Israela ovddeš oskkáldasmeahttunvuohta

48¹

gii gohčoduvvot Israela namain,

gullet, dii geat lehpet vuolgán

Juda ádjagis

ja vuordnubehtet Hearrá nammii,

dii geat rámidehpet Israela Ipmila,

muhto ehpet duohtavuođas

ja oskkáldasvuođas.

²

bassi gávpoga namain

ja dorjejit Israela Ipmilii,

sutnje gean namma lea Hearrá,

Almmiveagaid Ipmil.

³

juo guhká ovdal go dat dáhpáhuvve,

mun almmuhin daid,

adden daid diehttevassii.

Fáhkkestaga mun dahken daid,

ja dat šadde.

⁴

du niski lea ruovddis

ja du gállu bronssas.

⁵Danne mun almmuhin dán áigá juo,

gulahin dan dutnje

ovdal go dat dáhpáhuvai,

amat sáhttit dadjat:

“Mu ipmilat leat dahkan dán,

mu leikejuvvon bázzi gohčui dan šaddat.”

⁶Dás don oainnát duot dan

maid leat gullan.

Almma don sáhtát muitalit dan!

Dál mun almmuhan dutnje ođđasiid,

čiegus áššiid maid don it diehtán.

⁷Dat leat sivdniduvvon aiddo dál

eaige dolin,

don it leat gullan daid ovdal go odne,

amat sáhttit dadjat:

“Mun dihten dan.”

⁸Don it leat beassan gullat daid

itge diehtit daid,

ii mihkkege almmustuvvan

dutnje juo ovdal.

Mun dieđán du leat oskkáldasmeahttun,

riegádeami rájes

don leat gohččojuvvon beahttin.

⁹Iežan nama dihte

mun lean guhkesmielalaš,

gudnán geažil mun lean gierdavaš

inge duššat du.

¹⁰

muhto in danin vai fidnešin silbba,

mun lean geahččalan du

gillámuša šolgenuvnnas.

¹¹

mun dahken dan,

mu namma ii oaččo heahppášuhttojuvvot.

Iežan gudni mun in juogat earrásii.

Hearrá lea vuolggahan Kyrosa

¹²

Israel, gean mun lean rávkan!

Mun lean Ipmil, mun lean vuosttamuš

ja mun lean maid maŋimuš.

¹³

mu olgeš giehta lebbii almmi.

Mun rávken daid, ja dat ledje das.

¹⁴48,14 Dat … su miela mielde Persia gonagas Kyros. >45,1.Čoagganehket buohkat ja gullet!

Guhtemuš dain earáin gulahii dán:

“Dat gean Hearrá ráhkista,

ollašuhttá su áigumuša Babylona vuostá

ja Kaldea álbmoga vuostá.”

¹⁵Mun lean muitalan dán,

mun lean rávkan su,

mun lean vuolggahan su

ja diktán su lihkostuvvat.

¹⁶

Álgoáiggiid rájes

mun in goassege sárdnon čihkosis.

Juo dalle go dát dáhpáhuvvagohte,

de mun ledjen das.

Ja dál Hearrá Ipmil

lea addán munnje iežas vuoiŋŋa

ja vuolggahan mu.

Israela gulolašvuohta

¹⁷

du lonisteaddji:

Mun lean Hearrá, du Ipmil.

Mun oahpahan dutnje,

mii lea dutnje ávkkálaš,

mun doalvvun du geainnu

man galggat vádjolit.

¹⁸Vare don jeagadivččet

mu báhkkomiid!

Dalle du ráfi livččii dego eatnu,

du vanhurskkisvuohta

nugo ábi bárut,

¹⁹

du mánát nugo sáttočalmmit.

Du namma ii goassege duššaše,

dat ii sihkkojuvvoše

mu muođuid ovddas.

Ruoktot Babylonis

²⁰

báhtarehket Kaldeas!

Muitalehket dan ávvudemiin,

dieđihehket ja beakkuhehket

gitta eatnama ravddaid rádjái.

