Illusáhka Jerusalemii

40¹

mu álbmoga, cealká din Ipmil.

²

muitalehket dasa

ahte dan šlávvavuohta lea nohkan,

ahte dan vealgi lea máksojuvvon,

ahte Hearrá lea ráŋggáštan dan

guovttegeardásaččat

buot dan suttuid dihte.

³

Ráhkadehket Hearrái geainnu meahccái,

dássejehket ávdin eatnamii

geainnu min Ipmilii!

⁴

várit ja dievát vuoliduvvojit.

Luohkkás eatnamat šaddet jalgadassan,

ráhpes báikkit duolba eanamin.

⁵

ja buohkat ožžot oaidnit dan.

Ná Hearrá lea sárdnon.

⁶

Mun jearan: “Maid mun galggan sárdnut?”

– Olmmoš lea dego rássi,

nohkavaš nugo gietti lieđđi.

⁷Rássi goiká, lieđđi goldná

go Hearrá vuoiŋŋahat bossu dasa.

Duođaid, álbmot lea rássi.

⁸

muhto min Ipmila sátni bissu agálaš áigái.

⁹

don gii buvttát illusága!

Gulat illusága alla jienain, Jerusalem!

Čuorvvo, ale bala, gulat Juda gávpogiidda:

Din Ipmil boahtá!

¹⁰

son ráđđe gievrras gieđain.

Sus lea bálká fárus,

dat geaid son lea vuoitán alccesis,

mannet su ovdal.

¹¹

Son váldá lábbáid sallii

ja guoddá daid fátmmis,

son vuojeha daid etniid várrugasat.

Ipmila stuorisvuohta

¹²

gii vuvssiinis almmi viidodaga?

Gii čohkke mihttogárrái

eatnama muoldda,

gii vihkke váriid veavttain

ja dieváid viehkagiin?

¹³

gii bagadan ja oahpahan su?

¹⁴Geainna son lea ráđđádallan,

gii lea addán sutnje neavvagiid?

Gii lea máhttáhan sutnje rivttes bálgá,

addán sutnje dieđu ja čájehan sutnje

viissisvuođa geainnu?

¹⁵

dego goaikkanasat spánnjas,

dego gavjačalmmit veaktaskoalas.

Gáiddus eatnamat eai deatte

eambbo go gavja.

¹⁶Libanona vuovddit eai leat galle

oaffardola boaldámuššan,

dan eallit eai leat galle boaldinoaffarin.

¹⁷

eai leat maninge,

son atná daid čabu duššin.

¹⁸

mainna bálddalaga bijašeiddet su?

¹⁹

ja gollerávdi skoađasta dan golliin

ja duddjo dasa silbaviđjjiid.

²⁰

vállje muora mii ii mieskka

ja ohcá čeahpes duojára

duddjot gova mii čuožžu stáđđásit.

²¹

Iigo dat leat almmuhuvvon didjiide

álggu rájes?

Ehpetgo dii leat oahppan ipmirdit

dan rájes go eanan vuođđuduvvui?

²²

eatnama gierddu bajábealde,

dan ássit leat sutnje dego rásselohkut.

Son lebbii almmi dego loavdaga

ja ceggii dan dego goađi.

²³Son dahká oaivámuččaid duššin,

son luottahuhttá eatnama ráđđejeddjiid:

²⁴Illá sii leat ceggejuvvon,

illá sii leat gilvojuvvon,

illá sii leat ruohtastuvvan

go son bosáda sidjiide,

ja sii goldnet,

ja riđđu doalvu sin dego oalggaid.

²⁵Geanin dii veardidivččiidet mu,

gii lea mu láhkásaš? jearrá Bassi.

²⁶

Gii lea sivdnidan buot dán?

Son gii geahčada násttiid veagaid

ja buktá daid ovdan,

son gii diehtá buot daid namaid.

Nu stuoris lea su fápmu,

nu nanus su váldi

ahte dain ii váillo oktage.

²⁷

Israel, mo don sáhtát dadjat:

“Hearrá ii leat oaidnán mu vádjolusa,

mu Ipmil ii beroš mu áššis.”

²⁸

Hearrá lea agálaš Ipmil,

son lea sivdnidan oppa eatnama.

Ii son váibba, ii son viesa,

suokkardallameahttun lea su viisodat.

²⁹Son addá fámu váiban olbmui,

ja dasa geas eai leat fámut

son addá ođđa vuoimmi.

³⁰Bártnit sáhttet váibat ja viessat,

nuorra olbmát sáhttet guossalit ja gahččat,

³¹

ožžot ođđa fámu,

sii bajidit soajáid dego goaskimat.

Sii vihket eaige viesa,

sii vádjolit eaige váibba.

Hearrá lea rávkan Kyrosa

41¹

Guldalehket mu, gáiddus eatnamat!

Gullet, álbmogat!

