Davvisámegiel Biibbal 2019 (Biibbal)
7

Gideon vuoitá midjanlaččaid

71

7,1
6,32
7,1 Moredievá Jisreela duolbadasa lahka.Iđedis Gideon gii gohčoduvvui maid Jerubbaalin, johttái oppa soahteveagainis ja luoitalii Harodádjaga gáddái. Midjanlaččaid soahtesiida lei su davvelis, duolbadasas Moredievá vuolde. 2
7,2
5 Mos 8,17č
Jes 10,13eč
Am 6,13
Hearrá celkkii Gideonii: “Dus leat ilá ollu olbmot fárus. Mun in atte midjanlaččaid sin gihtii, vai Israel ii beasa rámidit iežas das ahte lea vuoitán, ja dadjat: Mu iežan giehta lea beastán mu! 3
7,3
5 Mos 20,8
Gulat soahteveahkasat: Vulgos Gileadváris ruoktot juohkehaš gii lea árgi ja suorganan.” Dalle soahteveagas manne ruoktot guoktelogiguokteduhát olbmá, muhto logiduhát olbmá báhce.

4Hearrá celkkii Gideonii: “Dus leat ain ilá ollu olbmot. Doalvvo sin čáhcegáddái, de doppe mun geahččalan sin dutnje. Mun dajan dutnje, geaid galggat váldit mielddát ja geaid it oaččo váldit.” 5Gideon doalvvui soahteveagas čáhcegáddái, ja Hearrá celkkii sutnje: “Daid geat čuhket gieđain čázi dego beana, don galggat sirret dain geat čippostit juhkat.” 6Dat geat čuhke gieđain čázi, ledje golbmačuođi olbmá; buot earát čippostedje juhkat. 7

7,7
1 Sam 14,6
Hearrá celkkii Gideonii: “Dainna golmmainčuđiin olbmáin geat čuhke, mun beasttán israellaččaid ja attán midjanlaččaid du gihtii. Buot earát galget máhccat, iešguhtege ruktosis.” 8Gideon vuolggahii buot eará israellaččaid ruoktot, muhto dan golbmačuohtása son gohčui báhcit lusas. Sii válde mielddiset buot eallámušaid ja dorvviid. Midjanlaččaid soahtesiida lei duolbadasas sin vuollelis.

9Dan ija Hearrá celkkii Gideonii: “Fallet filistalaččaid soahtesiidda, mun attán dan du gihtii. 10Jos balat falleheames dan, de mana bálvaleddjiinat Purain soahtesiidii 11ja guldal maid doppe sárdnot. Dat addá dutnje roahkkatvuođa fallehit sin soahtesiidda.” Gideon ja su bálvaleaddji Pura manaiga soahtesiidii gitta ovdafávttaid rádjái. 12

7,12
6,5
Midjanlaččat, amaleklaččat ja buot Nuortaeatnama olbmát ledje luoitalan duolbadassii eatnagin dego rásselohkut, ja sin kamelat ledje lohkameahttumat dego mearragátti sáttočalmmit. 13Aiddo go Gideon bođii, de muhtun olmmái lei muitaleamen nubbái iežas niegu: “Mun niegadin niegu: Bivgeláibi fierai min siidii, bođii muhtun goađi njeaiga ja bálkestii dan veallut, ja dasa goahti gahčai.” 14Nubbi dajai: “Dat ii leat mihkkege eará go israellaš Gideona, Joaša bártni, miehkki. Ipmil lea addán min ja oppa min soahteveaga su gihtii.”

15Go Gideon gulai niegu ja dan čilgehusa, de son gopmirdii eatnamii muođuid ja rohkadalai. Dasto son máhcai Israela soahtesiidii ja dajai: “Čuožžilehket! Hearrá lea addán midjanlaččaid soahtesiidda din gihtii.” 16Son jugii dan golbmačuohtása golmma jovkui ja attii juohke olbmái dorvve, guoros ruhku ja spáidara maid galggai doallat ruhku siste. 17Son dajai sidjiide: “Go mun iežan joavkkuin lean joavdan soahtesiidda olggumuš ravdii, de galgabehtet geahččat munnje ja dahkat aiddo nugo mii dahkat. 18Go mii bosádit dorvve, de diinai galgabehtet bosádit dorvve oppa soahtesiidda birra ja čuorvut: Hearrá ja Gideona ovddas!”

