41Dan beaivvi čieža nissona fáhtejit
ovttahat olbmái, ja sii dadjet:
“Mii biebmat ja bivttastit iežamet,
go dušše beasašeimmet gullat dutnje.
Váldde min heahpada eret!”
Siona boahtteáigi
24,2 vesá vanhurskkis gonagas (▶ Messias) gii beastá Israela. Vrd. 11,1; Jer 23,5; 33,15; Sak 3,8; 6,12.Dan beaivvi Hearrá diktá vesá ihtit eatnamis čikŋan ja goargun israellaččaide geat bestojuvvojit, ja eatnama šaddu lea sin rápmi ja gudni. 3
Sál 69,29
Jes 6,13
Dan 12,1
Ja dat geat leat báhcán Sionii, geat leat sestojuvvon Jerusalemis, gohčoduvvojit bassin, buohkat Jerusalemis geat leat čállojuvvon daid lohkui geat besset eallit. 4
Go Hearrá lea doidán Siona nieiddaid duolvva ja bassan Jerusalema varravealggi vuoigatvuođa vuoiŋŋain, buhtisteaddji vuoiŋŋain, 5
Sál 78,14
105,39
Sak 2,9
4,5 balvva … idjii >2 Mos 13,21.de son bajida Sionvári ja dan ávvučoakkalmasa badjel balvva beaivái ja dola báitima idjii. Buot badjel lea dáhkkin su hearvásvuohta govččas 6
mii addá suoivana beaivvi báhkas ja suddje čáhcerášu ja arvvi vuostá.
Viidnegárdelávlla
51
Jer 2,21
Matt 21,33eč
5,1 ráhkis ustiban Veardádus álgá ráhkisvuođa lávllan, mas viidnegárdi govvida ráhkkása, gč. All 1,6.Mun dáhtun lávlut ráhkis ustiban lávlaga,
mu ustiba ja su viidnegárddi lávlaga.
Mu ustibis lei viidnegárdi
šattolaš dievás.
2Son guohkai dan,
rájai das geđggiid
ja gilvvii dasa buriid viidnemuoraid.
Son huksii dasa fáktentoartna
ja čuolai báktái bohčingári.
Son doaivvui oažžut njálgga viidnemurjjiid,
muhto viidnegárdi šaddadii
sutnje rihča viidnemurjjiid.
3Ja dál, Jerusalema ássit ja
Juda olbmát, dubmejehket
mu ja mu viidnegárddi gaskka!
4Maid mun livččen sáhttán
vel dahkat viidnegárdásan
maid in juo lean dahkan?
Mun doivon oažžut njálgga viidnemurjjiid,
manne dat de šaddadiige rihččagiid?
5
Dál mun muitalan didjiide
maid áiggun dahkat viidnegárdásan.
Mun gaikkun dan birra áiddi
nu ahte dat guorbá,
mun njeaiddán dan muvrra
nu ahte dat duolbmašuvvá.
6
Am 4,7
Mun guođán dan goarránit.
Dat ii šat čuhppojuvvo, ii guhkkojuvvo,
dat šaddada bastilislánjáid ja gáskálasaid.
Mun gielddán balvvaid arvimis dasa.
7
Jes 3,14č
Jak 5,4
Hearrá, Almmiveagaid Ipmila,
viidnegárdi lea Israel,
Juda čearda su ráhkis šaddogárdi.
Son doaivvui vuoigatvuođa,
muhto bođii veahkaváldi,
son sávai vuoigatlašvuođa,
muhto šattai vuoigatmeahttunvuohta.
Vuoi din!
8
Vuoi din geat laktibehtet viesu vissui
ja bealddu beldui,
dassážii go ii báze šat sadji,
ja dii okto eaiggáduššabehtet eatnama!
9
Hearrá, Almmiveagaid Ipmil,
lea almmustahttán munnje dán:
Duođaid, eatnat viesut báhcet ávdimin,
stuorra ja čáppa viesut
almmá ássiid haga.
