Hearrá veahkeha, eai eahpeipmilat

46¹

Fievroomiid ja šibihiid sealgái

noađuhuvvojit daid ipmilgovat,

govat maid dii láviidet guoddit ovdal,

bajiduvvojit váiban šibihiid noađđin.

²

eai dat sáhte guoddit

eaige gádjut ovttage,

fáŋgavuhtii sii vádjolit buohkat.

³

oppa Israela čeardda bázahas!

Gullet dii geaid mun lean

šaddan loktet ja guoddit

dan rájes go dii riegádeiddet,

gitta eatni goaŧu rájes!

⁴

mun lean seammá,

mun guottán din velá dallege

go din vuovttat leat čurggodan.

Nu mun lean dahkan ja nu ain dagan,

mun lokten, guottán ja gájun din.

⁵

gean bidjabehtet bálddalaga muinna?

Gean láhkásažžan dii atnibehtet mu,

gii livččii mu veardásaš?

⁶

ja vihkkejit veavttain silbba,

bálkáhit gollerávdi duddjot ipmila.

Dan ovdii sii de luoitádit rohkadallat,

⁷

guddet dan ja bidjet dan sadjásis.

Das dat ceaggá, ii gáidda sajistis.

Jos sii čurvot dasa, de dat ii vástit,

dat ii gájo ovttage heađis.

⁸Muitet dán morrašiin,

smihttet dán, suttolaččat!

⁹

don doloža rájes:

Mun lean Ipmil, eará ii leat.

Mun lean Ipmil, ii leat oktage mu veardásaš.

¹⁰

dan mii boahtá,

juo áigá mun einnostin dan

mii ii lean vel dáhpáhuvvan.

Ná mun cealkkán,

ja mu áigumuš lea nanus,

mun dagan buot maid dáhtun.

¹¹46,11 gazzalotti Persia gonagas Kyros. >41,2; 45,1.Mun rávkkan gazzalotti nuortan,

gáiddus eatnamis olbmá

gii ollašuhttá mu áigumuša.

Maid lean sárdnon,

dan mun divttán šaddat,

mun dagan dan maid lean mearridan.

¹²Guldalehket mu, dii garraváimmogat,

dii geat lehpet guhkkin gáddjojumis!

¹³

dat ii leat guhkkin,

mu bestojupmi ii ádján.

Sionii mun buvttán bestojumi,

attán iežan hearvásvuođa Israelii.

Babylona lihkuhisvuohta

47¹

Čohkán eatnamii, Kaldea nieida,

dies lea dál du truvdnu!

Don it šat gohčoduvvo

jiellahin ja gealuhin.

²

Rabas beaittaliinni, lokte helmmiid,

nuola julggiid ja gále jogaid rastá!

³

du álásvuohta lea oaidnimis.

Go mun mávssahan,

de ii oktage sáhte hehttet mu,

⁴

Su namma lea Hearrá,

Almmiveagaid Ipmil, Israela Bassi.

⁵Čohkká jávohaga,

mana seavdnjadassii,

Kaldea nieida!

Don it šat gohčoduvvo riikkaid dronnegin.

⁶

hilgon iežan opmodaga

ja adden dan du gihtii,

de don it árpmihan mu álbmoga.

Du geasis dettii velá vuoras olbmoge.

⁷

“Mun lean dronnet álo ja agálašvuhtii.”

Don it váldán dan váibmosat,

it smiehttan mo loahppa šaddá.

⁸Gula dál, don gii ealát goargatvuođas,

gii čohkkát oadjebassan ja jurddašat:

“Ii oktage leat nugo mun!

Mun in goassege čohkká leaskan,

in goassege šatta mánáheapmin.”

⁹

Fáhkkestaga, ovttahat beaivvi

don šattat mánáheapmin ja leaskan.

Dat deaividit du dievas fámuin,

vaikko dus leat noaidegoansttat

ja nana diidalohkosat.

¹⁰Don ledjet oadjebas bahávuođastat,

don jurddašit: “Ii oktage oainne mu.”

Du viisodat ja diehtu čádjidahtii du,

ja don jurddašit: “Ii oktage leat mu láhkásaš!”

¹¹Muhto lihkuhisvuohta deaivida du,

itge don sáhte mánidit dan eret.

Heavahus gahččá du ala,

itge don sáhte hehttet dan soabahemiin.

Fáhkka du falleha heavvu

maid it lean vuordimin.

¹²Geahččal dál diidalohkosiiddát

ja buot noaidegoansttaidat

maiguin don leat rassan

gitta nuorravuođa rájes.

Don soaittát oažžut dain veahki,

don soaittát suorggahit lihkuhisvuođa.

¹³

ollu áigumušaidatguin.

Divtte dál boahtit daid veahkehit du,

sii guđet dutket almmi ja gehččet násttiid,

geat juohke ođđa mánu muitalit

mii dus lea vuordagis.