197,19 idjagohcinvuorru idja ja beaivi.Gideon ja su čuođi olbmá jovde soahtesiidda olggumuš ravdii aiddo go gaskkamuš idjagohcinvuorru lei biddjojuvvon. Sii bosádedje dorvve ja cuvkejedje ruhkuid mat sis ledje gieđas. 20Dalle earáge joavkkut bosádedje dorvve, cuvkejedje ruhkuid, válde gurut gihtii spáidara ja olgeš gihtii dorvve ja čurvo: “Hearrá ja Gideona miehkki!” 21Israellaččat čužžo iešguhtege sajistis soahtesiidda birra, muhto soahtesiiddas buohkat njuikejedje čuoččat, viegadedje duohkot deike čuorvvu ja iske beassat báhtui. 22

7,22
1 Sam 14,20
7,22 Abel-Mehola, Tabbat gávpogat Gileadis, Jordana nuorttabealde.Go sii bosádedje dan golbmačuođi dorvve, de Hearrá divttii buohkaid soahtesiiddas jorgalit miehki guhtet guimmiideaset vuostá. Soahteveahka báhtarii Serera guvlui Bet-Hašittai ja gitta Abel-Mehola rádjái, Tabbata lahka. 23Naftali ja Ašera čearddaid olbmát ja oppa Manasse čearda rávkojuvvojedje doarridit midjanlaččaid.

24

7,24
3,28
12,5
Gideon vuolggahii oppa Efraima várreeatnamii áirasiid cealkit: “Bohtet soahtat midjanlaččaiguin ja váldet Jordana gálabáikkiid gitta Bet-Bara rádjái.” Buot Efraima olbmát rávkojuvvojedje, ja sii válde Jordana gálabáikkiid gitta Bet-Bara rádjái. 25
7,25
Sál 83,12
Jes 9,4
10,26
Sii válde fáŋgan Oreba ja Seeba, guokte midjanlaččaid oaivámučča. Oreba sii godde Oreba bávttis, ja Seeba sii godde Seeba viidnebohčingári luhtte. Sii doarridedje ain midjanlaččaid, ja sii bukte Oreba ja Seeba oivviid Gideonii Jordana nuppe beallái.

8

Gideon Israela duopmárin

81

8,1
12,1
Efraimlaččat dadje Gideonii: “Manin don dahket midjiide ná? Manin it rávkan min fárrui, go vulget soahtat midjanlaččaiguin?” Sii láite Gideona garrasit, 2muhto son dajai sidjiide: “Leango mun mahkáš dahkan juoidá mii livččii veardideames din dahkun? Almma Efraima maŋŋerádjange lea buoret go Abiesera oppa viidnemuorječoaggin! 3Din gihtiihan Ipmil attii midjanlaččaid oaivámuččaid Oreba ja Seeba. Maid mun lean olahan din ektui?” Go son sártnui ná, de sii sožžo.

4Gideon bođii Jordangáddái ja rasttildii eanu golmmainčuđiin olbmáinis. Doarrideapmi lei váibadan sin, 58,5 Sebah, Salmunna soaitá leat bilkideaddji sátnestoahkan. Hebreagillii sebah mearkkaša “oaffarealli”, “njuovvanoaffar”, ja salmunna mearkkaša “biehttalit suodjaleames”.ja Gideon dajai Sukkota olbmáide: “Addet láibbi dáidda mu olbmáide. Sii leat váiban. Mii leat doarrideamen midjanlaččaid gonagasaid Sebaha ja Salmunna.” 6Muhto Sukkota oaivámuččat vástidedje: “Leabago Sebah ja Salmunna juo du gieđas, go mii galggašeimmet addit láibbi du soahtevehkii?” 7Dalle Gideon dajai: “Go Hearrá addá Sebaha ja Salmunna mu gihtii, de mun cápmán din bastilislánjáiguin ja gáskálasaiguin.” 8Gideon manai das Penuelii ja bivddii sisnai láibbi, muhto Penuela olbmát vástidedje sutnje seammá láhkái go Sukkota olbmát. 9Dalle Gideon dajai Penuela olbmáide: “Go mun máhcan vuoitin, de mun gaikkodan din toartna.”

