Davvisámegiel Biibbal 2019 (Biibbal)
49

Ammona duopmu

491

49,1
Esek 21,33eč
25,2eč
Am 1,13eč
49,1 Milkom ammonlaš váldoipmil. ▶ Milkom.Gad Gada nálli lei ožžon oasi Nuorta-Jordaneatnamis. Vrd. 4 Mos 32; Jos 13,24eč. Doppe sii sohte ammonlaččaiguin. Vrd. Duop 10,6–12,6; 1 Sam 10,27–11,15.Ammonii.

Ná cealká Hearrá:

Eaigo Israelis leat mánát,

iigo sus leat árbbolaš?

Manne Milkom lea árben Gada eatnamiid

ja su olbmot ássan dan gávpogiidda?

249,2 Rabba ammonlaččaid oaivegávpot, dálá Amman. ▶ ammonlaččat.Beaivvit bohtet, cealká Hearrá,

go mun bajidan soahtečuorvasa

ammonlaččaid Rabba vuostá.

Dat šaddá ávdin čievračopman,

ja dan birasgávpogat boldojuvvojit.

Israel váldá fas iežas árbeeatnama

dain geat válde dan sus,

cealká Hearrá.

3

49,3
48,7
Luoimma, Hešbon,

dasgo Ai lea duššaduvvon!

Bárgot, Rabba nieiddat,

gárvodehket horstta, váidalehket,

hávvadehket iežadet spižáin!

Dasgo Milkom dolvojuvvo fáŋgavuhtii,

oktan suinna dan báhpat ja oaivámuččat.

4Manne don rámádalat searainat?

Du searat leat jávkan,

don oskkáldasmeahttun nieida.

Don dorvvastat iežat dávviriidda

ja dajat: “Gii mu fallehivččii?”

5Mun divttán du sakka suorganit,

cealká Hearrá, Almmiveagaid Ipmil,

suorggahus juohke guovllus.

Dii biđgejuvvobehtet buot báikkiide,

iešguhtege guvlosis,

iige oktage čohkke báhtareddjiid.

6

49,6
48,47
Muhto maŋŋil mun jorgalan ammonlaččaid vuorbbi, cealká Hearrá.

Edoma duopmu

7

49,7
Jes 34,1eč
Esek 25,12eč
Am 1,11č
Ob 1eč
49,7 Teman guovlu Edomis; dávjá namma adnojuvvo oppa Edoma birra. Gč. Am 1,12.Edomii.

Ná cealká Hearrá, Almmiveagaid Ipmil:

Iigo Temanis leat šat

mihkkege viisodagaid?

Leatgo jierpmálaččat ráđehuvvan,

leago sin viissisvuohta basttehuvvan?

849,8 Dedan >25,23. Esaui Edomlaččat adnojuvvojedje Esau nállin. Gč. v. 10.Báhtarehket, jorggihehket!

Čiehkádehket čiekŋalassii,

dii geat ássabehtet Dedanis!

Mun buvttán Esaui oasehisvuođa.

Lea boahtán áigi ráŋggáštit su.

9

49,9
Ob 5
Go viidnemuorječoaggit bohtet,

de eai sii guođe maidege maŋŋerádjamii.

Go suollagat bohtet ihkku,

de sii spedjet gitta dassážii

go sis lea galle.

10Mun nuolahan Esau álásin

ja ivttán su čiehkádanbáikkiid,

amas šat beassat čiehkádit.

Su mánát, vieljat ja siidaguoimmit

duššaduvvojit.

Sis ii báze oktage gii sáhtášii dadjat:

11“Guođe munnje oarbbes mánáidat,

mun áimmahušan sin,

du leaskkat sáhttet dorvvastit munnje.”

12

49,12
25,29
Váid 4,21
Ná cealká Hearrá: Velá datge geat eai leat dubmehallan juhkat mu moari geara, fertejit juhkat dan. Ja dongo, Edom, beasašit ráŋggáškeahttá! It de beasa, donnai fertet juhkat! 13Mun, Hearrá, lean vurdnon iežan bokte: Bosra dahkkojuvvo ávdimin ja bilkiduvvo, dat duššaduvvo ja dan namma adnojuvvo garuhussan. Maiddái buot dan birasgávpogat šaddet čievračopman, iige dain goassege šat ása oktage olmmoš.

14

49,14
Ob 1eč
Mun lean gullan maid Hearrá

lea sárdnon.

Áirras lea vuolggahuvvon

gulahit álbmogiidda:

“Čoahkkanehket, ja mannet

gávpoga vuostá,

čuožžilehket soahtat!”

