Babylonia gonagasa áirasat
391
2 Muit 32,31
Go Babylonia gonagas Merodak-Baladan, Baladana bárdni, gulai ahte Hiskia lei leamaš buohccin ja lei fas buorránan, de son vuolggahii sutnje reivve ja attáldagaid. 2Hiskia illosii go áirasat bohte, ja son čájehii sidjiide iežas vuorkáviesu ja dan silbbaid ja golliid, hádjaurtasiid ja fiinna oljju ja velá oppa iežas vearjoráju ja buot, mii lei su dávvirrájuin. Oppa šloahtas ja oppa riikkas ii lean mihkkege diŋggaid maid son ii livčče čájehan sidjiide. 3Dalle profehta Jesaja bođii gonagas Hiskia lusa ja jearai sus: “Mii duoin olbmáin lei áššin? Gos sii ledje boahtán?” Hiskia vástidii: “Sii ledje boahtán gáiddus eatnamis, Babylonias.” 4Jesaja jearai: “Maid don čájehit sidjiide, go sii ledje du guossis?” Hiskia vástidii: “Mun čájehin sidjiide buot mii mu šloahtas lea. Mu dávvirrájuin ii leat mihkkege maid mun in livčče čájehan sidjiide.” 5Dalle Jesaja dajai Hiskiai: “Gula Hearrá, Almmiveagaid Ipmila, sáni: 6
Boahtá beaivi goas buot mii lea du šloahtas, buot maid du áhčit leat čohkken gitta dán beaivvi rádjái, dolvojuvvo Babyloniai. Ii mihkkege báze, cealká Hearrá. 7Sii váldet muhtumiid du bártniin, dain geat leat du iežat nális, ja bidjet sin hoavvabálvalussii Babylonia gonagasa šlohttii.” 8
2 Gon 22,20
Hiskia dajai Jesajai: “Hearrá sátni maid don sárdnot, lea buorre.” Son oainnat jurddašii: “Lea goit ráfi ja oadjebasvuohta nu guhká go mun ealán.”
Illusáhka Jerusalemii
401
49,13
Jeđđejehket, jeđđejehket
mu álbmoga, cealká din Ipmil.
2
Jer 16,18
Váid 4,22
Hos 2,14
Sárdnot ustitlaččat Jerusalemii,
muitalehket dasa
ahte dan šlávvavuohta lea nohkan,
ahte dan vealgi lea máksojuvvon,
ahte Hearrá lea ráŋggáštan dan
guovttegeardásaččat
buot dan suttuid dihte.
3
Luk 1,76
Jietna čuorvu:
Ráhkadehket Hearrái geainnu meahccái,
dássejehket ávdin eatnamii
geainnu min Ipmilii!
4
Leagit bajiduvvojit,
várit ja dievát vuoliduvvojit.
Luohkkás eatnamat šaddet jalgadassan,
ráhpes báikkit duolba eanamin.
5
Joh 1,14
2,11
Hearrá hearvásvuohta almmustuvvá,
ja buohkat ožžot oaidnit dan.
Ná Hearrá lea sárdnon.
6
103,15č
Jak 1,10č
1 Pet 1,24č
Jietna dadjá: Sártno!
Mun jearan: “Maid mun galggan sárdnut?”
– Olmmoš lea dego rássi,
nohkavaš nugo gietti lieđđi.
7Rássi goiká, lieđđi goldná
go Hearrá vuoiŋŋahat bossu dasa.
Duođaid, álbmot lea rássi.
8
Matt 5,18
Luk 16,17
21,33
Rássi goiká, lieđđi goldná,
muhto min Ipmila sátni bissu agálaš áigái.
9
43,5
52,7
Nah 2,1
Goarkŋo alla várrái, Sion,
don gii buvttát illusága!
Gulat illusága alla jienain, Jerusalem!
Čuorvvo, ale bala, gulat Juda gávpogiidda:
Din Ipmil boahtá!
10
Hearrá Ipmil boahtá stuorra fámuin,
son ráđđe gievrras gieđain.
Sus lea bálká fárus,
dat geaid son lea vuoitán alccesis,
mannet su ovdal.
11
Esek 34,11eč
Luk 15,4eč
Joh 10,11eč
Dego báimman son guođoha ealus.
Son váldá lábbáid sallii
ja guoddá daid fátmmis,
son vuojeha daid etniid várrugasat.
Ipmila stuorisvuohta
12
Gii mihtida goapmiriinnis ábi čáziid,
gii vuvssiinis almmi viidodaga?
Gii čohkke mihttogárrái
eatnama muoldda,
gii vihkke váriid veavttain
ja dieváid viehkagiin?
13
Rom 11,34
1 Kor 2,16
Gii lea oahpistan Hearrá,
gii bagadan ja oahpahan su?
14Geainna son lea ráđđádallan,
gii lea addán sutnje neavvagiid?
Gii lea máhttáhan sutnje rivttes bálgá,
addán sutnje dieđu ja čájehan sutnje
viissisvuođa geainnu?
