91
14,17
Vare mu oaivi livččii čáhci
ja mu čalmmit ganjalája,
de mun čirošin ijatbeaivvi
iežan álbmoga gahččan olbmuid!
2
Vare mun gávnnašin idjasaji meahcis!
Dalle mun guođášin álbmogan
ja vuolggášin eret sin luhtte.
Sii leat buohkat náittosrihkkut,
behtolaččaid joavku.
3
Jer 5,27č
Sin njuovčča lea geldojuvvon dávgi,
eatnamis ráđđe gielis, ii duohtavuohta.
Sii mannet bahávuođas bahávuhtii,
muhto mu sii eai dáhto dovdat,
cealká Hearrá.
4
Mi 7,6
Váruhehket ustibiin,
allet luohte villjiige!
Viellja beahttá vieljas,
ustit cielaha ustibis sealggebealde.
5
Buohkat behttet guhtet guimmiideaset,
ii oktage sártno duođa.
Sii leat hárjehan njuokčameaset gielistit,
sii leat váibadan iežaset verrošemiin.
6Don ásat behtolaččaid gaskkas,
behtolašvuođasteaset
sii biehttalit dovdamis mu,
cealká Hearrá.
7
Jer 6,27
Dan dihte cealká Hearrá,
Almmiveagaid Ipmil:
Mun šolgen sin ja geahččalan sin.
Mo mun sáhtášin meannudit eará láhkái
iežan álbmogiin?
8
62,5
Sin njuovčča lea goddi njuolla,
sin njálbmi sárdnu behttosa.
Sii sárdnot ustitlaččat
guhtet guoibmáseaset,
muhto váimmus sii leat bidjamin gielaid.
9
Ingo mun ráŋggáštivčče sin
dakkár daguin,
ingo mun mávssahivčče
dákkár álbmogii?
Jerusalem duššaduvvo
10
12,4
Váriid dihte mun čierun ja váidalan,
meahci guohtumiid geažil
mun lávllun morašlávlaga.
Dat leat boldojuvvon,
doppe ii oktage vádjol,
omiid jietna ii doppe gullo.
Almmi lottit ja spiret leat báhtaran doppe.
11
Jes 13,20eč
34,10eč
Jer 10,22
26,18
Mi 3,12
Mun dagan Jerusalema geađgečopman,
šakálaid orrunsadjin.
Juda gávpogiid mun dagan ávdimin
gos ii oktage olmmoš šat ása.
12
Gii lea nu viissis ahte ádde dán? Gii lea váldán vuostá Hearrá sáni ja máhttá čilget dan? Manne eanan lea duššan, manne dat lea dego buollán meahcci gos ii oktage vádjol?
13Hearrá vástidii: Ná lea geavvan, danne go sii hilgo lága maid mun adden sidjiide. Sii eai guldalan mu eaige eallán nugo mun oahpahin, 14
Jer 3,17
7,24
muhto vádjoledje buššon váimmuset mielde ja Baal-ipmiliid maŋis, nugo sin áhčit ledje oahpahan sin dahkat. 15
23,15
9,15 márona mirkošaddu mas lea rihča smáhkka. ▶ máron.Danne cealká Hearrá, Almmiveagaid Ipmil, Israela Ipmil: Mun attán dan álbmogii márona borrat ja mirkkočázi juhkat. 16
5 Mos 28,64
Mun biđgen sin álbmogiid gaskii maid sii eai dovdda ja maid sin áhčitge eai dovdan. Mun vuolggahan sin maŋŋái miehki, dassážii go lean loaktán sin.
17
Ná cealká Hearrá, Almmiveagaid Ipmil:
“Rávket váidaleaddji nissoniid,
vuolggahehket sin deike!
Vieččahehket čeahpes nissoniid,
vuolggahehket sin deike!”
18Dopmoset boahtit
bajidit váidaluslávlaga min dihte,
nu ahte min čalmmiin golget gatnjalat
ja čalbmerapmasiin čáhci.
19Váidalusjietna gullo Sionis:
“Vuoi min, mii leat heavahuvvon!
Min heahpat lea stuoris.
Mii fertet vuolgit eatnamisttámet,
danne go min ruovttut
leat gaikkoduvvon.”
20Nissonat, gullet Hearrá sáni,
váldet vuhtii maid son sárdnu!
Oahpahehket nieiddaidasadet
váidaluslávlaga,
guhtet guimmiidasadet morašlávlaga:
21
“Jápmin lea čákŋan sisa láseráigge,
dat lea bahkken min ladniide.
Dat lea heavahan mánáid gáhtain,
nuorra olbmáid šiljuin.”
22
16,4
25,33
Gulat dán Hearrá sáni:
Liikkat veallájit
dego muhkki eatnamis,
dego gordnegihput
ládjobargiid láju maŋŋá,
ii oktage čohkke daid.
Rivttes rápmi
23Ná cealká Hearrá:
Allos viissis rámádallo viisodagastis,
allos gievra givrodagastis,
allos rikkis riggodagastis.
24
2 Kor 10,17
Jos muhtun dáhttu rámádallat,
de rámádallos das
ahte lea jierpmálaš ja dovdá mu.
Mun lean Hearrá,
mu dagut eatnama alde
leat árbmugas, vuoigatlaš
ja vanhurskkis dagut.
Daid mun dáhtun din dahkat,
cealká Hearrá.
Birračuohpakeahtes váimmut
25
Rom 2,25
Beaivvit bohtet, cealká Hearrá, go mun ráŋggáštan buohkaid geaid ovdaliiki lea birračuhppojuvvon: 26
Jer 4,4
25,23
49,32
Apd 7,51
9,26 birrajevdejuvvon geađaš meahcceássit geain lei erenoamáš vuoktamálle. Gč. Jer 25,23. birračuohpakeahtes váibmu >4,4.Egypta, Juda, Edoma, ammonlaččaid, Moaba ja buot meahcceássiid geain lea birrajevdejuvvon geađaš. Buot báhkinálbmogat leat birračuohpakeahttá, ja oppa Israela álbmogis lea birračuohpakeahtes váibmu.