Davvisámegiel Biibbal 2019 (Biibbal)
58

Rivttes fástu ja sabbat

581

58,1
Hos 8,1
Mi 3,8
Čuorvvo jur vehkosii,

divtte iežat jiena skádjat dorvve láhkái!

Muital mu álbmogii dan rihkkumiid,

Jakoba sohkii dan suttuid.

2Beaivvis beaivái sii mahkáš ohcet mu

ja dáhttot oahppat mu geainnuid.

Dego álbmot mii meannuda vuoiggalaččat

iige leat hilgon Ipmilis lága,

sii bivdet mus neavvagiid

dan hárrái mii lea riekta,

bivdet Ipmila iežaset beallái ja dadjet:

3

58,3
Jer 14,12
Mal 3,14
“Itgo don fuobmá ahte mii fástudit?

Itgo don oainne,

mo mii váivvidit iežamet?”

De oainnán! Dii doaimmahehpet áššiideattet

fástobeaivvige,

dii barggahehpet garrasit bálvváideattet.

4Go dii fástudehpet,

de lea riidu ja bealku

ja heahpatlaš doarru.

Go dii fástudehpet nugo dál,

de din rohkos ii gullo allagassii.

5

58,5
Sak 7,5
58,5 horstabiktasiid … gunaid siste morraša dahje gáhtamuša mearkan. ▶ moraštanvierut.Dátgo lea dakkár fástu maid mun

dáhtun:

ahte olbmot givssidit iežaset,

sojahit oaivvi hoašša láhkái,

gárvodit horstabiktasiid

ja veallájit gunaid siste?

Dángo dii gohčodehpet fástun,

beaivin mii lea Hearrá miela mielde?

6

58,6
Jer 34,8č
Earálágán fásttu mun dáhtun:

ahte čoavddát sivahemiid láhkkiin,

botket geassá báttiid

ja luoittát luovus sordojuvvon olbmuid,

ahte doaját buot geassáid,

7

58,7
Job 31,16eč
Esek 18,7
Matt 25,35eč
Rom 12,13
doadjalat láibbát nelgon olbmui,

válddát vissosat ruovttuhis váivvána,

ja jos oainnát álás olbmo,

de bivttastat su

itge jorgal sealggi iežat villjii.

8

58,8
Sál 37,6
Jes 52,12
Dalle du čuovga ihtá

dego iđedisguovssu,

ja du hávit savvojit johtilit.

Vanhurskkisvuohta ieš

manná du ovddas,

ja Hearrá hearvásvuohta

boahtá du maŋušin.

9

58,9
Sál 145,18
Jes 30,19
65,124
Dalle Hearrá vástida go don rávkkat su,

go don čuorvvut, de son cealká:

“Dás mun lean.”

Jos don heaittát buot soardima

gaskkastat,

loahpahat áitagiid, hiddjádusaid

ja bahádallama,

10

58,10
Sál 97,11
112,4
jos doadjalat iežat láibbis

dasa gii nealgu

ja gallehat dan gii gillá heađi,

de dalle ihtá čuovga du seavdnjadassii,

du idja šaddá čuvges beaivin.

11Hearrá láide du álo,

son galleha du guorba eatnamis.

Son nanne du rupmašfámu,

ja don leat dego čáhccás gilvvagárdi,

nugo čáhceája man čáhci

ii goassege noga.

12

58,12
61,4
Am 9,14
Du boares viessobázahasat

huksejuvvojit ođđasis,

ja don divut vuođđudusaid

maid dološ buolvvat leat bidjan.

Don gohčoduvvot

“gaikánemiid muvrejeaddjin”,

“danin gii dahká

gaikojuvvon viesuid oruhahttin”.

13

58,13
56,2
Jos it rihko sabbaha

itge doaimmat fitnuidat

mu bassebeaivvi,

jos gohčut sabbaha illubeaivin

ja Hearrá bassebeaivvi gudni beaivin,

jos anát dan alla árvvus

itge bargga maid lávet,

it doaimmat fitnuidat

itge sártno joavdelasaid,

14

58,14
5 Mos 32,13
de dalle don beasat illudit Hearrás,

mun doalvvun du eatnama alážiid badjel

ja divttán du ealihit iežat

áhčát Jakoba opmodagas.

Ná Hearrá lea sárdnon.

59

Álbmoga suttut

591

59,1
4 Mos 11,23
Jes 50,2
Ii Hearrá giehta leat oanehaš beastit

iige su beallji headju gullat.

2

59,2
1,15
57,17
Mi 3,4
Ii nu, din vearredaguthan

earuhit din din Ipmilis.

Din suttut leat čiehkan su muođuid,

nu ahte son ii gula din,

3

59,3
Sál 12,2
Sát 6,16eč
Jes 1,15
Esek 23,45
danin go varra lea duolvadan

din gieđaid,

vearredagut din suorpmaid,

din baksamat sárdnot giellásiid

ja din njuovčča savkkuha behtolašvuođa.

4

59,4
Job 15,35
Sál 7,15
Ii oktage mana riektái vuoiggalaččat,

ii oktage váidde nuppi rehálaččat.

