Davvisámegiel Biibbal 2019 (Biibbal)
1

11

1,1
Jos 21,18
Jeremia, Hilkia bártni, sánit. Jeremia lei okta dain báhpain geat ledje eret Anatotis, Benjamina eatnamis. 2
1,2
2 Gon 22,1eč
Hearrá sátni bođii sutnje Juda gonagasa Jošia, Amona bártni, golbmanuppelogát ráđđenjagi 3
1,3
2 Gon 23,34eč
24,18eč
25,1eč811
ja dan áiggi go Jojakim, Jošia bárdni, lei Juda gonagas ja gitta gonagas Sidkia, Jošia bártni, oktanuppelogát ráđđenjagi lohppii. Dan jagi viđát mánus Jerusalema álbmot dolvojuvvui fáŋgavuhtii.

Ipmil rávká Jeremia profehtan

4Hearrá sátni bođii munnje:

5

1,5
Jes 49,1
Gal 1,15
Juo ovdal go mun hábmejin du

eatni heggii,

de mun dovden du.

Juo ovdal go don riegádit,

de mun basuhin du;

mun bidjen du álbmogiid profehtan.

6

1,6
2 Mos 4,10
Matt 10,19
Muhto mun dadjen: “Vuoi, Hearrá, Ipmilan, mun in máhte sárdnut; mun lean nu nuorra!” 7
1,7
2 Mos 4,11č
Esek 3,17
Dalle Hearrá celkkii munnje:

Ale daja ahte don leat nuorra,

muhto mana gosa mun vuolggahan du,

ja sártno buot maid mun gohčun du sárdnut.

8

1,8
Jes 41,10
Jer 15,20
Esek 3,9
Ale bala ovttasge,

dasgo mun lean duinna ja gájun du,

cealká Hearrá.

9

1,9
Jes 6,7
Esek 3,1–3
De Hearrá geigii gieđa, guoskkahii mu njálmmi ja celkkii munnje:

“Geahča, mun bijan sániidan du njálbmái.

10

1,10
12,14eč
18,79
26,4
27,1eč
31,28
42,10
45,4
Mun bijan du odne

álbmogiid ja riikkaid badjel

gaikut ja njeaidit,

duššadit ja cuvket,

hukset ja gilvit.”

Guokte oainnáhusa

111,11 mandelmuora hebreagiel sátni šaked sáhttá maid jorgaluvvot “son gii lea gohcimin”. Dás lea sátnestoahkan boahtte vearssa vearbbain šakad, mii mearkkaša “gozihit”.Hearrá sátni bođii munnje: “Maid don oainnát, Jeremia?” Mun vástidin: “Mun oainnán mandelmuora oavssi.” 12

1,12
Jes 55,10č
Hearrá celkkii: “Don oidnet riekta, mun áiggun gozihit ahte mu sátni ollašuvvá.”

13Hearrá sátni bođii munnje nuppádassii: “Maid don oainnát?” Mun vástidin: “Mun oainnán duoldi ruittu davvin, dat lea állut deike guvlui.” 14

1,14
4,6
6,122
25,9
1,14 oasehisvuohta sáhttá leat ahte vašálaččat fallehit davvin. Vrd. 4,6eč; 6,22; Jes 41,25.Hearrá celkkii munnje:

“Davil boahtá oasehisvuohta

buot dán eatnama ássiide.

15

1,15
39,3
52,4č
Geahča, mun rávkkan

buot davviguovllu riikkaid álbmogiid,

cealká Hearrá.

Sii bohtet ja ceggejit iešguhtege truvnnu

Jerusalema poarttaid ovdii,

gávpoga muvrraid birra

ja buot Juda gávpogiid birra.

16

1,16
2,13
7,9
11,12č
19,413
32,29
44,3č8
Mun cealkkán álbmogasan duomu

buot sin bahávuođa dihte,

danne go sii hilgo mu.

Sii bolde oaffardola eará ipmiliidda

ja rohkadalle ipmilgovaid

maid ieža leat duddjon.

17Muhto don galggat

boahkánastit alimiiddát,

čuožžilit ja sárdnut sidjiide

buot maid mun gohčun du sárdnut.

Ale bala sis,

aman mun baldit du sin ovddas.

18

1,18
15,20
Esek 3,8č
Geahča, mun dagan du odne

ladnegávpogin,

ruovdebázzin ja bronsamuvran

oppa eatnama vuostá,

Juda gonagasaid ja oaivámuččaid vuostá,

eatnama báhpaid ja álbmoga vuostá.

19Sii sohtet du vuostá,

muhto eai biđe dus,

dasgo mun lean duinna,

cealká Hearrá,

ja mun gájun du.”

