Hearrá bálvaleaddji

42¹

gean mun doarjalan,

mu válljen olmmái

gean mun ráhkistan.

Mun lean diktán iežan vuoiŋŋa

boahtit su badjelii,

son buktá vuoigatvuođa álbmogiidda.

²Ii son čuorvvo iige huikke,

ii su jietna gullo gáhtain.

³

borggisteaddji veaikka son ii čáskat.

Oskkáldasat son buktá vuoigatvuođa.

⁴Ii son váibba

iige su fápmu doddjojuvvo,

muhto son ásaha eatnamii vuoigatvuođa.

Gáiddus eatnamat

áibbašit su oahpahusa.

⁵

son gii sivdnidii almmi ja lebbii dan,

gii hábmii eatnama

ja buot mii das šaddá,

gii attii eallinvuoiŋŋa buot dasa

mii vádjola eatnama alde:

⁶

rávkan du.

Mun válddán du gihtii ja várjalan du.

Du bokte mun dagan lihtu iežan álbmogiin

čuovgan eará álbmogiidda.

⁷

ja luoittát fáŋggaid giddagasas,

fáŋgaviesus daid geat

čohkkájit seavdnjadasas.

⁸

Iežan gudni mun in atte earrásii

inge iežan rámádusa ipmilgovaide.

⁹

dál mun almmuhan ođđasiid.

Juo ovdal go dat bohciidit ovdan,

de mun muitalan daid didjiide.

Ođđa lávlla Hearrái

¹⁰

lávlot su máidnuma miehtá eatnama.

Máraidehkos ávvudemiin mearra

ja buot mii das lea,

illudehkoset gáiddus rittut

ja buot daid ássit.

¹¹

siiddat main Kedar orru.

Illudehkoset Sela olbmot,

čurvoset sii várrečohkain.

¹²

rámidehket su gáiddus eatnamiin!

¹³Hearrá vuolgá sáŋgára láhkái,

nugo soahteolmmái son bođđe iežas soahtái,

čuorvu soahtečuorvasiid

ja čájeha fámus vašálaččaide.

¹⁴

lean orron jávohaga

ja doalahan sárdnumis.

Dál mun bárggun dego riegádahtti nisu,

mun sáđan ja hahpaštuttan.

¹⁵

goikadan buot ruotnasa

mii dain šaddá.

Jogaid mun dagan goikeeanamin,

jávrriid mun divttán goikat.

¹⁶

geainnu man sii eai leat johtán,

mun doalvvun sin bálgáid

maid sii eai dovdda.

Seavdnjadasa sin ovddas

mun dagan čuovggasin,

ráhppás eatnamiid jalgadassan.

Dán mun áiggun dahkat,

mun in guođe maidege dagakeahttá.

¹⁷

dat geat dorvvastit ipmilgovaide,

geat dadjet leikejuvvon bácciide:

“Dii lehpet min ipmilat.”

Israel, bealjehis ja čalmmehis bálvaleaddji

¹⁸

Čalmmeheamit, gehččet,

de dii oaidnibehtet!

¹⁹Gii lea čalmmeheapme

jos ii mu bálvaleaddji,

gii bealjeheapme jos ii mu áirras

gean mun lean vuolggahan?

Gii lea seammá čalmmeheapme

go mu áirras,

gii seammá bealjeheapme

go Hearrá bálvaleaddji?

²⁰

muhto ii váldde dan vuhtii,

su bealjit leat rahpasat,

muhto ii son gula maidege.

²¹Hearrá lea vuoiggalaš,

dan dihte son dáhttu čájehit

ahte su láhka lea stuoris ja hearvái.

²²Muhto dát álbmot lea speddjojuvvon

ja rieviduvvon,

buohkat leat láhkkiin bákteráiggiin,

čihkkojuvvon giddagasaide.

Sii leat šaddan sálašin,

iige oktage gájo sin,

sii leat speddjojuvvon,

iige oktage daja: “Luoitte sin!”

²³Guhtemuš dis jorgala bealji

dán beallái,

gii guldala dárkilit ja váldá vuhtii

dás maŋás?

²⁴

ja attii Israela rievváriid gihtii?

Iigoson Hearrá ieš,

son gean vuostá mii leat suddudan.

Ii oktage dáhtton vádjolit su geainnuid

iige jeagadit su lága.

²⁵

iežas buolli moari,

son divttii soađi ja veahkaválddi

deaividit sin.

Sin birra njuorššui dolla,

muhto eai sii ipmirdan,

dat bolddii sin,

muhto eai sii váldán das várrehusa.

Hearrá lonista Israela

43¹

son guhte sivdnidii du, Jakob,

son guhte hábmii du, Israel:

Ale bala, mun lean lonistan du,

mun lean addán dutnje du nama,

don leat mu.

²

de mun lean duinna,

rávnnjit eai heavat du.

Go don manat dola čađa,

de dat ii guorbat du

iige dollanjuovčča boaldde du.

³43,3 Kuš >18,1. Seba soaitá leat Saba. Vrd. 1 Gon 10,1; Sál 72,10; Jes 45,14.Mun lean Hearrá, du Ipmil.

