Manne bahádahkkiid doaimmat ovdánit?
121
Sál 73,3
Hearrá, don livččet vuoigadis
jos mus livččii ášši duinna.
Dattetge mun jearan:
Manne ipmilmeahttumat lihkostuvvet,
manne oskkáldasmeahttumat
ellet mášus?
2
Don leat gilván sin,
ja sii leat ruohtastuvvan,
sii sturrot ja šaddadit šaddosiid.
Don leat lahka sin njálmmis,
muhto guhkkin eret sin váimmus.
3
Jer 11,20
Hearrá, don oainnát mu
ja dovddat mu,
don leat geahččalan mu váimmu,
don dieđát leango mun oskkáldas.
Čuoldde sin ealus dego njuovvansávzzaid,
vihat sin goddojumi beaivái!
4
12,4 Son Hearrá.Man guhká eanan ferte moraštit
ja buot mii eatnamis šaddá, goldnat?
Eallit ja lottit duššet
olbmuid bahávuođa dihte.
Sii dadjet: “Son ii oainne
mo midjiide maŋimustá geavvá.”
5
50,44
Sak 11,3
Jos vázzi olbmát váibadit du,
de mo don sáhtášit gilvalit heasttaiguin?
Jos don leat oadjebas dušše
ráfálaš guovllus,
de mo don dalle birget
Jordanleagi suovkkas?
6Velá du vieljat ja fuolkkit behttet du, velá siige juonastit du sealgge duohken. Ale luohte sidjiide alege sin čáppa sániide.Hearrá lea hilgon iežas álbmoga
7Mun lean guođđán iežan viesu,
mun lean hilgon iežan opmodaga.
Mun lean addán iežan ráhkkása
su vašálaččaid gihtii.
8Nugo ledjon čeargu suovkkas,
nu čearggui munnje mu iežan álbmot.
Dan dihte mun vašuhan dan.
9
Leago mu eanan šaddan
šakálaid biedjun,
man badjel gazzalottit sattáhallet?
Bohtet, buot meahcispiret,
čoahkkanehket vuovdduštit!
10
23,1eč
Eatnat báimmanat leat bilidan
mu viidnegárddi,
sii leat čilven mu bealdduid.
Mu hearvás eatnama
sii leat dahkan ávdin meahccin.
11Sii leat bilidan dan,
ávdimin dat morašta
mu čalmmiid ovddas,
oppa eanan lea duššaduvvon,
dasgo ii oktage beroš das.
12Meahci báljes alážiid badjel
bohtet duššadeaddjit.
Hearrá miehkki borrá eatnama nuppe geažis nubbái, iige dat seastte ovttage heakkalačča.13
Hos 8,7
Hag 1,6
Sii gilve nisuid
muhto láddjejedje bastilislánjáid,
sii váibadedje iežaset duššás,
Dalle šaddabehtet heahpanit iežadet láju
Hearrá buolli moari dihte.
Israel ja birasálbmogat
14Ná cealká Hearrá: Mun gaikkihan buot bahás birasálbmogiid iežaset eatnamis! Dat oččodit opmodaga maid mun lean addán álbmogasan Israelii. Maiddái Juda álbmoga mun gaikkihan iežas eatnamis. 15Muhto maŋŋil go mun lean gaikkihan daid eret, de mun fas árpmihan daid. Mun divttán juohke álbmoga máhccat iežas eatnamii, iežas opmodahkii. 16
10,20
Jer 4,2
– Ja jos dat ohppet dovdat mu álbmoga geainnuid, nu ahte vurdnot mu nammii: “Nu duohta go Hearrá eallá” – nugo dat ovdal oahpahedje mu álbmoga vuordnut Baala bokte – dalle dat besset ain eallit mu álbmoga gaskkas. 17Muhto jos muhtun álbmot ii gula mu, de mun gaikkihan dan álbmoga eret ja duššadan dan, cealká Hearrá.
Billašuvvan beallemasboagán
131De Hearrá celkkii munnje: “Mana oastit alccesat beallemasboahkána ja čana dan alimiiddát birra, muhto várut njuoskadeames dan.” 2Mun osten boahkána nugo Hearrá lei gohččon, ja čatnen dan alimiiddán birra. 3Dalle Hearrá sátni bođii munnje nuppádassii: 4“Váldde boahkána maid ostet ja mii lea alimiiddát birra, ja mana Eufratii. Čiega dan dohko bákteráhkamii.” 5Mun mannen ja čihken dan Eufratii, nugo Hearrá lei gohččon. 6Guhkes áiggi geažes Hearrá celkkii munnje: “Mana Eufratii viežžat dan boahkána maid mun gohččon du čiehkat dohko.” 7Mun mannen Eufratii ja roggen boahkána bajás dan sajis masa ledjen čiehkan dan. Muhto boagán lei billašuvvan iige dohkken šat maninge. 8Dalle Hearrá sátni bođii munnje: 9Ná cealká Hearrá: Seamma láhkai mun doaján Juda ja Jerusalema stuora čeavlli. 10Dát bahás álbmot biehttala gullamis mu sániid. Dan váibmu lea buššon, dat manná eará ipmiliid maŋis ja bálvala ja gopmirda daid. Danin dasa geavvá nugo dán boahkánii mii ii dohkke šat maninge. 11
Nugo olmmái čatná boahkána alimiiddis birra, nu munge lean čatnan oppa Israela álbmoga ja Juda álbmoga alccesan, cealká Hearrá. Dat galge leat mu álbmot, munnje gudnin, rámádussan ja čikŋan, muhto dat eai dáhtton gullat.
