Davvisámegiel Biibbal 2019 (Biibbal)
44

Jeremia várre iežas olbmuid

44144,1 Migdol rádjegávpot nuortadavvin. Gč. 2 Mos 14,2. Tahpanhes, Nof >2,16. Patros Badje-Egypta.Jeremiai bođii sátni Hearrás; dat guoskkai buot Juda olbmuide geat ásse Egyptas. Sii ásse Migdolis, Tahpanhesis, Nofas ja Patrosa guovllus. Dát lei Hearrá sátni: 2Ná cealká Hearrá, Almmiveagaid Ipmil, Israela Ipmil: Dii lehpet ieža oaidnán buot oasehisvuođa man mun dikten deaividit Jerusalema ja buot Juda gávpogiid. Dál dat leat buot ávdimin, iige dain ása oktage. 3Ná geavai danin go daid ássit dahke baháid ja moaráhuhtte mu. Sii bolde suovvasiid eará ipmiliidda ja bálvaledje daid, vaikko eai dovdan daid eaige sin áhčitge lean dovdan daid. 4

44,4
25,4+
Ain ođđasis mun vuolggahin bálvaleddjiidan profehtaid din lusa cealkit: “Allet daga daid fastivuođaid maid mun vašuhan.” 5Muhto dii ehpet guldalan sin, ehpet luoikan bealjige, nu ahte livččiidet jorgalan bahávuođasteattet ja heaitán boaldimis suovvasiid eará ipmiliidda. 6Dalle govddai mu vašši ja buolli moarri Juda gávpogiidda ja Jerusalema gáhtaide, nu ahte dat šadde heavvobázahassan ja ávdimin, nu mo dilli lea dál.

7Ja dál cealká Hearrá, Almmiveagaid Ipmil, Israela Ipmil ná: Manne dii dagahehpet alcceseattet stuorra vahága ja duššadehpet oppa Juda álbmoga, dan olbmáid ja nissoniid, mánáid ja njammimánáid, nu ahte dis ii báze ii oktage? 8Dii moaráhuhttibehtet mu daguideattetguin, go dii boaldibehtet suovvasiid eará ipmiliidda Egypta eatnamis gosa lehpet ássan. Danin dii duššaduvvobehtet, danin dii šaddabehtet garuhussan, ja buot eatnama álbmogat hiddjidit din. 9Lehpetgo dii vajáldahttán, makkár bahá din áhčit ja Juda gonagasat ja sin áhkát leat dahkan Juda eatnamis ja Jerusalema gáhtain? Naba dii ieža ja din áhkát? 10Dán beaivvi rádjái dii ehpet leat vuollánan. Dii ehpet bala mus, ehpet doala mu lágaid ehpetge mu báhkkomiid, vaikko mun lean addán daid din áhčiide ja didjiide. 11

44,11
21,10
Am 9,4
Dan dihte cealká Hearrá, Almmiveagaid Ipmil, Israela Ipmil: Vašis mun jorgalan muođuid din vuostá ja duššadan oppa Juda álbmoga. 12
44,12
42,17č
Mun in luoitte gieđas Juda bázahasa, daid geat mearridedje vuolgit Egyptii ja ásse dohko. Egyptas sii buohkat duššet: Sii gahččet miehkkái dahje nelgot jámas. Miehkki ja nealgi goddet sihke stuorráid ja smávváid. Sii hiddjiduvvojit ja bilkiduvvojit, sii šaddet garuhussan ja duššaduvvojit. 13Mun ráŋggáštan daid geat ásset Egyptas, seamma láhkai go mun ráŋggáštin Jerusalema ássiid: mihkiin, nelggiin ja rohttudávddain. 14Sis ii báze iige gáddjo oktage. Ii oktage sis máhca Juda eatnamii gosa sii áibbašit, earret soapmásiid geat besset báhtarussii.