15Hearrá cealká ná Edomii:

Geahča, mun dagan du uhccin

álbmogiid gaskkas,

olbmuid badjelgeahčahassan.

16

49,16
51,53
Ballu maid leat dagahan

ja du váimmu goargatvuohta

leat dájuhan du

gii ásat bákteskoaruin

ja eaiggádasttát alážiid.

Vaikko huksešit beasi allagassii

nugo goaskin,

de mun nordadan du doppe vuolás,

cealká Hearrá.

17

49,17
19,8
50,13
Edom šaddá ávdimin. Juohkehaš gii manná meattá, soasiha go oaidná dan heavu. 18
49,18
23,14
50,40
Dan vuorbi lea seammá go Sodoma ja Gomorra ja daid lagaš gávpogiid vuorbi, cealká Hearrá. Ii oktage ása Edomii, doppe ii oro oktage olmmoš. 19
49,19
Job 9,19
Jer 50,44–46
Nugo ledjon boahtá Jordana gáddesuovkkas ruodnájeaddji rássebáikái, nu mun čalbmeravkalanbottus áján edomlaččaid eatnamis. Gean mun lean válljen ráđđet dan? Gii lea mu veardásaš, gii áššáskuhtášii mu? Gii báimmaniid ceavzá mu ovddas? 20Gullet maid Hearrá lea mearridan Edoma hárrái, maid son áigu dahkat Temana ássiide:

Duođaid, čorraga uhcimus lábbážatge

gessojuvvojit eret,

duođaid, rássebáikkit šaddet ávdimin

olbmuid bahávuođa geažil!

21Go Edom gahččá, de eanan doarggista,

gitta Ruksesmeara rádjai gullo bárgun.

22

49,22
48,40č
Goaskima láhkái son loktana,

girdá leapposoajáiguin Bosra guvlui.

Dan beaivvi Edoma soahteolbmát

leat dego nisson mánnáheađis.

Damaskusa duopmu

23

49,23
Jes 10,9
17,1eč
57,20
Am 1,3eč
49,23 Hamat aramealaš riika Orontesjoga gáttis. >2 Sam 8,9. Arpad aramealaš gávpotstáhta Hamata davábealde. Gč. 2 Gon 18,34.Damaskusii.

Hamat ja Arpad goavddustuvvet,

dat leat gullan bahás sága.

Dat doarggistit dego leabuhis mearra

mii ii jaskkot.

24Damaskus heardduhuvvá,

jorggiha báhtui ja biertaluvvá.

Áŧestus ja ávttat čárvot dan

dego riegádahtti nissona.

25Hilgojuvvon lea máinnolmas gávpot,

ávu ruovttusadji!

26

49,26
50,30
Nuorra olbmát gahččet dan šiljuide,

buot soahteolbmát gottáhallet

dan beaivvi,

cealká Hearrá, Almmiveagaid Ipmil.

27

49,27
Am 1,4
49,27 Ben-Hadad Vrd. 1 Gon 15,18.20; 20,1eč.Mun buollahan

Damaskusa muvrraid,

dolla loaktá Ben-Hadada šloahtaid.

Kedara ja Hasora duopmu

28

49,28
Jes 21,13eč
Jer 2,10
25,24
49,28 Kedar, Hasor jáhkkimis johttiálbmogat Davvi-Arabias.Kedara ja Hasora birra maid Babylona gonagas Nebukadnesar časkkii.

Ná cealká Hearrá:

Čuožžilehket, fallehehket Kedara,

časket nuortti olbmáid!

29Sin goađit ja ealut dolvojuvvojit,

sin loavdagat ja dávvirat rieviduvvojit,

sin kamelat váldojuvvojit sálašin.

Čuorvvas gullo: “Hirbma juohke sajis!”

30Báhtarehket, vihket johtilit,

čiehkádehket, dii Hasora ássit,

cealká Hearrá.

Dasgo Babylona gonagas Nebukadnesar

lea dahkan mearrádusa din birra,

son lea hutkan juona din vuostá.

31Čuožžilehket, fallehehket

ráfálaš álbmoga

mii eallá oadjebassan,

cealká Hearrá.

Sii ásset sierranassii,

eai sis leat poarttat eaige smarttit.

32

49,32
9,26
25,23
Sin kamelat stajiduvvojit,

sin eatnat oamit šaddet sálašin.

Mun biđgen buot biekkaide daid olbmáid

geain leat birrajevdejuvvon vuovttat.

Mun divttán oasehisvuođa deaividit

sin juohke bealde,

cealká Hearrá.

