Davvisámegiel Biibbal 2019 (Biibbal)
18

Jeremia láirálihttedahkki viesus

181Jeremiai bođii dát Hearrá sátni: 2Mana láirálihttedahkki vissui! Doppe mun attán du gullat sániidan.

318,3 láirálihttedahkki bálseduodji.Mun mannen láirálihttedahkki vissui, gos son lei bargamin láiráskearrus luhtte. 4Jos lihtti maid son lei dahkamin billašuvai su gieđas, de son hábmii láirrás eará lihti, dakkára maid dáhtui.

5De munnje bođii dát Hearrá sátni: 6

18,6
Jes 45,9
Rom 9,21
Ingo mun, Hearrá, sáhte dahkat dutnje, Israela álbmot, nugo láirálihttedahkki láirásis? Dego láirá lea láirálihttedahkki gieđas, nu don, Israela álbmot, leat mu gieđas. 7
18,7
1,10
Mun sáhtán áitit gáikut, njeaidit ja duššadit álbmoga ja riikka. 8
18,8
26,19
Esek 18,21eč
Joel 2,14
Jona 3,10
Muhto jos dat álbmot jorgala bahávuođastis, de mun gáđan dan bahá maid ledjen áigon dahkat dasa. 9Mun sáhtán maid lohpidit hukset ja cegget álbmoga ja riikka. 10
18,10
1 Mos 6,6
1 Gon 11,11
Muhto jos dát álbmot dahká bahá iige gula mu jiena, dalle mun gáđan dan buori maid ledjen áigon dahkat dasa.

11

18,11
7,3
Joel 2,12č
Am 5,4614
Daja dál Juda ja Jerusalema ássiide: Ná cealká Hearrá: Mun hutkkan din vuostá ráđi, mun ráhkadan didjiide oasehisvuođa. Jorgalehket nappo buohkat bahás geainnuineattet, dahket buriid ja ellet riekta! 12
18,12
Jes 65,2
Jer 44,16
Muhto sii vástidit: “Ii dat ávkkut. Mii dahkat nugo ieža dáhttut! Juohkehaš mis vádjola iežas buššon váimmu mielde.”

Ipmil dubme Israela

13

18,13
2,10
Hos 6,10
Dan dihte Hearrá cealká ná:

Jerret buot álbmogiin:

Leago oktage gullan dákkáriid?

Nieida Israel lea dahkan

hirbmatlaš daguid!

1418,14 Masorehtalaš teaksta ii leat čielggas.Jávkágo muohta goassege

Libanona alla váriin?

Goikkiiditgo goassege galbma čázit

mat golget guhkkin?

15

18,15
2,32
3,21
6,16
Muhto mu iežan álbmot

lea vajáldahttán mu

ja boaldá suovvasiid duššálaš ipmiliidda

mat leat guossalahttán dan

dan boares geainnuin,

čádjidahttán dan ráhkatkeahtes bálgáide.

16

18,16
19,8
Dat dahká iežas eatnama ávdimin,

agálaš bilkádussan.

Juohkehaš gii manná dan meaddel,

soaigá ja bárdá oaivvi.

17Nuortabiekka láhkái mun biđgen

iežan álbmoga vašálačča ovddas.

Niehki, in muođuid,

mun jorgalan sidjiide sin heahtebeaivvi.

Jeremia sávvá mávssaheami

18

18,18
2,8
4,9
8,8
Muhto sii dadje: “Bohtet, hutkot bahás juonaid Jeremia vuostá! Iihan bagadus leat gáidan báhpas, ii ráđđi viisás iige sátni profehtas. Cábmot su iežamet sániiguin allotge beroš das maid son sárdnu!”

19Hearrá, gula mu!

Guldal, maid mu vuostálastit sárdnot!

20

18,20
Sál 7,16
35,12
Sát 17,13
26,27
Jer 38,6eč
Rom 12,17
Manne buorre mávssahuvvo baháin?

Sii leat roggan hávddi munnje.

Muitte, mo mun du muođuid ovddas

lean sárdnon buori sin ovddas,

vai beasan jorgalahttit du moari sis eret.

21

18,21
Sál 63,11
Jer 20,4
Dan dihte atte sin mánáid nealgut jámas,

ja atte sin miehki háldui!

Divtte sin áhkáid šaddat

mánáheapmin ja leaskan!

Divtte rohttudávdda goddit sin olbmáid,

divtte sin nuorra olbmáid

gottáhallat miehkkái!

22Vare sin viesuin gullošii bárgun,

go don fáhkka divttát rievvárboavjji

fallehit sin.