Mun, Israela Bassi, beasttán du.

Mun attán Egypta lonisin du ovddas,

Kuša ja Seba du sadjái.

⁴Don leat munnje mávssolaš,

mun gudnejahtán ja ráhkistan du.

Dan dihte mun attán olbmuid du sadjái,

álbmogiid máksun du heakka ovddas.

⁵

Mun vieččan du náli nuortan,

mun čohkken din buohkaid oarjin.

⁶

ja lullái: “Luoitte sin vuolgit!”

Buktet mu bártniid guhkkin,

mu nieiddaid eatnama ravddain,

⁷buohkaid geat namahuvvojit mu namain,

buohkaid geaid mun lean sivdnidan,

dahkan ja hábmen iežan gudnin.

Aivve fal Hearrá sáhttá beastit

⁸

mii lea čalmmeheapme

vaikko das leat čalmmit,

mii lea bealjeheapme,

vaikko das leat bealjit.

⁹

olbmuid čearddat bohtet čoahkkái.

Guhtemuš dain sáhtii gulahit dákkáriid

ja muitalit midjiide dan

mii dáhpáhuvai ovdal?

Buktoset sii ovdan duođašteddjiideaset,

čájehehkoset ahte leat vuoigadis,

nu ahte earát gulašedje ja dajašedje:

“Duohta gal lea.”

¹⁰

cealká Hearrá, lehpet dii

– Israel, don gean mun lean válljen

iežan bálvaleaddjin –

ja dii galgabehtet dovdat mu

ja oskut munnje,

ipmirdit ahte mun lean Ipmil.

Mu ovdal ii leat leamaš ipmil,

iige boađe mu maŋŋil.

¹¹

earret mu ii leat beasti.

¹²Mun lean sárdnon,

mun lean beastán,

mun lean almmuhan didjiide

iežan dáhtu,

mun ieš, ii oktage amas ipmil.

Dii lehpet mu duođašteaddjit,

cealká Hearrá.

Mun lean Ipmil,

¹³

mun lean seammá.

Ii oktage sáhte gaikkihit maidege

mu gieđas.

Gii sáhttá dahkat duššin mu daguid?

Hearrá ođđa oavdudagut

¹⁴

Israela Bassi:

Maid mun dagan Babylonii,

dan mun dagan din dihte.

Mun cuvken buot dan poarttaid smarttiid,

ja luoimmasin rivdet

kaldealaččaid illučuorvasat.

¹⁵

Israela sivdnideaddji, din gonagas!

¹⁶

son gii dagai geainnu áhpái,

bálgá veagalaš čáziid čađa,

¹⁷son gii divttii heasttaid ja vovnnaid

ja gievrras soahteolbmáid lihkkasit mátkái

– čiekŋalasas sii dál njaŋgájit

eaige šat čuožžil,

dego lámppá jáddi dollanjuovčča

sii jávke –

ná son cealká:

¹⁸Allet jurddaš dološ dáhpáhusaid,

allet smiehta vássán áiggiid!

¹⁹

Dat lea juo bohciideamen ovdan,

ehpetgo dii fuomáš?

Mun dagan geainnu meahccái,

eanuid ávdin eatnamii.

²⁰

šakálat ja struhcat,

danne go mun lean buktán čázi

čázehis meahccái,

jogaid jakŋa eatnamii,

vai mu álbmot maid mun lean válljen,

beassá juhkat.

²¹Álbmot maid mun lean

ráhkadan alccesan,

lávlu mu rámádusa.

Israela suddu, Hearrá árbmu

²²Don it čurvon mu, Jakob,

don it rahčan mu dihte, Israel.

²³It don leat buktán munnje

sávzzaid boaldinoaffarin

itge gudnejahttán mu njuovvanoaffariiguin.

Mun in váivvidan du borramušoaffariin

inge váibadan du suovvasiin.

²⁴It don leat oastán munnje kalmusa,

it gallehan mu

njuovvanoaffariiddát buiddiin.

Don baicce leat givssidan mu suttuidatguin,

váivvidan mu vearredaguidatguin.

²⁵

du vearredaguid iežan dihte

inge šat muitte du suttuid.

²⁶Váidde mu, lágasteahkku!

Bija áššát ovdan, vai oaččut vuoigatvuođa!

²⁷Juo du máddu suddudii,

du njunušolbmát hilgo mu.

²⁸43,28 vihahin Jakoba duššadeapmái ▶ vihahit duššadeapmái.Dan dihte mun vuolidin

du bassi oaivámuččaid,

vihahin Jakoba duššadeapmái,

dikten Israela hiddjiduvvot.

Hearrá buressivdnida Israela

44¹

Israel, gean mun lean válljen.

²

son gii juo goaŧus hábmii du,

son gii veahkeha du:

Ale bala, bálvaleaddján Jakob,

don Ješurun, gean mun lean válljen.

³

jogažiid jakŋa eatnamii.

Mun golggahan iežan vuoiŋŋa

du mánáid badjelii,

iežan buressivdnádusa du nállái.

⁴

nugo sieđggat jogašgáttiide.