33Hasor šaddá ávdin meahccin,

dat ii goassege šat huksejuvvo,

šakálat atnet dan orrunsadjineaset.

Ii oktage ása dohko,

doppe ii oro oktage olmmoš.

Elama duopmu

34

49,34
Jes 21,2
Jer 25,25
Dát lea Hearrá sátni profehta Jeremiai Elama birra, dalle go Sidkia lei šaddan Juda gonagassan.

35Ná cealká Hearrá, Almmiveagaid Ipmil:

Mun doaján Elama fámu,

cuvken dan dávggi.

36Mun buvttán njeallje biekka

fallehit Elama njealji almmiguovllus

ja botkkuhan elamlaččaid daid biekkaide.

Ii leat dakkár álbmot

gosa báhtareaddjit eai boađáše.

37Mun divttán elamlaččaid gáfestuvvat

vašálaččaineaset,

dain geat bivdet sin heakka.

Mun buvttán sidjiide oasehisvuođa,

iežan buolli moari,

cealká Hearrá.

Mun vuolggahan miehki oaguhit sin,

dassážii go lean loaktán sin.

38Mun bijan truvdnon Elamii,

duššadan doppe gonagasa ja oaivámuččaid,

cealká Hearrá.

39

49,39
48,47
49,6
Muhto boahtti beivviid mun jorgalan Elama vuorbbi, cealká Hearrá.

50

Babylon duššaduvvo ja Israel máhccá

501

50,1
Jes 13–14
21,1–10
Dát leat dat sánit maid Hearrá sártnui profehta Jeremia bokte Babylonia, kaldealaččaid eatnama, birra.

250,2 Bel, Marduk babylonialaš ipmilnamat. Bel sulastahttá hebreagiel sáni Baal, “hearrá”, ja dat adnojuvvui Babylona váldoipmila Marduka namman.Gulahehket álbmogiidda,

addet diehttevassii,

bajidehket soahteleavgga ja almmuhehket,

allet oro jávohaga, muhto čurvot:

Babylon váldojuvvo,

Bel šaddá heahpanit,

Marduk suorgana.

Dan ipmilgovat heahppášuhttojuvvojit,

dan eahpeipmilat časkojuvvojit moallun.

3Álbmot falleha Babylona davvin

ja dahká eatnama ávdimin.

Iige oktage báze ássat dohko,

olbmot ja oamit báhtarit ja jávket.

4

50,4
3,1821
31,9
Daid beivviid, daid áiggiid, cealká Hearrá, israellaččat bohtet, ja Juda olbmot oktanaga singuin. Čieru sii johtet ja ohcet Hearrá, Ipmileaset. 5Sii jerret geainnu Sionii, dohko čalmmiid sii leat jorgalan. “Bohtet, dahkot Hearráin agálaš lihtu mii ii goassege vajálduva!” 6
50,6
Sál 119,176
Jer 3,6
Esek 34,4č
Matt 9,36
Mu álbmot lei dego láhppon sávzzat, sin báimmanat ledje čádjidahttán sin, vuojehan vierrováriide. Váris várrái dat manne ja vajáldahtte iežaset vuoiŋŋadansaji. 7
50,7
2,3
Sak 11,5
Buohkat geat deive sin, borre sin. Sin vašálaččat dadje: “Mii leat sivaheamit, siihan leat suddudan Hearrá, iežaset duohta siidda ja áhčiideaset doaivvu, vuostá.”

8

50,8
Jes 48,20
Jer 51,645
Sak 2,10č
Alm 18,4
Báhtarehket Babylonias,

vulget kaldealaččaid eatnamis,

lehket dego bohkát ealu njunnošis!

9Gehččet, mun čuoččáldahtán

davvieatnamis

stuorra álbmogiid čoakkáma

Babylonia vuostá.

Dat fallehit gávpoga ja váldet dan.

Sii leat čeahpes soahteolbmát,

sii báhčet njuolaideaset

eaige meatte goassege.

10Kaldea šaddá vašálaččaid sálašin,

buohkat stajidit dan dassá go gallánit,

cealká Hearrá.

11Dii lehpet ilus ja áccuhehpet,

dii geat lehpet stajidan mu árbeoasi,

dii njuikkodehpet dego gálbbit rássebáikkis,

šnjirgubehtet nugo oret.

12Muhto din eadni šaddá heahpanit sakka,

din riegádahtti bilkiduvvo.

Son šaddá álbmogiin uhcimussan,

goikemeahccin, ávdin eanamin.

13

50,13
49,17
Hearrá moari dihte doppe ii ása oktage,

oppa eanan šaddá áibbas ávdimin.

