Davvisámegiel Biibbal 2019 (Biibbal)
27

Babylona gonagasa geasis

271

27,1
28,1
27,1 Sidkia Eanaš hebrealaš giehtačállosiin lea “Jojakim”, muhto dát fearán dáhpáhuvai go Sidkia lei gonagas.Juda gonagasa Sidkia, Jošia bártni, ráđđenáiggi álggus Jeremiai bođii dát Hearrá sátni: 2
27,2
27,12
28,14
Hearrá celkkii munnje ná: Ráhkat alccesat čanastagaid ja geassáid ja bija geassá niskásat. 3Vuolggat geassáid dasto Edoma, Moaba, Ammona, Tyrosa ja Sidona gonagasaide daid áirasiid fárus geat leat boahtán Juda gonagasa Sidkia lusa Jerusalemii. 4Gohčo sin sárdnut hearráidasaset dáid mu sániid: Ná cealká Hearrá, Almmiveagaid Ipmil, Israela Ipmil: 5Stuorra fámuinan ja geigejuvvon gieđainan mun lean sivdnidan eatnama ja olbmuid ja elliid mat leat eatnama alde, ja mun attán daid geasa dáhtun. 6
27,6
25,9
28,14
43,10
Dan 2,37č
4,22
Dál mun attán din eatnamiid bálvaleaddjásan Nebukadnesarii, Babylona gonagassii. Velá meahci spiriidge mun bijan bálvalit su. 7
27,7
25,1214
Buot álbmogat galget bálvalit su, su bártni ja su bártnibártni, dassážii go su eatnamii lea boahtán áigi šaddat eará álbmogiid ja stuorra gonagasaid bálvaleaddjin. 8Jos muhtun álbmot dahje riika ii dáhto bálvalit Babylona gonagasa Nebukadnesara iige sodjalahttit niskki su geassá vuollái, de mun ráŋggáštan dan mihkiin, nelggiin ja rohttudávddain. Mun vuolggahan Babylona gonagasa soahtat dainna álbmogiin, dassážii go lean duššadan daid, cealká Hearrá. 9
27,9
14,14eč+
Allet guldal iežadet profehtaid, einnosteddjiid, niegadeddjiid, mearkačilgejeddjiid alletge noiddiid geat dadjet: “Ehpet dii šatta bálvalit Babylona gonagasa.” 10Sii profehtastallet giellásiid, vai dii šaddabehtet guhkás iežadet eatnamis. Mun áján din eret, ja dii duššabehtet. 11Muhto dan álbmoga mii sodjalahttá niskki Babylona gonagasa geassá vuollái ja bálvala su, mun divttán ássat iežas eatnamis. Doppe dat oažžu ássat ja bargat eatnama, cealká Hearrá.

12Juda gonagassii Sidkiai mun sárdnon aivve seammá sániid: Sodjalahttet niskki Babylona gonagasa geassá vuollái ja bálvalehket su ja su álbmoga, de dii oažžubehtet eallit. 13Manne don ja du álbmot jámášeiddet miehkkái, nealgái ja rohttudávdii? Dákkár loahpain Hearrá lea áitán ráŋggáštit dan álbmoga mii ii dáhto bálvalit Babylona gonagasa. 14Allet guldal profehtaid geat dadjet: “Ehpet dii šatta bálvalit Babylona gonagasa.” Sii profehtastallet giellásiid! 15

27,15
23,21
Hearrá cealká: Mun in leat vuolggahan sin. Sii gielistit go sárdnot mu nammii. Jos dii jáhkkibehtet sidjiide, de mun áján din eret ja divttán din duššat oktan daiguin profehtaiguin geat profehtastalle didjiide.

