Hearrá lihttu bissu
551
44,3
Sak 13,1
Joh 4,14
7,37
Alm 22,17
Gullet, buohkat geat goikabehtet,
bohtet čázi lusa!
Bohtet diinai geain ii leat ruhta,
ostet gortniid nuvttá ja borret,
váldet viinni ja mielkki
almmá mávssu haga!
2
36,9eč
Jes 25,6
Esek 34,14
Manne dii golahehpet ruđa
dakkárii mii ii leat láibi,
lonuhehpet dietnaseattet
dasa mii ii gallet?
Gullet datte mu,
de beassabehtet herskostallat
ja návddašit buoiddes borramušaid.
3
1 Gon 8,25
Sál 89,4eč
105,810
111,9
Jes 54,10
61,8
Jer 50,5
Apd 2,30
13,34
Jorgalehket bealji mu beallái
ja bohtet mu lusa,
guldalehket dárkilit,
de beassabehtet eallit!
Mun dagan dinguin agálaš lihtu
ja lohpidan leat oskkáldas,
nugo ledjen oskkáldas Davidii.
4
3,14
Su mun bidjen duođašteaddjin
álbmogiidda,
dahken su álbmogiid oaivámužžan
ja ráđđejeaddjin.
5
44,5
Don rávkkat álbmoga
maid it dovdda,
ja álbmot mii ii dovdda du,
boahtá viega du lusa
Hearrá, du Ipmila, dihte,
Israela Basi dihte.
Son addá dutnje hearvásvuođa.
Hearrá sátni ii máhca guorusin
6
Jer 29,13
Hos 10,12
Am 5,46
Sef 2,3
Apd 17,27
Ohcet Hearrá dan botta
go son lea gávdnamis,
čurvot su go son lea lahka!
7
Esek 18,30č
33,11
Joel 2,12č
Luk 15,20eč
Heitos ipmilmeahttun geainnus
ja vearredahkki áigumušaidis.
Jorgalehkos son Hearrá beallái,
danin go son árpmiha,
dorvvastehkos Ipmilii
gii álo dáhttu addit ándagassii.
8
Rom 11,33
Mu jurdagat eai leat din jurdagat
eaige din geainnut leat mu geainnut,
cealká Hearrá.
9
Nu go albmi lea allin eatnama badjel,
nu leat mu geainnut
allin din geainnuid badjel
ja mu jurdagat allin din jurdagiid badjel.
10Nugo arvi ja muohta
gahččet almmis eaige máhca dohko,
muhto láktadit eatnama,
bohciidahttet rahtá ja šattuid
ja addet siepmaniid gilvái
ja láibbi borrái,
11nu lea maiddái sátni
mii vuolgá mu njálmmis:
Ii dat máhca guorusin,
muhto dahká dan maid mun dáhtun
ja ollašuhttá mu gohččuma.
12
Ilus dii oažžubehtet vuolgit,
ja muosis dii ollebehtet ruoktot.
Go dii boahtibehtet,
de várit ja dievát čurvot ávus,
ja buot eatnama muorat spežžot gieđaid.
13
Bastilislánjáid sadjái
šaddet sypressat
ja gáskálasaid sadjái myrtamuorat.
Nu dáhpáhuvvá Hearrá nama gudnin,
agálaš mearkan, mii ii sihkkojuvvo.