Juohkehaš gii manná Babylonia meattá,

soasiha ja hirpmahuvvá go oaidná

buot dan heavu.

14Birastahttet Babylona,

buot dávgegealdit!

Báhčet dan njeaiga, allet seastte njuolaid,

dasgo dat lea suddudan Hearrá vuostá.

15

50,15
Sál 137,8
Jer 51,624
Alm 18,2č6
Bajidehket juohke bealde

soahtečuorvasa!

Babylon vuolládastá!

Dan toartnat gahččet,

dan muvrrat gaikojuvvojit.

Dál Hearrá mávssaha dasa.

Dahket dasa

nugo dat lea dahkan earáide!

16

50,16
Jes 13,14
Jer 46,16
Duššadehket Babylonias gilviid ja

daid geat čuhppet sirppiin rádjanáigge.

Vulgos juohkehaš gii lea boahtán eatnamii,

iežas álbmoga lusa,

báhtarehkos eatnamasas

vašálačča hearjideaddji miehkis.

17

50,17
2 Gon 17,5č
25,1eč
Israel lei dego ealus ravgan sávza,

ledjonat ledje oaguhan dan.

Vuos Assyria gonagas borai dan, ja maŋimustá Babylonia gonagas Nebukadnesar lea sohpan dan dávttiid. 18Dan dihte mun, Hearrá, Almmiveagaid Ipmil, Israela Ipmil, cealkkán ná: Mun ráŋggáštan Babylonia gonagasa ja su eatnama, dego mun ráŋggáštin Assyria gonagasa. 19

50,19
Mi 7,14
Muhto Israela mun buvttán ruoktot dan iežas guohtunsadjái, dat beassá fas guohtut Karmelis ja Bašanis, borrat gallás Efraima váriin ja Gileadis. 20
50,20
31,34
Mi 7,18
Daid beivviid, daid áiggiid, cealká Hearrá, ohccojuvvojit duššás Israela bahás dagut, duššás Juda suttut – dat eai šat leat, dasgo mun attán ándagassii daidda geaid divttán báhcit heggii.

2150,21 Meratajima eatnama, Pekod dat ledje Babylona eananguovllut ja ovddastit dás oppa Babylona. Namat sulastahttet hebreagiel sániid mat mákset “stuibmi” ja “ráŋggáštus”. duššadehket vihahit duššadeapmái.Ovdánehket Meratajima eatnama guvlui,

fallehehket Pekoda ássiid!

Časket sin jámas,

duššadehket sis maŋimuččage,

cealká Hearrá.

Dahket buot aiddo nugo mun lean gohččon!

22Eatnamis gullo soahtešlápma,

stuorra duššadupmi.

23

50,23
51,20
Vuoi, mo oppa eatnama veažir

lea doddjojuvvon ja cuvkejuvvon.

Babylona vuorbi

gáfestuhttá álbmogiid.

24Mun bidjen giela du ovdii, Babylon,

itge don ávaštan maidege

ovdal go čákŋet dasa.

Don fáhtehallet ja váldojuvvojit fáŋgan,

danne go Hearráin don leat soahtan.

25Hearrá lea rahpan vearjovuorkká

ja váldán iežas moari vearjjuid,

dasgo Hearrá Ipmil, Almmiveagaid Ipmil

bargá barggus kaldealaččaid eatnamis.

26Fallehehket Babylonia juohke guovllus,

rahpet dan gordneáittiid,

guhppejehket visot ja

vihahehket duššadeapmái,

allet divtte báhcit dasa maidege liiggás!

27Goddet dan vuovssáid,

dolvot sin njuvvojuvvot.

Vuoi sin! Sin beaivi lea boahtán,

áigi go sii ráŋggáštuvvojit.

28
50,28
51,10
Guldalehket! Daid jietna geat leat beassan báhtarussii Babylonias. Sii muitalit Sionis ahte Hearrá, min Ipmil, lea mávssahan iežas tempela duššadeami.

29Gohčo báhččiid fallehit Babylona,

buohkaid geat geldet dávggi!

Birastehket dan juohke bealde,

allet luoitte ovttage beassat báhtui!

Mávssahehket dasa buot dan vearredaguid,

dahket dasa nu mo dat lea dahkan earáide!

Dat lea gážžáruššan

Hearrá, Israela Basi, vuostá.

30

50,30
49,26
Dan nuorra olbmát gahččet dan šiljuide,

buot dan soahteolbmát duššet dan beaivvi,

cealká Hearrá.

31Geahča, mun fallehan du,

goarggastalli,

cealká Hearrá Ipmil, Almmiveagaid Ipmil.