16

27,16
28,3
Báhpaide ja oppa dán álbmogii mun sárdnon: Ná cealká Hearrá: Allet guldal profehtaid geat profehtastallet didjiide ja lohket: “Hearrá tempela bassi lihtit buktojuvvojit fargga ruoktot Babylonis.” Sii profehtastallet giellásiid! 17Allet guldal sin, muhto bálvalehket Babylona gonagasa, de oažžubehtet eallit. Manne dát gávpot galggašii šaddat čievračopman? 18Muhto jos sii duođaid livčče profehtat geat leat ožžon sáni Hearrás, de sii rohkadalašedje Hearrá, Almmiveagaid Ipmila, vai dat lihtit mat ain leat Hearrá tempelis ja Juda gonagasa šloahtas ja Jerusalemis, eai gárttaše Babylonii. 19
27,19
2 Gon 25,13eč
Jer 52,17eč
Ná cealká Hearrá, Almmiveagaid Ipmil: Dán gávpogiihan leat vel báhcán tempela báccit, bronsamearra, beavddit ja eará biergasat. 20
27,20
2 Gon 24,14eč
Daid Babylona gonagas Nebukadnesar ii váldán fárrui go son doalvvui Juda gonagasa Jekonja, Jojakima bártni, fáŋgan Jerusalemis Babylonii, oktan buot Juda ja Jerusalema stuorráiguin. 21Ná cealká Hearrá, Almmiveagaid Ipmil, daid biergasiid birra mat ain leat Hearrá tempelis, Juda gonagasa šloahtas ja Jerusalemis: 22
27,22
Esra 1,7
Dat dolvojuvvojit Babylonii! Doppe dat leat gitta dan beaivvi rádjái go mun áimmahušan daid, cealká Hearrá. Dalle mun vieččan daid ja buvttán daid fas dán báikái.

28

Jeremia ja Hananja

281Dan jagi viđát mánus, Juda gonagasa Sidkia ráđđenáiggi álggus, su njealját ráđđenjagi, profehta Hananja, Assura bárdni, gii lei Gibeona olmmoš, sártnui Jeremiai Hearrá tempelis. Báhpaid ja oppa álbmoga gullut son celkkii: 2“Ná cealká Hearrá, Almmiveagaid Ipmil, Israela Ipmil: Mun doaján Babylona gonagasa geassá! 3

28,3
27,16
Ovdal go guokte jagi leat vássán, de mun buvttán ruoktot dán báikái buot daid Hearrá tempela lihtiid maid Babylona gonagas Nebukadnesar doalvvui dáppe Babylonii. 4
28,4
2 Gon 24,12eč
Juda gonagasa Jekonja, Jojakima bártni, ja buohkaid geat dolvojuvvojedje Judas Babylonii, mun buvttán ruoktot dán báikái, cealká Hearrá. Mun doaján Babylona gonagasa geassá.”

5Profehta Jeremia dajai dalle profehta Hananjai báhpaid ja buot daid olbmuid gullut geat ledje čuožžumin das Hearrá tempelis: 6“Amen! Vare Hearrá dagašii nu, vare son ollašuhtášii du profehtasáni ja buvttášii ruoktot Babylonis dán báikái Hearrá tempela biergasiid ja buot eret dolvojuvvon olbmuid. 7Muhto gula goit sáni maid mun dál sártnun du ja oppa álbmoga gullut. 8Dat profehtat geat leat leamaš dáppe ovdal mu ja du gitta doloža rájes, leat einnostan soađi, oasehisvuođa ja rohttudávdda eatnat eatnamiidda ja stuorra riikkaide. 9

28,9
5 Mos 18,22
Muhto jos profehta einnosta ráfi, de su sátni ferte ollašuvvat. Easkka dalle son mieđihuvvo profehtan gean Hearrá duođaid lea vuolggahan.”

10

28,10
27,2
Dalle profehta Hananja válddii geassá Jeremia niskkis ja dojii dan. 11Son dajai oppa álbmoga gullut: “Ná cealká Hearrá: Dán láhkái mun doaján Babylona gonagasa Nebukadnesara geassá buot álbmogiid niskkis, ovdal go guokte jagi leat vássán.” De profehta Jeremia vulggii das.