10Sebah ja Salmunna leigga Karkoris oktan soahteveagaideaskkaguin, sullii vihttanuppelohkáiduhát olbmáin. Dat lei visot mii lei báhcán Nuortaeatnama álbmogiid soahteveagas; čuođiguoktelogiduhát olbmá ledje gahččan soađis. 11Gideon manai karavánabálgá Nobaha ja Jogbeha nuorttabeale ja fallehii soahteveaga mii lei vuoiŋŋasteamen oadjebassan. 12Midjanlaččaid gonagasaguovttos Sebah ja Salmunna báhtareigga, muhto Gideon doarridii sudno, válddii sudno fáŋgan ja suorggahii oppa sudno soahteveaga.

13Gideon, Joaša bárdni, máhcai soađis Heresgorgŋehaga bokte. 14Son fáhtii sukkotlaš nuorra olbmá ja gažadii su. Olmmái čálii Gideonii Sukkota njunnošiid ja vuorrasiid namaid; sii ledje oktiibuot čiežalogičiežas. 15Dasto Gideon manai Sukkota olbmáid lusa ja dajai: “Dá de leaba Sebah ja Salmunna, geaid dihte dii hiddjideiddet mu. Diihan dajaidet: Sebaha ja Salmunna čorpmat leat gusto juo du gieđas, go mii galgat addit láibbi du váiban olbmáide.” 16De son dohppii Sukkota vuorrasiid ja cápmii sin bastilislánjáiguin ja gáskálasaiguin. 17Penuela toartna son gaikkodii ja gávpoga olbmáid gottii.

18Dasto Gideon jearai Sebahis ja Salmunnas: “Makkárat ledje dat olbmát geaid doai gottiide Taboris?” Soai vástideigga: “Sii ledje nugo don. Juohkehaš lei gonagasa bártni hápmásaš.” 19Gideon dajai sudnuide: “Sii ledje mu vieljat, eadnán bártnit. Nu duohta go Hearrá eallá, jos livččiide diktán sin eallit, de mun in gottáše dudno.” 20Dasto son dajai Jeterii, iežas vuosttašriegádeaddjái: “Gotte sudno!” Muhto bárdni ii rohtten miehkis; son lei balus, sonhan lei ain bárdnelunttaš. 21

8,21
9,54
Sál 83,12
Dalle Sebah ja Salmunna dajaiga: “Gotte ieš munno! Olbmás lea olbmá givrodat.” Gideon gottii Sebaha ja Salmunna ja válddii dasto mánnobealčiŋaid sudno kamelaid čeabehis.

22Israellaččat dadje Gideonii: “Don leat beastán min midjanlaččaid gieđas. Riema dál min ráđđejeaddjin! Maiddái du bárdni ja bártni bárdni ožžot ráđđet min du maŋŋil.” 23

8,23
1 Sam 8,7
12,12
Muhto Gideon dajai: “Mun in riema din ráđđejeaddjin, eaige mu bártnitge šatta din ráđđejeaddjin. Hearrá lea din ráđđejeaddji.”

24Gideon dajai vel sidjiide: “Mun bivddán din addit munnje rieggáid maid válddiidet sálašin.” Midjanlaččat oainnat atne gollebealljerieggáid, siihan ledje ismaellaččat. 25

8,25
2 Mos 32,2eč
Sii vástidedje: “Mii addit daid dutnje millosit.” Sii lebbejedje biktasa man ala buohkat bálkestedje rieggáid maid ledje váldán sálašin. 268,26 duhátčiežačuođi šekela sullii 19,4 kilo.Gollerieggát maid Gideon lei bivdán, dedde duhátčiežačuođi šekela; dasa lassin ledje vel mánnobealčiŋat ja goaikkanasčiŋat, midjanlaš gonagasaid purpurbiktasat ja kamelaid čeabetviđjjit. 278,27 efoda dán oktavuođas soaitá leat bázzi, gč. Duop 17,5. ▶ efod.Gollis Gideon duddjui efoda ja ceggii dan iežas gávpogii Ofrai. Israellaččat atne dan eahpeipmilbálvalusas, ja dat šattai giellan Gideonii ja su sohkii.

28

8,28
3,113,30
Go midjanlaččat ledje vuoittáhallan israellaččaide, de sii eai šat goassege ožžon ovddeš fámuset. Israelis lei ráfi njealljelogi jagi, nu guhká go Gideon elii.