⁵Muhtin dadjá: “Mun gulan Hearrái”,

nubbi gohčču iežas Jakoba namain,

soamis čállá giehtasis: “Hearrá oapmi”

ja gudnejahttojuvvo Israela namain.

Hearrá lea áidna Ipmil

⁶

son gii lonista dan,

Hearrá, Almmiveagaid Ipmil:

Mun lean vuosttaš

ja mun lean maŋimuš.

Earret mu ii leat Ipmil.

⁷

Bohtos son ovdan, muitalehkos

ja duođaštehkos munnje dan.

Gii lea juo ovdal muitalan

dan mii dáhpáhuvvá?

Muitalehkos son midjiide mii boahtá!

⁸

Ingo mun leat áigá juo almmuhan

ja muitalan dan didjiide?

Dii lehpet mu duođašteaddjit.

Leago Ipmil earret mu,

leago dorvobákti maid mun in dovdda?

Eahpeipmilduojáriid duššálaš bargu

⁹

leat buohkat čabu dušši,

sin mávssolaš govat eai veahket.

Sin bálvaleaddjit eai oainne eaige ádde,

sii šaddet heahpadii.

¹⁰Gii ráhkada ipmila, gii leike ipmilgova

mii ii leat ávkin masage?

¹¹

šaddet heahpadii,

daid duojárat leat dušše olbmot.

Čoahkkanehkoset sii buohkat,

bohtoset mu ovdii,

ballui sii dohppehallet

ja šaddet heahpadii.

¹²

ja rahčá čađđadollagáttis.

Son hábme gova veahčiriin

ja duddjo dan gievrras gieđain.

Son nealgu ja vuoimmehuvvá,

son goiká ja viessá.

¹³Muorravaddji njulge mihttobátti,

sárgu gova čálániin

ja čuohppá dan luovččaniin.

Son merke mihtuid pássáriin,

addá govvii olbmo čáppa hámi,

ja dat oažžu ássat iežas tempelis.

¹⁴Olmmoš njeaidá sedera,

son váldá geađgeáikka

dahje áikka mii lea šaddan stuorisin

vuovddi muoraid gaskkas,

dahje son cegge lágermuoraid

maid arvi šaddada.

¹⁵

dainna son biktala ja dahká dola

vai beassá goikadit láibbi.

Son dahká das maiddái ipmila

man ovdii son luoitáda,

hábme alccesis ipmilgova

maid de gopmirda.

¹⁶Lahki muoras son boaldá dolas.

Hilaid alde son bassá bierggu,

son borrá ja gallána,

liekkadallá ja dadjá:

“Dál mun gal bivan,

gal juo lea albma dolla!”

¹⁷

gova maid son de gopmirda.

Son luoitáda eatnamii,

rohkadallá gova ja dadjá:

“Beastte mu, donhan leat mu ipmil!”

¹⁸

Sin čalmmit leat gitta

nu ahte sii eai oainne,

sin váibmu nu gokčojuvvon

nu ahte sii eai ipmir.

¹⁹Eai sii jurdil, ii sis leat fiehttu

iige jierbmi dadjat:

“Lahki muoras mun bolden,

goikadin láibbi hilaid alde,

bassen bierggu ja borren.

Dagašingo mun bázahasas fastivuođa,

gopmirdivččengo muorrabelkko?”

²⁰Dat gii dorvvasta duššái, čádjádallá.

Ii son sáhte gádjut iežas,

ii dadjat alccesis:

“Mun lean luohttán giellásii.”

Hearrá lea sivdnideaddji

²¹

muitte, Israel,

ahte mun lean du hábmen,

don leat mu bálvaleaddji,

mun in vajáldahte du, Israel.

²²

dego mierkká,

du suttuid nugo balvva.

Jorgal mu beallái,

de mun lean lonistan du.

²³

das maid Hearrá lea dahkan!

Čurvot ilus, eatnama čiekŋalasat!

Bajidehket ávvučuorvasiid, buot várit,

dii vuovddit buot muoraideattetguin!

Hearrá lea lonistan Jakoba!

Son lea beastán Israela,

son lea čájehan iežas hearvásvuođa.

²⁴

son gii juo goaŧus hábmii du:

Mun lean Hearrá,

mun lean sivdnidan buot,

mun okto lebbejin almmi,

mun hábmejin eatnama

almmá geange veahki haga.

²⁵

mun dagan duššin,

einnosteddjiid mun dagan bilkun.

Mun badjelgeahčan viisáid

ja dagan sin viisodaga jallodahkan.

²⁶Mun nannen bálvaleddjiidan sániid

ja ollašuhtán dan maid mu áirasat

leat almmuhan.

Mun cealkkán Jerusalemii:

“Don oaččut olbmuidat ruoktot”,

ja Juda gávpogiidda:

“Dii huksejuvvobehtet fas!”

Mun divttán gávpogiiddán

badjánit čievračomain.

²⁷

“Šatta goikkisin!

Mun goikadan du rávnnjiid.”

²⁸

Son ollašuhttá buot maid mun dáhtun,

son dadjá Jerusalemii: “Don huksejuvvot!”

ja tempelii: “Don vuođđuduvvot fas!”