Davvisámegiel Biibbal 2019 (Biibbal)
10

Hearrá ja eahpeipmilat

101Gula, Israela álbmot, maid Hearrá sárdnu dutnje!

2

10,2
Rom 12,2
Ná cealká Hearrá:

Allet hárjet iežadet

eará álbmogiid vieruide,

allet bala almmi mearkkain

mat baldet eará álbmogiid.

3

10,3
Jes 40,19eč
44,9eč
Sin vierut leat duššálaččat.

Sii njeidet vuovddis muora,

ja muorraduojár hábme dan luovččaniin.

4

10,4
Jes 41,7
Son čiŋaha dan silbbain ja golliin

ja gidde dan sadjásis

veahčiriin ja návlliiguin,

amas juovzut.

5

10,5
Sál 115,5eč
Jes 45,20
46,7
Dat leat dego

loddegavnnjat gurkábealddus,

eai dat máhte sárdnut.

Go dat eai máhte vázzit,

de daid ferte guoddit.

Allet bala dain! Dat eai daga baháid,

muhto eai dat gal máhte dahkat buriidge.

6

10,6
32,17eč
Hearrá, ii oktage leat du veardásaš!

Don leat stuoris,

du namma lea stuoris ja fámolaš.

7

10,7
Sál 33,8
Alm 15,4
Gii ii balaše dus, álbmogiid gonagas?

Dat lea du vuoigatvuohta.

Dasgo buot álbmogiid viisáid gaskkas,

buot sin gonagasaid gaskkas

ii leat oktage nugo don.

8

10,8
51,17
Jallat ja jierpmeheamit sii leat buohkat,

duššálaš lea sin ipmiliid oahppa.

Duot ipmilat leat duddjojuvvon muoras,

910,9 Taršiš hápmangávpot dahje guovlu gáiddus rittuin, várra Gaskameara oarjjageahčen. >1 Mos 10,4. Ufas jáhkkimis Ofir Arabias. Vrd. Job 22,24; 28,16.derpojuvvon Taršiša silbbas

ja Ufasa gollis,

muorraduojárat ja gollerávdit

leat daid duddjon.

dain leat alitrukses

ja purpurrukses biktasat,

ja dat buot leat dáiddáriid duojit.

10

10,10
Sál 10,16
Muhto Hearrá lea duohta Ipmil,

son lea ealli Ipmil ja agálaš gonagas.

Eanan doarggista su vašis,

álbmogat eai gierdda su moari.

11
10,11
Jes 2,18
10,11 Dát vearsa lea čállojuvvon arameagillii; girji lea muđui čállojuvvon hebreagillii.Celket sidjiide: Ipmilat mat eai leat dahkan almmi ja eatnama, jávket eatnamis ja almmi vuolde.

12

10,12
Sál 104,24
Jes 45,12
Jer 51,15eč
Hearrá dagai eatnama fámuinis,

vuođđudii máilmmi viisodagainis

ja lebbii almmi ipmárdusainis.

13

10,13
Job 38,25č
Sál 135,7
Go su jietna gullo,

de almmi čázit šávvagohtet.

Son bajida balvvaid eatnama ravddas,

son bidjá álddagasaid šleađgut

ja arvvi šoallat,

son luoitá biekka vuorkágámmáriinnis.

14Juohke olmmoš lea jierpmeheapme

ja diehtemeahttun.

Juohke gollerávdi šaddá heahpanit

ipmilgovainis,

su leikejuvvon govat leat beahtus,

ii dain leat mihkkege vuoiŋŋaid.

15Dat leat duššálaččat,

duojit maid olbmot bilkidit.

Ráŋggáštanáiggi dat duššet.

16

10,16
5 Mos 4,19č
32,9
Sál 16,5
119,57
10,16 Jakoba Ipmil Masorehtalaš teavsttas lea “Jakoba oassi”.Daid láhkásaš ii leat Jakoba Ipmil.

Son lea ráhkadan buot,

ja Israel lea su iežas álbmot.

Su namma lea Hearrá, Almmiveagaid Ipmil.

Hearrá bagada Jerusalema

17Čohkkejehket gurppiideattet,

dii fertebehtet vuolgit eatnamis!

Din gávpot lea birastahttojuvvon.

18Ná cealká Hearrá:

Dán geardde mun šleŋgen eret

eatnama ássiid.

Mun áŧestan sin,

vai sii gávnnašedje mu.

19

10,19
Sál 77,11
Jer 14,17
Mi 7,9
Vuoi mu, vuoi mu sárjjiid!

Mu hávvi lea buoritmeahttun.

Mun jurddašin: Dát lea dušše givssádus

maid mun ferten gierdat.

20

10,20
31,15
Mu goahti lea biđgejuvvon,

dan báttit botkkoduvvon.

Mu mánát leat vuolgán mu luhtte,

sii eai leat šahtain.

Ii leat šat oktage

ceggemin ja loavdimin mu goađi.

21

10,21
23,1
Dasgo guođoheaddjit leat jierpmeheamit

eaige oza Hearrá.

Danne sii eai lihkostuva,

ja nu oppa sin eallu bieđgana.

22

10,22
9,11
Gullabehtetgo? Dat lahkona,

garra julla davvieatnamis!

Dat dahká Juda gávpogiid ávdimin,

šakálaid orrunsadjin.

Profehta rohkadus

23

10,23
Sát 16,9
20,24
Hearrá, mun dieđán

ahte olbmo geaidnu ii leat su válddis,

iige vádjoleaddji ieš stivre lávkkiidis.

24

10,24
Sál 6,2
38,2
Jer 30,11
Bagat mu, Hearrá, dattetge muttágit!

Ale moaráhuva munnje,

amat dahkat mu áibbas heittohin.

25

10,25
Sál 79,6č
Golggat moarát álbmogiid badjelii

mat eai dovdda du,

daid sogaid badjelii

mat eai čuorvvo du nama.

Siihan leat loaktán Jakoba,

duššadan su

ja dahkan su eatnama ávdimin.