Lea boahtán du beaivi,

áigi goas mun ráŋggáštan du.

32Dál goarggastalli guossala ja gahččá,

iige oktage veahket dan čuoččat.

Mun buolláhan dan gávpogiid,

ja dolla loaktá buot mii lea daid birra.

33Ná cealká Hearrá, Almmiveagaid Ipmil:

Israellaččat sordojuvvojit,

nugo maiddái Juda olbmot.

Buohkat geat dolvo sin fáŋgan,

dollet sin gitta

ja biehttalit luoitimis sin.

34

50,34
Jes 14,7
47,3
Jer 51,36
Muhto sin lonisteaddji lea gievra

– Hearrá, Almmiveagaid Ipmil, lea su namma.

Son goziha sin ášši

ja buktá eatnamii ráfi,

muhto ráfehisvuođa Babylona ássiide.

35Časkos miehkki kaldealaččaid,

cealká Hearrá,

daid geat ásset Babylonas,

eatnama oaivámuččaid ja viisáid!

36

50,36
Jes 44,25
Časkos miehkki

einnosteaddjibáhpaid,

nu ahte sii šaddet doavkin,

časkos miehkki soahteolbmáid,

nu ahte sii dárpmehuvvet!

37

50,37
51,30
Nah 3,13
Časkos miehkki

dan heasttaid ja vovnnaid,

buot dan seahkálas joavkku,

nu ahte sii šaddet dego nissonat!

Časkos miehkki dan vuorkkáid,

nu ahte dat rieviduvvojit.

38Časkos miehkki dan čáziid,

nu ahte dat goiket.

Dat lea eahpeipmiliid eanan,

álbmot bálvala balddáhusgovaid

ja mielahuddá.

39

50,39
Jes 13,20č
34,10eč
Alm 18,2
Dan dihte meahcibeatnagat ja šakálat

váldet dan orrunsadjineaset,

ja struhcat ásset dohko.

Olbmot eai ása doppe šat goassege, dat bissu guorusin buolvvas bulvii. 40
50,40
49,18
Aivve nu go Ipmil duššadii Sodoma ja Gomorra ja gávpogiid daid lahka, de ii oktage báze ássat Babylonii, ii oktage olmmoš ása dohko. Ná cealká Hearrá.

41

50,41
1,13eč
6,22eč
Geahča, davvin boahtá álbmot,

stuorra álbmot ja

eatnat gonagasat čuožžilit

eatnama doppimuš ravddain.

42

50,42
Jes 13,17č
Dávggi ja sáitti sii dollet gieđas,

sii leat goavit eaige árpmit.

Sin jietna máraida dego mearra.

Sii riidejit heasttaiguin,

gárvodan dego olmmái soahtái,

du vuostá, nieida Babylon.

43Go Babylona gonagas gullá dán sága,

de su gieđat njurret.

Áŧestus dohppe su

dego ávttat nissona,

gii lea riegádahttimin.

44

50,44
49,19–21
Nugo ledjon goargŋu Jordana gáddesuovkkas ruodnájeaddji rássebáikái, nu mun čalbmeravkalanbottus áján babylonialaččaid doppe eret ja bijan ráđđet dan gean lean válljen. Gii lea mu veardásaš? Gii sáhttá áššáskuhttit mu? Gii lea dat báimman gii ceavzá mu ovddas? 45Gullet makkár áigumušat Hearrás leat Babylona birra ja maid son áigu dahkat kaldealaččaid eatnama vuostá:

Vissásii, velá uhcimus lábbážatge

gessojuvvojit eret,

ja daid rássebáikkit šaddet ávdimin.

46Go gullo čuorvvas

“Babylon lea váldojuvvon!”

de eanan doarggista,

ja bárgun gullo álbmogiid gaskkas.

51

51151,1 Leb-Kamai Álgoteavsttas lea dás suollemas namma Leb-Kamai mii mearkkaša “mu vuostálastiid váibmu” ja mearkkaša Babylona. Vrd. 25,26 ja 51,41.Ná cealká Hearrá:

Mun bajidan riđu

Babylona vuostá,

vuolggahan heavaheaddji dálkki

daid vuostá geat ásset Leb-Kamajis.

2Mun vuolggahan Babyloniai vierrásiid

ráidnet dan dego gortni ja

gurret eatnama.

Sii fallehit dan juohke guovllus,

go dan lihkuhisvuođa beaivi lea joavdan.

3Geldos báhčči dávggis

dávgegealdi vuostá,

dan vuostá gii čoalčá soahtegárvvuinis!