29Gideon, Joaša bárdni, gii gohčoduvvui maid Jerubbaalin, máhcai ruovttugávpogasas ja ásai doppe. 30Sus ledje čiežalogi bártni; sus ledje ollu áhkát. 31Maiddái su liigeáhkká gii ásai Sikemis, riegádahtii sutnje bártni. Gideon gohčui bártni Abimelekin. 32Gideon, Joaša bárdni, jámii boarisin, ja son hávdáduvvui áhčis Joaša hávdái abieserlaččaid Ofrai.

33

8,33
2,11+
8,33 Baal-Berit Hebreagiela mielde “lihtu hearrá”, Baala namma, soaitá danin go dat rávkojuvvui lihtu várjaleaddjin, vai lihtu eavttut dollojuvvojit. Gč. 9,46.Go Gideon lei jápmán, de israellaččat eai lean šat oskkáldasat Hearrái, muhto bálvališgohte Baal-ipmiliid ja válde Baal-Berita iežaset ipmilin. 34Sii vajáldahtte Hearrá, Ipmileaset, gii lei gádjon sin buot vašálaččain geat ledje sin birra. 35
8,35
9,16
Sii eai lean oskkáldasat Gideona sohkiige, vaikko son lei dahkan ollu buriid Israelii.

9

Abimeleka gonagasvuohta

91

9,1
8,31
Abimelek, Jerubbaala bárdni, manai Sikemii eatnis vieljaid lusa. Son bivddii sin ja oppa iežas eatni beale soga 2jearrat Sikema olbmáin: “Goabbá lea din mielas buoret, datgo ahte din ráđđejit čiežalogi olbmá, buot Jerubbaala bártnit, vai dat ahte din ráđđe okta olmmái? Muitet ahte mun lean din oažži ja varra.” 3Su eatni vieljat sárdno su beales Sikema olbmáide. Sin váibmu sojai Abimeleka beallái, ja sii dadje: “Son lea min viellja.” 4
9,4
8,33
11,3
Sii adde Abimelekii Baal-Berita tempelis čiežalogi šekela silbba, ja daiguin son bálkáhii alccesis joavdelas ja heabuhis olbmáid. 5
9,5
9,53
2 Gon 10,7
11,1
Dasto son vulggii áhčis ruktui Ofrai ja gottii doppe ovttat geađggi ala buot vieljaidis, Jerubbaala čiežalogi bártni. Dušše Jotam, Jerubbaala nuoramus bárdni, bázii heggii, danne go son lei čiehkádan. 6
9,6
Jos 24,26č
9,6 Bet-Millo Sikema ladni. >2 Sam 5,9.Das maŋŋil Sikema ja Bet-Millo olbmát čoahkkanedje Sikema Geađgebázzeterebintta lusa ja dahke Abimeleka gonagassan.

7Go dat muitaluvvui Jotamii, de son goarkŋui Garisimvári čohkkii, bajidii jienas ja čuorvvui:

Gullet mu, Sikema olbmát,

vai Ipmil gulašii din!

8Oktii muorat mearridedje vuoidat

alcceseaset gonagasa.

Dat dadje oliivamurrii:

“Álgge midjiide gonagassan!”

9Muhto oliivamuorra vástidii:

“Galggašingo mun luoitit mannat

iežan buoiddes máihlli

mainna ipmilat ja olbmot

gudnejahttojuvvojit,

vai beasašin sugadit

eará muoraid bajábealde?”

10De muorat dadje fiikonmurrii:

“Álgge don midjiide gonagassan!”

11Muhto fiikonmuorra vástidii:

“Galggašingo mun luoitit mannat

iežan njálgga ja buriid šaddosiid

vai beasašin sugadit

eará muoraid bajábealde?”

12De muorat dadje viidnemurrii:

“Álgge don midjiide gonagassan!”

13

9,13
Sál 104,15
Muhto viidnemuorra vástidii:

“Galggašingo mun luoitit mannat iežan máihlli

mii illudahttá ipmiliid ja olbmuid,

vai beasašin sugadit

eará muoraid bajábealde?”

14

9,14
2 Gon 14,9
9,14 bastilislátnjái Oliivamuoras lei árvu; bastilislátnjá lei árvvohis miestta.De buot muorat dadje bastilislátnjái:

“Álgge don midjiide gonagassan!”