2

Israela jorraleapmi

21Hearrá sátni bođii munnje: 2

2,2
Hos 11,1
Mana čuorvut Jerusalema beljiide: Ná cealká Hearrá:

Mun muittán man oskkáldas

don ledjet nuorran,

man gieris ledjet moarsin,

mo don čuvvot mu meahcis,

eatnamis gos ii oktage gilvve.

3

2,3
5 Mos 7,6eč
Sál 105,14č
Jak 1,18
Israel lei basuhuvvon Hearrái,

dat lei su álgošaddu.

Buohkat geat borre dan,

šadde sivalažžan,

oasehisvuohta deaividii sin,

cealká Hearrá.

4Gullet Hearrá sáni, Jakoba viessu,

buot Israela viesu sogat!

5

2,5
2 Gon 17,15
Hos 9,10
Rom 1,21
Ná cealká Hearrá:

Maid vearrivuođaid din áhčit gávdne mus,

go sii gáide mus eret

čuvvo guttahis ipmiliid

ja šadde ieža guttaheapmin.

6

2,6
5 Mos 32,10
Job 35,10
Eai sii jearran: “Gos lea Hearrá,

guhte buvttii min Egyptas

ja oahpistii min čađa meahci,

čađa ájuid ja skurččuid,

čađa goikkisvuođa ja moskku,

čađa eatnama gos ii oktage vádjol

ja gos ii oktage olmmoš ása?”

7

2,7
5 Mos 8,7eč
Jer 16,18
Mun dolvon din šattolaš eatnamii,

borrat dan šaddosiid ja buriid.

Muhto go dii leiddet boahtán,

de dii dagaidet mu eatnama

buhtismeahttumin

ja mu opmodaga fastin.

8

2,8
8,8
23,13č
Esek 34,1eč
Hos 4,4č
2,8 báimmanat Israela gonagasat ja oaivámuččat.Báhpat eai jearran:

“Gos lea Hearrá?”

Láhkadovdit eai beroštan mus,

báimmanat jorraledje mus eret,

profehtat profehtastalle Baala nammii.

Sii bálvaledje ipmiliid

mat eai sáhte veahkehit.

9

2,9
Hos 4,1
Mi 6,2
Dan dihte mun ain bijan din vástidit,

cealká Hearrá,

duođaid, mun bijan

din mánáidmánáidge vástidit.

10

2,10
18,13eč
Mannet kittelaččaid rittuide geahččat,

bidjet sáni Kedarii ja guorahallet dárkilit,

leago mihkkege dakkáriid dáhpáhuvvan!

11

2,11
Sál 106,20
Rom 1,23
Leago oktage álbmot

lonuhan ipmiliiddis

– vaikko vel dat eai leatge ipmilat?

Muhto mu álbmot lea lonuhan gudnis

dainna mas ii leat gudda.

12Hirpmástuva, albmi,

suorgan ja gáfestuva!

cealká Hearrá.

13

2,13
Sál 36,10
Jer 17,13
Dasgo mu álbmot lea dahkan

guokte suttu:

Sii leat guođđán mu,

ealli čázi ádjaga,

ja čuollan alcceseaset gáivvuid,

rágadeaddji gáivvuid mat eai jeage čázi.

14

2,14
2 Mos 4,22
Leago Israel šlávva,

leago son riegádan šlávvan?

Manne son šattai sálašin?

15

2,15
Jes 5,29
Ledjonat čergot ja harret sutnje,

dat leat dahkan su eatnama ávdimin.

Su gávpogat leat boldojuvvon,

ii oktage sáhte ássat dain.

162,16 Memfis Nubbi namma lea Nof, Vuolle-Egypta oaivegávpot 20 km Kairo lulábealde. Tahpanhes rádjegávpot Nileanu njálmmi nuorttabealde.Velá Memfisa ja Tahpanhesa olbmát

guhtot du oaivečohka báljisin.

17

2,17
4,18
Dát lea deaividan du

danne go don hilgot Hearrá, Ipmilat.

18Mii ávkkiid lea dutnje mannat Egyptii

juhkat Nileanu čázi?

Mii ávkkiid lea dutnje mannat Assurii

juhkat Eufrateanu čázi?

19Du bahávuohta ráŋggášta du,

du jorraleapmi dubme du.

De dovddit dalle ja oainne

man bahá ja bahča lea

go don hilgot Hearrá, Ipmilat,

itge bala mus,

cealká Hearrá Ipmil, Almmiveagaid Ipmil.