Ale seastte gávpoga nuorra olbmáid,

duššat oppa dan soahteveaga!

4Gahččan olbmot

leat kaldealaččaid eatnamis,

čukkohallan olbmát njaŋgájit miehtá gáhtaid.

5Muhto Hearrá Ipmil, Almmiveagaid Ipmil

ii leat hilgon Israela iige Juda.

Vaikko daid eatnama dievva lea suddovealgi

Israela Basi ovddas,

dat eai leat báhcán okto dego leaskkat.

6

51,6
Jes 48,20
Jer 50,8
Alm 18,46
Báhtarehket Babylonis,

gádjos juohkehaš heakkas,

amadet duššat

go gávpot ráŋggáštuvvo.

Lea boahtán áigi go Hearrá mávssaha,

son mávssaha dasa dan daguid.

7

51,7
25,15eč
Alm 17,24
Babylon lei gollecearki Hearrá gieđas,

dat gárihuhtii oppa máilmmi.

Álbmogat juhke dan viinni,

danne dat bieđđaledje.

8

51,8
Jes 21,9
Jer 46,11
Alm 14,8
18,2
51,8 balsama balsam.Fáhkkestaga Babylon gahččá ja cuovkana.

Lávlot dasa váidalanlávlaga!

Vižžet balsama dan háviide,

nago dat de buorránivččii.

9

51,9
Alm 18,5
“Mii geahččaleimmet dálkkastit Babylona,

muhto ii dat lean dálkkasteames.

Diktet orrut!

Vulgot, juohkehaš iežas eatnamii.

Babylona duopmu ollá albmái,

dat badjána gitta balvvaid rádjái.”

10

51,10
50,34
Hearrá čájeha min sivaheapmin.

Bohtet, muitalehkot Sionis

maid Hearrá, min Ipmil, lea dahkan!

11

51,11
50,28
“Čohkot njuolaid,

devdet njuollaskuohpuid!”

Hearrá lea rávkan Media gonagasaid vuoiŋŋa, dasgo son áigu duššadit Babylona. Dat lea Hearrá mávssaheapmi, son mávssaha iežas tempela.

12Bajidehket soahteleavgga,

fallehehket Babylona muvrraid!

Fáktejehket dárkilit,

bidjet várdájeddjiid,

ráhkkanahttet vuđgŋiid!

Hearrá dahká maid lea áigon,

dan mainna lea áitán

Babylona ássiid.

13

51,13
Alm 17,1
Don gii ásat stuorra eanuid gáttiin,

geas leat valjis dávvirat,

dál du loahppa lea joavdan,

du eallima árpu botkejuvvo.

14Hearrá, Almmiveagaid Ipmil,

lea vurdnon iežas bokte:

Mun deavddán du eatnama vašálaččaiguin.

Sii leat dego rásselohkut,

ja sii bajidit du vuostá soahtečuorvasa.

15

51,15
10,12–16
Hearrá sivdnidii eatnama fámuinis,

vuođđudii máilmmi viisodagainis,

lebbii almmi iežas čehppodagain.

16Go su jietna jullá,

de almmi čázit šávvagohtet.

Son diktá balvvaid badjánit

eatnama ravddain,

bidjá álddagasaid šleađgut ja arvvi šoallat,

vuolggaha biekka vuorkágámmáriinnis.

17Buohkat leat dáidemeahttumat,

eai sii ipmir.

Gollerávdi čádjidahttá su ipmilgova:

Govat maid son lea leiken, leat gielis,

ii dain leat vuoigŋa.

18

51,18
50,38
Dat leat árvvuheamit, bilkidan veara,

dat duššet go ráŋggáštusa áigi joavdá.

19Daid láhkásaš ii leat Jakoba Ipmil,

dasgo son lea sivdnidan buot.

Israel lea su iežas čearda.

Hearrá, Almmiveagaid Ipmil lea su namma.

20

51,20
50,23
Don, Babylon,

leat mu veažir, mu soahtevearju.

Duinna mun cuvken álbmogiid

ja duššadan riikkaid,

21duinna mun cuvken

heasttaid ja riidejeddjiid,

duinna mun cuvken vovnnaid ja vuddjiid,

22duinna mun cuvken olbmáid ja nissoniid,

duinna mun cuvken boarrásiid ja nuoraid,

duinna mun cuvken bártni ja nieidda,

23duinna mun cuvken guođoheddjiid

ja sin ealuid,

duinna mun cuvken bealdobargiid

ja sin vuovssáid,

duinna mun cuvken oaivámuččaid

ja eatnanhearráid.

