41
1 Pet 2,11
Mas boahtá nu ollu bealku ja soahti din gaskii? Iigo dat boađe din himuin mat sohtet din rupmašis? 2Dii anistuvvabehtet, muhto dis ii leat, dii lehpet nu gáhtašat ahte measta gottestuvvabehtet, muhto ehpet sáhte oažžut. Dii riidalehpet ja doarrubehtet, muhto dis ii leat mihkkege, danne go dii ehpet áno. 3Dii átnubehtet, muhto ehpet oaččo, danin go dii átnubehtet boastut, vai beassabehtet duhtadit visot iežadet himuin.
4
Matt 6,24
Joh 15,19
17,14
Rom 8,7
1 Joh 2,15
4,4 dii oskkáldasmeahttumat greikkagiel teavsttas sánis sátnái: “dii náittosdili rihkkut”. Vrd Hos 1–3.Dii oskkáldasmeahttumat! Ehpetgo dii dieđe ahte máilmmi ustitvuohta lea vašálašvuohta Ipmilii? Gii dáhttu leat máilmmi ustit, dat šaddá Ipmila vašálažžan. 5
4,5 Sitáhta gáldu ii leat dovddus.Dahje gáddibehtetgo ahte čála duššás cealká: “Áŋgirit Ipmil áibbaša dan vuoiŋŋa maid lea diktán orrut min siste”? Muhto velá stuorit lea árbmu maid son addá. 6
1 Pet 5,5
Dan dihte celkojuvvo: Ipmil vuosttalda čeavlás olbmuid, muhto vuollegaččaid son árpmiha. 7
1 Pet 5,8č
Lehket dan dihte Ipmilii vuolibuččat, muhto vuosttaldehket beargalaga, de dat heaitá din áŧesteames. 8
Sak 1,3
4,8 Buhtistehket gieđaideattet … iežadet váimmu Ovdal go olbmot besse bassibáikái de sii fertejedje buhtistuvvot. ▶ buhtisvuohta.Lahkanehket Ipmilii, de son lahkana didjiide. Buhtistehket gieđaideattet, suttolaččat, buhtistehket iežadet váimmu, dii geat guovttádastibehtet! 9
Moraštehket, čirrot ja váidalehket! Nuppástuvvos din boagusteapmi morašin ja din illu šlundivuohtan. 10
1 Pet 5,6
Vuollánehket Hearrá ovdii, de son din alida.
11
Matt 7,1eč
Vieljažiiddán, allet sártno baháid guhtet guimmiideattet birra. Dat gii sárdnu baháid vieljas birra dahje dubme vieljas, sárdnu baháid lága birra ja dubme lága. Muhto jos dubmet lága, de don it leat lága dahkki, muhto dan duopmár. 12
14,4
Lea dušše okta láhkaaddi ja duopmár, son geas lea fápmu beastit ja duššadit. Muhto gii don leat, gii dubmet iežat lagamučča?
Várrehus rámppaide ja riggáide
13
Luk 12,16eč
Gullet dii geat dadjabehtet: “Odne dahje ihttin mii vuolgit dan dahje don gávpogii, orrut doppe jagi, gávppašit ja dinet ruđaid”, 14
dii ehpet dieđe mo din eallin lea ihttin. Dii lehpet dušše mierká mii lea oidnosis oanehis áiggi ja de jávká. 15
Rom 1,10
1 Kor 4,19
16,7
Dii galggašeiddet baicca dadjat: “Jos Hearrá dáhttu, de mii eallit ja dahkat dán dahje duon.” 16Muhto dii rámpobehtet iežadet ja čevllohallabehtet. Buot diekkár rápmi lea bahá. 17
Dat gii diehtá dahkat dan mii lea buorre, muhto ii daga dan, son sudduda.
