Davvisámegiel Biibbal 2019 (Biibbal)
40

Jeremia orru eatnamis

401Dát lea muitalus das maid Hearrá divttii dáhpáhuvvat Jeremiai das maŋŋil go heaggafávttaid oaivámuš Nebusaradan lei luoitán su friddjan Ramas. Jeremia lei leamaš čadnojuvvon láhkkiiguin daid fáŋggaid gaskkas geat ledje váldojuvvon gitta Jerusalemis ja Judas ja galge dolvojuvvot Babylonii.

2Go heaggafávttaid oaivámuš lei vieččahan Jeremia, de son dajai sutnje: “Hearrá, du Ipmil, áittii lihkuhisvuođain dán báikki. 3Hearrá ollašuhtii dan ja dagai nugo lei cealkán, danin go dii leiddet suddudan Hearrá vuostá ehpetge lean gullan su. Dan dihte dát lea dáhpáhuvvan didjiide. 4Odne mun čoavddán du gieđaid láhkkiin. Jos don anát buorrin boahtit mu fárus Babylonii, de boađe, ja mun anán dus fuola. Muhto jos don it dáhto vuolgit mu fárus Babylonii, de ale vuolgge. Oppa eanan lea dutnje rabas, mana dan báikái maid anát buoremussan.” 5

40,5
2 Gon 25,22
Go Jeremia vel guovttádasttii, de Nebusaradan dajai sutnje: “Máhca Gedalja, Ahikama bártni, Šafana áddjuba, lusa. Babylona gonagas lea bidjan su Juda gávpogiid oaivámužžan. Oro su luhtte álbmoga gaskkas dahje mana gosa ihkinassii anát vuoigadin mannat.” Ja de heaggafávttaid oaivámuš attii sutnje niestti ja skeaŋkkaid ja luittii su mannat. 6Jeremia manai Gedalja, Ahikama bártni, lusa Mispai ja orui su luhtte álbmoga gaskkas mii lei báhcán eatnamii.

Gedalja Juda oaivámužžan

7

40,7
2 Gon 25,23
Buot soahteveaga oaivámuččat ja sin olbmát geat čiehkádalle dálonguovllus, gulle ahte Babylona gonagas lei bidjan Gedalja, Ahikama bártni, Juda oaivámužžan ja guođđán su háldui olbmáid, nissoniid, mánáid ja eatnama geafimusaid geat eai lean dolvojuvvon fáŋgavuhtii Babylonii. 8Dalle oaivámuččat oktan olbmáidisguin bohte Gedalja lusa Mispai. Sii ledje Ismael, Netanja bárdni, Johanan ja Jonatan, Kareaha bártnit, Seraja, Tanhumeta bárdni, netofalaš Efaja bártnit ja Jesanja gii lei eret Maakas. 9
40,9
2 Gon 25,24
Gedalja, Ahikama bárdni, Šafana áddjut, vuortnui sidjiide ja sin olbmáide: “Allet bala bálvaleames kaldealaččaid! Orrot eatnamis ja bálvalehket Babylona gonagasa, de didjiide geavvá bures. 10Mun ieš áiggun orrut Mispas ja bálvalit kaldealaččaid geat bohtet min lusa. Čogget viidnemurjjiid, šaddosiid ja oliivvaid, rádjet daid ja orrot dain gávpogiin maid lehpet váldán.” 11Eatnat Juda olbmot ledje báhtaran Moabii, Ammonii, Edomii ja eará riikkaide. Go sii gulle ahte Babylona gonagas lei guođđán Judai álbmotbázahasa ja bidjan Gedalja, Ahikama bártni, Šafana áddjuba, sin oaivámužžan, 12de sii máhcce Judai dain báikkiin gosa ledje báhtaran, ja bohte Gedalja lusa Mispai. Dan jagi sii čogge valjis viidnemurjjiid ja šaddosiid.

Gedalja goddojuvvo

13Johanan, Kareaha bárdni, ja buot soahteveaga oaivámuččat geat ledje čiehkádallan dálonguovlluin ja boahtán Gedalja lusa Mispai, 14dadje Gedaljai: “Dieđátgo don ahte Baalis, ammonlaččaid gonagas, lea vuolggahan Ismaela, Netanja bártni, goddit du?” Muhto Gedalja, Ahikama bárdni, ii jáhkkán sidjiide. 15

40,15
42,15
De Johanan, Kareaha bárdni, dajai suollemasat Gedaljai Mispas: “Divtte mu goddit Ismaela, Netanja bártni. Ii oktage boađe diehtit dan. Manne son oččošii goddit du? Dallehan buot Juda ássit geat leat čoagganan du lusa, bieđganivčče fas ja Juda bázahas duššašii.” 16Muhto Gedalja, Ahikama bárdni, dajai Johananii, Kareaha bárdnái: “Ale daga dan, dasgo don sárdnut giellásiid Ismaela birra.”