24Din oaidnut

mun mávssahan Babylonii

ja buot Kaldea ássiide

buot dan bahá maid sii leat dahkan Sionii,

cealká Hearrá.

25Mun boađán du lusa, don billašumi várri mii billašuhtát oppa eatnama, cealká Hearrá. Mun geigen gieđa du vuostá, fierahan du vuolás bávttiin ja dagan du buollán várrin.

26

51,26
50,40
51,62
Dus ii váldojuvvo ii čiehkageađgi

iige vuođđogeađgi.

Don šattat ávdimin agálaš áigái,

cealká Hearrá.

2751,27 Ararat, Minni riikkat dan guovllus mii lea dálá Tyrkia, Armenia ja Davvi-Iran. Aškenas johttiálbmot.Bajidehket soahteleavgga eatnamis,

bossot dorvve álbmogiid gaskkas,

vihahehket álbmogiid

soahtat Babyloniin,

vihahehket Ararata, Minni ja Aškenasa,

bidjet soahteoaivámučča dan vuostá,

diktet heasttaid šávihit ovdan

dego hárjás rásselohkut!

28Vihahehket álbmogiid soahtat Babyloniin, vihahehket Media gonagasaid, sin hálddašeddjiid ja eatnanhearráid ja oppa sin riikka.

29Eanan doarggista ja rabaida,

dasgo Hearrá ollašuhttá áigumušaidis,

son duššada Babylona.

Son dahká oppa Babylona ávdin meahccin

gos ii oktage olmmoš sáhte ássat.

30

51,30
50,37
Babylona soahteolbmát

leat heaitán soahtamis,

sii čohkkájit jaska ladniineaset.

Sin fápmu lea nohkan,

sii ballet dego nissonat.

Gávpoga ássanviesut leat cahkkehuvvon,

dan smarttit leat doddjojuvvon.

31Viehkki viehkki maŋis,

áirras áirasa maŋis

boahtá muitalit Babylona gonagassii

ahte su gávpot váldojuvvo.

32Gálabáikkit leat oamastuvvon,

suodjerustegat boldojuvvon,

soahteolbmát suorganaddan.

33Ná cealká Hearrá,

Almmiveagaid Ipmil, Israela Ipmil:

Nieida Babylon lea dego gordneráidnenbáiki,

čavga dulbmojuvvon.

Uhca bottoš velá,

de lea rádjanáigi.

34Babylonia gonagas Nebukadnesar

lea borran min, loahpahan min

ja duvdán Jerusalema dego guoros lihti.

Son lea njiellan min dego mearraguovdi,

deavdán čoavjjis min njálgáiguin

ja ádján min eret.

35Vare visot veahkaváldi,

visot duššadeapmi

maid mii leat gillán,

deaivvašii Babyloniai,

dadjet Siona ássit.

Vare ráŋggáštus das ahte

sii golggahedje mu vara,

deaivvašii kaldealaččaide,

dadjá Jerusalem.

36Dan dihte Hearrá cealká ná:

Mun gozihan du ášši

ja mávssahan du beales.

Mun goikadan Babylonia meara

ja dahpan dan ádjagiid.

37

51,37
18,16
50,13
Babylon šaddá čievračopman,

šakálaid orrunsadjin,

ávdimin ja suorggahussan,

doppe ii oktage sáhte ássat.

38Kaldealaččat čergot dego ledjonat,

máraidit nugo ledjončivggat.

39

51,39
Jes 21,5
Jer 51,57
Dan 5,1eč
Hab 2,16
Mun rievdadan sin juhkamuša mirkon

ja jugahan sin gárremiidda.

Sii ávvudit ja nohkket agálaš nahkáriidda,

eaige šat gohccá,

cealká Hearrá.

40Mun doalvvun sin njuvvojuvvot

dego lábbáid,

nugo vierccaid ja bohkáid.

4151,41 Šešak Babylon. >25,26.Vuoi, Šešak lea gahččan,

oppa máilmmi rápmi váldojuvvon!

Vuoi, mo Babylonia vuorbi

suorggaha álbmogiid!

42Mearra lea badjánan Babylonia badjel

ja gokčan dan máraideaddji báruiguin.

43Dan gávpogat leat šaddan meahccin,

goikeeanamin ja ávdin báikin,

eanamin gos ii oktage ása

ja man čađa ii oktage olmmoš vádjol.

4451,44 Bel >50,2.Mun ráŋggáštan Bela, Babylonia ipmila,

ja geasán dan njálmmis

visot maid dat lea njiellan.

Álbmogat eai šat

mára su lusa.

Babylonia muvrratge leat gahččan.