51
Gullet, dii riggát! Čirrot ja luibmet vártnuhisvuođa mii din deaivida. 2
Din riggodat guohcaga ja din biktasiid borrá muohcu. 3Din gollit ja silbbat leat giimmagan. Daid giimma duođašta din vuostá ja borrá din oačči dego dolla. Dii lehpet čohkken riggodagaid dáid maŋimuš áiggiid. 4
Jes 5,9
5,4 Hearrá, Almmiveagaid Ipmila Ipmilnamma JHWH Sebaot jorgaluvvo dábálaččat Boares Testamenttas: “Almmiveagaid Ipmil”. ▶ Hearrá, Almmiveagaid Ipmil.Dii lehpet doallan bálkká bargiin geat leat láddjen din bealdduid. Gullet: Dat bálká čuorvu albmái, ja ládjobargiid čuorvvas lea ollen Hearrá, Almmiveagaid Ipmila, beljiide. 5
Luk 16,19eč
Dii lehpet eatnama alde eallán badjelmearálašvuođas ja mearihisvuođas. Njuovvanbeaivvi dii lehpet buoidudan váimmuideattet. 6
Apd 7,52
Dii lehpet dubmen ja goddán vanhurskkis olbmo, iige son vuosttal din.
Vurdet Hearrá gierdavaččat
7
Luk 21,19
Hebr 10,36č
5,7 čakčaarvvi ja giđđaarvvi Gilvináigi lei skábmamánus go čakčaarvi álggii, ja ládju bođii giđđaarvvi maŋŋil cuoŋománus ja miessemánus. mánut.Lehket dan dihte gierdavaččat, vieljažiiddán, gitta Hearrá boahtima rádjái. Maiddái eanadoalli vuordá eatnama mávssolaš šattuid ja vuorddilda gierdavaččat dassážii go dat ožžot čakčaarvvi ja giđđaarvvi. 8
Fil 4,5+
Lehket maiddái dii gierdavaččat ja arvvosmahttet váimmodet, danne go Hearrá boahtin lea lahka. 9
Vieljažiiddán, allet váidal guhtet guimmiideattet, amadet dubmejuvvot. Duopmár čuožžu uksanjálmmis. 10
Matt 5,12
23,30eč
Apd 5,41
7,52
Vieljažiiddán, atnet baháid gillámis ja gierdavašvuođas ovdagovvan profehtaid geat leat sárdnon Hearrá nammii. 11
42,10eč
Sál 103,8
Jak 1,12
Daid geat gillájit gierdavaččat, mii máidnut ávdugassan. Dii lehpet gullan Joba gierdavašvuođa birra ja lehpet oaidnán, makkár loahpa Hearrá dasa attii, dasgo Hearrá árkkálmastá ja árpmiha.
12
Ovddimustá, vieljažiiddán, allet vuortno, allet almmi bokte, allet eatnama bokte alletge mange eará bokte. Go mieđihehpet, de dadjet dušše juo, ja go biehttalehpet, de dadjet eat. Muđui din deaivida duopmu.
Rohkadusa fápmu
13
Kol 3,16
Jos muhtun dis gillá, de rohkadallos; jos muhtun lea ilus, de lávlos máidnunlávlagiid. 145,14 searvegotti vuorrasiid ▶ vuorrasat. vuoidat su oljjuin Oliivaolju adnojuvvui háviide ja symbolan heaggaaddi fámuide, omd. rohkos buhcciid ovddas. Gč. Mark 6,13.Jos muhtun dis lea buozus, de rávkos lusas searvegotti vuorrasiid. Sii galget vuoidat su oljjuin Hearrá nammii ja rohkadallat su ovddas, 15
ja oskku rohkadus buorida buohcci. Hearrá čuoččáldahttá su, ja jos son lea suddudan, de son oažžu ándagassii.
16
Dovddastehket dan dihte suttuid guhtet guoibmáseattet ja rohkadallet guhtet guimmiideattet ovddas, vai šaddabehtet dearvvašin. Vanhurskkis olbmo rohkadus lea fámolaš ja duddjo ollu. 17
Luk 4,25
Elia lei seammalágáš olmmoš go mii. Go son rohkadalai gierdavaččat ahte ii arvváše, de ii arván eatnama ala golmma jahkái ja guđa mánnui. 18
Go son fas rohkadalai, de albmi attii arvvi ja eanan šaddadii fas šattuid.
19
Vieljažiiddán, jos muhtun dis čádjida duohtavuođas ja nubbi oahpista su ruoktot, 20
1 Pet 4,8
de dihtet dán: Gii oahpista suttolačča ruoktot čádjádusa geainnus, dat beastá su jápmimis ja čiehká suttuid eatnatvuođa.