Davvisámegiel Biibbal 2019 (Biibbal)
61

Árpmu jahki

611

61,1
Sál 34,19
51,19
Jes 11,2
57,15Luk 4,18eč
Hearrá Ipmila vuoigŋa lea mu badjelis,

danin go son lea vuoidan mu.

Son lea vuolggahan mu

gulahit illusága vártnuhemiide,

buoridit daid geaid váibmu lea cuovkanan,

almmuhit friddjavuođa fáŋggaide

ja bestojumi daidda geat leat láhkkiin,

2

61,2
63,4
Matt 5,4
11,28
Luk 6,21
gulahit Hearrá árpmu jagi,

min Ipmila mávssaheami beaivvi,

jeđđet buohkaid geat moraštit,

3

61,3
51,3
60,21
Jer 17,8
addit Siona morašteddjiide

oaivečiŋa gunaid sadjái,

ilu oljju morašgárvvuid sadjái

ja ávvulávlaga dorvvuhisvuođa sadjái.

Sii gohčoduvvojit

Vanhurskkisvuođa áikan,

Hearrá gilvvagárdin

maid son ieš lea gilván

vai beassá čájehit

iežas hearvásvuođa.

4

61,4
58,12
Sii huksejit fas boares

viessobázahasaid,

divvot dan mii áigá juo lea gahččan,

huksejit ođđasis

hearjiduvvon gávpogiid

mat leat orron ávdimin buolvvas bulvii.

5

61,5
14,1č
Vierrásat guođohit din ealuid,

vierroolbmot dikšot

din bealdduid ja viidnegárddiid.

6

61,6
2 Mos 19,6
Jes 66,21
1 Pet 2,5
Alm 1,6
Dii ieža gohčoduvvobehtet

Hearrá báhppan,

dii navdojuvvobehtet

min Ipmila bálvaleaddjin.

Dii beassabehtet návddašit

álbmogiid riggodagaid,

daid dávvirat šaddet din oapmin.

7

61,7
35,10
40,2
51,11
66,14
Dii lehpet ožžon heahpada

guovttegeardásaččat,

bilkádus ja hiddjádus

lea šaddan sin oassin,

muhto dál dii oažžubehtet

guovttegeardásaš oasi

iežadet eatnamis,

dii oažžubehtet agálaš ilu.

8

61,8
54,10
55,3
Esek 37,26
Mun, Hearrá,

ráhkistan vuoigatvuođa

ja vašuhan rievideami

ja vuoigatmeahttunvuođa.

Mun lean oskkáldas

ja attán álbmogasan bálkká,

mun dagan dainna agálaš lihtu.

9Dalle dan mánát adnojuvvojit árvvus

álbmogiid gaskkas,

sin nálli olbmuid čearddaid siste.

Buohkat geat oidnet sin,

ipmirdit ahte sii leat sohka

maid Hearrá lea buressivdnidan.

10

61,10
Hab 3,18
Sak 3,4eč
Luk 1,47
Alm 19,8
21,2
Mun illudan Hearrás,

mu siellu ávvuda mu Ipmilis,

danin go son lea gárvvuhan munnje

bestojumi gárvvuid

ja giessan mu birra

vanhurskkisvuođa oalgebiktasa,

nu ahte mun lean dego irgi

gii bidjá turbána oaivái,

dahje nugo moarsi gii čiŋaha iežas

čiŋaidisguin.

11

61,11
45,8
Nugo eanan bohciidahttá šattu

ja gilvvagárdi iđiha

dan mii lea gilvojuvvon,

nu Hearrá Ipmil bohciidahttá

vanhurskkisvuođa,

ja rámádus badjána

buot álbmogiid gullut.

62

Ipmila hearvás gávpot

621

62,1
46,13
56,1
Siona dihte mun in dáhto jávohuvvat,

Jerusalema geažil mun in oro jávohaga,

dassážii go vuoigatvuohta

badjána doppe dego beaivváš

ja bestojupmi nugo buolli spáiddar,

2

62,2
65,15
Alm 2,17
dassážii go álbmogat oidnet

du soabahusa

ja gonagasat du hearvásvuođa.

Don oaččut ođđa nama

maid Hearrá ieš gulaha.

3

62,3
Alm 2,10
Don šattat čáppa kruvdnun

Hearrá gihtii,

gonagaslaš oaivečikŋan

du Ipmila čorbmaváibmosii.

4

62,4
60,15
62,4 Beallelaččan >54,5.Du namma ii šat leat Hilgojuvvon

iige du eatnama namma Heavahuvvon,

muhto du namma lea Ráhkkásan

ja du eatnama namma Beallelaččan,

danin go Hearrá ráhkista du

ja váldá du eatnama beallelažžan.

5

62,5
Sef 3,17
Nugo nuorra olmmái

váldá nieidda beallelažžan,

nu du bártnit váldet du beallelažžan,

ja nugo irgi illuda moarsis dihte,

nu du Ipmil illuda du dihte.

6

62,6
52,8
Du muvrraid ala, Jerusalem,

mun lean bidjan fávttaid.

Sii eai oaččo jávohuvvat goassege,

eai beaivet eaige ihkku.

Dii geat čuorvubehtet Hearrá,

allet suova alcceseattet ráfi!

7

62,7
61,11
Luk 18,1eč
Allet suova ráfi sutnje,

ovdal go son hukse Jerusalema ođđasis

ja dahká dan máidnunlávllan

oppa máilbmái!

8

62,8
65,21č
Hearrá lea vurdnon

olgeš gieđas bokte,

gievrras gieđas bokte:

Mun in goassege šat atte du gortni

du vašálaččaid borramuššan,

eaige vierrásat šat juga du viinni

mainna don leat rahčan,

9

62,9
5 Mos 12,17eč
muhto dat geat rádjet gortni,

besset maid borrat dan ja máidnot Hearrá,

dat geat rádjet viinni,

besset juhkat dan mu bassi ovdašiljuin.