45

51,45
50,8+
Álbmogan, vuolgge doppe eret!

Gádjos juohkehaš heakkas

Hearrá buolli moari páras!

46
51,46
Matt 24,6
Ale hearddohuva, ale suorgan dain ságain mat begget eatnamis, ovtta jagi okta sáhka, nuppi jagi nubbi sáhka. Eatnamis lea vearrivuohta, ráđđejeaddji soahtá ráđđejeddjiin.

47Beaivvit bohtet

go mun ráŋggáštan Babylonia eahpeipmiliid.

Oppa eanan šaddá heahpadii,

juohke sajis njaŋgájit gahččan olbmot.

48

51,48
Alm 18,20
Albmi ja eanan ja buot mii dain lea,

ávvudit, go duššadeaddjit

fallehit Babylonia.

Davvin dat bohtet,

cealká Hearrá.

49Babylon ferte gahččat

Israela gottáhallan olbmuid dihte,

nugo gottáhallan olbmot miehtá eatnama

leat gahččan Babylonia dihte.

50

51,50
Sál 137,5č
Dii geat lehpet beassan báhtarit miehkis,

mannet, allet bisán!

Muitet Hearrá gáiddus eatnamis,

allet vajálduhte Jerusalema!

51Dii dadjabehtet:

“Mii leat heahppášuhttojuvvon,

mii leat hiddjiduvvon,

min muođut leat ruvssodan heahpadis,

go vierroolbmot leat bahkken

Hearrá bassi tempelii.”

52Muhto beaivvit bohtet, cealká Hearrá,

go mun ráŋggáštan Babylonia eahpeipmiliid,

ja oppa eatnamis gullo

hávváduvvan olbmuid fuoikun.

53

51,53
1 Mos 11,4
Jes 14,13–15
Ob 3č
51,53 gorgŋešii albmái govvida Babylona čeavláivuođa; gč. Jes 14,13.Vaikko Babylon gorgŋešii albmái

ja dagašii nana ladni allagassii,

de mun dattetge vuolggahivččen

duššadeddjiid dohko,

cealká Hearrá.

54Bárgun gullo Babylonias,

heavahus lea stuoris kaldealaččaid eatnamis.

55Hearrá heavaha Babylonia,

loahpaha doppe buot jidnes šláma.

Bárut márret báfaideaddji jumain

dego čáziid eatnatvuohta.

56

51,56
Sál 94,1eč
Jes 35,4
59,18
Duššadeaddji boahtá,

dat falleha Babylonia.

Dan soahteolbmát fáŋgejuvvojit,

sin dávggit doddjojuvvojit.

Hearrá lea mávssaheami Ipmil,

son mávssaha ollásit.

57

51,57
25,15
Mun jugahan gárremiidda Babylonia stuorráid ja viisáid, dan oaivámuččaid, eatnanhearráid ja soahteolbmáid. Sii nohkket agálaš nahkáriidda eaige šat gohccá, cealká Gonagas – Hearrá, Almmiveagaid Ipmil, lea su namma.

58

51,58
Hab 2,13
Ná cealká Hearrá, Almmiveagaid Ipmil:

Babylonia assás muvrrat

gaikkoduvvojit eatnama ráje,

dan alla poarttat cahkkehuvvojit.

Álbmogiid rahčamuš manná duššás,

buot mainna dat leat váibadan iežaset,

jávká dollanjuovččan.

5951,59 Seraja Baruka viellja, gč. 32,12.Dáinna gohččosiin profehta Jeremia rávvii Serajai, Neria bárdnái, Mahseja áddjubii, dalle go Juda gonagas Sidkia lei njealját ráđđenjagistis vuolgimin Babyloniai oktanaga Serajain; Seraja anii fuola idjasajiin. 60Jeremia lei čállán girjái buot lihkuhisvuođaid mat galge deaividit Babylona, visot mii lei einnostuvvon dan gávpoga hárrái. 61Jeremia dajai Serajai: Go don ollet Babylonii, de ane fuola ahte logat visot mii lea čállojuvvon dán girjái. 62Daja dasto: “Hearrá, don leat ieš áitán duššadit dán báikki, nu ahte dáppe ii ása oktage, eai olbmot eaige oamit. Dat šaddá meahccin agibeaivái.” 63

51,63
Alm 18,21
Ja go leat geargan lohkamis dán girjji, de čana dasa geađggi ja bálkes guovdu Eufrateanu. 64Daja dasto: “Ná vuodju Babylon iige goassege šat govddit daid lihkohisvuođaid geažil maid Hearrá diktá deaivat dasa.”

Dása nohket Jeremia sánit.