Dadjet: “Hearrá lea lonistan

bálvaleaddjis Jakoba!”

²¹

goikemeahci čađa:

Son attii čázi golgat sidjiide bávttis,

son luddii bávtti, ja čáhci golggai.

²²

cealká Hearrá.

Israel, Hearrá bálvaleaddji ja álbmogiid čuovga

49¹

guldalehket, álbmogat

mat lehpet gáidagasas!

Hearrá rávkkai mu

juo ovdal go mun riegádin,

son attii munnje nama

go mun ledjen vel eadnán goaŧus.

²

bastilis miehkkin,

gieđas suoivanii son čiegai mu.

Son dagai mu bastilis njuollan,

vurkii mu njuollaskuhpposis.

³

“Don leat mu bálvaleaddji, Israel,

dus mun čájehan iežan hearvásvuođa.”

⁴

“Duššás mun lean váibadan iežan,

duššás lean golahan fápmon.

Dattetge mu vuoigatvuohta

lea Hearrá gieđas,

mu bálká lea Ipmila luhtte.”

⁵Ja dál cealká Hearrá,

son guhte hábmii mu bálvaleaddjinis

juo eadnán goaŧus,

vai mun máhcahan Jakoba

ja čohkken Israela su lusa

– mun oaččun gudni

Hearrá čalmmiin,

ja mu Ipmil lea mu fápmu –

⁶

Ilá uhccán lea ahte

don leat mu bálvaleaddji

ja čuoččáldahtát fas Jakoba čearddaid,

máhcahat Israela olbmuid

geat ain leat áimmuin.

Mun dagan du álbmogiid čuovgan,

vai mu bestojupmi ollá

gitta eatnama ravddaid rádjái.

Hearrá gádju iežas álbmoga

⁷

Israela Bassi, álbmoga lonisteaddji,

sutnje gean olbmot badjelgehččet

ja fasttášit,

ráđđejeddjiid šlávvii:

Gonagasat oidnet ja čuožžilit,

ráđđejeaddjit luoitádit

eatnamii du ovdii,

danin go Hearrá, Israela Bassi,

lea oskkáldas,

son guhte lea válljen du.

⁸

Mun gulan du rohkosa árpmu áiggi,

mun veahkehan du bestojumi beaivvi.

Mun várjalan du,

ja du bokte mun dagan lihtu

iežan álbmogiin.

Eanan čuoččáldahttojuvvo

ja guđđojuvvon eananbihtát

juogaduvvojit.

⁹

“Vulget olggos!”

ja daidda geat leat seavdnjadasas:

“Bohtet čuovgasii!”

Sii gávdnet guohtuma geaidnoguorain,

ealáhaga buot báljes dieváin.

¹⁰

ii báhkka iige beaivváš vahágahte sin.

Son gii árpmiha sin,

láide sin ja doalvu sin

čáhccás ádjagiid gáddái.

¹¹Mun dagan buot váriid geaidnun,

ráhkadan luottaid allagassii.

¹²

Duot davvin, duot oarjin

ja duotgis Assuana eatnamis.

¹³

Čurvot ávvučuorvasiid, várit!

Hearrá jeđđe iežas álbmoga,

son árpmiha vártnuhis olbmuidis.

Hearrá ii vajáldahte Siona

¹⁴

“Hearrá lea hilgon mu,

Ipmil lea mu vajáldahttán.”

¹⁵

iigo son árpmit máná

gean ieš lea riegádahttán?

Vaikko vel son vajáldahtášiige,

de mun in goassege vajáldahte du.

¹⁶Mun lean čállán du nama

goappašiid goapmerváibmosii,

ja du muvrrat leat álo mu čalmmiid ovddas.

¹⁷Dat geat huksejit du,

bohtet hoahpus,

du gaikkodeaddjit ja billisteaddjit

gáidet eret.

¹⁸

Sii čoahkkanit buohkat

ja bohtet du lusa!

Nu duohta go mun ealán, cealká Hearrá,

don gárvodat sin dego čiŋa,

nugo moarsi

don beasat giessat sin iežat birra.

