57¹

iige oktage das beroš,

ipmilbalolaččat rohttejuvvojit eret

iige oktage dan fuobmá.

Bahávuođa fápmu

rohtte eret vanhurskása.

²Muhto ráfi áigi boahtá.

Dat geat leat eallán vuoigatlaččat,

besset vuoiŋŋadussii.

³

dii noaidenissona mánát,

dii fuorráolbmáid

ja fuorránissoniid čivggat!

⁴Gean dii atnibehtet návrun,

geasa njeazzubehtet,

geasa geigebehtet njuokčama?

Dii iežahan lehpet rihkkosa mánát,

giellása nálli!

⁵

terebinttaid gaskkas,

juohke rudnes muora vuolde.

Dii goddibehtet

iežadet mánáid johkarokkiin,

vuollin čiekŋalis bákteskoaruin.

⁶Johkarokki gállit leat du ruoktu,

dat leat du báiki, du vuorbi, Sion!

Daidda don golggahat juhkamušoaffara

ja oaffarušat borramušoaffara.

Dasago mun galggašin duhtat?

⁷

alccesat oađđinsaji,

dohkonai don leat gorgŋon

oaffaruššat njuovvanoaffariid.

⁸Uvssaide ja uksabealláide

don leat sárgon mearkkaidat.

Don leat guođđán mu, nuoladan

ja čáhkken saji seŋgii,

leat gávppašan daiguin

geaid bálddas liikot veallát,

geaid álásvuođa geahččat.

⁹

dus ledje mielde ollu vuoidasat.

Don vuolggahit áirasiiddát

gáiddus eatnamiidda,

velá vulos jábmiidáibmuige.

¹⁰Vaikko don váibet buot rassamiinnat,

de it goit leat dadjan: “Duššás visot!”

Don gávnnat ođđa searaid

itge vuoimmehuva.

¹¹

go behttet mu?

Mu don vajáldahttet, mus it beroštan.

Go mun lean orron jávohaga,

go lean leamaš čihkosis,

de don it bala mus.

¹²Muhto mun almmuhan

makkár lea du vanhurskkisvuohta

ja makkárat du dagut.

Dat eai veahket du.

¹³

de gádjotgo du eahpeipmiliid veagat du?

Biegga daid doalvu,

jiella bosasta daid eret.

Muhto dat gii dorvvasta munnje,

oažžu árbet eatnama

ja váldit mu bassi vári opmodahkanis.

Jeđđehus nuonddahallan olbmuide

¹⁴

Ráhkadehket, dássejehket geainnu,

jávkadehket eastagiid mu álbmoga ovddas!

¹⁵

allat ja aliduvvon,

guhte čohkká truvnnus agálaččat,

gean namma lea bassi:

Mun ásan allagasas ja bassivuođas,

muhto ásan maid daid luhtte

geaid váibmu lea cuvkejuvvon

ja geaid vuoigŋa lea vuoliduvvon.

Mun ealáskahtán

cuvkejuvvon olbmuid váimmu

ja ealláhan

vuoliduvvon olbmuid vuoiŋŋa.

¹⁶

inge leat didjiide moaris agálaččat.

Muđui din eallinvuoigŋa duššašii,

iige oktage dain heakkalaččain

maid lean sivdnidan,

gierddaše mu ovddas.

¹⁷

dán suttolaš álbmogii,

ráŋggáštin dan

ja moaris čihken das muođuidan.

Oskkáldasmeahttumit

dat vádjolii ain iežas dáhtu geainnuid.

¹⁸Mun lean oaidnán

makkár geainnuid dat lea vádjolan.

Muhto dál mun dáhtun buoridit

dán álbmoga,

láidet dan ja addit dasa jeđđehusa.

Morašteddjiid njálbmái

¹⁹

Mun attán ráfi ja lihku dasa gii lea lahka

ja gii lea guhkkin,

cealká Hearrá,

ja mun buoridan sin.

²⁰

dego stuimmáskan mearra.

Dat ii jaskkot,

dan bárut suhppejit mođi ja stánžži.

²¹

cealká mu Ipmil.

Rivttes fástu ja sabbat

58¹

divtte iežat jiena skádjat dorvve láhkái!

Muital mu álbmogii dan rihkkumiid,

Jakoba sohkii dan suttuid.

²Beaivvis beaivái sii mahkáš ohcet mu

ja dáhttot oahppat mu geainnuid.

Dego álbmot mii meannuda vuoiggalaččat

iige leat hilgon Ipmilis lága,

sii bivdet mus neavvagiid

dan hárrái mii lea riekta,

bivdet Ipmila iežaset beallái ja dadjet:

³

Itgo don oainne,

mo mii váivvidit iežamet?”

De oainnán! Dii doaimmahehpet áššiideattet

fástobeaivvige,

dii barggahehpet garrasit bálvváideattet.

⁴Go dii fástudehpet,

de lea riidu ja bealku

ja heahpatlaš doarru.

Go dii fástudehpet nugo dál,

de din rohkos ii gullo allagassii.

⁵

dáhtun:

ahte olbmot givssidit iežaset,

sojahit oaivvi hoašša láhkái,

gárvodit horstabiktasiid

ja veallájit gunaid siste?

Dángo dii gohčodehpet fástun,

beaivin mii lea Hearrá miela mielde?

⁶

ahte čoavddát sivahemiid láhkkiin,

botket geassá báttiid

ja luoittát luovus sordojuvvon olbmuid,

ahte doaját buot geassáid,

⁷

válddát vissosat ruovttuhis váivvána,

ja jos oainnát álás olbmo,

de bivttastat su

itge jorgal sealggi iežat villjii.