Sii leat goivon rokki vai besset dohppet mu,

čiehkan gielaid mu julggiid ovdii.

23

18,23
Sál 109,5eč
Muhto don, Hearrá,

dovddat buot sin áigumušaid,

ahte sii áigot goddit mu.

Ale atte ándagassii sin vearredagu,

ale vajálduhte sin suttu,

nu ahte sii nordasit du ovdii.

Časkke sin eatnamii moarát beaivvi!

19

Cuvkejuvvon láiráruhkku

191Hearrá celkkii munnje: Mana oastit láiráruhku. Váldde mielddát muhtumiid álbmoga ja báhpaid vuorrasiin 2ja mana Ben-Hinnoma leahkái Ruhkkomoallopoartta buohta. Gulat doppe daid sániid maid mun dutnje attán. 3

19,3
1 Sam 3,11
2 Gon 21,12
Daja ná: Gullet Hearrá sáni, dii Juda gonagasat ja Jerusalema ássit! Ná cealká Hearrá, Almmiveagaid Ipmil, Israela Ipmil: Mun buvttán dán báikái dakkár lihkohisvuođa ahte juohkehaččas gii dan gullá, bealjit čudjet. 4Mu álbmot lea hilgon mu ja dahkan dán báikki amasin. Sii leat cahkkehan oaffardola eará ipmiliidda maid eai sii, sin áhčit eaige Juda gonagasat dovdan. Sii leat deavdán dán báikki vigihis olbmuid varain. 5
19,5
7,31eč
32,35
Esek 16,20
23,37
Sii leat ráhkadan oaffarbáikkiid vai leat beassan boaldit mánáideaset boaldinoaffarin Baalii. Dan mun in leat goassege gohččon sin dahkat, iige dat leat badjánan mu millii.

6

19,6
7,31č
19,6 Tofet >7,31.Dan dihte bohtet beaivvit, cealká Hearrá, go dát báiki ii šat gohčoduvvo Tofetin iige Ben-Hinnoma leahkin, muhto Sorbmenleahkin. 7
19,7
2 Sam 15,31
Neh 4,15
Job 5,12
Jes 8,10
19,3
Jer 18,110
19,10
Dán báikkis mun dagan duššin Juda ja Jerusalema ássiid áigumušaid. Mun divttán sin gahččat vašálaččaideaset miehkkái ja attán sin daid gihtii geat bivdet sin heakka. Sin gorudiid mun attán almmi lottiid ja eatnama spiriid biebmun. 8
19,8
3 Mos 26,31eč
Jer 18,16
Mun dagan dán gávpoga ávdimin ja buohkaid bilkádussan. Juohkehaš gii manná meaddel, soaigá ja bilkida buot dan givssiid. 9
19,9
3 Mos 26,29
5 Mos 28,53eč
Váid 2,20
4,10
Mun bijan sin borrat bártniideaset ja nieiddaideaset oačči, ja sii šaddet borrat maiddái nuppiideaset oačči, go vašálaččat birastahttet sin ja bivdet sin heakka.

10Cuvke dalle ruhku daid olbmáid oaidnut geat leat boahtán duinna 11

19,11
7,32
ja daja sidjiide: Ná cealká Hearrá, Almmiveagaid Ipmil: Mun cuvken dán álbmoga ja dán gávpoga dego láirálihti maid ii sáhte šat dahkat čavddisin. Jábmit hávdáduvvojit Tofetii, danne go eará sajis ii leat šat hávdesadji. 12Nu mun dagan dán báikái ja dan ássiide, cealká Hearrá. Mun dagan dán gávpoga Tofeta láhkásažžan. 13
19,13
2 Gon 21,35
Jer 7,18
8,2
32,29
44,17eč
Sef 1,5
Jerusalema viesut ja Juda gonagasaid viesut šaddet seammá buhtismeahttumin go Tofet, buot viesut maid dáhkiin sii leat cahkkehan oaffardola almmi vehkii ja golggahan juhkamušoaffariid eará ipmiliidda.

Jeremia ráŋggáštuvvo

14Go Jeremia lei máhccan Tofetis gosa Hearrá lei vuolggahan su profehtastallat, de son čuoččastii Hearrá viesu ovdašilljui ja sártnui oppa álbmogii: 15Ná cealká Hearrá, Almmiveagaid Ipmil, Israela Ipmil: Mun divttán boahtit dán gávpogii ja buot Juda gávpogiidda dan bahá mainna lean áitán daid. Daid ássit leat ceaggát, sii eai leat gullan mu sániid.