15
Buot álbmogathan leat
dego goaikkanasat spánnjas,
dego gavjačalmmit veaktaskoalas.
Gáiddus eatnamat eai deatte
eambbo go gavja.
16Libanona vuovddit eai leat galle
oaffardola boaldámuššan,
dan eallit eai leat galle boaldinoaffarin.
17
41,11č2429
Su ovddas buot álbmogat
eai leat maninge,
son atná daid čabu duššin.
18
Apd 17,29
Geanin dii veardidivččiidet Ipmila,
mainna bálddalaga bijašeiddet su?
19
Jes 44,10eč
46,6
Ipmilgovaingo? Danhan duojár leike,
ja gollerávdi skoađasta dan golliin
ja duddjo dasa silbaviđjjiid.
20
Dat gii áigu dahkat ipmilgova,
vállje muora mii ii mieskka
ja ohcá čeahpes duojára
duddjot gova mii čuožžu stáđđásit.
21
Ehpetgo dii dieđe, ehpetgo leat gullan?
Iigo dat leat almmuhuvvon didjiide
álggu rájes?
Ehpetgo dii leat oahppan ipmirdit
dan rájes go eanan vuođđuduvvui?
22
Jes 42,5
44,24
45,12
Hearrá čohkká truvnnustis
eatnama gierddu bajábealde,
dan ássit leat sutnje dego rásselohkut.
Son lebbii almmi dego loavdaga
ja ceggii dan dego goađi.
23Son dahká oaivámuččaid duššin,
son luottahuhttá eatnama ráđđejeddjiid:
24Illá sii leat ceggejuvvon,
illá sii leat gilvojuvvon,
illá sii leat ruohtastuvvan
go son bosáda sidjiide,
ja sii goldnet,
ja riđđu doalvu sin dego oalggaid.
25Geanin dii veardidivččiidet mu,
gii lea mu láhkásaš? jearrá Bassi.
26
Jes 34,4
Bajidehket čalmmiid allagassii ja gehččet:
Gii lea sivdnidan buot dán?
Son gii geahčada násttiid veagaid
ja buktá daid ovdan,
son gii diehtá buot daid namaid.
Nu stuoris lea su fápmu,
nu nanus su váldi
ahte dain ii váillo oktage.
27
Jakob, manne don sártnut ná,
Israel, mo don sáhtát dadjat:
“Hearrá ii leat oaidnán mu vádjolusa,
mu Ipmil ii beroš mu áššis.”
28
Sál 145,3
Jes 42,5
44,24
45,12
Rom 11,33eč
Itgo don dieđe, itgo leat gullan?
Hearrá lea agálaš Ipmil,
son lea sivdnidan oppa eatnama.
Ii son váibba, ii son viesa,
suokkardallameahttun lea su viisodat.
29Son addá fámu váiban olbmui,
ja dasa geas eai leat fámut
son addá ođđa vuoimmi.
30Bártnit sáhttet váibat ja viessat,
nuorra olbmát sáhttet guossalit ja gahččat,
31
42,6
Váid 3,25
muhto dat geat vurdet Hearrá,
ožžot ođđa fámu,
sii bajidit soajáid dego goaskimat.
Sii vihket eaige viesa,
sii vádjolit eaige váibba.
Hearrá lea rávkan Kyrosa
411
43,26
Jaskkodehket!
Guldalehket mu, gáiddus eatnamat!
Gullet, álbmogat!
Bohtet ovdan ja sárdnot,
loaiddastehkot ovttas rievtti ovdii.
241,2 mannat vuoittus vuitui čujuha Persia gonagas Kyrosii, gii 540-logus o.Kr. manai vuoittus vuitui Uhca-Asias. Vrd. v. 25; 44,28; 45,1.Gii lea boktán nuortan olbmá
mannat vuoittus vuitui?
Gii addá álbmogiid su háldui
ja diktá su duolbmat gonagasaid?
Su miehkki rievdada sin gavjan,
su dávgi dahká sin sáđđun biggii.
3Son doarrida sin,
manná ovddos oadjebassan,
su juolggit illá guoskkahit luotta.
4
Jes 44,6
48,12
Alm 1,17č
2,8
22,13
Gean bargu dát lea,
gii lea dán dahkan?
Son guhte álggu rájes
rávkkai buolvvaid eallit.
Mun, Hearrá, lean vuosttamuš,
ja maŋimuččaid luhttege
mun lean seammá.
5Gáiddus eatnamat oidnet dan,
dat ballet,
oppa eanan doarggista.
Dat lahkonit, dat bohtet.
6Buohkat veahkehit
guhtet guimmiideaset,
sii roahkasmahttet nuppiideaset.
7
44,12
Leikejeaddji roahkasmahttá
gollerávdi,
dat gii dearppada veahčiriin,
roahkasmahttá dan gii liktuda golli.
Son rámida jugahusa
ja gidde ipmilgova návlliiguin,
amas juovzut.
