Tola ja Jair
101Abimeleka jápmima maŋŋil Israela gáddjun čuožžilii isaskarlaš Tola, Pua bárdni ja Dodo áddjut. Son ásai Šamiris Efraima várreeatnamis. 2Son lei duopmárin Israelis guoktelogigolbma jagi. De son jámii ja hávdáduvvui Šamirii. 3Su maŋŋil Israela duopmárin šattai gileadlaš Jair gii lei duopmárin guoktelogiguokte jagi. 4
1 Muit 2,22
Sus ledje golbmalogi bártni geat riidejedje golmmainlogiin ásenoriin, ja sis ledje Gileadis golbmalogi gávpoga maid vel odnenai gohčodit Jaira siidan. 5Jair jámii, ja son hávdáduvvui Kamonii.
Ammonlaččat áŧestit Israela
6
Israellaččat dahke vuot dan mii lea bahá Hearrá čalmmiin. Sii bálvaledje Baal-ipmiliid ja Astarte-ipmiliid ja velá aramealaččaid, sidonlaččaid, moablaččaid, ammonlaččaid ja filistalaččaid ipmiliid. Sii hilgo Hearrá eaige šat bálvalan su. 7
Dalle Hearrá moaráhuvai Israelii ja attii sin filistalaččaid ja ammonlaččaid gihtii.
8Ammonlaččat áŧestedje ja sorde gávccinuppelohkái jagi daid israellaččaid geat ásse Jordana don bealde Gileadis, amorlaččaid eatnamis. 9De sii bohte Jordana rastá ja fallehedje Juda, Benjamina ja Efraima čearddaid olbmuid. Israel lei stuorra áŧestusas. 10
Dalle israellaččat čurvo Hearrái ja dadje: “Mii leat suddudan du vuostá, mii leat hilgon Ipmileamet ja bálvalan Baal-ipmiliid.” 11Hearrá celkkii sidjiide: “Go egyptalaččat, amorlaččat, ammonlaččat, filistalaččat, 12sidonlaččat, amaleklaččat ja midjanlaččat sorde din, de dii čuorvvuidet munnje, ja mun gádjon din sin gieđas. 13
Muhto dii hilgguidet mu ja bálvališgođiidet eará ipmiliid. Dan dihte mun in šat gájo din. 14
Jer 2,28
Čurvot dal daidda ipmiliidda maid lehpet válljen. Gádjoset dat din go lehpet heađis.” 15
Israellaččat dadje Hearrái: “Mii leat suddudan. Daga midjiide maid anát buorrin, go fal dán háve gájut min.” 16
Jos 24,23
1 Sam 7,4
Sii jávkadedje vieris ipmiliiddiset ja bálvaledje fas Hearrá. Dalle Hearrá ii šat gierdan oaidnit israellaččaid gillámuša.
17Ammonlaččat rávkojuvvojedje čoahkkái, ja sii dahke soahtesiidda Gileadii. Dalle israellaččatnai čoahkkanedje, ja sii dahke soahtesiidda Mispai. 18Gileadlaččat ja sin oaivámuččat dadje guhtet guoibmáseaset: “Dat gii ovddimustá vuolgá soahtat ammonlaččaiguin, šaddá Gileada ássiid oaivámužžan.”