¹⁴Muhto sii leat dego sáđut,

dolla boaldá sin,

eai sii iežage sáhte báhtarit

dollanjuorššuin.

Eai dat leat hilat maid guoras

olmmoš biktalivččii,

ii dolla man gáttis olmmoš čohkohalašii.

¹⁵Nu geavvá du noiddiide,

geaiguin don leat atnán searvevuođa

dan rájes go ledjet nuorra.

Sii čádjádallet iešguhtege guvlosis.

Ii oktage gájo du.

Israela ovddeš oskkáldasmeahttunvuohta

48¹

gii gohčoduvvot Israela namain,

gullet, dii geat lehpet vuolgán

Juda ádjagis

ja vuordnubehtet Hearrá nammii,

dii geat rámidehpet Israela Ipmila,

muhto ehpet duohtavuođas

ja oskkáldasvuođas.

²

bassi gávpoga namain

ja dorjejit Israela Ipmilii,

sutnje gean namma lea Hearrá,

Almmiveagaid Ipmil.

³

juo guhká ovdal go dat dáhpáhuvve,

mun almmuhin daid,

adden daid diehttevassii.

Fáhkkestaga mun dahken daid,

ja dat šadde.

⁴

du niski lea ruovddis

ja du gállu bronssas.

⁵Danne mun almmuhin dán áigá juo,

gulahin dan dutnje

ovdal go dat dáhpáhuvai,

amat sáhttit dadjat:

“Mu ipmilat leat dahkan dán,

mu leikejuvvon bázzi gohčui dan šaddat.”

⁶Dás don oainnát duot dan

maid leat gullan.

Almma don sáhtát muitalit dan!

Dál mun almmuhan dutnje ođđasiid,

čiegus áššiid maid don it diehtán.

⁷Dat leat sivdniduvvon aiddo dál

eaige dolin,

don it leat gullan daid ovdal go odne,

amat sáhttit dadjat:

“Mun dihten dan.”

⁸Don it leat beassan gullat daid

itge diehtit daid,

ii mihkkege almmustuvvan

dutnje juo ovdal.

Mun dieđán du leat oskkáldasmeahttun,

riegádeami rájes

don leat gohččojuvvon beahttin.

⁹Iežan nama dihte

mun lean guhkesmielalaš,

gudnán geažil mun lean gierdavaš

inge duššat du.

¹⁰

muhto in danin vai fidnešin silbba,

mun lean geahččalan du

gillámuša šolgenuvnnas.

¹¹

mun dahken dan,

mu namma ii oaččo heahppášuhttojuvvot.

Iežan gudni mun in juogat earrásii.

Hearrá lea vuolggahan Kyrosa

¹²

Israel, gean mun lean rávkan!

Mun lean Ipmil, mun lean vuosttamuš

ja mun lean maid maŋimuš.

¹³

mu olgeš giehta lebbii almmi.

Mun rávken daid, ja dat ledje das.

¹⁴48,14 Dat … su miela mielde Persia gonagas Kyros. >45,1.Čoagganehket buohkat ja gullet!

Guhtemuš dain earáin gulahii dán:

“Dat gean Hearrá ráhkista,

ollašuhttá su áigumuša Babylona vuostá

ja Kaldea álbmoga vuostá.”

¹⁵Mun lean muitalan dán,

mun lean rávkan su,

mun lean vuolggahan su

ja diktán su lihkostuvvat.

¹⁶

Álgoáiggiid rájes

mun in goassege sárdnon čihkosis.

Juo dalle go dát dáhpáhuvvagohte,

de mun ledjen das.

Ja dál Hearrá Ipmil

lea addán munnje iežas vuoiŋŋa

ja vuolggahan mu.

Israela gulolašvuohta

¹⁷

du lonisteaddji:

Mun lean Hearrá, du Ipmil.

Mun oahpahan dutnje,

mii lea dutnje ávkkálaš,

mun doalvvun du geainnu

man galggat vádjolit.

¹⁸Vare don jeagadivččet

mu báhkkomiid!

Dalle du ráfi livččii dego eatnu,

du vanhurskkisvuohta

nugo ábi bárut,

¹⁹

du mánát nugo sáttočalmmit.

Du namma ii goassege duššaše,

dat ii sihkkojuvvoše

mu muođuid ovddas.

Ruoktot Babylonis

²⁰

báhtarehket Kaldeas!

Muitalehket dan ávvudemiin,

dieđihehket ja beakkuhehket

gitta eatnama ravddaid rádjái.

Dadjet: “Hearrá lea lonistan

bálvaleaddjis Jakoba!”

²¹

goikemeahci čađa:

Son attii čázi golgat sidjiide bávttis,

son luddii bávtti, ja čáhci golggai.

²²

cealká Hearrá.