Hearrá veahkeha Israela
8
Sál 136,22
Jes 43,10
44,121
45,4
48,20
49,3
Jer 30,10
46,27č
Israel, mu bálvaleaddji,
Jakob, gean mun lean válljen,
don, mu ustiba Abrahama nálli,
9
Jes 43,10
44,1
45,4
don gean mun vižžen
eatnama ravddas,
rávken dan olggumuš geažis,
don geasa mun celken:
“Don leat mu bálvaleaddji,
mun lean válljen du, mun in du hilggo!”
10
Jos 1,9
Jes 43,1
Jer 1,8
Sef 3,16č
Ale bala, mun lean duinna.
Ale vilppo balus, mun lean du Ipmil.
Mun nanusmahtán ja veahkehan du,
mun doarjjun ja gájun du
olgeš gieđainan.
11
Sál 6,11
35,4
86,17
Buohkat geat moaráhuvvet dutnje,
šaddet heahpadii ja bilkiduvvojit.
Dat geat čuožžilit du vuostá,
duššet ja jávket.
12Don ozat daid
geat dáistaledje du vuostá,
muhto it gávnna.
Dat olbmát geat sohte duinna,
duššet ollásii.
13Munhan lean Hearrá, du Ipmil,
mun doalan du olgeš gieđas
ja cealkkán dutnje:
“Ale bala, mun veahkehan du.”
14
Ale bala, Jakob, don máhtu,
don Israela unna jovkkoš!
Mun veahkehan du, cealká Hearrá,
du lonista Israela Bassi.
15
41,15 gordnecuvkenreahkan bargoneavvu gordneráidnemis.Mun dagan du bastilisávjjot
gordnecuvkenreahkan,
ođđa reahkan man biikkat leat bastilat.
Don cuvket váriid gavjan,
mollet dieváid sáđđun.
16
40,17
Jes 61,10
Don suohput daid áibmui,
biegga doalvu daid, riđđu daid biđge.
Muhto don beasat illudit Hearrá siste,
Israela Bassi lea du ávvu.
17
Jos 1,5
Hebr 13,5
Váivvášat ja vártnuheamit ohcet čázi,
muhto ii leat mihkkege,
goiku lea goikadan sin njuokčama.
Mun, Hearrá, vástidan sidjiide,
mun, Israela Ipmil, in hilggo sin.
18
Jes 30,25
43,20
Mun divttán jogaid golggiidit
báljes dieváide,
ádjagiid legiid gasku.
Mun dagan jakŋa meahci čáhceláttun
ja goikesáddo ádjagiid eanamin.
19
Mun gilvván sederiid ávdin meahccái,
mun šaddadan ádjui akasiaid, myrttaid
ja meahcceoliivamuoraid,
mun ceggen jalgadassii sypressaid,
beziid ja buksbommuoraid,
20vai buohkat oidnet ja dihtet,
jurddašaddet ja ipmirdit
ahte Hearrá giehta lea dahkan dán,
ahte Israela Bassi lea dán sivdnidan.
Hearrá vai eahpeipmilat
21Buktet ovdan din ášši, cealká Hearrá,
muitalehket ákkaideattet,
cealká Jakoba gonagas.
22
44,7
Loaiddastehket almmuhit midjiide,
mii dáhpáhuvvá.
Čilgejehket midjiide doložiid,
vai mii beassat guorahallat daid
ja ipmirdit, mii lea dáhpáhuvvan.
Dahje muitalehket midjiide
mii lea boahtimin,
23
Jer 10,5
almmuhehket mii
dáhpáhuvvá dás maŋás,
vai mii diehtit ahte dii lehpet ipmilat.
Dahket maid ihkinassii, buori dahje bahá,
vai mii buohkat beassat
geahččat ja oaidnit.
24
Diihan lehpet čabu dušši,
din dagut eai leat mahkkege.
Fasti lea dat ahte muhtun din vállje.
25
41,25 Davvin … olbmá seammá olmmoš gii bođii nuortan, gč. v. 2. Nuortta soahteveagat fertejedje mannat Syria ja Arabia meahci davábeallái vai besse Israelii.Davvin mun bokten olbmá,
rávken su beaivváža badjáneami guovllus.
Son duolbmá hálddašeddjiid dego muoldda,
dego láirelihttedahkki duolbmá láirri.
26
Guhtemuš dis muitalii dan juo ovdal,
vai mii livččiimet dan diehtán?
Gii einnostii dan,
nu ahte dál sáhtášeimmet dadjat:
“Son sártnui duođa.”
Ii oktage muitalan, ii oktage gulahan,
ii oktage leat gullan dis sánige.
27Muhto mun, mun okto
muitalin dan Sionii,
mun vuolggahin illuáirasa Jerusalemii.
28Mun geahčan biran,
muhto dás ii leat oktage,
ii oktage gii nevvošii,
ii oktage gii máhtášii vástidit
mu jearaldagaide.
29
Jer 10,3eč
51,17č
Duođaid sii leat čabu dušši,
sin dagut eai leat mahkkege.
Sin leikejuvvon báccit leat
biegga ja guorusvuohta.