15Bastilislátnjá dajai muoraide:

“Jos dii duođaid dáhttubehtet vuoidat mu

iežadet gonagassan,

de bohtet ohcat suoji mu suoivanis.

Muhto jos ehpet,

de bastilislánjás vuolgá dolla

mii loaktá buot Libanona sederiid.”

16Gullet! Lehpetgo dii meannudan rehálaččat ja vuoiggalaččat, go dagaidet Abimeleka gonagassan? Lehpetgo dii dahkan riekta Jerubbaalii ja su bearrašii, lehpetgo dii addán sutnje dan bálkká maid su dagut ánssášedje? 17

9,17
6,33–8,28
Mu áhčči soađai din ovddas iige beroštan iežas heakkas, ja gájui din midjanlaččaid gieđas. 18Muhto dii lehpet odne čuožžilan áhččán bearraša vuostá, lehpet goddán su čiežalogi bártni ovttat geađggi ala ja dahkan Sikema gonagassan su šlávvanissona bártni, Abimeleka, dušše danin go son lea din viellja! 19Jos dii lehpet leamaš rehálaččat ja dahkan vuoiggalaččat Jerubbaalii ja su bearrašii odne, de illudehket Abimeleka dihte, ja diktet su illudit din dihte. 20Muhto jos ehpet leat, de Abimelekis vuolgá dolla mii loaktá Sikema olbmáid ja Bet-Millo ássiid, ja Sikema olbmáin ja Bet-Millo ássiin vuolgá dolla mii loaktá Abimeleka.

21Dasto Jotam báhtarii Beerii ja ásai dohko, vai su viellja Abimelek ii fáhte su.

22Go Abimelek lei ráđđen israellaččaid golbma jagi, 23

9,23
1 Sam 16,14
18,10
19,9
1 Gon 22,23
Jes 19,14
29,10
de Ipmil vuolggahii bahás vuoiŋŋa Abimeleka ja Sikema olbmáid gaskii, ja sikemlaččat stuimmáskedje Abimeleka vuostá. 24Nu dáhpáhuvai, vai veahkaváldi Jerubbaala čiežalogi bártni vuostá mávssahuvvo sin villjii Abimelekii gii gottii sin, ja Sikema olbmáide geat ledje veahkehan su goddit iežas vieljaid. 25Sikema olbmát dáhtto vahágahttit Abimeleka ja bidje várrečohkaide olbmáid vuođgŋit ja rievidit buohkaid geat johte meaddel. Dat dieđihuvvui Abimelekii.

269,26 Gaal olmmái gii dáhtui oažžut fámu ja hásttuhii Sikema olbmuid vuostálastit Abimeleka.Gaal, Ebeda bárdni, bođii vieljaidisguin Sikemii, ja Sikema olbmát luohttigohte sutnje. 27Oktii go sii ledje rádjan šattu viidnegárddiin ja duolbman viidnemurjjiid, de sii lágidedje ávvudoaluid. Sii manne ipmileaset vissui, borre, juhke ja garuhišgohte Abimeleka. 28

9,28
1 Mos 34,2
Gaal, Ebeda bárdni, dajai: “Mii lea Abimelek, ja manin sikemlaččat galggašedje bálvalit su? Iigo son leat Jerubbaala bárdni, ja iigo Sebul leat dáppe su fáldin? Bálvalehket daid olbmáid geat leat Hamora, Sikema máttaráhči, nális! Manin mii galggašeimmet bálvalit Abimeleka? 29Juos mun beasašin ráđđet dán álbmoga, de mun ájášin Abimeleka eret. Mun dajašin sutnje: Čohkke stuorit soahteveaga ja boađe soahtat!”

30Sebul, gávpoga oaivámuš, gulai maid Gaal, Ebeda bárdni, lei dadjan. Son moaráskii 31ja vuolggahii suoli áirasiid Abimeleka lusa muitalit: “Gaal, Ebeda bárdni, ja su vieljat leat boahtán Sikemii, ja dál sii háhttejit gávpoga du vuostá. 32Vuolgge veagainat johtui otná ija ja orus meahccái vuođgŋit. 33Fallet gávpoga árrat iđedis go beaivváš badjána. Dalle Gaal veagainis vuolgá soahtat duinna, ja don beasat dahkat sutnje maid dáhtut.”