⁸

dego iđedisguovssu,

ja du hávit savvojit johtilit.

Vanhurskkisvuohta ieš

manná du ovddas,

ja Hearrá hearvásvuohta

boahtá du maŋušin.

⁹

go don čuorvvut, de son cealká:

“Dás mun lean.”

Jos don heaittát buot soardima

gaskkastat,

loahpahat áitagiid, hiddjádusaid

ja bahádallama,

¹⁰

dasa gii nealgu

ja gallehat dan gii gillá heađi,

de dalle ihtá čuovga du seavdnjadassii,

du idja šaddá čuvges beaivin.

¹¹Hearrá láide du álo,

son galleha du guorba eatnamis.

Son nanne du rupmašfámu,

ja don leat dego čáhccás gilvvagárdi,

nugo čáhceája man čáhci

ii goassege noga.

¹²

huksejuvvojit ođđasis,

ja don divut vuođđudusaid

maid dološ buolvvat leat bidjan.

Don gohčoduvvot

“gaikánemiid muvrejeaddjin”,

“danin gii dahká

gaikojuvvon viesuid oruhahttin”.

¹³

itge doaimmat fitnuidat

mu bassebeaivvi,

jos gohčut sabbaha illubeaivin

ja Hearrá bassebeaivvi gudni beaivin,

jos anát dan alla árvvus

itge bargga maid lávet,

it doaimmat fitnuidat

itge sártno joavdelasaid,

¹⁴

mun doalvvun du eatnama alážiid badjel

ja divttán du ealihit iežat

áhčát Jakoba opmodagas.

Ná Hearrá lea sárdnon.

Álbmoga suttut

59¹

iige su beallji headju gullat.

²

earuhit din din Ipmilis.

Din suttut leat čiehkan su muođuid,

nu ahte son ii gula din,

³

din gieđaid,

vearredagut din suorpmaid,

din baksamat sárdnot giellásiid

ja din njuovčča savkkuha behtolašvuođa.

⁴

ii oktage váidde nuppi rehálaččat.

Buohkat dorvvastit guorusvuhtii

ja sárdnot giellásiid,

guddet goaŧusteaset lihkuhisvuođa

ja riegádahttet heavu.

⁵Sii monnot gearbmašmoniid

ja gođđet heavnnifirpmiid.

Dat gii borrá daid moniid, jápmá,

ja jos muhtin dain cuovkana,

de das ihtá mirkogearpmaš.

⁶

sin dujiid ii sáhte gárvodit.

Sin dagut buktet lihkuhisvuođa,

sin gieđat dagahit veahkaválddi.

⁷

sii leat johtilat golggahit vigihis vara.

Sin áigumušat leat bahát,

sin luottain lea veahkaváldi ja billašupmi.

⁸Eai sii dovdda ráfi geainnu,

sin luottain ii leat vuoigatvuohta.

Sii lávkot moalkás bálgáid

– gii daid johtá, ii oaččo ráfi.

Álbmot dovddasta suttuidis

⁹

vanhurskkisvuohta ii ole midjiide.

Mii vuordit čuovgga,

muhto lea seavdnjat,

mii áibbašit beaivečuovgga,

muhto fertet vádjolit

ija suoivaniid siste.

¹⁰

mii ráivut seaidneguoraid,

mii guldalit gieđain

dego mis eai livčče čalmmit.

Mii guosadit beaiveguovdil

dego veiggodettiin,

buoremus agis mii leat dego jábmit.

¹¹

mii luoibmat nugo duvvát.

Mii vuordit vuoiggalašvuođa,

muhto dat ii leat,

bestojumi, muhto dat lea mis guhkkin.

¹²

min suttut duođaštit min vuostá.

Mii muitit rihkkumiiddámet,

mii diehtit ahte leat suddudan.

¹³

ja biehttalan Hearrá,

mii leat jorgalan sealggi Ipmilasamet,

sárdnon veahkaválddi ja

behtolašvuođa sániid,

sahkanahttán giellásiid

ja cealkán daid albmosii.

¹⁴

duvdojuvvon eret,

vuoiggalašvuohta lea guhkkin,

duohtavuohta lea guossalan márkanšiljus,

rehálašvuhtii ii leat sadji.

¹⁵

dat gii jorgala eret bahás, rieviduvvo.

Hearrá veahkeha gáhtavaččaid

Buot dán Hearrá oinnii,

ja su čalmmiin lei bahá

go eatnamis ii lean

mihkkege vuoigatvuođaid.

¹⁶

ii oktage ovddidan su ášši,

ja son ovddošii dan.

Dalle su giehta veahkehii su,

su vanhurskkisvuohta lei sus duvddan.

¹⁷

ruovdebiktasa,

bijai bestojumi ruovdegahpira oaivái,

gárvvuhii alccesis mávssaheami gárvvu

ja giesai iežas birra

buolli áŋgirvuođa oalgebiktasa.

¹⁸Moriin son mávssaha vuostálastiidasas

dan maid sii leat dahkan,

son mávssaha vašálaččaidasas,

mávssaha gáiddus eatnamiidda.

¹⁹

Hearrá namas ja su hearvásvuođas,

go son boahtá dego boršu dulvi

maid Hearrá dálki ádjá.

²⁰

Jakoba náli lusa lonisteaddjin,

cealká Hearrá.

²¹