, duohtavuohta ja eallin

141

14,1
14,27
Allos din váibmu lehko leabuheapme. Oskot Ipmilii ja oskot munnje. 2
14,2
Hebr 6,19č
Mu Áhči viesus leat ollu lanjat. Dajašingo mun muđui ahte manan gárvvistit didjiide saji? 3
14,3
17,24
1 Tess 4,16č
Mun manan gárvvistit didjiide saji, muhto boađán fas ruoktot ja vieččan din lusan, vai dii lehpet doppe gos mun lean. 4Ja dii gal diehtibehtet geainnu dohko gosa mun manan.”

5Tomas dajai sutnje: “Hearrá, eat mii dieđe gosa don manat. Mo mii de sáhttit diehtit geainnu?” 6

14,6
1,14
10,9
11,25
Jesus vástidii: “Mun lean geaidnu, duohtavuohta ja eallin. Ii oktage boađe Áhči lusa muđui go mu bokte. 7
14,7
8,19
Jos dii dovdabehtet mu, de oahppabehtet dovdat maiddái mu Áhči. Dii dovdabehtet su juo dál, diihan lehpet oaidnán su.”

8Filip dajai sutnje: “Hearrá, divtte min oaidnit Áhči, de das lea midjiide galle.”

9

14,9
1,18
12,45
Jesus vástidii: “Itgo don, Filip, dovdda mu, vaikko mun lean leamaš juo ná guhká din luhtte? Gii lea oaidnán mu, dat lea oaidnán Áhči. Mo don de sáhtát dadjat: ‘Divtte min oaidnit Áhči’? 10
14,10
7,1610,38+
Itgo don oskko ahte mun lean Áhči siste ja Áhčči lea mu siste? Go mun sártnun didjiide, de mun in sártno iešalddán: Áhčči lea mu siste ja dahká iežas daguid. 11
14,11
5,36+
Oskot munnje go mun cealkkán ahte mun lean Áhči siste ja Áhčči lea mu siste. Jos dii muđui ehpet oskko, de oskot mu daguid dihte.

12Duođaid, duođaid, mun cealkkán didjiide: Dat gii osku munnje, dahká daid daguid maid mun dagan, ja velá stuoribuidge, dasgo mun manan Áhči lusa. 13

14,13
Matt 7,7Joh 15,716
16,23č
Ja maid ihkinassii dii átnubehtet mu nammii, dan mun dagan, vai Áhčči hearvásin dahkkojuvvo Bártni bokte. 14Juos dii átnubehtet juoidá mu nammii, de mun dagan dan.

Bealušteaddji, Bassi Vuoigŋa

15

14,15
1 Joh 5,3
Jos dii ráhkistehpet mu, de dii doallabehtet mu báhkkomiid. 16
14,16
14,26
15,26
16,7
14,16 bealušteaddji Greikkagiel sánis leat máŋga mearkkašumi: veahkki, jeđđejeaddji, rávvejeaddji ja advokáhta.Mun rohkadalan Áhči, ja son addá didjiide nuppi bealušteaddji, gii bissu din luhtte agálaččat. 17Dat lea duohtavuođa Vuoigŋa. Máilbmi ii sáhte váldit su vuostá, danne go máilbmi ii oainne iige dovdda su. Muhto dii dovdabehtet su, danin go son bissu din luhtte ja lea din siste. 18In mun guođe din oarbbisin, muhto boađán din lusa. 19
14,19
7,33č
16,16
Velá oanehis bottoš, de máilbmi ii šat oainne mu. Muhto dii oaidnibehtet mu, danne go mun ealán, ja diige eallibehtet. 20
14,20
10,38+
Dan beaivvi dii áddebehtet ahte mun lean Áhččán siste ja dii lehpet mu siste ja mun din siste.

21Gii lea váldán vuostá mu báhkkomiid ja doallá daid, dat ráhkista mu. Ja mu Áhčči ráhkista dan gii ráhkista mu, ja munge ráhkistan su ja almmuhan iežan sutnje.” 22

14,22
Apd 10,40č
Judas, ii Judas Iskariot, jearai: “Hearrá, manne don almmuhat iežat dušše midjiide itge máilbmái?”