41

411

41,1
2 Gon 25,25
Seammá jagi čihččet mánus bođii Ismael, Netanja bárdni, Elišama áddjut, ja logi olbmá suinna Gedalja, Ahikama bártni, lusa Mispai. Ismael gulai gonagassohkii ja lei okta gonagasa oaivámuččain. Go sii buohkat ledje boradeamen ovttas, 2de Ismael čuožžilii oktan logiin olbmáinis. Sii časke mihkiin jámas Gedalja, Ahikama bártni, Šafana áddjuba. Sii godde dan gean Babylona gonagas lei bidjan eatnama oaivámužžan. 3Ismael gottii maiddái buot Juda olbmáid geat ledje čoagganan Gedalja lusa Mispai, ja kaldealaš soahteolbmáid geat ledje doppe.

4Maŋit beaivvi, go ii oktage vel diehtán ahte Gedalja lei goddojuvvon, 541,5 ráhken skávžžáideaset … nájadan liikkiset morraša ja gáhtamuša mearka. ▶ moraštanvierut.de ledje Mispai lahkaneamen gávccilogi olbmá. Sii ledje ráhken skávžžáideaset, gaikkodan biktasiiddiset ja nájadan liikkiset. Sii ledje boahtimin Sikemis, Šilos ja Samarias ja áigo buktit borramušoaffariid ja suovvasiid Hearrá vissui. 6Dalle Ismael, Netanja bárdni, manai Mispas čieru sin ovddal. Go son deaivvadii singuin, de son dajai: “Bohtet Gedalja, Ahikama bártni, lusa!” 7Go sii ollejedje gávpogii, de Ismael ja su olbmát časke sin jámas ja bálkestedje rupmašiid gáivui. 8Dušše logis sis gáddjojuvvojedje, sii oainnat dadje Ismaelii: “Ale gotte min! Mis lea duoppe čihkosis borramuš: nisut, bivgi, olju ja honnet.” Dalle Ismael divttii sin eallit iige goddán sin oktan earáiguin. 941,9 gonagas Asa Gč. 1 Gon 15,22.Gáivo masa Ismael bálkestii buot daid olbmáid rupmašiid geaid lei goddán, lei dat maid gonagas Asa lei rokkahan dalle go son soađai Bašain, Israela gonagasain. Dan Ismael devddii dál rupmašiiguin. 10Dasto Ismael válddii fáŋgan buot daid olbmuid geat vel ledje Mispas, maiddái gonagasa nieiddaid, buohkaid geaid oaivámužžan Nebusaradan, heaggafávttaid oaivámuš, lei bidjan Gedalja, Ahikama bártni. De Ismael johttái ammonlaččaid lusa oktan buot olbmuiguin geaid lei váldán fáŋgan.

11Go Johanan, Kareaha bárdni, ja buot soahteveaga oaivámuččat geat ledje suinna, gulle buot dan bahá maid Ismael, Netanja bárdni, lei dahkan, 12de sii válde buot olbmáideaset ja vulge soahtat suinna. Sii jokse su stuorra láddo guoras mii lea Gibeonis. 13Olbmot geaid Ismael lei váldán fáŋgan Mispas, illosedje go oidne Johanana ja eará soahteveaga oaivámuččaid lahkaneamen. 14Buot fáŋggat jorggihedje ja vulge sin ovddal ja manne Johanana lusa. 15Muhto Ismael ja gávccis su olbmáin besse báhtarussii ja manne ammonlaččaid eatnamii.

16Johanan, Kareaha bárdni, ja buot soahteveaga oaivámuččat geat ledje suinna, válde mielde daid olbmuid geaid Ismael, Netanja bárdni, lei bággen mielddis Mispas das maŋŋil go lei goddán Gedalja, Ahikama bártni: olbmáid, soahteolbmáid, nissoniid, mánáid ja hoavvaolbmáid. Sin buohkaid son buvttii ruoktot Gibeonis. 17Sii johttájedje ja orrojedje Gerut Kimhamii mii lea Betlehema lahka. Doppe sii áigo mannat Egyptii 18

41,18
2 Gon 25,26
Jer 41,2
báhtui kaldealaččain. Sii ledje balus, danne go Ismael lei goddán Gedalja, gean Babylona gonagas lei bidjan Juda oaivámužžan.