34Abimelek ja oppa su veahka vulge johtui ihkku ja vuođgŋigohte Sikema njealljin joavkun. 35Go Gaal, Ebeda bárdni, bođii gávpogis ja čuoččastii gávpotpoartta uksanjálbmái, de Abimelek ja su veahka čuožžiledje vuođgŋinsajiineaset. 36Dalle Gaal oinnii sin ja dajai Sebulii: “Geahča, olbmot njidjet váriin!” Sebul vástidii: “Eai dat leat eará go váriid suoivanat maid don gáttát olmmožin.” 37Muhto Gaal dajai fas: “Geahča, olbmot njidjet Eananguovddážis, ja nubbi veahkagis Mearkačilgejeaddjiterebintta guovllus!” 38Dalle Sebul dajai sutnje: “Gos dál leat du stuorra ságat? Donhan dadjet: Mii lea Abimelek, ja manin mii galggašeimmet bálvalit su? Die de leat dat olbmot geaid don uhcášit. Mana dal soahtat singuin!” 39Ja Gaal vulggii Sikema olbmáid njunnošis soahtat Abimelekiin. 40Muhto Abimelek časkkii su ruoktot, ja son báhtarii. Eatnagat gottáhalle, ja vel gávpotpoartta luhttenai ledje ollu gahččan olbmot. 41Abimelek manai Arumai, muhto Sebul ájii Gaala ja su vieljaid Sikemis.

42Maŋit beaivvi sikemlaččat vulge bealdduidasaset, ja dat muitaluvvui Abimelekii. 43Son jugii soahteveagas golmma jovkui ja vuođgŋigođii gávpoga lahkosis. Go son oinnii ahte sikemlaččat ledje boahtán olggos gávpogis, de son fallehii sin ja gottii sin. 44Abimelek ja su olbmát manne hoahpus gávpotpoartta ovdii ja gokče poartta. Dan botta dat guokte eará joavkku fallehedje daid geat ledje joavdan bealdduidasaset, ja godde sin. 45

9,45
Sál 107,34
Jer 17,6
Go Abimelek lei soahtan geažos beaivvi, de son válddii gávpoga ja gottii dan olbmuid. Son gaikkui gávpoga eatnamii ja botkkuhii sáltti dan sadjái.

46

9,46
8,33
Go Sikema ladni ássit gulle dan, de sii manne El Berita tempela geallárii. 47Go Abimelekii muitaluvvui ahte buot Sikema ladni ássit ledje čoagganan ovtta sadjái, 48de son goarkŋui oppa veagainis Salmonvárrái. Doppe son čuolastii ákšuin muorraoavssi, bijai dan oalggi ala ja dajai iežas vehkii: “Dahket hoahpus seammá maid oinniidet mu dahkamin!” 49Juohkehaš čuolastii alccesis oavssi ja čuovui Abimeleka. Sii bidje ovssiid geallára ala ja cahkkehedje daid, nu ahte geallir buollái ja olbmot dušše. Nu jápme buot Sikema ladni olbmot, árvvu mielde duhát olbmá ja nissona.

50De Abimelek manai Tebesii, birastahtii gávpoga ja válddii dan. 51Guovdu gávpoga lei nana ladnetoardna, ja buot gávpoga ássit, olbmát ja nissonat, báhtaredje dohko, gokče poartta ja gorgŋo gáhtu ala. 52Abimelek fallehišgođii toartna. Muhto go son lei boahtán toardnapoartta gurrii ja áiggui buolláhit dan, 53

9,53
2 Sam 11,21
de muhtun nisson bálkestii millogeađggi su oaivái, ja su oaiveskálžu cuovkanii. 54
9,54
1 Sam 31,4
Abimelek čuorvvui vearjoguoddásis: “Rohtte miehki ja gotte mu, vai ii oktage beasa dadjat ahte nisson gottii mu.” Ja bálvaleaddji čuggii su jámas.

55Go israellaččat oidne ahte Abimelek lei jápmán, de sii manne iešguhtege ruktosis.

56Nu Ipmil mávssahii Abimelekii dan bahá maid son lei dahkan áhčis vuostá go gottii iežas čiežalogi vielja, 579,57 garuhus Gč. v. 20.ja Sikema olbmáide dan bahá maid sii ledje dahkan. Ipmil jorgalii sin bahávuođa sin iežaset oaivái. Nu sin deaividii Jotama, Jerubbaala bártni, garuhus.