15Dalle buot olbmát geat dihte ahte sin áhkát bolde oaffariid eará ipmiliidda, ja buot nissonat geat čužžo das álbmogassii, ja oppa álbmot geat ásse Patrosis Egypta eatnamis, vástidedje Jeremiai ná: 16

44,16
6,16eč
18,12
“Mii eat guldal du dán áššis, vaikko don sártnutge midjiide Hearrá nammii. 1744,17 Almmi dronnegii >7,18.Mii doallat lohpádusaideamet Almmi dronnegii. Mii boaldit sutnje suovvasiid ja golggahit sutnje juhkamušoaffariid, nugo mii dagaimet Juda gávpogiin ja Jerusalema gáhtain ja nugo maiddái min áhčit, gonagasat ja oaivámuččat doppe dahke. Dalle mis lei borramuš galle, min dilli lei buorre eatge mii muosáhan baháid. 18Muhto dan rájes go mii heittiimet boaldimis suovvasiid Almmi dronnegii eatge šat golggahan sutnje juhkamušoaffariid, de mis lea váilon visot. Miehkki ja nealgi duššadit min!” 19Nissonat dadje: “Mii leat boaldán suovvasiid Almmi dronnegii ja golggahan sutnje juhkamušoaffariid ovttas boatnjáideametguin. Livččiimetgo mii ráhkadan sutnje oaffargáhkuid main lea su govva, ja golggahan sutnje juhkamušoaffariid, jos min boatnját eai livčče suovvan dan?”

20Dalle Jeremia dajai oppa álbmogii, buot olbmáide ja nissoniidda, buohkaide geat ledje nággen su vuostá: 21Aiddo dat suovvasat maid dii lehpet boaldán Juda gávpogiin ja Jerusalema gáhtain – dii ieža, din áhčit, din gonagasat ja oppa álbmot – leat sivvan din oasehisvuhtii. Almma Hearrá muittii daid, almma dat badjánedje su millii? 22Hearrá ii šat gierdan din daguid, dat ledje nu bahát ja fasttit. Dan dihte din eana šattai heavvobázahussan, ávdimin ja garuhussan, iige doppe ása oktage, nugo dilli lea dál. 23Dan dihte dát oasehisvuohta lea deaividan din, go dii bolddiidet suovvasiid Almmi dronnegii ja suddudeiddet Hearrá vuostá ehpetge gullan su jiena, ehpet doallan su lága, báhkkomiid ehpetge njuolggadusaid.

24Jeremia dajai vel álbmogii ja buot nissoniidda: Gullet Hearrá sáni, buot Juda álbmoga olbmot geat lehpet dál Egyptas! 25Ná cealká Hearrá, Almmiveagaid Ipmil, Israela Ipmil: Dii, sihke olbmát ja nissonat, lehpet dahkan dan maid lohpideiddet. Dii lohpideiddet: “Mii doallat lohpádusaideamet, mii boaldit suovvasiid Almmi dronnegii ja golggahit sutnje juhkamušoaffariid.” Bures dii lehpet doallan lohpádusaideattet ja ollašuhttán daid! 26Dan dihte gullet maid mun, Hearrá, cealkkán buot Juda olbmuide geat ásset Egyptas: Mun vuortnun iežan stuorra nama bokte ná: Fargga oppa Egyptas ii leat oktage Juda olmmoš gii vurtnošii mu nammii ja dajašii: “Nu duohta go Hearrá, min Ipmil, eallá!” 27

44,27
1,12
Mun gozihan din, in lihkkun, muhto lihkuhisvuohtan. Buot Juda olbmot geat leat Egypta eatnamis, jápmet miehkkái ja nelgot jámas, dassá go buohkat leat duššan. 28Dušše soapmásat, uhca jovkkoš, besset báhtarit miehkis ja máhccet Egyptas Judai. Ja nu dát Juda bázahas beassá diehtit, gean sátni ollašuvvá, mu vai sin. 29Mun, Hearrá, attán didjiide mearkka, vai dii dieđášeiddet ahte mun ráŋggáštan din dán báikkis ja ahte mu sánit ollašuvvet. Din deaivida oasehisvuohta! 30
44,30
21,7
34,21
46,24eč
Esek 29,20
44,30 farao Hofra >37,5.Ná mun, Hearrá, lean mearridan: Mun attán farao Hofra, Egypta gonagasa, su vašálaččaid gihtii, daid gihtii geat bivdalit su heakka. Seamma láhkai mun adden Sidkia, Juda gonagasa, Babylona gonagasa Nebukadnesara gihtii, gii lei su vašálaš ja bivdalii su heakka.