Cuvkejuvvon viidneruhkut
12Cealkke sidjiide dán sáni: Ná cealká Hearrá, Israela Ipmil: Juohke viidneruhkku devdojuvvo viinniin. Ja jos sii dadjet dutnje: “Eatgoson mii dieđe ahte juohke viidneruhkku devdojuvvo viinniin?” 13
Esek 23,33
de vástit: Ná cealká Hearrá: Mun deavddán viinniin buot dán eatnama ássiid ja gárihuhtán sin, sihke gonagasaid geat čohkkájit Davida truvnnus ja báhpaid, profehtaid ja buot Jerusalema ássiid. 14Mun cuvken sin nuppi nuppi vuostá, sihke áhčiid ja bártniid, cealká Hearrá. Mun in árpmit, in árkkáš inge seastte; mun duššadan sin.
Várrehus ja ráŋggáštus
15Gullet! Guldalehket!
Allet čeavllástala,
dasgo Hearrá ieš sárdnu.
16
Addet gudni Hearrái, Ipmilasadet,
ovdal go son diktá sevnnjodit,
ovdal go din juolggit čuhcet
moskováriide.
Dalle dii vuordibehtet čuovgasa,
muhto son dahká dan jápminsuoivvanin,
suhkkes seavdnjadassan.
17
14,17
Muhto jos dii ehpet gula,
de mun čierun čihkosis
din čeavláivuođa dihte.
Mun čierun bahččagit,
gatnjalat golget mu čalmmiin,
go Hearrá eallu dolvojuvvo fáŋgavuhtii.
18
Esek 21,31
13,18 gonagassii ja gonagasa eadnái jáhkkimis gonagas Jojakin ja su eadni Nehušta, geat fertiiga vuollánit babylonialaččaid gihtii 597 o.Kr. Vrd. 2 Gon 24,8eč.Celket gonagassii ja gonagasa eadnái:
Njieddji alla sajisteatte,
dasgo hearvás kruvdnu lea
gahččan dudno oaivvis.
19Negeva gávpogat leat dahppojuvvon,
iige oktage raba daid.
Oppa Juda lea dolvojuvvon fáŋgavuhtii,
dolvojuvvon juohke olmmoš.
2013,20 dutnje Jerusalem. Gč. v. 27.Bajidehket čalmmiid ja gehččet daid
geat bohtet davvin!
Gos dál lea eallu
mii dutnje lea oskkilduvvon,
du ebmos sávzzat?
21Maid don dajat,
go Hearrá bidjá dutnje oaivámužžan daid
geaid don leat hárjánan atnit ustibin?
Eaigo dalle ávttat čárvvo du
dego riegádahtti nissona?
22
Nah 3,5
Don dajat váimmustat:
“Manne munnje lea geavvan dán láhkai?”
Du ollu vearredaguid geažil
du bivttashealmmit leat bajiduvvon
ja don leat heahppášuhttojuvvon!
23
13,23 nubialaš Nubia dahjege Kuš lei guovlu ja álbmot Egypta lulábealde, Nileatnogáttis. Vrd. 1 Mos 2,13; Jes 18,1.Sáhttágo nubialaš muhttit liikkis
dahje leopárda girjjiidis?
Dalle diige sáhtášeiddet dahkat buriid,
guđet lehpet hárjánan dahkat baháid.
24
Sál 1,4
Mun biđgen din dego oalggaid
maid meahci biegga girddiha.
25Dát šaddá du vuorbi,
du mihtiduvvon oassi
maid mun lean mearridan dutnje,
cealká Hearrá,
dainna go don vajáldahttet mu
ja dorvvastit giellásii.
26Mun ieš bajidan du bivttashelmmiid
du oaivvi badjel,
vai du heahpat oidno.
27Mun lean oaidnán du náittosrihkkumiid,
du hirdnumiid ja du heahpatlaš furrošeami.
Dieváin ja meahcis
mun lean oaidnán du fastivuođaid.
Vuoi du, Jerusalem, go it buhtásmuva!
Man guhká dát bistteš?
Stuorra goikkádat
141Hearrá sátni mii bođii Jeremiai goikkádaga dihte:
2
Váid 1,4
Juda morašta,
gávpogat goarránit,
poarttat njagagit morrašis eatnamii,
váidalusčuorvasat badjánit Jerusalemis.
3
Gávpoga stuorrát
vuolggahit bálvváideaset viežžat čázi,
muhto go dat bohtet gáldogurrii,
de ii leat čáhci.