10

62,10
57,14
Vulget, mannet olggos poarttaid ráigge,

ráhkadehket geainnu álbmogii,

ráhkadehket, dássejehket váldogeainnu,

buhtistehket dan geđggiin,

ceggejehket soahteleavgga

mearkan álbmogiidda!

11

62,11
40,10
Sak 9,9
Matt 21,5
Alm 22,12
Gitta eatnama ravddaid rádjái

Hearrá lea gulahan:

Dadjet nieida Sionii:

Geahča, du beasti boahtá,

su mielde leat dat geaid son oaččui bálkán,

dat geaid son lea vuoitán alccesis,

mannet su ovdal.

12

62,12
5 Mos 7,6
Jes 51,11
62,4
Sii gohčoduvvojit Bassi álbmogin,

Olmmožin geaid Hearrá lea lonistan,

ja du namma lea Áibbašuvvon gávpot,

Gávpot mii ii guđđojuvvo.

63

Hearrá mávssaha vierroálbmogiidda

63163,1 Bosra >34,6.Gii lea dat gii boahtá Edomis,

dat gii boahtá Bosras

rukses biktasat gárvun,

gii lea dat hearvásit gárvodan olmmái

gii manná ovddos stuorra fámuin?

Mun dat lean, mun gii sárdnidan

vuoigatvuođa,

mun geas lea fápmu beastit.

2

63,2
Alm 19,13
Manne du gárvvut

leat nu ruoksadat,

du biktasat dego

viidnemuorjeduolbmi biktasat?

3

63,3
Váid 1,15
Mun dulbmen

viidnebohčingári, mun okto,

álbmogiin ii oktage veahkehan mu.

Nu mun moaristan dulbmen daid buot

ja suhtustan cuvkejin daid,

nu ahte daid sáhppi rišaidii

mu gárvvuid njeaiga

ja durddidii buot mu biktasiid.

4

63,4
34,8
35,4
61,2
Mun ledjen mearridan

mávssaheami beaivvi,

lonisteami jahki lei boahtán.

5

63,5
59,16
Mun gehččen birra,

muhto ii oktage veahkehan,

mun hirpmástuvven

go ii oktage boahtán munnje doarjjan.

Dalle mu gievravuohta veahkehii mu,

mu iežan suhttu attii munnje doarjaga.

6Nu mun dulbmen álbmogiid moaristan,

cuvkejin daid suhtustan

ja dikten daid sáhpi golgat eatnamii.

Álbmot gáhtá ja átnu bestojumi

7

63,7
Sál 77,12eč
103,2eč
105,5eč
Mun dáhtun gulahit

Hearrá ráhkisvuođa,

máidnut Hearrá buot das

maid son lea dahkan midjiide,

mun máinnun su stuorra buorrevuođa

Israela guovdu,

buot maid son lea dahkan,

son gii lea oskkáldas

ja árkkálmastá álo.

8Son celkkii: “Siihan leat mu álbmot,

mu mánát geat eai goassege beahte.”

Dan dihte son šattai sin beastin,

9

63,9
2 Mos 14,19
23,20
Jes 46,4
Jer 31,3
son besttii sin buot áŧestusain.

Ii sin beastán áirras, ii eŋgel,

muhto son ieš besttii sin,

ráhkisvuođastis son árkkálmasttii

ja lonistii sin friddjan,

son loktii ja guttii sin buot vássán beivviid.

10

63,10
Ef 4,30
Muhto sii ledje vuostehágolaččat

ja moraštahte su bassi vuoiŋŋa,

ja son šattai sin vašálažžan,

son ieš soađai singuin.

11

63,11
2 Mos 14,29
4 Mos 11,25
Sál 77,21
Dalle sii muite vássán beivviid,

muite Mosesa, su bálvaleaddji,

ja jerre: Gos lea son gii loktii čázis

báimmana iežas ellui?

Gos lea son gii bijai

su raddái iežas bassi vuoiŋŋa?

12Gos lea son gii divttii hearvás fámus

mannat Mosesa olgeš gieđa bealde,

luddii čázi álbmoga ovddas

ja dagai alccesis agálaš nama,

13son gii doalvvui sin čiekŋalasa čađa

nugo heastta meahcis, guossalkeahttá?

14Nugo oamit njidjet vulos leahkái,

nu álbmot maid Hearrá vuoigŋa láidii,

luoitádii ráfis vuoiŋŋastit.

Nu don láidejit iežat álbmoga

ja dahket alccesat hearvás nama.

Israela váidalus

15

63,15
5 Mos 26,15
Sál 80,15
Geahča almmis,

geahča bassi, hearvás viesustat!

Gos lea du buolli áŋgirvuohta

ja du fápmu?

Don doalahat mus iežat

gierisvuođa ja árpmu.

16

63,16
59,20
64,7
Donhan leat min áhčči.

Ii Abraham dieđe mis maidege

iige Israel dovdda min.

Don, Hearrá, leat min áhčči,

Min lonisteaddji lea du namma

juo doložis.

17Hearrá, manne don divttát

min čádjidit ja hilgut du geainnuid?

Manne don garradat min váimmuid,

nu ahte mii eat bala dus?

Máhca bálvaleddjiidat dihte,

álbmogat čearddaid dihte

mat leat du opmodat!

18

63,18
Sál 79,1eč
Manne besset ipmilmeahttumat

loaiddastit du bassibáikái,

manne min vašálaččat

besset duolbmat du tempela?

19Mii leat dego don it goassege

livčče leamaš min ráđđejeaddji,

dego du namma ii goassege livčče

namahuvvon min badjel.