42

Jeremia várre álbmoga mannamis Egyptii

42142,1 Asarja Masorehtalaš teavsttas lea “Jesanja”.De buot soahteveaga oaivámuččat ja Johanan, Kareaha bárdni, Asarja, Hošaja bárdni, ja oppa álbmot, sihke smávvát ja stuorrát, bohte Jeremia ságaide. 2

42,2
21,2
37,37
Oaivámuččat dadje Jeremiai: “Mii átnut du rohkadallat Hearrá, du Ipmila, min ovddas geat leat vel báhcán. Mii leimmet oktii eatnagat, muhto nugo don dás oainnát, dušše hárvát mis leat báhcán. 3Rohkadala Hearrá, du Ipmila, muitalit midjiide gosa mii galgat vádjolit ja maid mii galgat dahkat.” 4Profehta Jeremia vástidii sidjiide: “Mun dagan nu. Mun rohkadalan Hearrá, din Ipmila, nugo dii bivdibehtet. Mun almmuhan didjiide visot maid Hearrá vástida. Mun in čiega dis maidege.” 5
42,5
2 Mos 19,8
24,37
Sii dadje Jeremiai: “Hearrá lea duohta ja oskkáldas duođašteaddji. Mii lohpidit dahkat visot maid Hearrá, du Ipmil, gohčču du dadjat midjiide. 6Lehkos dat buorre dahje bahá, de mii jeagadit Hearrá, min Ipmila, gean lusa mii vuolggahit du jearrat sus ráđi, vai midjiide geavašii bures. Mii áigut jeagadit Hearrá, min Ipmila.”

7Logi beaivvi geažes Jeremiai bođii Hearrá sátni. 8Jeremia rávkkai Johanana, Kareaha bártni, ja buot soahteveaga oaivámuččaid geat ledje suinna, ja oppa álbmoga, sihke smávváid ja stuorráid. 9Jeremia dajai sidjiide: Dii bivddiidet mu rohkadallat Hearrá, Israela Ipmila, ja doalvut din njuoras rohkadusa su ovdii. Son vástida ná: 10

42,10
1,10
18,7eč
29,14
Jos dii bissubehtet dán eatnamis, de mun huksen din inge gaikkot, mun gilvván din inge rohtte eret. Mun gáđan dan bahá maid dahken didjiide. 11
42,11
41,18
Dii ballabehtet dál Babylona gonagasas. Muhto mun, Hearrá, cealkkán didjiide: Allet bala sus, allet gáfestuva! Dasgo mun lean dinguin, mun gájun din ja beasttán din su gieđas. 12Mun lean didjiide váibmoláđis, vai son árpmiha din ja diktá din máhccat din iežadet eatnamii. 13Muhto jus dii ehpet jeagat Hearrá, din Ipmila, muhto dadjabehtet: “Mii eat biso dán eatnamis. 14Mii mannat Egyptii gos mii eat dárbbaš oaidnit soađi, gullat dorvviid jiena eatge nealgut. Dohko mii áigut ássat.” 15Gullet dalle Hearrá sáni, dii geat lehpet vel báhcán Judas! Ná cealká Hearrá, Almmiveagaid Ipmil, Israela Ipmil: Jos dii jorgalehpet Egypta guvlui ja mannabehtet ássat dohko, 16de miehkki mas dii ballabehtet, joksá din Egypta eatnamis, ja nealgi mas dii ballabehtet, doarrida din Egyptas, ja dohko dii jápmibehtet. 17
42,17
44,12
Buohkat geat mannet Egyptii ja ásset dohko, jápmet miehkkái, nealgái dahje rohttudávdii. Ii oktage vealtta dan oasehisvuođas maid mun divttán deaivat didjiide. 18
42,18
24,944,12
42,18 dán báikki Jerusalem.Ná cealká Hearrá, Almmiveagaid Ipmil, Israela Ipmil: Nugo mu moarri ja mu vašši golggahuvvui Jerusalema ássiid badjelii, nu mu moarri golgá din badjelii, jos dii mannabehtet Egyptii. Doppe dii hiddjiduvvobehtet ja bilkiduvvobehtet, dii šaddabehtet garuhussan ja duššaduvvobehtet, ehpetge dii šat goassege beasa oaidnit dán báikki. 19Hearrá lea cealkán didjiide geat vel lehpet báhcán Judas: Allet mana Egyptii!

Muitet ahte mun lean várren din odne. 20Dii čádjidehpet, ja dat gártá didjiide sorbmin. Dii ánuidet mu jorgalit Hearrá, din Ipmila, beallái ja jearrat sus neavvaga. Dii dajaidet: “Rohkadala min ovddas Hearrá, Ipmileamet, ja muital midjiide buot maid son cealká. Mii dahkat visot maid son gohčču.” 21Muhto go mun odne lean almmuhan didjiide dan maid Hearrá, din Ipmil, lea cealkán, de dii ehpet áiggoge jeagadit su. 22Dihtet dalle: Dii jápmibehtet miehkkái, nealgái ja rohttudávdii dan báikái gosa dis lea hállu mannat ássat.