12Muhto maŋŋelaš go profehta Hananja lei doadján geassá Jeremia niskkis, de Jeremiai bođii dát Hearrá sátni: 13

28,13
5 Mos 28,48
“Mana Hananja lusa ja cealkke sutnje: Ná cealká Hearrá: Don dodjet muorrageassá, muhto dan sadjái don bajidat ruovdegeassá! 14
28,14
27,6
Dan 2,37eč
Ná cealká Hearrá, Almmiveagaid Ipmil, Israela Ipmil: Mun bijan ruovdegeassá buot dáid álbmogiid niskái. Sii gártet bálvalit Babylona gonagasa Nebukadnesara. Velá meahcispiriidge mun attán su váldái.” 15
28,15
14,14+
Profehta Jeremia dajai vel profehta Hananjai: “Gula, Hananja! Ii Hearrá leat vuolggahan du. Don leat fillen dán álbmoga dorvvastit giellásiidda. 16
28,16
5 Mos 13,6
Jer 29,31č
Dan dihte Hearrá cealká: Mun vuolggahan du eret eatnama alde. Dán jagi don jámát, danin go leat sárdnon giellásiid mu nammii.” 17Ja profehta Hananja jámii dan jagi čihččet mánus.

29

Jeremia girji Babylonii dolvojuvvon olbmuide

291Profehta Jeremia sáddii Jerusalemis girjji daidda vuorrasiidda geat ain ledje dolvojuvvon olbmuid gaskkas, ja báhpaide, profehtaide ja oppa dan álbmogii maid Nebukadnesar lei dolvon Jerusalemis Babylonii. 2

29,2
2 Gon 24,15eč
Jer 24,1
Dan girjji son čálii maŋŋil go gonagas Jekonja, gonagasa eadni, hoavvaolbmát, Juda ja Jerusalema oaivámuččat, duojárat ja rávdit ledje gártan vuolgit Jerusalemis. 3Son bijai reivve Elasa, Šafana bártni, ja Gemarja, Hilkia bártni, mielde go Juda gonagas Sidkia vuolggahii dan guoktá Babylonii gonagas Nebukadnesara lusa. Reive lei dákkár:

4Ná cealká Hearrá, Almmiveagaid Ipmil, Israela Ipmil, buohkaide geaid mun lean dolvon Jerusalemis Babylonii: 5Huksejehket viesuid ja ásset daidda, gilvet šaddogárddiid ja borret daid šaddosiid! 6Váldet alcceseattet áhkáid ja sahkanahttet bártniid ja nieiddaid! Váldet bártniidasadet áhkáid ja náitet nieiddaideattet, vai sii oččošedje bártniid ja nieiddaid! Lassánehket, allet uhccán! 7Bivdet dan gávpoga buori masa mun lean dolvon din. Rohkadallet Hearrá dan gávpoga ovddas. Go dasa geavvá bures, de didjiidenai geavvá bures. 8

29,8
27,1416
Ná cealká Hearrá, Almmiveagaid Ipmil, Israela Ipmil: Allet divtte profehtaid ja einnosteddjiid geat leat din gaskkas, beahttit iežadet alletge jáhke nieguide maid niegadehpet! 9
29,9
14,14+
Dasgo sii profehtastallet didjiide giellásiid mu namas. Mun in leat vuolggahan sin, cealká Hearrá. 10
29,10
25,11+
Ná cealká Hearrá: Go Babylona čiežalogi jagi leat dievvan, de mun fas geahčan din beallái. Mun ollašuhtán iežan buori sáni ja buvttán din ruoktot din iežadet eatnamii. 11
29,11
Jer 24,5
31,17
Mun dieđán makkár jurdagat mus leat din hárrái, cealká Hearrá, dat leat ráfi jurdagat eaige oasehisvuođa jurdagat: Mun attán didjiide boahtteáiggi ja doaivvu. 12
29,12
33,3
Dalle dii čuorvubehtet mu, jorgalehpet mu beallái ja rohkadallabehtet mu, ja mun gulan din. 13
29,13
5 Mos 4,29
1 Muit 28,9
Dii ohcabehtet mu, ja dii gávdnabehtet mu. Go dii ohcabehtet mu oppa váimmusteattet, 14
29,14
5 Mos 30,1ečSef 2,7
de mun divttán din gávdnat iežan, cealká Hearrá. Ja mun jorgalan din vuorbbi ja čohkken din fas buot álbmogiid gaskkas ja buot báikkiin gosa lean ádján din. Mun buvttán din fas ruoktot dan báikái gos mun dolvon din eret.