Bohtet ovdan ja sárdnot,

loaiddastehkot ovttas rievtti ovdii.

²41,2 mannat vuoittus vuitui čujuha Persia gonagas Kyrosii, gii 540-logus o.Kr. manai vuoittus vuitui Uhca-Asias. Vrd. v. 25; 44,28; 45,1.Gii lea boktán nuortan olbmá

mannat vuoittus vuitui?

Gii addá álbmogiid su háldui

ja diktá su duolbmat gonagasaid?

Su miehkki rievdada sin gavjan,

su dávgi dahká sin sáđđun biggii.

³Son doarrida sin,

manná ovddos oadjebassan,

su juolggit illá guoskkahit luotta.

⁴

gii lea dán dahkan?

Son guhte álggu rájes

rávkkai buolvvaid eallit.

Mun, Hearrá, lean vuosttamuš,

ja maŋimuččaid luhttege

mun lean seammá.

⁵Gáiddus eatnamat oidnet dan,

dat ballet,

oppa eanan doarggista.

Dat lahkonit, dat bohtet.

⁶Buohkat veahkehit

guhtet guimmiideaset,

sii roahkasmahttet nuppiideaset.

⁷

gollerávdi,

dat gii dearppada veahčiriin,

roahkasmahttá dan gii liktuda golli.

Son rámida jugahusa

ja gidde ipmilgova návlliiguin,

amas juovzut.

Hearrá veahkeha Israela

⁸

Jakob, gean mun lean válljen,

don, mu ustiba Abrahama nálli,

⁹

eatnama ravddas,

rávken dan olggumuš geažis,

don geasa mun celken:

“Don leat mu bálvaleaddji,

mun lean válljen du, mun in du hilggo!”

¹⁰

Ale vilppo balus, mun lean du Ipmil.

Mun nanusmahtán ja veahkehan du,

mun doarjjun ja gájun du

olgeš gieđainan.

¹¹

šaddet heahpadii ja bilkiduvvojit.

Dat geat čuožžilit du vuostá,

duššet ja jávket.

¹²Don ozat daid

geat dáistaledje du vuostá,

muhto it gávnna.

Dat olbmát geat sohte duinna,

duššet ollásii.

¹³Munhan lean Hearrá, du Ipmil,

mun doalan du olgeš gieđas

ja cealkkán dutnje:

“Ale bala, mun veahkehan du.”

¹⁴

don Israela unna jovkkoš!

Mun veahkehan du, cealká Hearrá,

du lonista Israela Bassi.

¹⁵

gordnecuvkenreahkan,

ođđa reahkan man biikkat leat bastilat.

Don cuvket váriid gavjan,

mollet dieváid sáđđun.

¹⁶

biegga doalvu daid, riđđu daid biđge.

Muhto don beasat illudit Hearrá siste,

Israela Bassi lea du ávvu.

¹⁷

muhto ii leat mihkkege,

goiku lea goikadan sin njuokčama.

Mun, Hearrá, vástidan sidjiide,

mun, Israela Ipmil, in hilggo sin.

¹⁸

báljes dieváide,

ádjagiid legiid gasku.

Mun dagan jakŋa meahci čáhceláttun

ja goikesáddo ádjagiid eanamin.

¹⁹

mun šaddadan ádjui akasiaid, myrttaid

ja meahcceoliivamuoraid,

mun ceggen jalgadassii sypressaid,

beziid ja buksbommuoraid,

²⁰vai buohkat oidnet ja dihtet,

jurddašaddet ja ipmirdit

ahte Hearrá giehta lea dahkan dán,

ahte Israela Bassi lea dán sivdnidan.

Hearrá vai eahpeipmilat

²¹Buktet ovdan din ášši, cealká Hearrá,

muitalehket ákkaideattet,

cealká Jakoba gonagas.

²²

mii dáhpáhuvvá.

Čilgejehket midjiide doložiid,

vai mii beassat guorahallat daid

ja ipmirdit, mii lea dáhpáhuvvan.

Dahje muitalehket midjiide

mii lea boahtimin,

²³

dáhpáhuvvá dás maŋás,

vai mii diehtit ahte dii lehpet ipmilat.

Dahket maid ihkinassii, buori dahje bahá,

vai mii buohkat beassat

geahččat ja oaidnit.

²⁴

din dagut eai leat mahkkege.

Fasti lea dat ahte muhtun din vállje.

²⁵

rávken su beaivváža badjáneami guovllus.

Son duolbmá hálddašeddjiid dego muoldda,

dego láirelihttedahkki duolbmá láirri.

²⁶

vai mii livččiimet dan diehtán?

Gii einnostii dan,

nu ahte dál sáhtášeimmet dadjat:

“Son sártnui duođa.”

Ii oktage muitalan, ii oktage gulahan,

ii oktage leat gullan dis sánige.

²⁷Muhto mun, mun okto

muitalin dan Sionii,

mun vuolggahin illuáirasa Jerusalemii.