23

14,23
Alm 3,20
Jesus vástidii:

“Jos guhtege ráhkista mu, de son doallá mu sáni. Mu Áhčči ráhkista su, ja moai bohte ja ásse su lusa. 24

14,24
7,16+
Gii ii ráhkis mu, dat ii doala mu sáni. Muhto sátni maid dii gullabehtet, ii boađe mus, muhto mu Áhčis gii lea vuolggahan mu. 25Dán mun lean cealkán didjiide dál go ain lean din luhtte. 26
14,26
14,161 Joh 2,2027
Muhto Bealušteaddji, Bassi Vuoigŋa, gean Áhčči vuolggaha mu nammii, oahpaha didjiide buot ja muittuha didjiide buot maid mun lean cealkán didjiide.

Kristusa ráfi

27

14,27
Ef 2,14
Fil 4,7
Ráfi mun guođán didjiide. Iežan ráfi mun attán didjiide, in fal dakkára maid máilbmi addá. Allos din váibmu suorganehko, alletge dorvvuhuva. 28
14,28
13,1+
Diihan gulaidet maid mun celken: Mun manan eret, muhto boađán fas din lusa. Jos dii ráhkistivččiidet mu, de dii illudivččiidet go mun manan Áhči lusa, dasgo Áhčči lea stuorit go mun. 29
14,29
13,19
Dán mun cealkkán didjiide ovdal go dat dáhpáhuvvá, vai dii oskubehtet go dat dáhpáhuvvá. 30
14,30
12,31
Dás maŋás mun in sártno dinguin ollu, danne go dán máilmmi oaivámuš lea boahtimin. Sus ii leat mihkkege mus, 31
14,31
Matt 26,46
muhto máilbmi ferte beassat diehtit ahte mun ráhkistan Áhči ja dagan nugo son lea gohččon. Čuožžilehket, vulgot dáppe.

15

Duohta viidnemuorra

151Mun lean duohta viidnemuorra, ja mu Áhčči lea viidnegárdedoalli. 2

15,2
Matt 3,10
Son čuohppá mus eret juohke oavssi mii ii šaddat šaddosiid, ja juohke oavssi mii šaddada šaddosiid, son buhtista, vai dat šaddadivččii eanet šaddosiid. 3
15,3
13,10
Dii lehpet juo buhttásat dan sáni dihte maid mun lean sárdnon didjiide. 4
15,4
6,56
Bissot mu siste, de mun bisun din siste. Nugo oaksige ii sáhte šaddadit šattuid muđui go dat bissu viidnemuoras, nu ehpet diige sáhte šaddadit šattuid muđui go bissubehtet mu siste.

5

15,5
2 Kor 3,5
Mun lean viidnemuorra, dii lehpet oavssit. Dat gii bissu mu siste ja gean siste mun bisun, šaddada ollu šattuid. Almma mu haga dii ehpet máhte dahkat maidege. 6Gii ii biso mu siste, dat lea dego luovvanan oaksi: Dat bálkestuvvo eret ja goiká. Goikeoavssit čohkkejuvvojit ja bálkestuvvojit dollii, ja dat bullet. 7
15,7
14,13+
Jos dii bissubehtet mu siste ja mu sánit bissot din siste, de átnot maid ihkinassii dáhttubehtet, ja dii oažžubehtet dan. 8
15,8
Matt 5,16
Mu Áhči hearvásvuohta boahtá albmosii das ahte dii šaddadehpet ollu šaddosiid ja šaddabehtet mu máhttájeaddjin.

9

15,9
5,20+
Nugo Áhčči lea ráhkistan mu, nu munge lean ráhkistan din. Bissot mu ráhkisvuođas. 10
15,10
1 Joh 5,3
Jos dii doallabehtet mu báhkkomiid, de dii bissubehtet mu ráhkisvuođas, nugo mun lean doallan Áhččán báhkkomiid ja bisun su ráhkisvuođas. 11
15,11
16,21eč
17,13
1 Joh 1,4
Dán mun lean sárdnon didjiide, vai mu illu lea din siste ja din illu šaddá ollisin. 12
15,12
13,34
Ná mun gohčun din: Ráhkistehket guhtet guimmiideattet, nugo mun lean ráhkistan din. 13
15,13
10,11
1 Joh 3,16
Ii ovttasge leat stuorit ráhkisvuohta go sus gii addá heakkas ustibiiddis ovddas. 14Dii lehpet mu ustibat, jos dahkabehtet dan maid mun gohčun. 15In mun šat gohčot din bálvaleaddjin, danne go bálvaleaddji ii dieđe maid su isit áigu. Mun gohčodan din ustibin, munhan lean muitalan didjiide buot maid lean gullan Áhčistan. 16
15,16
14,13č+
Ehpet dii válljen mu, muhto mun válljejin din ja vuolggahin din šaddadit šaddosiid, dakkár šaddosiid mat bissot. Go nu dahkabehtet, de Áhčči addá didjiide buot maid átnubehtet sus mu nammii. 17Ná mun gohčun din: Ráhkistehket guhtet guimmiideattet.