Buohkat dorvvastit guorusvuhtii

ja sárdnot giellásiid,

guddet goaŧusteaset lihkuhisvuođa

ja riegádahttet heavu.

5Sii monnot gearbmašmoniid

ja gođđet heavnnifirpmiid.

Dat gii borrá daid moniid, jápmá,

ja jos muhtin dain cuovkana,

de das ihtá mirkogearpmaš.

6

59,6
Job 8,14
Sin gođus ii dohkke bivttasin,

sin dujiid ii sáhte gárvodit.

Sin dagut buktet lihkuhisvuođa,

sin gieđat dagahit veahkaválddi.

7

59,7
Sát 1,16
Rom 3,15eč
Sii dopmet buot dasa mii lea bahá,

sii leat johtilat golggahit vigihis vara.

Sin áigumušat leat bahát,

sin luottain lea veahkaváldi ja billašupmi.

8Eai sii dovdda ráfi geainnu,

sin luottain ii leat vuoigatvuohta.

Sii lávkot moalkás bálgáid

– gii daid johtá, ii oaččo ráfi.

Álbmot dovddasta suttuidis

9

59,9
58,10
Dan dihte riekti lea guhkkin mis,

vanhurskkisvuohta ii ole midjiide.

Mii vuordit čuovgga,

muhto lea seavdnjat,

mii áibbašit beaivečuovgga,

muhto fertet vádjolit

ija suoivaniid siste.

10

59,10
5 Mos 28,29
Nugo čuovggaheamit

mii ráivut seaidneguoraid,

mii guldalit gieđain

dego mis eai livčče čalmmit.

Mii guosadit beaiveguovdil

dego veiggodettiin,

buoremus agis mii leat dego jábmit.

11

59,11
38,14
Mii muraidit dego guovžžat,

mii luoibmat nugo duvvát.

Mii vuordit vuoiggalašvuođa,

muhto dat ii leat,

bestojumi, muhto dat lea mis guhkkin.

12

59,12
Sál 38,5
51,5
Jer 14,7
Min rihkkumat leat eatnagat,

min suttut duođaštit min vuostá.

Mii muitit rihkkumiiddámet,

mii diehtit ahte leat suddudan.

13

59,13
Sál 5,710
Mii leat jorralan eret

ja biehttalan Hearrá,

mii leat jorgalan sealggi Ipmilasamet,

sárdnon veahkaválddi ja

behtolašvuođa sániid,

sahkanahttán giellásiid

ja cealkán daid albmosii.

14

59,14
Hab 1,4
59,14 márkanšiljus sadji gos sii čovde diggeáššiid.Ná vuoigatvuohta lea

duvdojuvvon eret,

vuoiggalašvuohta lea guhkkin,

duohtavuohta lea guossalan márkanšiljus,

rehálašvuhtii ii leat sadji.

15

59,15
Sál 12,2
Hos 4,1
Duohtavuohta lea jávkan,

dat gii jorgala eret bahás, rieviduvvo.

Hearrá veahkeha gáhtavaččaid

Buot dán Hearrá oinnii,

ja su čalmmiin lei bahá

go eatnamis ii lean

mihkkege vuoigatvuođaid.

16

59,16
Sál 98,1
Jes 63,5
Son oinnii ahte

ii oktage ovddidan su ášši,

ja son ovddošii dan.

Dalle su giehta veahkehii su,

su vanhurskkisvuohta lei sus duvddan.

17

59,17
Job 29,14
Ef 6,14eč
1 Tess 5,8
Son gárvodii vanhurskkisvuođa

ruovdebiktasa,

bijai bestojumi ruovdegahpira oaivái,

gárvvuhii alccesis mávssaheami gárvvu

ja giesai iežas birra

buolli áŋgirvuođa oalgebiktasa.

18Moriin son mávssaha vuostálastiidasas

dan maid sii leat dahkan,

son mávssaha vašálaččaidasas,

mávssaha gáiddus eatnamiidda.

19

59,19
30,2733
45,6
Mal 1,11
Oarjin ja nuortan olbmot ballet

Hearrá namas ja su hearvásvuođas,

go son boahtá dego boršu dulvi

maid Hearrá dálki ádjá.

20

59,20
1,27
Rom 11,26
Muhto Sionii Hearrá boahtá beastin,

Jakoba náli lusa lonisteaddjin,

cealká Hearrá.

21

59,21
51,16
Jer 1,9
Hearrá cealká sidjiide: “Dát lea mu lohpádus: Ii gáidda mu vuoigŋa du badjelis eaige jávkka mu sánit maid mun lean bidjan du njálbmái, goassege du njálmmis, eai du mánáid njálmmis eaige du mánáid mánáid njálmmis”, cealká Hearrá, “eai dál eaige agálaš áiggiin.”

60

Jerusalema hearvás boahtteáigi

601

60,1
9,2
Ef 5,14
Čuožžil, šearrá, Jerusalem!

Du čuovga boahtá,

Hearrá hearvásvuohta badjána

du badjelii.

2

60,2
Joh 1,5914
Seavdnjadas gokčá eatnama,

álbmogiid badjel lea mierká,

muhto du albmái badjána iđedisguovssu,

Hearrá hearvásvuohta suonjarda

du badjelis.

