Jakob 2 - Davvisámegiel Biibbal 2019 (Biibbal)

Davvisámegiel Biibbal 2019 (Biibbal)

Riggát ja geafit

2¹

2,1

Joh 17,1
1 Kor 2,8
Vieljažiiddán, dii geat oskubehtet Hearráseamet Jesus Kristusii, hearvásvuođa Hearrái, allet geahča olbmo hápmái. ²2,2 čoakkalmassii sáhttá maid jorgaluvvot “synagogii”. Sátni adnojuvvo kristtalaš searvegotti birra dušše dán vearssas olles Ođđa Testamenttas.Jurddašehket ahte din čoakkalmassii boahtá olmmái gii lea gárvodan čáppa biktasiid ja geas lea gollen suorpmas, ja oktanaga suinna maiddái geafes olmmái gii lea gárvodan duolva biktasiid. ³Jos dii atnibehtet stuorit árvvus dan geas leat čáppa biktasat, ja dadjabehtet sutnje: “Čohkket dása, dá lea buorre sadji”, muhto geafes olbmái: “Čuoččo don dies”, dahje “Čohkán dása láhttái mu julggiid gurrii,” ⁴de almma dii dalle lehpet sivalaččat olbmuid vealaheapmái? Almma dii dalle lehpet šaddan duopmárin ja dubmebehtet vuoigatmeahttumit?

⁵

2,5

Luk 6,20
1 Kor 1,26
2,9
Gullet, ráhkis vieljažiiddán: Almma Ipmil lea válljen daid geat máilmmi čalmmiin leat geafit, leat riggát oskkus ja árbet dan riikka maid son lea lohpidan daidda geat su ráhkistit? ⁶

2,6

1 Kor 11,22
Muhto dii heahppášuhttibehtet geafes olbmo. Eaigoson aiddo riggát din vealat ja gease din dikki ovdii? ⁷Eaigoson aiddo sii bilkit dan buori nama mii lea celkojuvvon din badjelii?

⁸

2,8

3 Mos 19,18
Rom 13,8č+
Jos dii ollašuhttibehtet lága gonagaslaš báhkkoma nugo dat lea čállagiin: Ráhkis lagamuččat nugo iežat, de dahkabehtet riekta. ⁹

2,9

5 Mos 1,17
Muhto jos dii geahččabehtet olbmo hápmái, de dii suddudehpet, ja láhka cuoigu din rihkkun. ¹⁰

2,10

Matt 5,19
Gal 3,10
Dat gii muđui doallá lága muhto rihkku dan ovtta sajis, lea rihkkon buot báhkkomiid. ¹¹

2,11

2 Mos 20,13č
Son gii celkkii: Don it oaččo rihkkut náittosdili, celkkii maiddái: Don it oaččo goddit. Vaikko it rihkoše náittosdili, de don leat láhkarihkku, jos gottát. ¹²

2,12

1,25+
Friddjavuođa lága mielde dii dubmejuvvobehtet; atnet dan muittus maid ain sárdnubehtet dahje dahkabehtet. ¹³

2,13

Matt 5,7
18,28eč
Luk 6,36
Duopmu lea árpmuheapme dasa gii ii leat leamaš váibmoláđis, muhto váibmoláđisvuohta vuoitá duomu.

Osku ja dagut

¹⁴

2,14

Matt 7,21
Gal 5,619eč
Vieljažiiddán, mii ávkkiid das lea jos muhtun dadjá ahte sus lea osku, muhto sus váilot dagut? Sáhttágoson osku su beastit? ¹⁵

2,15

Matt 25,35č
1 Joh 3,17č
Jos din vieljas dahje oappás eai leat biktasat dahje sus váilu beaivválaš biebmu, ¹⁶mii ávkkiid dalle lea dadjat: “Mana ráfis, biktal iežat ja bora gallás”, jos dii ehpet atte sutnje maid su rumaš dárbbaša? ¹⁷Nu lea maiddái osku. Iešalddis, almmá daguid haga, dat lea jápmán.

¹⁸Muhtun veadjá dadjat: “Dus lea osku, mus fas dagut.” Čájet munnje iežat oskku almmá daguid haga, de mun čájehan dutnje iežan oskku daguinan. ¹⁹

2,19

Matt 8,29
Luk 4,34
Don oskkut ahte Ipmil lea okta. Das don barggat riekta – bahás vuoiŋŋatge dan oskot ja doarggistit. ²⁰Muhto itgo don duššálaš olmmoš ádde ahte osku almmá daguid haga lea ávkkeheapme? ²¹

2,21

1 Mos 22,9eč
Almmá min áhčči Abraham dahkkojuvvui vanhurskkisin daguidis vuođul, go son bijai bártnis Isaka oaffarin áltára ala? ²²

2,22

Hebr 11,17
Don ipmirdat ahte osku duddjui oktan su daguiguin ja ahte daguin su osku šattai ollisin. ²³

2,23

1 Mos 15,6
2 Muit 20,7
Jes 41,8
Rom 4,3
Gal 3,6
Dalle ollašuvai dát čálabáiki: Abraham oskkui Ipmila lohpádussii, ja Ipmil anii su vanhurskkisin, ja son gohčoduvvui Ipmila ustibin. ²⁴Dii ipmirdehpet ahte olmmoš adnojuvvo vanhurskkisin daguidis, ii dušše oskkus vuođul. ²⁵

2,25

Jos 2
Hebr 11,31
Aiddo daguinis maiddái fuorrá Rahab čájehii iežas vanhurskkisin, go son válddii lusas áirasiid ja veahkehii sin eret nuppi geainnu. ²⁶

2,26

2,1720
Nugo rumaš lea jápmán almmá vuoiŋŋa haga, nu maiddái osku lea jápmán almmá daguid haga.

Käännökset

Riggát ja geafit

Osku ja dagut