105,10 ovtta fárpala okta bat, mii lea 36,4 lihttera. ovtta mihtu gortniid okta mihttu lea efa, 36,4 lihttera; logi mihtu lea homer, 364 lihttera.Logi plovenviidodaga gárdi
addá dušše ovtta fárpala viinni,
logi mihtu gilvagat
dušše ovtta mihtu gortniid.
11Vuoi daid geat lihkket iđđesárrat
ohcat garra juhkamuša,
daid geat bánžžagit viinnis
gitta maŋŋiteahkedii!
12
Am 6,5č
Sin illun leat lyrat ja hárppat,
rumbbut ja njurgganasat,
ja viidni golgá sin jugalmasain.
Muhto Hearrá dujiid sii eai oainne,
su gieđaid daguid sii eai áicca.
13Dan dihte mu álbmot
dolvojuvvo eatnamisttis
ovdal go sii oppa árviditge.
Dan stuorrát jápmet nealgái,
dan šlámaideaddji joavku goiká jámas.
14
Hab 2,5
Danin jábmiidáibmu lea galjidan njielus
ja rahpan njálmmis caggasii.
Dohko njidjet gávpoga stuorrát,
dohko šlámaideaddji joavku
oktan ávvudemiinis.
15
Olmmoš šaddá vuollánit,
olmmái ferte čippostit,
ja čeavlás čalmmit gehččet eatnamii.
16
Muhto Hearrá, Almmiveagaid Ipmil,
lea stuoris go son dubme,
Bassi Ipmila bassivuohta
lea oaidnimis su vuoigatlaš duomuin.
17
Doppe lábbát ohcet guohtuma
dego láidomis,
gihcit guhtot rikkis olbmuid
viessobázahasain.
18Vuoi daid geat gesset suttu
gielisvuođa báttiin,
sivalašvuođa dego fievrrut vovnnaid,
19
Mal 2,17
daid geat dadjet:
“Vare son doamašii,
vare son dagašii fargga daguidis,
vai mii beassat oaidnit dan.
Vare ollašuvašii
dat maid Israela Bassi lea mearridan,
vai oažžut vásihit dan.”
20
Am 5,7
6,12
Vuoi daid geat gohččot bahá buorrin
ja buori bahán,
geat dahket seavdnjadasa čuovgan
ja čuovgga seavdnjadassan,
rihččaga njálggisin ja njálgá rihčan!
21
Rom 12,16
Vuoi daid geat atnet iežaset viissisin
ja leat iežaset mielas hui jierpmálaččat!
22Vuoi daid geat leat sáŋgárat
viidneruhku guoras,
gievrrat seaguhit garra juhkamuša!
23
Esek 13,19
Sii áššehuhttet sivalačča
go ožžot duolgguid.
Dain geat leat sivaheamit,
sii biehtadit vuoigatvuođa.
24
Dan dihte: Nugo dolla loaktá oalggaid
ja suoinnit jávket dollii,
nu misket sin ruohttasat
ja sin lieđit bosastuvvojit gavjan.
Sii leat hilgon Hearrá,
Almmiveagaid Ipmila, lága,
sii leat badjelgeahččan Israela Basi sáni.
25
10,4
Hab 3,6
Dan dihte Hearrá moaráhuvvá
iežas álbmogii,
son bajida gieđa ja časká.
Dalle várit doarggistit,
ja gáhtain njaŋgájit rupmašat dego durdi.
Dattetge su moarri ii leat sožžon,
su giehta lea ain bajiduvvon.
Vašálaš boahtá gáidosis
26
11,12
18,3
Jer 5,15
5,26 gáiddus álbmogii assyrialaččat, geaid Hearrá dáhttu geavahit ráŋggáštit iežas jeagohis álbmoga. Vrd. 10,5č.Hearrá lokte soahteleavgga
gáiddus álbmogii,
rávká dan soahteolbmáid eatnama ravddain.
Johtilit dat bohtet,
27ii oktage váibba, ii oktage guossal,
ii oktage adjágastte, ii oktage oađestuva.
Ii ovttage boagán loačča,
ii ovttage gámagarca boatkan.
28Sin njuolat leat basttálmahttojuvvon,
buot dávggit leat gealdagasas.