3

60,3
2,3
42,6
49,6
Luk 2,32
Alm 21,24
Álbmogat vádjolit du čuovgga guvlui,

gonagasat du iđedisgukso guvlui.

4

60,4
11,11č
49,121822
Bajit čalmmiid, geahča birra:

Buohkat leat čoahkkanan,

sii bohtet du lusa,

du bártnit geat bohtet guhkkin,

du nieiddat geat guddojuvvojit salas.

5

60,5
Sál 72,10č
Hag 2,7
Don oainnát buot dan ja báittát ilus,

du váibmu ravká, du raddi viidu,

go meara dávvirat šaddet du oapmin

ja álbmogiid riggodagat

addojuvvojit du gihtii,

6

60,6
Sál 72,1015
go kamelaid eatnatvuohta,

Midjana ja Efa kamelavárssáid márra

gokčá du eatnama.

Buot Saba olbmot bohtet

golli ja suovvasat vel noađđin,

ja sii buohkat gulahit Hearrá gudni.

7

60,7
Mal 1,11
Kedara sávzaealut čoggojuvvojit

du lusa,

Nebajota vierccat leat du,

dat oaffaruššojuvvojit dohkálaš oaffarin

mu áltára alde.

Nu mun hearvásmahtán iežan tempela.

8Nabai duot mat bohtet girddi

dego balvvat,

nugo duvvát vissoseaset – geat sii leat?

9

60,9
55,5
60,9 Taršiša-skiippat >2,16.Gáiddus rittuid fatnasat čoagganit,

Taršiša-skiippat njunnošis.

Dat buktet du bártniid guhkkin,

buktet sin silbbaid ja golliid

Hearrá, du Ipmila, nama gudnin,

Israela Basi gudnin.

Son addá dutnje hearvásvuođa.

10

60,10
49,16č
54,7č
Vierrásat huksejit du muvrraid,

sin gonagasat bálvalit du.

Moaristan mun ráŋggáštin du,

muhto ráhkisvuođastan

mun du árpmihan.

11

60,11
Sál 68,32
72,10
Alm 21,24eč
Du poarttat orrot rabasin álelassii,

eai dat dahppojuvvo beaivet eaige ihkku.

Daid ráigge álbmogiid riggodagat

buktojuvvojit dutnje,

daid bokte gonagasat mieđuštuvvojit

du lusa.

12Muhto álbmot ja riika mii ii bálval du, duššá, dat jávkaduvvo eatnama alde.

13

60,13
35,2
Libanona riggodat

buktojuvvo du lusa,

sypressat, beazit ja buksbommuorat,

čiŋahit mu bassibáikki.

Mun gudnejahtán julggiidan saji.

14

60,14
Sál 72,9
Jes 49,23
Du sordiid bártnit bohtet ja gopmirdit

du ovdii,

ja buohkat geat leat badjelgeahččan du,

luoitádit du julggiid ovdii.

Sii gohččot du Hearrá gávpogin,

Sionin mii gullá Israela Bassái.

15

60,15
62,4
Ovdal don ledjet

hilgojuvvon ja duššášuvvon,

iige oktage galledan du.

Muhto mun dagan du agálaš goargun,

illun buolvvas bulvii.

16

60,16
49,2326
60,16 Jakoba Veagalaš >1 Mos 49,24.Vieris álbmogat njamahit du,

gonagasat du bibmet,

ja dalle don ipmirdat

ahte mun, Hearrá, lean du beasti,

ahte du lonisteaddji lea Jakoba Veagalaš.

17

60,17
1,26
Mun buvttán dutnje golli

veaikki sadjái,

mun attán dutnje silbba

ruovddi sadjái,

veaikki muora sadjái

ja ruovddi geađggi sadjái.

Ráfi šaddá du eiseváldin,

vuoiggalašvuohta du fáldin.

18

60,18
26,1
Ii gullo šat veahkaváldi du eatnamis,

ii hearjideapmi iige billašupmi

du rádjemearkkaid siskelis.

Mu veahkki lea dus muvran

ja mu rámádus lea dus poartan.

19

60,19
Alm 21,23
22,5
Beaivváš ii leat šat du čuovgan beaivet

iige mánoheahpi šat čuvge du geainnuid,

muhto Hearrá lea du agálaš čuovga

ja du Ipmil lea du hearvásvuohta.

20

60,20
Alm 21,4
Du beaivváš ii šat eambbo luoitát

iige mánnu nuosa,

danin go Hearrá lea du agálaš čuovga.

Du moraštanáigi lea nohkan.

21

60,21
57,13
61,3
Matt 5,5
2 Pet 3,13
Dalle buot du olbmot leat

vanhurskásat,

sii atnet eatnama oapmineaset

agálaš áigái.

Sii leat vesát maid mun lean gilván,

mu gieđaid dahku mainna

mun čájehan iežan hearvásvuođa.

22Unnimus šaddá duhát olbmo veahkan,

heajumusge veagalaš álbmogin.

Mun, Hearrá,

divttán dan šaddat fáhkkestaga,

go áigi lea boahtán.