20

2,20
Jes 57,5
Jer 3,6
2,20 fieradan fuorrán bálvalan vieris ipmiliid. Vrd. Hos 2,5eč. ▶ tempelfurrošeapmi.Doloža rájes don leat doadján

iežat geassá,

botken čanastagaidat ja dadjan munnje:

“Mun in dáhto bálvalit du.”

Buot alla dieváin

ja juohke rudnes muora vuolde

don leat fieradan fuorrán.

21

2,21
Sál 80,9eč
Jes 5,1eč
Mark 12,1
Mun gilven du válljuviidnemuorran,

válljusuorgin.

Mo don dalle leat rievdan

vieris viidnemuorran?

22

2,22
Job 9,30č
Vaikko don basadivččet gutnačázis

ja geavahivččet valjis sáibbo,

de duolvvasin bissot du suttut mu čalmmiin,

cealká Hearrá Ipmil.

232,23 leagis jáhkkimis Ben-Hinnomleahki Jerusalema lulábealde. Gč. 7,31.Mo don sáhtát dadjat:

“In mun leat buhtismeahttun,

in mun leat čuvvon Baal-ipmiliid”?

Geahča luottaidat mat leat leagis,

muitte maid don leat bargan,

don fales njiŋŋelas kamela

mii ruohtadat duohkot deike,

242,24 gipmásis Masorehtalaš teavsttas lea “su mánus”. Sátni “mánnu” geavahuvvo maid čujuhit mánočalbmebeaivái, man ávvudeami eará profehtat maid cuiggodedje. Vrd. Jes 1,13č; Hos 2,11. ▶ mánočalbmebeaivi.don meahciásendámmá

mii leat hárjánan meahccái!

Don bosut gipmásis.

Gii čáskada du gimi?

Dat geat ohcet du,

eai dárbbaš rahčat váibamassii,

sii gávdnet du, go don leat gipmásis.

25

2,25
18,11č
Ale divtte julggiidat šaddat rabasin

alege čoddaga goikkisin!

Muhto don vástidat: “Divtte mu orrut!

Mun ráhkistan vieris ipmiliid,

daid maŋis mun dáhtun mannat.”

26Dego gávnnahallan suola heahpana,

nu gártet israellaččatge heahpanit,

sii ieža ja sin gonagasat,

sin oaivámuččat, báhpat ja profehtat,

27

2,27
5 Mos 32,17č
Jer 32,33
dat geat dadjet murrii:

“Don leat mu áhčči”

ja geađgái: “Don leat riegádahttán mu.”

Sii leat jorgalan munnje sealggi,

eai muođuid,

muhto go lihkuhisvuohta šaddá,

de sii čurvot:

“Boađe beastit min!”

28

2,28
5 Mos 32,37č
Jer 10,1eč
11,12č
Gos de leat du ipmilat

maid ráhkadit alccesat?

Bohtoset sii veahkehit du

lihkuhisvuođa áigge, jos sáhttet!

Dus leat ipmilat seammá ollu

go gávpogat, Juda.

29Manne dii bealkibehtet muinna?

Dii lehpet buohkat stuimmáskan mu vuostá,

cealká Hearrá.

30

2,30
1 Gon 19,10
Jer 5,3
17,23
Duššás mun cábmen din bártniid,

sii eai váldán vuostá bagadusa.

Din miehkit duššadedje profehtaid

dego speaddji ledjon.

31Dii dán buolvva olbmot,

váldet vuhtii Hearrá sáni!

Leango mun leamaš Israelii

dego ávdin meahcci,

nugo moskkusevdnjes eana?

Manne mu álbmot cealká:

“Mii viehkat gosa hálidit,

mii eat máhca šat du lusa”?

32Vajáldahttágo nieida čiŋaidis

dahje moarsi boahkánis?

Muhto mu álbmot lea vajáldahttán mu

lohkameahttun beivviid.

33Don leat čeahppi dádjadit

go siđat ráhkisvuođa!

Dan dihte don leatge hárjánan

vádjolit bahás geainnuid.

34

2,34
Jes 1,15
Du bivttashelmmiin lea

sivahis gefiid varra,

vaikko sii eai leat dutnje gávnnahallan suolan.

35Dattetge don dajat:

“Mun lean sivaheapme;

Hearrá lea vissásit jorgalan

moaris mus eret.”

Muhto mun bijan du vástidit,

danne go don dajat:

“Mun in leat suddudan.”

36Vuoi, man geahppadit don

válljet nuppi geainnu!

Egypta beahttá du,

nugo Assyriage behtii du.

37

2,37
2 Sam 13,19
Doppege don fertet vuolgit

gieđat oaivvi alde,

dasgo Hearrá lea hilgon daid

geaidda don dorvvastit.

Dat eai leat dutnje maninge ávkin.