15Muhto dii dadjabehtet: “Hearrá lea čuoččáldahttán midjiide profehtaid Babylonis.”

16Ná cealká Hearrá, Almmiveagaid Ipmil, dan gonagasa birra gii čohkká Davida truvnnus, ja oppa dan álbmoga birra mii ássá dán gávpogis, din vieljaid birra geat eai dolvojuvvon eret oktanaga dinguin: 17

29,17
24,3810
Mun vuolggahan miehki, nealggi ja rohttudávdda sin gaskii! Mun suhppen sin eret dego billašuvvan fiikoniid mat leat nu fuonit ahte eai borat. 18
29,18
18,16
19,8
24,9
Mun doarridan sin mihkiin, nelggiin ja rohttudávddain ja dagan sin garuhussan ja suorggahussan, bilkun ja hiddjádussan buot álbmogiid gaskkas maid lusa mun lean sin ádján. 19
29,19
7,25eč
Sii eai gullan mu eaige bálvaleddjiidan profehtaid geaid mun vuolggahin sin lusa ain ođđasis. Ehpet diige dáhtton guldalit, cealká Hearrá.

20Gullet dál Hearrá sáni, buohkat dii geat lehpet dolvojuvvon eret, geaid mun vuolggahin Jerusalemis Babylonii! 21Ná cealká Hearrá, Almmiveagaid Ipmil, Israela Ipmil, Kolaja bártni Ahaba ja Maaseja bártni Sidkia birra geat einnosteaba didjiide giellásiid Hearrá nammii: Mun attán sudno Babylonia gonagasa Nebukadnesara gihtii, ja son goddá sudno din oaidnut. 22

29,22
Dan 3,6
Soai šaddaba garrusátnin buot fáŋgavuhtii dolvojuvvon Juda olbmuide geat leat Babylonas, go daddjojuvvo: “Vare Hearrá dagašii dutnje dego Sidkiai ja Ahabii geaid Babylona gonagas basii dolas!” 23
29,23
23,14
Soai dagaiga heahpatlaš dagu Israelis go furrošeigga eará olbmáid áhkáiguin ja sártnuiga giellásiid mu nammii. In mun lean vuolggahan sudno. Mun dieđán dan ja duođaštan dan ieš, cealká Hearrá.

24Cealkke nehlamlaš Šemajai: 25Ná cealká Hearrá, Almmiveagaid Ipmil, Israela Ipmil: Don leat iežat nammii vuolggahan girjji báhppa Sefanjai, Maaseja bárdnái, ja buot eará báhpaide ja oppa álbmogii mii lea Jerusalemis, ja čállán: 26Hearrá lea bidjan du, Sefanja, báhppan Jojada sadjái geahččat bearrái Hearrá tempela ja bidjat buot mielahemiid ja einnostalliid gitta čoskii ja čeabetruvddiide. 27Manne don it dasto leat cuiggodan anatotlaš Jeremia gii profehtastallá didjiide? 28Son lea vuolggahan girjji midjiide Babylonii ja čállán: “Dát bistá vel guhká. Huksejehket viesuid ja ásset daidda, gilvet šaddogárddiid ja borret daid šaddosiid.”

29Báhppa Sefanja logai dán girjji profehta Jeremia gullut. 30Dalle Hearrá sátni bođii Jeremiai: 31

29,31
28,15eč
Vuolggat dán sáni buohkaide geat leat dolvojuvvon eret: Ná cealká Hearrá nehlamlaš Šemaja birra: Šemaja lea profehtastallan didjiide, vaikko mun in leat vuolggahan su. Son lea fillen din dorvvastit giellásiidda. 32Dan dihte cealká Hearrá: Mun mávssahan nehlamlaš Šemajai ja su nállái. Ii oktage Šemaja nális beasa ássat mu álbmoga gaskkas iige oaidnit dan buori maid mun dagan álbmogasan, danin go son lea sárdnon giellásiid mu birra, cealká Hearrá.