Sii nuonddahallet, máhccet guoros lihtiiguin
ja gokčet muođuid heahpanemiin.
4
Bealddut luoddanaddet
go eatnamii ii boađe arvi,
bealdobargit heahpanit ja gokčet oaivviset.
5
Velá goddeáldu meahcis guođđá
easkka šaddan miesis,
danne go ii leat mihkkege ruotnasiid.
6
Báljes dieváin čužžot meahciásenat
ja hahpaštuddet nugo šakálat,
dat gehččet dieigan čalmmiiguin,
rássi ii leat.
7
79,9
Vaikko min vearredagut
duođaštitge min vuostá,
de veahket, Hearrá, namat dihte!
Eatnat gerddiid mii leat jorralan,
du vuostá mii leat suddudan.
8
Hearrá, don guhte leat
Israela doaivu ja beasti heađi áiggi,
manne don leat dego
vieris olmmoš eatnamis,
nugo mátkkálaš gii orusta
dušše ovtta idjii?
9Manne don leat dego
dárpmehis olmmái,
nugo soahteolmmái gii ii sáhte veahkehit?
Ja almmatge don leat min gaskkas,
du namma lea celkojuvvon min badjel.
Hearrá, ale guođe min!
10
Hos 8,13
Ná cealká Hearrá dán álbmoga birra: Sii liikojit jođašit, julggiideaset sii eai seastte. Muhto mun, Hearrá, in šat gierdda dan. Mun muittán sin vearredaguid ja ráŋggáštan sin suttuid.
11
11,14
Hearrá celkkii munnje: Ale rohkadala dán álbmoga ovddas. 12
Jer 6,20
Am 5,22
Vaikko sii fástudit, de mun in gula sin čuorvuma; go sii oaffaruššet boaldinoaffariid ja borramušoaffariid, de mun in beroš sis. Mun loavttán sin mihkiin, nelggiin ja rohttudávddain. 13
8,11
De mun dadjen: Muhto Hearrá, mu Ipmil, profehtathan dadjet sidjiide: “Dii ehpet oainne miehki ehpetge gillá nealggi, danin go Hearrá addá didjiide bissovaš ráfi dán eatnamis.”
14
23,1621
29,9
Hearrá celkkii munnje: Profehtat leat profehtastallan giellásiid mu nammii. In mun leat vuolggahan sin, in leat gohččon sin inge sárdnon sidjiide. Gielis oainnáhusaid, guoros einnostusaid ja iežaset behtolaš govahallamiid sii profehtastallet didjiide. 15Dan dihte cealkkán mun, Hearrá, daid profehtaid birra geat profehtastallet mu namas vaikko mun in leat vuolggahan sin, ja geat dadjet ahte miehkki ja nealgi ii boađe dán eatnamii. Duot profehtat duššet miehkkái ja nealgái. 16
Ja seammá ládje geavvá dán álbmogii masa sii einnostit: Jerusalema gáhtat divvet dain geat leat jápmán miehkkái ja nealgái. Ii oktage leat hávdádeamen sin ja sin áhkáid, bártniid ja nieiddaid. Mun golggahan sin bahávuođa sin iežaset badjelii.
17
13,17
Váid 1,16
3,48eč
Am 5,1č
Sártno sidjiide dáid sániid:
Gatnjalat golget mu čalmmiin
ijatbeaivái eaige bisán.
Nieida, mu iežan álbmot,
lea deaivvahallan garra časkkástahkii,
lea ožžon buoritmeahttun hávi.
18
Jer 24,10
29,17č
Esek 5,16č
Jos mun vuolggán gávpogis,
de mun oainnán daid
geaid miehkki lea goddán,
ja jos boađán gávpogii,
de mun oainnán daid
geat leat roahppánan nealgái.
Velá profehtat ja báhpatge
čádjádallet eatnamis
eaige dieđe maid dahkat.
19
10,19
Leatgo don, Hearrá, áibbas hilgon Juda,
fasttášatgo don Siona?
Manne leat časkán min,
nu ahte mii eat šat buorrán?
Mii sávaimet ráfi,
muhto ii boahtán mihkkege buriid,
mii vurddiimet dálkkasteami,
muhto bođii suorganeapmi.
20
Jer 3,25
Dan 9,5
Hearrá, mii dovdat iežamet bahávuođa,
mii diehtit áhčiideamet rihkkosiid.
Mii leat suddudan du vuostá.
21Namat dihte, ale hilggo min,
ale suova hearvásvuođat truvnnu
šaddat heahppášuhttojuvvot!
Muitte lihtot maid dahket minguin,
ale rihko dan!
22
Jer 10,13
51,16
Apd 14,15eč
Vedjetgo álbmogiid guttahis ipmilat
addit arvvi?
Dahkágo albmi ieš arveovttiid?
Itgo dušše don, Hearrá, min Ipmil?
Du mii vuordit,
dasgo don leat sivdnidan buot dáid.