Davvisámegiel Biibbal 2019 (Biibbal)
48

Israela ovddeš oskkáldasmeahttunvuohta

481

48,1
Jer 4,2
Gula, Jakoba sohka,

gii gohčoduvvot Israela namain,

gullet, dii geat lehpet vuolgán

Juda ádjagis

ja vuordnubehtet Hearrá nammii,

dii geat rámidehpet Israela Ipmila,

muhto ehpet duohtavuođas

ja oskkáldasvuođas.

2

48,2
Mi 3,11
Sii navdet iežaset

bassi gávpoga namain

ja dorjejit Israela Ipmilii,

sutnje gean namma lea Hearrá,

Almmiveagaid Ipmil.

3

48,3
46,9č
Dološ dáhpáhusaid mun muitalin

juo guhká ovdal go dat dáhpáhuvve,

mun almmuhin daid,

adden daid diehttevassii.

Fáhkkestaga mun dahken daid,

ja dat šadde.

4

48,4
2 Mos 32,9
Jer 6,28
7,26
Esek 3,7
Apd 7,51
Mun dieđán ahte don leat garas,

du niski lea ruovddis

ja du gállu bronssas.

5Danne mun almmuhin dán áigá juo,

gulahin dan dutnje

ovdal go dat dáhpáhuvai,

amat sáhttit dadjat:

“Mu ipmilat leat dahkan dán,

mu leikejuvvon bázzi gohčui dan šaddat.”

6Dás don oainnát duot dan

maid leat gullan.

Almma don sáhtát muitalit dan!

Dál mun almmuhan dutnje ođđasiid,

čiegus áššiid maid don it diehtán.

7Dat leat sivdniduvvon aiddo dál

eaige dolin,

don it leat gullan daid ovdal go odne,

amat sáhttit dadjat:

“Mun dihten dan.”

8Don it leat beassan gullat daid

itge diehtit daid,

ii mihkkege almmustuvvan

dutnje juo ovdal.

Mun dieđán du leat oskkáldasmeahttun,

riegádeami rájes

don leat gohččojuvvon beahttin.

9Iežan nama dihte

mun lean guhkesmielalaš,

gudnán geažil mun lean gierdavaš

inge duššat du.

10

48,10
Sál 12,7
66,10eč
1 Pet 1,7
Mun lean šolgen du,

muhto in danin vai fidnešin silbba,

mun lean geahččalan du

gillámuša šolgenuvnnas.

11

48,11
4 Mos 14,15č
5 Mos 9,28
Jes 42,8
Iežan dihte, aivve fal iežan dihte

mun dahken dan,

mu namma ii oaččo heahppášuhttojuvvot.

Iežan gudni mun in juogat earrásii.

Hearrá lea vuolggahan Kyrosa

12

48,12
5 Mos 32,39
Jes 41,4+
Gula mu, Jakob,

Israel, gean mun lean rávkan!

Mun lean Ipmil, mun lean vuosttamuš

ja mun lean maid maŋimuš.

13

48,13
Sál 33,9
Jes 40,1228
44,24
Mu giehta bijai eatnama vuođđudusaid,

mu olgeš giehta lebbii almmi.

Mun rávken daid, ja dat ledje das.

1448,14 Dat … su miela mielde Persia gonagas Kyros. >45,1.Čoagganehket buohkat ja gullet!

Guhtemuš dain earáin gulahii dán:

“Dat gean Hearrá ráhkista,

ollašuhttá su áigumuša Babylona vuostá

ja Kaldea álbmoga vuostá.”

15Mun lean muitalan dán,

mun lean rávkan su,

mun lean vuolggahan su

ja diktán su lihkostuvvat.

16

48,16
45,19
Joh 18,20
Bohtet mu lusa ja gullet:

Álgoáiggiid rájes

mun in goassege sárdnon čihkosis.

Juo dalle go dát dáhpáhuvvagohte,

de mun ledjen das.

Ja dál Hearrá Ipmil

lea addán munnje iežas vuoiŋŋa

ja vuolggahan mu.

Israela gulolašvuohta

17

48,17
Sál 25,12
32,8
Jes 41,14
Ná cealká Hearrá, Israela Bassi,

du lonisteaddji:

Mun lean Hearrá, du Ipmil.

Mun oahpahan dutnje,

mii lea dutnje ávkkálaš,

mun doalvvun du geainnu

man galggat vádjolit.

18Vare don jeagadivččet

mu báhkkomiid!

Dalle du ráfi livččii dego eatnu,

du vanhurskkisvuohta

nugo ábi bárut,

19

48,19
1 Mos 22,17
28,14
32,12
ja du nálli livččii dego sáddot,

du mánát nugo sáttočalmmit.

Du namma ii goassege duššaše,

dat ii sihkkojuvvoše

mu muođuid ovddas.

Ruoktot Babylonis

20

48,20
52,11
Jer 50,8
51,645
Sak 2,11
Alm 18,4
Vulget Babylonis,

báhtarehket Kaldeas!

Muitalehket dan ávvudemiin,

dieđihehket ja beakkuhehket

gitta eatnama ravddaid rádjái.

Dadjet: “Hearrá lea lonistan

bálvaleaddjis Jakoba!”

21

48,21
2 Mos 17,6
4 Mos 20,11
5 Mos 8,15
Sál 78,15č
105,41
114,8
1 Kor 10,4
Eai sii goikan go son doalvvui sin

goikemeahci čađa:

Son attii čázi golgat sidjiide bávttis,

son luddii bávtti, ja čáhci golggai.

22

48,22
57,21
Jer 16,5
Ipmilmeahttumiin ii leat ráfi,

cealká Hearrá.