Moab duššaduvvo

48¹

Ná cealká Hearrá, Almmiveagaid Ipmil,

Israela Ipmil:

Vuoi Nebo, dat lea duššaduvvon!

Kirjataim lea váldojuvvon,

dan ladni vuollánan ja cuvkejuvvon.

²Moaba gudni ii leat šat.

Hešbonis smihttet bahás áigumušaid:

“Bohtet, ruohtastuhttot Moaba,

dat ii oaččo šat leat álbmot!”

Maiddái don, Madmen, jávohuvat,

miehkki lea doarrideamen du.

³Gullet bárguma Horonajimis,

roahpi ja garra roasu.

⁴Moab lea duššaduvvon,

dan uhcahaččat bárgot.

⁵Olbmot mannet čieru

Luhita gorgŋehaga,

Horonajima njiejaldagas

gullo heahtebárgun roasu dihte.

⁶“Báhtarehket, gádjot heakkadet!”

Muhto dii lehpet dego miestta meahcis.

⁷

iežat daguide ja dávviriidda,

danin donge váldojuvvot.

Kemoš manná fáŋgavuhtii oktan

báhpaidisguin ja oaivámuččaidisguin.

⁸Vašálaš boahtá ja duššada gávpogiid,

ii oktage gáddjo.

Leahki duššaduvvo,

badjosat stajiduvvojit.

Ná Hearrá lea cealkán.

⁹Ceggejehket hávdegeađggi Moabii,

dan loahppa lea boahtán.

Dan gávpogat báhcet ávdimin,

iige oktage ása dain.

¹⁰Garuhuvvon lehkos juohkehaš

gii navgasit doaimmaha Hearrá dagu!

Garuhuvvon lehkos dat

gii ii golggat vara mihkiinis!

¹¹Moab lea eallán oadjebassan

gitta nuorravuođa rájes,

dat lea leamaš muosis nugo viidni loagis alde

iige leat dolvojuvvon fáŋgavuhtii.

Dat ii leat njorrojuvvon lihtis lihttái,

dan dihte dan smáhkka lea nugo ovdal,

dan hádja ii leat rievdan.

¹²Muhto beaivvit bohtet, cealká Hearrá, go mun vuolggahan Moabii viidnegolggaheddjiid. Sii golggahit viinni ruhkuin, gurrejit daid ja časket daid moallun. ¹³

¹⁴Mo dii sáhttibehtet dadjat:

“Mii leat sáŋgárat

ja searalaš soahteolbmát”?

¹⁵Moab duššaduvvo,

dan gávpogat váldojuvvojit,

dan vállju nuorra olbmát gottáhallet.

Ná cealká Gonagas –

Hearrá, Almmiveagaid Ipmil,

lea su namma.

¹⁶Moab duššá fargga,

dan oasehisvuohta gáhččá sakka.

¹⁷Árpmoštallet su, buot ránnját,

čirrot dii buohkat

geat dovdabehtet su nama.

Dadjet: “Doddjon lea nana soabbi,

hearvás ráđđensoabbi!”

¹⁸Dii geat ássabehtet Dibonis,

njidjet gudnesajisteattet

ja čohkánehket duvdnái!

Moaba vašálaččat fallehit dál din

ja duššadit din ladnemuvrraid.

¹⁹Čuoččastehket geaidnogurrii várdát,

dii Aroera ássit!

Jerret báhtareddjiin, olbmáin ja nissoniin,

jerret mii lea dáhpáhuvvan.

²⁰“Moab lea vuollánan ja časkojuvvon,

dat lea gahččan.

Luibmet ja bárgot!

Gulahehket Arnongáttiin:

Moab lea duššaduvvon!”

²¹Duopmu lea deaividan badjosiid gávpogiid: Holona, Jahasa ja Mefaata, ²²Dibona, Nebo ja Bet-Diblatajima, ²³Kirjatajima, Bet-Gamula ja Bet-Meona, ²⁴Kerijota, Bosra ja buot eará Moaba gávpogiid sihke guhkkin ja lahka.

²⁵

su giehta lea doddjojuvvon,

cealká Hearrá.

²⁶

²⁸

ásset báktehoaluide!

Dahket dego duvvát

mat bessejit bákteráhkamiidda!

²⁹

man gáddálaš dat lea leamaš,

man čeavlái, rábmái

ja gorgesváimmot.

³⁰Mun dovddan moablaččaid goargatvuođa, cealká Hearrá. Sin dagut čájehit sin sániid guorusvuođa. ³¹48,31 Kir-Heres gávpot Moabis. >Jes 16,11.Mun luoimman Moaba vuorbbi, bárggun oppa álbmoga dihte, šuohkán go muittán Kir-Heresa ássiid.

³²Mun čierun eanet du

go Jasera, don Sibma viidnemuorra.

Du oavssit faŋuhedje meara rastá,

olle gitta Jasera rádjái.

Gaskan rádjama fallehii duššadeaddji,

doalvvui du šaddosiid ja viidnemurjjiid.

³³

Moaba šaddogárddiin.

Viidnebohčingárit eai šat dieva,

ii oktage duolmma šat viidnemurjjiid.

Rádjančuorvasat leat jávohuvvan.

³⁴

⁴⁰

Son falleha Moaba dego goaskin,

leapposoajáid!

⁴¹Gávpogat váldojuvvojit,

ladnit gahččet.

Dan beaivvi Moaba sáŋgárat

leat dego nisson mánnáheađis.

⁴²Moab duššaduvvo,

nu ahte dat ii šat leat álbmot;

dat lea goarggastallan Hearrá vuostá.

⁴³

vurdet du gii ásat Moabis,

cealká Hearrá.

⁴⁴

gahččá roggái,

ja gii beassá rokkis,

čákŋá gillii.

go mun ráŋggáštan Moaba, cealká Hearrá.

⁴⁵

čužžot vuoimmehuvvan báhtareaddjit.

Hešbonis vuolgá dolla,

Sihonis dollanjuovčča.

Dat boaldá Moaba gállu,

šlámaideddjiid oaivečohka.

⁴⁶Vuoi du, Moab!

Kemoša álbmot lea duššan!

Du bártnit dolvojuvvojit giddagassii,

du nieiddat fáŋgavuhtii.

⁴⁷

Dása nohket Moabii celkojuvvon duopmosánit.