20

201Báhppa Pašhur, Immera bárdni, Hearrá viesu bajimuš goziheaddji, gulai maid Jeremia profehtastalai. 2

20,2
37,15
Joh 18,22
Apd 23,2
2 Kor 11,24č
20,2 Benjaminpoartta jáhkkimis Jerusalema gávpotmuvrra davágeahčen.Dalle son cápmii profehta Jeremia ja bijai su gitta čoskii bajit Benjaminpoartta gurrii, gokko beassá Hearrá vissui. 3
20,3
6,25
20,10
46,5
49,29
Go Pašhur maŋit beaivvi luittii Jeremia luovos, de Jeremia dajai sutnje: Hearrá ii gohčot du šat namain Pašhur, muhto namain Magor-Missabib, Suorggahus juohke sajis! 4Ná cealká Hearrá: Mun dagan du suorggahussan alccesat ja iežat ustibiidda. Du oaidnut sii gahččet vašálaččaid miehkkái. Mun attán oppa Juda Babylona gonagasa gihtii. Son doalvu dan olbmuid Babylonii ja goddá sin mihkiin. 5
20,5
Jes 39,6
Mun attán buot dán gávpoga riggodagaid ja buot dan fidnemušaid dan vašálaččaid gihtii, buot dan mávssolaš gálvvuid ja buot Juda gonagasaid dávviriid. Dat rieviduvvojit ja dolvojuvvojit Babylonii. 6Don, Pašhur, ja buohkat geat ásset du viesus, šaddabehtet fáŋgan Babylonii. Dohko don jámát ja dohko don hávdáduvvot, don ja buot du ustibat geaidda don leat einnostan giellásiid.

Jeremia váidalus

7

20,7
1,7
Váid 3,14
Hearrá, don leat fillen mu,

ja mun lean diktán iežan fillehallat.

Don leat šaddan munnje menddo gievran

ja leat bihtán.

Beaivvis beaivái mun lean

olbmuid bogostahkan,

buohkat hiddjidit mu.

8Nu dávjá go mun sártnun,

de mun ferten čuorvut,

gulahit veahkaválddi ja duššadeami.

Hearrá sátni lea šaddan munnje

hiddjádussan ja bilkádussan

beaivvis beaivái.

9

20,9
Job 32,18
Sál 39,4
Am 3,8
Muhto go mun dadjen:

“Mun in áiggo jurddašit su

inge šat sárdnut su nammii”,

de lei dego dolla livččii buollán

mu siskkildasas,

dahppasan mu dávttiide.

Mun lean rahčan gierdat dan,

muhto in šat nagot.

10

20,10
Sál 31,14
Jer 20,3
Mun lean gullan

eatnagiid savkkuheamen:

“Suorggahus lea juohke sajis!

Guoddalehket su! Mii guoddalit su!”

Velá mu ustibat fáktejit,

dušše vurdet jogo mun gahčašin:

“Son sáhttá iežas diktit fillejuvvot,

nu ahte mii bihtit sus

ja beassat mávssahit sutnje.”

11

20,11
1,819
15,20
17,18
Muhto Hearrá lea muinna

dego veagalaš gievra,

mu doarrádallit guossalit

eaige biđe mus.

Sii heahppášuhttojuvvojit,

danin go sii eai leat meannudan viisát,

sii ožžot heahpada

mii ii goassege vajálduva.

12

20,12
11,20+
Hearrá, Almmiveagaid Ipmil,

don geahččalat vuoigatlačča,

don guorahalat váimmu ja jurdagiid.

Divtte mu oaidnit go don mávssahat sidjiide,

dasgo du háldui mun lean oskkildan áššán.

13Lávlot Hearrái, máidnot Hearrá!

Son beastá váivváša bahádahkkiid gieđas.

14

20,14
Job 3,3eč
Jer 15,10
Garuhuvvon lehkos dat beaivi

go mun riegádin!

Allos lehko buressivdniduvvon dat beaivi

go eadnán riegádahtii mu!

15Garuhuvvon lehkos dat olmmái

gii buvttii mu áhččái illusága:

“Dutnje lea riegádan bárdni”,

ja illudahtii su sakka.

16

20,16
1 Mos 19,24č
Jer 23,14
Vare dan olbmái geavašii

dego gávpogiidda

maid Hearrá duššadii árpmitkeahttá!

Vare son gulašii bárguma iđđedis,

soahtečuorvasa beaiveguovdil,

17danne go ii goddán mu eadnán goŧŧui!

Eadnán livččii šaddan mu hávdin

ja bisson áhpeheapmin álohii.

18

20,18
Job 3,11eč
Manne mun galgen boahtit

eadnán goaŧus

oaidnit váivvi ja morraša,

nu ahte mu beaivvit vásset heahpadis?