Hearrá máhccá Sionii
521
Alm 21,27
Gohccá, Sion, gohccá,
gárvvut alccesat gievravuođa!
Gárvot čikŋabiktasiid,
bassi gávpot, Jerusalem!
Ii oktage birračuohpakeahttái
iige buhtismeahttun
duolmma šat du gáhtaid.
2
Čuožžil, savdnjil muoldda alddát,
čohkán truvdnosat, Jerusalem!
Luvve láhkkiid čeabehisttát,
fáŋgejuvvon nieida Sion!
3Ná cealká Hearrá:
Nuvttá dii vuvdojuvvuidet,
ja almmá mávssu haga
dii maid lonistuvvobehtet.
4Jes 10,24
Ná cealká Hearrá Ipmil: “Árat áiggiid mu álbmot manai Egyptii ássát doppe vierisin, dasto Assyria váivvidii dan almmá siva haga. 5
Esek 36,23
Rom 2,24
Ja dál – cealká Hearrá – mii dáhpáhuvvá dáppe? Mu álbmot lea váldojuvvon mus nuvttá, dat geat ráđđejit sin, ávvudit ja hiddjidit. Álelassii, guhkkut beaivvi – cealká Hearrá – mu namma bilkiduvvo! 6
Danin mu álbmot beassá dovdat mu nama fámu. Dan beaivvi mun cealkkán sidjiide: Dás mun lean.”
7
Nah 2,1
Rom 10,15
2 Kor 5,20
Man čábbát leat váriin dan lávkkit
gii buktá buriid ságaid!
Son almmuha vuoittu,
buktá buriid ságaid,
gulaha bestojumi ja dadjá Sionii:
“Du Ipmil lea gonagas!”
8
Gullet! Várdájeaddjit
čuorvugohtet ávvudemiin,
danin go iežaset čalmmiiguin sii oidnet,
mo Hearrá máhccá Sionii.
9
Jes 40,1
Ávvudehket jitnosii,
dii Jerusalema čievračomat,
dasgo Hearrá lea addán
jeđđehusa iežas álbmogii,
son lea lonistan Jerusalema!
10
Jes 53,1
Hearrá lea čájehan
iežas fámu ja bassivuođa
buot álbmogiid oaidnut,
nu ahte oppa máilbmi oaidná bestojumi
maid min Ipmil lea buktán.
11
2 Kor 6,17
52,11 Hearrá lihtiid soaitá čujuhit tempelbiergasiidda maid Nebukadnesar lei dolvon Babylonii. Gč. Esra 1,7.Vulget, vulget eret Babylonis!
Allet duohtat maidege buhtismeahttumiid,
vulget doppe eret, lehket buhttásat,
dii geat guoddibehtet Hearrá lihtiid!
12
5 Mos 16,3
Jes 58,8
Muhto dál dii ehpet dárbbaš
vuolgit hoahpus
ehpetge báhtaremiin,
dasgo Hearrá manná din ovdal,
Israela Ipmil lea dis maŋušin.
Hearrá bálvaleaddji gillá
13
Mu bálvaleaddji ovdána:
Son šaddá allagin, fámolažžan
ja sakka stuorisin.
14
53,3
Joh 19,5
Eatnagat suorganedje go oidne su,
nu illastuvvon lei su neahku,
su hápmi lei illá šat olbmo hápmi.
15
Rom 15,21
Muhto son imaštahttá
vel ollu álbmogiid,
gonagasat jávohuvvet go oidnet su,
danin go dan mii sidjiide
ii lean goassege muitaluvvon,
sii besset oaidnit,
dan maid sii eai lean goassege gullan,
sii besset dál vásihit.