Máilbmi vašuha din

18

15,18
7,7
1 Joh 3,13
Jos máilbmi vašuha din, de muitet ahte dat lea vašuhan mu ovdal go din. 19
15,19
Matt 10,22
Joh 17,14
Jos dii livččiidet máilmmi olbmot, de máilbmi ráhkistivččii iežas olbmuid. Muhto dál dii ehpet leat máilmmi olbmot, muhto mun lean válljen din máilmmis, ja danne máilbmi vašuha din. 20
15,20
Matt 10,24č
Joh 13,16
Muitet maid mun celken: Bálvaleaddji ii leat stuorit go isit. Jos olbmot leat doarrádallan mu, de sii doarrádallet maiddái din. Jos sii leat doallan mu sáni, de sii dollet maiddái din sáni. 21
15,21
16,3
Apd 5,41
Buot dán olbmot dahket didjiide mu nama dihte, dasgo eai dovdda su gii lea vuolggahan mu. 22
15,22
9,41
Jos mun in livčče boahtán ja sárdnon sidjiide, de sis ii livčče suddu, muhto dál sis ii leat mihkkege mainna bealuštit suttuset. 23
15,23
Luk 10,16
Joh 5,23
Gii vašuha mu, dat vašuha maiddái mu Áhči. 24Jos mun in livčče dahkan sin gaskkas daguid maid ii oktage eará leat dahkan, de sis ii livčče suddu. Muhto dál sii leat oaidnán daid ja vašuhit sihke mu ja mu Áhči. 25
15,25
Sál 69,5
Muhto dat šattai, vai ollašuvvá sin čállagiid sátni: Sii leat vašuhan mu almmá siva haga.

26

15,26
14,16Apd 5,32
15,26 Bealušteaddji >14,16.Dii oažžubehtet Bealušteaddji; mun vuolggahan su Áhči luhtte. Son, Duohtavuođa Vuoigŋa, vuolgá Áhči luhtte ja duođašta mu birra. 27Maiddái dii šaddabehtet mu duođašteaddjin, diihan lehpet leamaš mu mielde gitta álggu rájes.

16

161Dán mun lean sárdnon didjiide amadet jorralit. 2

16,2
Matt 10,1722
Joh 9,22
Apd 26,9eč
16,2 synagogas juvddálaččaid oskkuservodat. ▶ synagoga.Sii ádjet din olggos synagogas. Áigi boahtá go dat gii goddá din, jáhkká ahte son dan bokte bálvala Ipmila. 3
16,3
8,19
15,21
Ná sii dahket danne go eai dovdda Áhči eaige mu. 4
16,4
Mark 13,23
Joh 13,19
14,29
Mun lean cealkán didjiide dán, vai dii, go dat áigi boahtá, muitibehtet ahte mun celken dan.

Bealušteaddji

Mun in sárdnon didjiide dán álggus, danne go lean ieš leamaš dinguin. 5

16,5
7,33
Muhto dál mun manan su lusa gii lea vuolggahan mu. Ii oktage dis jeara gosa mun manan, 6muhto din váibmu lea morrašis dan geažil maid mun dadjen didjiide. 7
16,7
14,16+
16,7 Bealušteaddji Bassi vuoigŋa. >14,16.Muhto mun cealkkán didjiide duohtavuođa: Didjiide lea ávkin ahte mun manan eret. Jos mun in mana, de Bealušteaddji ii sáhte boahtit din lusa. Muhto go mun lean mannan, de mun vuolggahan su din lusa, 8ja son boahtá ja čájeha máilbmái mii lea suddu, mii vanhurskkisvuohta ja mii duopmu. 9Suddu lea das ahte olbmot eai oskko munnje, 10
16,10
13,1+
vanhurskkisvuohta boahtá albmosii das ahte mun manan Áhči lusa ehpetge dii oainne šat mu, 11
16,11
12,31
ja duopmu lea das ahte dán máilmmi ráđđejeaddji lea dubmejuvvon.