²⁸Mun geahčan biran,

muhto dás ii leat oktage,

ii oktage gii nevvošii,

ii oktage gii máhtášii vástidit

mu jearaldagaide.

²⁹

sin dagut eai leat mahkkege.

Sin leikejuvvon báccit leat

biegga ja guorusvuohta.

Hearrá bálvaleaddji

42¹

gean mun doarjalan,

mu válljen olmmái

gean mun ráhkistan.

Mun lean diktán iežan vuoiŋŋa

boahtit su badjelii,

son buktá vuoigatvuođa álbmogiidda.

²Ii son čuorvvo iige huikke,

ii su jietna gullo gáhtain.

³

borggisteaddji veaikka son ii čáskat.

Oskkáldasat son buktá vuoigatvuođa.

⁴Ii son váibba

iige su fápmu doddjojuvvo,

muhto son ásaha eatnamii vuoigatvuođa.

Gáiddus eatnamat

áibbašit su oahpahusa.

⁵

son gii sivdnidii almmi ja lebbii dan,

gii hábmii eatnama

ja buot mii das šaddá,

gii attii eallinvuoiŋŋa buot dasa

mii vádjola eatnama alde:

⁶

rávkan du.

Mun válddán du gihtii ja várjalan du.

Du bokte mun dagan lihtu iežan álbmogiin

čuovgan eará álbmogiidda.

⁷

ja luoittát fáŋggaid giddagasas,

fáŋgaviesus daid geat

čohkkájit seavdnjadasas.

⁸

Iežan gudni mun in atte earrásii

inge iežan rámádusa ipmilgovaide.

⁹

dál mun almmuhan ođđasiid.

Juo ovdal go dat bohciidit ovdan,

de mun muitalan daid didjiide.

Ođđa lávlla Hearrái

¹⁰

lávlot su máidnuma miehtá eatnama.

Máraidehkos ávvudemiin mearra

ja buot mii das lea,

illudehkoset gáiddus rittut

ja buot daid ássit.

¹¹

siiddat main Kedar orru.

Illudehkoset Sela olbmot,

čurvoset sii várrečohkain.

¹²

rámidehket su gáiddus eatnamiin!

¹³Hearrá vuolgá sáŋgára láhkái,

nugo soahteolmmái son bođđe iežas soahtái,

čuorvu soahtečuorvasiid

ja čájeha fámus vašálaččaide.

¹⁴

lean orron jávohaga

ja doalahan sárdnumis.

Dál mun bárggun dego riegádahtti nisu,

mun sáđan ja hahpaštuttan.

¹⁵

goikadan buot ruotnasa

mii dain šaddá.

Jogaid mun dagan goikeeanamin,

jávrriid mun divttán goikat.

¹⁶

geainnu man sii eai leat johtán,

mun doalvvun sin bálgáid

maid sii eai dovdda.

Seavdnjadasa sin ovddas

mun dagan čuovggasin,

ráhppás eatnamiid jalgadassan.

Dán mun áiggun dahkat,

mun in guođe maidege dagakeahttá.

¹⁷

dat geat dorvvastit ipmilgovaide,

geat dadjet leikejuvvon bácciide:

“Dii lehpet min ipmilat.”

Israel, bealjehis ja čalmmehis bálvaleaddji

¹⁸

Čalmmeheamit, gehččet,

de dii oaidnibehtet!

¹⁹Gii lea čalmmeheapme

jos ii mu bálvaleaddji,

gii bealjeheapme jos ii mu áirras

gean mun lean vuolggahan?

Gii lea seammá čalmmeheapme

go mu áirras,

gii seammá bealjeheapme

go Hearrá bálvaleaddji?

²⁰

muhto ii váldde dan vuhtii,

su bealjit leat rahpasat,

muhto ii son gula maidege.

²¹Hearrá lea vuoiggalaš,

dan dihte son dáhttu čájehit

ahte su láhka lea stuoris ja hearvái.

²²Muhto dát álbmot lea speddjojuvvon

ja rieviduvvon,

buohkat leat láhkkiin bákteráiggiin,

čihkkojuvvon giddagasaide.

Sii leat šaddan sálašin,

iige oktage gájo sin,

sii leat speddjojuvvon,

iige oktage daja: “Luoitte sin!”

²³Guhtemuš dis jorgala bealji

dán beallái,

gii guldala dárkilit ja váldá vuhtii

dás maŋás?

²⁴

ja attii Israela rievváriid gihtii?

Iigoson Hearrá ieš,

son gean vuostá mii leat suddudan.

Ii oktage dáhtton vádjolit su geainnuid

iige jeagadit su lága.

²⁵

iežas buolli moari,

son divttii soađi ja veahkaválddi

deaividit sin.

Sin birra njuorššui dolla,

muhto eai sii ipmirdan,

dat bolddii sin,

muhto eai sii váldán das várrehusa.