Heasttagaccat leat garrasat dego didnu,
vovnnaid juvllat dego jorribiegga.
29Sin čeargun lea dego ledjona čeargun,
sin jietna dego nuorra ledjona jietna.
Hara sii dohppejit sállašii
ja gesset dan eret,
iige oktage sáhte dan gádjut.
30
17,12eč
Dan beaivvi dat gáiddus álbmot
boahtá dán eatnamii mára,
dat máraida dego mearra.
Gosa olmmoš ain geahčasta,
de lea dušše seavdnjadas ja áŧestus.
Seavdnjadas lea jávkadan čuovgasa.
Ipmil rávká Jesaja profehtan
61
40,34
Alm 4,2
Gonagas Ussia jápminjagi mun oidnen Hearrá: Son čohkkái alla ja aliduvvon truvnnus, ja su oalgebiktasa healmmit devde tempela. 2
1 Gon 19,13
Jes 14,29
6,2 serafat almmálaš sivdnádusat mat bálvalit Ipmila. Hebreagillii saraf mearkkaša “buollit”. Vrd. 14,29; 30,6 gos sátni adnojuvvo čujuhit girdi guvddiide ja gearbmašiidda. Vrd. 4 Mos 21,6eč.Su bajábealde čužžo serafat, guhtta soaji guđesge. Guvttiin sii gokče ámadaju, guvttiin sii gokče julggiid, ja guvttiin sii girde. 3
Hab 3,3
Alm 4,8
Sii čurvo guhtet guimmiidasaset:
“Bassi, bassi, bassi lea Hearrá Sebaot,
Oppa eatnama dievva lea su hearvásvuohta.”
41 Gon 8,10č
Esek 10,4
Alm 15,8
6,4 uvssa lasáid >1 Gon 6,33č.Čuorvvas bijai uvssa lasáid doarggistit, ja tempela devddii suovva. 5
33,20
Duop 6,22č
13,22
Mun celken:
“Vuoi mu, mun duššan!
Mus leat buhtismeahttun baksamat,
ja mun ásan álbmoga gaskkas
mas leat buhtismeahttun baksamat,
ja dál mu čalmmit leat oaidnán Gonagasa,
Hearrá, Almmiveagaid Ipmila.”
6Dalle okta serafain girddii mu lusa, ja su gieđas lei buolli čađđa maid son lei váldán áltáris basttaiguin. 7Dan 10,16eč
Sak 3,4
Dainna son guoskkahii mu njálmmi ja celkkii: “Go dát guoská du baksamiidda, de du suddovealgi váldojuvvo eret, ja du suddu soabahuvvo.” 8Ja mun gullen Hearrá jiena. Son celkkii: “Gean mun vuolggahan, gii vuolgá min áirrasin?” Mun vástidin: “Dás mun lean, vuolggat mu!” 9
Matt 13,14
Mark 4,12
Luk 8,10
Joh 12,40
Apd 28,26
Rom 11,8
Son celkkii:
“Mana ja cealkke dán álbmogii:
‘Dii gullabehtet, muhto ehpet ipmir,
dii oaidnibehtet, muhto ehpet ádde.’
10
Jes 63,17
Jer 5,21
6,10
Buoššut dán álbmoga váimmu,
dahpa sin beljiid, govčča sin čalmmiid,
amaset oaidnit maidege ja gullat maidege,
amaset ipmirdit maidege ja jorgalit
ja šaddat buoriduvvot.”
11Mun jerren: “Man guhkes áigái, Hearrá?” Son vástidii:
“Dassážii go gávpogat šaddet čievračopman
iige oktage ása dain,
dassážii go viesut leat ávdimin,
ja bealdoeatnamat šaddet meahccin.”
12
Hearrá doalvu olbmuid guhkás,
ja eanan báhcá ávdimin.
136,13 ▶ Masorehtalaš teaksta ii leat čielggas.Jos logádas báhcá,
de datge duššaduvvo,
dego dalle go olmmoš gággá bajás
terebintta dahje áikka jalgŋá.
– Dat jalŋŋis lea bassi sohka.