¹⁹Du viesut ledje čievračopman

ja bealddut ávdimin,

oppa du eanan lei visot gaikojuvvon.

Muhto dál dat šaddá

ilá gáržin ássiidasas!

Du heavaheaddjit leat gáidan.

²⁰

dadjet guhtet guoibmáseaset du gullut:

“Dát báiki lea midjiide ilá gárži.

Čáhkke saji, vai munge čágan ássat!”

²¹Dalle don jearat váimmustat:

“Gii lea riegádahttán dáid munnje?

Munhan ledjen mánáheapme

ja sahkuheapme,

báđar ja hilgojuvvon.

Gii de lea šaddadan dáid?

Mun ledjen báhcán okto –

gos dát dalle ledje?”

²²

Mun lokten gieđa, rávkkan álbmogiid

ja ceggen iežan soahteleavgga.

Dat bohtet, buktet du bártniid salas,

guddet du nieiddaid sealggis.

²³

ja dronnegat sin njamaheaddjin.

Sii luoitádit eatnamii du ovdii

ja njollot gavjja du julggiin.

Dalle don ipmirdat

ahte mun lean Hearrá:

Dat geat vurdet mu,

eai šatta heahpadii.

²⁴Sáhttágo giige soahteolbmás

váldit sállaša,

beasságo fáŋga báhtarit

árpmuhis olbmos?

²⁵

Fáŋga váldojuvvo soahteolbmás

ja sálaš rieviduvvo árpmuhis olbmos!

Mun soađan daiguin geat sohtet duinna,

ja du mánáid mun gájun.

²⁶

iežaset oačči,

sii juhkaluvvet iežas varas dego viinnis.

Dalle buot mii eallá ipmirda

ahte mun, Hearrá, lean du beasti,

ahte du lonisteaddji lea Jakoba Veagalaš.

50¹

Gos lea earrogirji mainna mun

vuolggahin eret din eatni?

Dahje leango mun vuovdán din

muhtin velgoheaddjásan?

Ii nu, dii vuvdojuvvuidet

iežadet vearredaguid dihte,

ja din eadni vuolggahuvvui eret

din rihkkumiid geažil.

²

go mun bohten,

manne ii oktage vástidan

go mun čurvon?

Leago mu giehta ilá oanehaš

lonistit din,

iigo mus leat fápmu beastit?

Mun čergen merrii, ja dat goiká,

jogat šaddet goikeeanamin.

Guolit guohcagit ja bahčiidišgohtet

go ii leat čáhci,

buot dat goiket jámas.

³

gárvvuhan dasa morašgárvvuid.

Hearrá bálvaleaddji givssit

⁴

máhttájeaddji njuokčama,

nu ahte mun máhtán roahkasmahttit

váiban olbmo.

Juohke iđida son dahká

mu bealji gearggusin

guldalit máhttájeddjiid láhkái.

⁵

Mun in vuostálastán,

in geassádan eret.

⁶

nieraidan skávžžáid gaikojuvvot,

in čiehkan muođuidan hiddjádusas,

in čolggain.

⁷Hearrá Ipmil veahkeha mu,

danne mun in bala hiddjádusain.

Mun dagan muođuidan

garasin dego geađgi.

Mun dieđán ahte in šatta heahpadii.

⁸

mu vanhurskkisin.

Gii áigu lágastit muinna?

Loaiddasteadnu dikki ovdii.

Gii dáhttu áššáskuhttit mu?

Bohtos son ovdan!

⁹

gii dalle sivahallá mu?

Dat buohkat gollet dego biktasat,

muohcu borrá daid.

¹⁰

ja guldala su bálvaleaddji

gii vádjola seavdnjadasas

almmá čuovgga haga,

muhto luohttá Hearrá nammii

ja dorvvasta Ipmilii?

¹¹

ja buolláhehket dollanjuolaid,

mannet ieža njuoršu doladet čađa

ja buolli njuolaideattet gaskii!

Mu gieđas dát boahtá:

Givssis dii šaddabehtet veallát.