12Mus lea ain ollu sárdnumuš didjiide, muhto dii ehpet sáhte váldit dan vuostá. 13

16,13
14,1726
15,26
16,13 duohtavuođa Vuoigŋa Bassi vuoigŋa.Muhto go Duohtavuođa Vuoigŋa boahtá, de son oahpista din dovdat olles duohtavuođa. Son ii sártno iešalddis, muhto sárdnu dan maid gullá, ja son almmuha didjiide boahttevaš dáhpáhusaid. 14Son hearvásmahttá mu, danne go son oažžu mus dan maid son almmuha didjiide. 15
16,15
17,10
Buot mii lea Áhči, lea maiddái mu. Danne mun celken ahte son oažžu mus dan maid son almmuha didjiide.

Moraš šaddá illun

16

16,16
14,19
Oanehis bottoža geažes dii ehpet oainne mu, ja fas oanehis bottoža geažes dii oaidnibehtet mu.” 17Dalle muhtumat su máhttájeddjiin jerre guhtet guoimmisteaset: “Maid son oaivvilda go dadjá: ‘Oanehis bottoža geažes dii ehpet oainne mu, ja fas oanehis bottoža geažes dii oaidnibehtet mu’? Ja maid son oaivvilda go dadjá ahte son manná Áhči lusa? 18Maid son oaivvilda oanehis bottožiin? Mii eat ádde maid son sárdnu.” 19Jesus oinnii ahte sii áigo jearrat sus, ja son celkkii: “Dango dii imaštallabehtet ahte mun celken: ‘Oanehis bottoža geažes dii ehpet oainne mu, ja fas oanehis bottoža geažes dii oaidnibehtet mu’? 20Duođaid, duođaid, mun cealkkán didjiide: Dii šaddabehtet čierrut ja luoibmat, muhto máilbmi illuda. Dii šaddabehtet morrašii, muhto din moraš šaddá illun. 21
16,21
Jes 26,17
Go nisson riegádahttá, de son lea balus go su boddu lea boahtán. Muhto go mánná lea riegádan, de eadni ii muitte šat bákčasiiddis muhto lea ilus go olmmoš lea riegádan máilbmái. 22
16,22
20,20
Disge lea dál moraš, muhto mun oainnán din fastain, ja dalle dii lehpet ilus, iige oktage sáhte váldit din ilu dis eret. 23
16,23
14,13+
Dan beaivvi dii ehpet jeara mus maidege. Duođaid, duođaid, mun cealkkán didjiide: Maid ihkinassii dii átnubehtet Áhčis mu nammii, dan son addá didjiide. 24
16,24
15,11
Dássážii dii ehpet leat átnon maidege mu nammii. Átnot, de oažžubehtet, vai din illu šaddá ollisin.

25Dán mun lean sárdnon didjiide veardádusaiguin. Boahtá áigi go mun in sártno didjiide šat veardádusaiguin, muhto čielga sániiguin sártnun Áhči birra. 26Dan beaivvi dii átnubehtet mu nammii. Mun in cealkke ahte rohkadalan Áhči din ovddas, 27dasgo Áhčči ieš ráhkista din, danne go dii lehpet ráhkistan mu ja oskon ahte mun lean boahtán Ipmila luhtte. 28

16,28
8,42
13,3
17,8
Áhči luhtte mun lean vuolgán ja boahtán dán máilbmái, ja dál mun guođán máilmmi ja manan ruoktot Áhči lusa.”

29Máhttájeaddjit dadje: “Dál don sártnut čielga sániiguin itge veardádusaiguin. 30Dál mii ipmirdit ahte don dieđát buot itge dárbbaš vuordit ahte guhtege dus jearrá. Danne mii oskut ahte don leat boahtán Ipmila luhtte.”

31Jesus vástidii: “Dál dii oskubehtet. 32

16,32
Sak 13,7
Matt 26,3156
Joh 8,29
Áigi boahtá, ja lea juo boahtán, go dii bieđganehpet, iešguhtege guvlosis, ja guođđibehtet mu okto. In mun dattetge leat okto, dainna go Áhčči lea muinna. 33
16,33
14,27
1 Joh 5,4
Mun lean sárdnon didjiide dán, vai dis livččii ráfi mu siste. Máilmmis dis lea áŧestus, muhto lehket dorvvolaččat: Mun lean vuoitán máilmmi.”